بسم الله الرحمن الرحيم:
كانت واقف تناظر بالجميع التفتت لهِتاف الي وقفت جنبها:
هِتاف:غروب قيس اتصل علي يقول يبيك
غروب:شعنده؟
هِتاف:مدري يقول خل تطلع لي بالحوش
هزت راسها بالايجاب:بطلع اشوفه
طلعت برا ووقفت تنتظره يجي استغربت عدم مجيئه ومشت بهدوء لقدام استوقفت وهي تشوفه معطيها ضهره عقدت حواجبها واردفت :قيس؟
تقدمت له ومسكت كتفه التفت باستغراب وارتخت ملامحه بهدوء وصدمه وهو يشوفها ناظرت فيه ووسعت عيونها تراجعت للخلف شهقت لمن صدمت بشي وكانت واح تتعثر لكن بحركه سريعه منه تقدم لها بسرعه وحاوط خصرها غمضت عيونها من حست بيدينه تحاوطها فتحت عيونها بهدوء والتقت بعيونه زاد تنفسها بشكل سريع وابتعدت عنه بسرعه واردف:
غروب:اسفه حسبتك قيس
هز رأسه والتفتت تبي تمشي لكن تقدم لها بسرعه ومسك يدها وسحبها تجاهه شهقت وناظرت فيه بصدمه:ياسر
ياسر :انا اسف
غروب اعتدلت بوقفتها:على وش بالضبط
ياسر:اسف لاني قطعت جيتي
غروب :ماكنت ملزوم تزورني كل يوم
ياسر حك جبينه واردف:للحين عند اتفاقنا
تكتفت ورفعت حواجبها بهدوء:مو المفروض انا اسأل
تنهد:غروب انا ابيك
بلعت ريقها بصدمه ورفعت راسها تناظر وجهه :انا صدق ابيك وانا عندي اتفاقنا للحين عندي ظروفي ماجيتك
غروب هزت راسها:انا م الومك
ياسر:ليه انتي هاديه كذا
غروب :ذي انا مو غريبه علي يعني
ياسر :قولي الكلام هذا لشخص مايعرفك جلست معك تسع شهور ادري وش يعني هدوئك ان دل على شي فهذا يدل على زعلك
غروب:ازعل بصفتي ايش
ياسر ناظر عيونها وتوترت شتت انظارها:طالعي عيوني غروب وقولي وش بتخسرين
غروب :ماعندي شي اقوله لك
ياسر:الا عندك
غروب :مدري وش تقصد بالضبط انا لازم ادخل خلاص
ياسر جاء بيتكلم لكن قاطعه وجود ملاك الي ركضت ناحية غروب نزلت لمستواها غروب وابتسمت لها باست خدها والتفتت ملاك لياسر:خالو ماما تقول نبغى نروح
رفعت راسها تناظر فيه باستغراب:خالها
هز رأسه بالايجاب ونزل لمستوى ملاك مد يده يمسك عضد ملاك ولامست يده يد غروب توترت وسحبت يدها بسرعه بين يدينه وقفت بسرعه وابتعدت ابتسم واردف بصوت شبه عالي من صارت بعيده عنه:غروب
التفتت له واردف:البسي اللون الاحمر بالمره الجايه
وسعت عيونها ومشت بسرعه للداخل لمن فهمت مقصده دخلت وحطت يدها على قلبها تحسست ضرباته القويه خذت نفس ومسحت على شعرها رسمت على وجهها ابتسامه تخفي توترها ودخلت للداخل ناظرت هِتاف واردفت:
هِتاف:وش يبغى
غروب باستغراب :من
هِتاف:غروب شفيك قيس
غروب :اها مايبغى شي
هزت راسها هِتاف بالايجاب ومشت تساعد هيفاء تقدمت لها غروب واردفت باستغراب:وش تسوين
هِتاف:بساعد عمتي
غروب:مجنونه انتي اقول اجلسي انا اساعد امي
هِتاف:يابنت عادي مو صاير شي
غروب:ترا بقول لقيس اجلسي احسن
ابتسمت هِتاف وجلست واتجهت غروب تساعد امها ناظرت هِتاف بغروب وتغيرها الجذري صارت احسن من قبل بكثير الضحكه والبسمه دايم مزينه وجهها وهذا الي يليق فيها ومو شي ثاني
