نزلت لتحت وشافت الكل جالس تقدمت وسلمت عليهم وجلست وبحضنها جابر التفتت لأم أوس لمن اردفت:
ام أوس:جوري يمه اعطيني جابر
ابتسمت وهي تمد لها جابر التفتت لريم الي جالسه جنبها واردفت:
جوري:ريم أوس ماقال لك وين رايح
هزت راسها بالايجاب:قال عنده شغل اليوم وطلع بدري حتى ما افطر
هزت راسها بالايجاب والتفتت لأم أوس وابتسمت لها :خاله اذا متعبك اعطيني ياه
ام أوس:تعبه راحه يا امي انتي عادي
التفتت تدور اطياف واردفت:اطياف وينها
التفتوا كلهم لمن اردفت:حسيت ماتعيشون بدوني وجيت
قلبت عيونها ريم:ليتك ما سألتي
ضربتها اطياف:وجع
جلست جنب امها وسحبت جابر وهي ترفعه فوق وتلعبه واردفت:أوس طول قال بيجيب خويه من المطار وماشفنا وجهه
قرصتها ام أوس واردفت جوري باستغراب:يجيب خويه من المطار مو على اساس راح الدوام بدري
ريم رمقت اطياف بنظره وابتسمت اطياف بوهقه:اي هو طلع لدوامه بدري اليوم وقال بيجيب خويه
جوري :مين ...
ماكملت كلامها بسبب دخول أوس الي تقدم وباس راسه امه وجلس جنبها يحط يده خلف ضهرها واردف:اطياف اعطيني جابر
وقفت اطياف تعطي جابر لأوس ورقوا جميعهم فوق
استغربت والتفتت له:ليش راحو وش صاير
رفع كتوفه بعدم معرفه:مدري يمكن عندهم اشغال اهم شي انا وانتي لحالنا
سندت راسها على كتفه وشبكت يدينها بيدينه لكن ماهي ثواني وتصنمت بمكانها ماقدرت ترمش من الصدمه بسبب الصوت الي داهم مسامعها رفعت راسها لأوس وابتسم لها باتساع وهز رأسه بأيجاب يثبت لها شكوكها خذت نفس بتوتر والتفتت للخلف شهقت بصدمه وحطت يدها على فمها دمعت عيونها وضحك هو بهدوء وهمست بصدمه:
جوري:جابر
وقفت بسرعه وهي تركض له تضمه بادلها الحضن ووقف أوس يناظر فيهم وبيده جابر ابتسم وهو يشوف جوري بحضنه نزل راسه وهو يسمع صوت بكاها رفع يده يمسح على شعرها ويدفن وجهه بكتفها بكت بشكل مرير بشكل اول مره أوس يشوفها تبكي بهالشكل ابتعد عنها جابر ورفع يدينه يمسح دموعها باصابعه واردف :
جابر:يعني بتستمرين تبكين
هزت راسها بالنفي وضحكت من بين دموعها وهي تمسحهم بسرعه نقلت نظرها بينه وبين أوس واردفت :
جوري:ليش ماقلتوا لي
جابر حاوط اكتافها وهو يمشي معها واردف أوس بمجرد ماجلسوا :ماراح تصير مفاجاءه لو قلنا لك
التفتت تناظره واردف جابر:عشان ما اكذب ماكنت راح اجي لو ما أصر علي أوس
ناظرت أوس بامتنان ووقف جابر وهو متجه لأوس:
جابر:هات سميي
ابتسمت جوري لمن شال جابر وجلس وهو بحضنه واردفت:يشبهك جابر
وسع عيونه أوس:ولا هو يمه ولدي يشبهني انا
ضحكت جوري وهي تناظرهم يتهاوشون على جابر ومن يشبه لمعت عيونها بحب وفرح للحظه ذي
طلعت من غرفتها ونزلت تحت شافت اسير يتغدون تقدمت واردفت:
وهج:صباح الخير
اسير ناظرها وناظر الساعه:اي صباح الظهر الحين
تنهدت وجلست :شسوي ياربي نومي مدري شلون صاير
ناظرها واردف:صليتي
هزت راسها بالايجاب:اي قبل لا انزل صليت
اسير نزل راسه:وهج ترا الملكه بعد اسبوعين
رفعت راسها بصدمه:وش
اسير رفع راسه:وهج حبيبتي الملكه بعد اسبوعين
وهج خذت نفس:اسير صادق انت
هز رأسه بالايجاب :اسير تكفى وش بعد اسبوعين مايمدي اسوي شي
وقفت الجده وهي تبعد عنهم وتقدم لها:يمدي ماعليك قلت لك بساعدك صح
وهج حطت يدها على راسها:تساعدني بأيش اسبوعين تقول اسير
اسير:ماعليك ماراح تكونين لوحدك بيساعدونك البنات
وهج التفتت له:اسير اسمعني البنات مين اذا شروق وغروب سافروا وزوجه قيس توها جابت مين بيساعدني
اسير تنهد:انا بساعدك تمام ترا ملكه يعني ماله داعي تشطين عمرك
تنهدت وهي تناظره وابتسم لها:ما سرعته الا اني ابيك تكونين حليلتي واجلس معك براحتي
رفعت راسها له تناظر ملامحه وبسمته الي كانت تبعث فيها شعور الراحه والطمأنينة ضلت لمده وهي تناظر ملامحه ضحك واردف:
اسير:وهج بنت
فزت وهزت راسها بالنفي:مافيني شي
اسير:متأكده
سكتت لثواني وهي تناظره واردفت :اسير تدري اني محظوظه فيك تدري ليش
ناظرها واردف:ليه
وهج:لأنك ما اكتفيت بكونك حبيب لي انت صرت اخ واب وبتصير زوج انت صرت كل شي حولي بوقت ضيقتي كنت موجود وبوقت فرحتي كنت موجود حتى لمن تركتني انت تركتني عشاني انا تحملت كلام يوسف عليك كل هالمده وضربه لك عشاني انا،انا بحياتي ماقابلت احد يحارب عشاني بهالشكل ويقدم كل شي يقدر عليه لأجل يسعدني على كثر المشاكل والعقبات الي مرينا فيها انت مافكرت تبعد عني او حتى انك تخوني ولو مجرد التفكير أسير انت بفتره بسيطه احتليت كل تفكيري
اتسعت ابتسامته بصدمه وهو يسمع كلامها اول مره وهج تعبر عن مشاعرها كذا رفع راسه لثواني ورجع يناظرها واردف :بقولك شي بيعبر عن كل شعوري تجاهك انتي مثل ماقال محمد عبده جيتني مثل الشروق الي محى عتم الليالي ،انتي حاسه انك خذيتيني مني ومن العالم حولي انا قلبي صار لك انتي ماصار لي صرت اتنفس عشانك وهج
ناظرته واردفت:أسير انت تكملني وانا اكملك حنى بدون بعض مانكتمل
ابتسم وهو يحك جبينه:الوضع صار خطير
ابتسمت بالمثل:الظهر عاد جازت لي الاعترافات
ضحك ورجع يدينه للخلف وارتكى :متى دوامك
وهج:بكرا عندي محاضره الساعه ٩
أسير:عند مين
وهج رمشت :الدكتور عادل
التفت لها وابتسمت له:ترا محاضره
أسير هز رأسه:مايعجبني هالدكتور
وهج:وش بينكم
أسير هز كتوفه:انا بنفسي ماعرف
وهج عقدت حواجبها:شلون يعني
اسير:يعني خالق مشكله سببها معروف له بس هو
هزت راسها بالايجاب:غريب
هز رأسه والتفت لها ابتسمت له وبادلها الابتسامه
