انفتحت الابواب وبان للحظور زينها وطلتها خطت خطوه وبعدها خطوه على صوت الزفه الي اختارها لها ابوها بوقت حيرتها ساعدها باختيارها:
"خذها امانة ياحفيظ الامانه
اغلي الغوالى فيدينك امانه
اتصونها صون الكرام العفيفات
و لها بقلبك قبل بيتك مكانه
من نورها تستر بلاد و مجرات
بها تحير لى بديع بيانه
لى شافها شاف الهنا و المسرات"
ابتسمت بخفه ومشت بخطوات متزنه،وصلت للكوشه والتفتت للخلف تناظر الابواب رجف قلبها وشدت على مسكتها بتوتر وهي تشوفه ويدخل وخلفه ابوها وعمها محاوطينه من الجهتين وبجانبهم يوسف ابتسمت لمن طاحت انظارها بعيون ابوها الي ابتسم لها وكأنه عارف بتوترها رجفت يدينها لحظة قربه لها ابتسم وهو يسلم عليها غمضت عيونها وقت ملامسة خده لخدها وهوسها بوسط اذنها :
أسير:ابارك لنفسي بفوزي فيك
ابتعد عنها وبلعت ريقها تسلم على ابوها وعمها ويوسف جلست وكان بجانبها التفتت له لمن لامس يدها وشد عليها نبض قلبها بقوه ماعهدتها من قبل ابعدت نظرها بسرعه المشاعر الي تجتاحها الحين مشاعر اول مره تحس فيها مشاعر مو مثل اي مشاعر حست فيها رفعت راسها لشروق الي قربت تهمس بأذنها ووسعت عيونها بسبب الي قالته:
شروق:شرايك تكتمل الليله واشغل لكم اغنيه ترقصون عليها
وهج هزت رأسها بالنفي بدون لا تنطق بحرف ابتسمت لها شروق وغمزت :بشغل استعدي
ابتعدت عنها شروق وغمضت عيونها وهج بخجل لمن سمعت صوتها تتكلم لكن سرعان ما افتحتها لمن اردف أسير بأذنها:
أسير:وهج عمي
رفعت رأسها لأبوها الي كان ماد يدينه لها ضحكت بعدم تصديق والتفتت لشروق الي غمزت لها من بعيد ورجعت تلف لأسير الي هز رأسه بالايجاب مدت يدها لأبوها وسحبها اشتغلت الاغنيه وبدت ترقص وهج مع ابوها على الانغام ضحكت وهي تشوف ابوها يرقص معها دمعت عيونها واقترب لها يحظنها بسرعه بادلته ورفعت رأسها لأجل ماتبكي رجعت تجلس بجانب أسير التفتت له وابتسم يقترب لها ويهمس بأذنها:
أسير: أنتِ العوض عن ماضي أيامي السود
و أنت ِالقبال السمح و أصدق مرادي
وهج ناظرته :خلاص أسير انتهى صرنا لبعض
ضحك بسبب نظرتها وهز رأسه بالأيجاب:رغم كل الي صار انا لك وانتِ لي صبرنا ماكان وراه الا السعاده
وهج هز رأسها بألايجاب:الملا كلهم شهدوا على ارتباطنا أسير ابي اشرح لك الي بداخلي بس مو قادره انطق
أسير ناظر عيونها:انا فهمت الي بتقولينه من عيونك الي شرحت كل شي بدون كلام
ابتسمت باتساع ابتسمت بطريقه ماقدرت تخفيها عن عيونه ابتسم لها وضم يدها وشد عليها التفتت تناظر البنات الي كانوا يصورونهم من بعيد وهزت رأسها بهدوء اليوم هذا بالذات غير بكل شي من بدايته لنهايته الي جمعتها مع اكثر انسان تحبه بعد مُعاناه وعوائق كثيره قدرت تجتمع فيه قدام الملا قدام الكل بدون خوف من اي احد بدون شخص ثالث يدمر علاقتهم
|بعد مرور ثمن سنوات|
ارتكى على الباب يناظرها تتجهز للجمعه اقترب لها ومسك اكتافها رفعت رأسها تناظر فيه ابتسمت له والتفتت تناظره وقفت واشرت على نفسها:
غروب:شرايك طالعه حلوه في شي ناقص
سكت وبلع ريقه كانت ايه بالجمال وتسأله عن رايه حط يده على فمه وهو يناظرها ميلت راسها واردفت باستغراب :
غروب:ياسر؟
هز رأسه بالأيجاب وضحكت لمن عرفت انه خجل قربت له تستغل الوضع ورفعت نفسها تبوسه مسك كتوفها وبتعدت عنه تضحك:
غروب:ياسر تكفى ليش تستحي
حك جبينه:استحي وش تقولين انتي
رفعت كتوفها بعدم معرفه ومسك يدها يناظرها واردف:والله هالليله ما مثل زينك زين
بمجرد ما انتهى من كلامه طبع بوسه على خدها والتفتوا جميعهم على بكاء <ملاذ> رفعت كتوفها غروب :
غروب:تعودنا
اتجهت لها تشيلها وابتسم ياسر واردف:ماتصير ملاذ اذا خربت
رفعت حواجبها غروب: على جوك
ضحك وهو يحك ذقنه:تنقذني بعض الاحيان بنت ابوها
ضحكت :طبعا تستانس عليها
ناظروها تبتسم واتجهه لها ياسر يشيلها واردفت غروب:
غروب:ياسر بلبس ونطلع
هز رأسه بألايجاب واتجهت غروب تاخذ عبايتها وتلبسها بعد ما انتهت اتجهت لياسر وملاذ مد يده ياسر لها ومسكت يدينها شبكت اصابعها باصابعه وابتسم ،ركب السياره والتفت لملاذ الي بحضن غروب واتجهه للشاليه الي حجزوه الكل لأجل يجتمعون فيه بعد مرور نص ساعه وصلوا للشاليه ونزلت غروب وبيدها ملاذ وخلفها ياسر ابتسمت لمن صادفت قيس وهِتاف تقدمت لهم وضحكت وهي تناظرهم يحاولون ينزلون غروب :
غروب:السلام عليكم
التفتوا لها وردو السلام واردفت :شفيكم
ناظرها قيس واردف:تدرين غروب انا الغلطان الي سميت بنتي عليك خذت مو بس الاسم خذت الصفات شلون انزلها بالله
التفتت غروب لياسر ومدت له ملاذ شالها ومشت غروب للسياره نزلت راسها وناظرت بغروب واردفت :
غروب:غروبي
التفتت لها غروب الصغيره وابتسمت تمد يدينها لها:عميمه
ضحكت غروب وهي تشيلها:عيون عميمه
التفتت لقيس وهِتاف واردفت :تمت جيبوا العيال وتعالوا
مشت للداخل ومعها غروب بينما هِتاف وقفت تشيل ولدها<هادي> دخلت للداخل وفضحت عبايتها ناظرت غروب وتقدمت لها تسلم عليها وابتسمت غروب لهادي وهي تنزل لمستواه:
غروب:حبيبي كبران تعال عطني ضمه
تقدم لها وهو يضمها وابتسمت هِتاف تاخذ ملاذ من قيس الي جابها من ياسر ناظرته واردفت:
هِتاف:قيس خذ هادي معك شوي هناك احس ماراح يرتاح هنا
هز رأسه بالأيجاب وحاوط اكتافها يبوس رأسها :ابشري
نزل لمستوى هادي واردف:هادي أبوي امش معي نشوف جدو
مشى هادي مع قيس وطلعو للجهة الرجال
|الليل|
دخلت شروق وهي تناظر البنات واردفت:
شروق:بنات اسمعوا العيال بيدخلون نبي نستانس مع بعض دام انها اخر طلعه ف ياحبيباتي كل وحده تاخذ عيالها انا نومت عبد العزيز ولين ومعهم عيالك نُهى سلاف نامت مع لين وملاك جالسه تلعب بالغرفه عندهم على وشك النوم
غروب التفتت تناظر ملاذ:ملاذي نايمه
هِتاف:غروب وهادي خذاهم عمي معه البقاله
نُهى التفتت تناظر جوري الي بالثمان سنوات قدرت تقابل غروب وتتعرف عليها وتقربت بشكل كبير مع العائله بسبب علاقة أوس وياسر مع بعض ناظرتهم واردفت:لا تناظروني عيالي هاديين
الجميع التفت لوهج واردفوا:انتي بالذات توأمك ينامون تسمعين
وهج:لو تموتون أسير يبيهم
التفتوا يناظرون عيال وهج وريف و سامي واردفت غروب:خلوهم حرام واضح ماراح يسون شي
شروق:اي هين المهم العيال بيدخلون البسوا وبنجلس نشوي ونتعشى مع بعض
هزوا رأسها بالأيجاب واتجهوا البنات يلبسون وماهي بضع دقايق ودخلوا العيال ابتسمت غروب وهي تشوف الكل داخل اعمامها وازواجهم اتجهت تجهز لهم الجلسه ورتبتها بحيث كل شخص يكون جنب الشخص الي يبيها وبحدود شوي بعيده عن باقي الاشخاص رفعت الكاميره الي جابتها لأجل تصور الكل فيها وتخليها ذكرى اتجهت للعيال وهي تصورهم وبعدها البنات وقفت قدام البنات واردفت :
غروب:بنات جبت الكاميره هذي ابي احطها بمكان يوضح الكل فيها واهم شي الجلسه
وهج صرخت بحماس :كفو غروب عاد والله كنت افكر نوثق اللحظه وناخذ صوره جماعيه
غروب:افا عليك مدبره الاوضاع
شروق:غروب اعطيني اثبتها بمكان يوضح الكل فيه
هزت رأسها بألايجاب ومدت الكاميرا لشروق والتفتت تناظر جوري الي ماكانت موجود ابتسمت لمن لمحتها مع أوس جالسين مع بعض وبينهم عيالها جابر و سمو ابتسمت والتفتت لمن اقترب أسير واردف:
أسير:يلا بسحب زوجتي اتوقع كحلتو عيونكم خلاص
شمقت لهم وضحكوا تقدم لهم يوسف واردفت:
غروب:شروق راحت تثبت الكاميره دورها
ضحك :ماشاءالله مقفوط
هزت راسها:مضيعين حاريمكم عندي
نُهى ناظرتها :انا اروح احسن ها
ضحكت غروب:حجه هي روحي
اتجهت نُهى لبسام وابتسمت غروب تناظر الكل مجتمع مع زوجته وعياله تنهدت والتفتت تناظر بياسر الي حاوط اكتافها وابتسم :حلوه النهايات السعيده صح
هزت رأسها بالأيجاب:نهايه يستحقها الجميع
ابتسم وصفر يلتفتون له واردف:يلا العشاء
تقدموا الكل وجلسوا بالجلسه الي زينتها غروب كان الكل جالس ومبسوط ناظرت عمها وأسير وابتسمت تحسنت علاقتهم حيل وتطورت كثير والتفتت تناظر نُهى وبسام الي فعلا الحب كل ماله يزيد بينهم ورجعت علاقتهم اقوى من قبل اخذت نفس ووقفت بعد ما انتهى العشاء وتعشى الجميع :
غروب:بما اننا داخلين سنه جديده ناخذ صوره جماعيه لنا
ابتسم الكل لها معبرين عن موافقتهم لرأيها واتجهت تجيب الكاميرا تثبتها بمكان يوضح الجميع فيها ضبطتها ومشت بسرعه توقف بجانب ياسر الي حاوط اكتافها وابتسم الكل للكاميرا وبدا العد التنازلي التقطت الصوره وضحك الكل بعد ماشافوا الصوره بسبب قدوم الاطفال المفاجئ وظهورهم اللطيف بالصوره
.
.
.
النهايه
انتهى مشوار ماقدر اقول عنه سنه طبعا ذي الروايه استنزفت كل طاقتي ورغم كل هذا احبها والحمدلله ختمتها بعد مشوار طويل ومتعب ماتتخيلون قد ايش هذي الروايه تعني لي ارشفتها يمكن ثلاث مرات وكنت ناويه ما اكملها لكن ماقدرت اتركها واترك كل المشاعر والاحاسيس الي بداخلها كذا بدون نهايه حبيت اشاركها معكم والحمدلله اني شاركتها معكم عرفتني على الطف متابعين ماكانوا مجرد متابعين كانوا اخوات طبعا الروايه ذي مو نهاية المشوار بالعكس هي البدايه لمشوار وطريق جديد🥹💗
-
تم الختام بتاريخ:
"8/1/1445"
"26/7/2023"
