بسم الله الرحمن الرحيم:
وقف السياره امام بيتها ولف لها يناظرها بترجي ناظرت بعيونه ببرود وفتحت الباب تنزل من السياره وتدخل البيت حطت يدها على صدرها لمن حست بالاختناق مشت بخطوات غير متزنه ودخلت للداخل شافها يوسف وعقد حواجبه باستغراب وسع عيونه لمن شافها تترنح ركض لها ومسكها قبل لا تتعثر على الارض جلس على الارض وهي بين يدينه واردف بخوف:
يوسف:وهج أبوي شفيك
امتلت عيونها بالدموع تناظر فيه واردفت :يوسف تعبت
يوسف بنبره حنونه:شفيك ياعيون اخوك
طفحت من كمية الحنيه الي يهلها عليها اشرت على نفسها:شوفني باقي انا وهج
سكنت ملامحه من سؤالها واردف بابتسامه:انتي وهج ابوي ووهج يوسف ووهج امي وجدتي انتي وهج حياتنا وش هالسؤال
وهج ارتمت باحضانه:بس انا مو وهج له استاهل الخيانه انا و تدمر فرحتي عشان شي تافه و انترك بيوم تخرجي
وهج ابتعدت عنه وهي متمسكه بملابسه:انا يوسف مابحياتي اغمى علي اليوم يغمى علي بسبب الحزن يوسف ارجع اسألك انا وهج
يوسف وسع عيونه يسمع كلامها مسك كتوفها وشد عليهم وهزها :وش تقولين انتي من هذا
سكتت بعدم مقدره على الكلام صوت بكاها فقط هو الي يتردد بالمكان صرخ عليها وهو يهزها اكثر:وهج من هذا اقولك
وهج كانت تبكي بين يدينه وهو يهزها كثير الي يصير عليها صراخ يوسف وانهياراتها من الداخل :لا تزيدها علي يوسف
يوسف سحب نفس وهدا نفسه لأن يدري عصبيته ماراح تجيب نتيجه:وهج قولي لي من هذا الي كسر قلبك وبكاك من الي خلاك تعيشين شي انتي ماعشتيه بحياتك من ذوقك المر وتجرأ يأذيك وحنى وراك من هذا قولي لي من والله لا اكسر عظامه واندمه على الساعه الي فكر فيها يجرحك بس قولي من يكون
وهج هزت رأسها بالرفض:ماتقدر
يوسف عقد حواجبه:وليه ماقدر قولي لي اسمه من يكون وهج انا اخوك لازم تقولين لي عشان مايحسب انه ماوراك احد
وهج ناظرت فيه بتردد وابتسم بهدوء يطمنها واردفت :أسير
فلتها من بين يدينه وناظر فيها بصدمه يبي يستوعب الكلام الي قالته ولد عمه هي بعلاقه مع ولد عمه يمكن لو قايله شخص غريب بيقول مراهقة بنات ونزوه بس اسير وش يقول عنه اسير ولد عمه فاهم مو مراهق بالعكس مدت يدها تمسك كتفه واردفت بدموع:يوسف
يوسف ناظر فيها ومسك يدها يبعدها :ليه ياوهج ليه اسير بالذات
وهج شهقت :مو انا اخترت مو انا قلبي اختاره يوسف حس فيني تكفى مو بيدي الخيار انت تدري انه مو بيدي الخيارات
يوسف مسح على وجهه ووقف:انا باخذ حقه منك بس صدقيني الموضوع ماراح يمر مرور الكرام
وهج وقفت بسرعه لمن شافته يبي يروح :لا يوسف تكفى انا م اشكي لك وابين ضعفي عندك عشان تروح له
يوسف ابعدها عنه:قلت لك الموضوع ماراح يمر مرور الكرام لا عليه ولا عليك انتي خنتينا مع اسير وهج اسير خلصوا الناس عشان يبقى اسير بس انا م اشره عليك انتي توك صغيره اشره عليه هو كيف راضي على نفسه بس دواه عندي
مشى من عندها وبكت ماكانت تبي الامور توصل لهنا
نزل من السياره وضرب الباب بقوه عيونه معميه بسبب الغضب الي سمعه من وهج واعترافها له ماكان عادي ابدا دخل للداخل وصرخ بأسم اسير عقد حواجبه من الصراخ الي كان مصدره الصاله نزل تحت وقف امامه واردف باستغراب:
أسير:يوسف وش ب
قطع كلامه بلكمه على وجهه تراجع للخلف ومسك فكه بصدمه رفع راسه وتقدم له يوسف ومسكه مع ياقته واردف بقهر:اختي أسير اختي
ناظر فيه اسير بصدمه:يوسف اسمع
صرخ عليه يقطع الكلام وضربه للمره الثانيه:اختي الي ماقد بكت انت تبكيها صغيره ياحقير توها على الحب تلعب عليها وتتركها كذا تدخل المستشفى وانا مدري وانت السبب بنت عمك ياحيوان بنت عمك هذي شلون تسوي فيها كذا
اسير مسح الدم الي نزف بسبب جرح بشفايفه رفع راسه يناظر بيوسف الي واضح القهر عليه:فاهم غلط يوسف خلني اشرح
ضحك بقهر ومسك مع ياقته وهزه:وش تشرح ،تشرح لي سواد وجهك انا ابي افهم خلصوا البنات توها مراهقه ماتدري وش الغلط وش الصح بس انت فاهم شلون تلعب عليها وتتركها ليه توهمها دامك مو قدها
امتلى صدره من كثر العتاب يسمع كلام يوسف له وهو للحين ماتخطى جرح كلامها يسمع العتب منها ومنه طيب ليه مايسمعون عن اسبابه ليه مصرين يكون هو الغلطان وهم الصح يبي يبرر بس محد معطيه مجال خلاص طفح الكيل وصبره نفذ مسك يدين يوسف ودفه بعيد عنه وصرخ:
اسير:أسألني ليه محد يسأل عن حالي ليه الكل يلومني على الي يصير ياخي قولي وش الي خلاك تسوي كذا وش ماسكين عليك انتم شلون تتخيلون اني قادر اخونها ليه محد يفهم انها كانت ولا زالت دنيتي
ضرب على صدره:انا مجبور تفهم شلون مجبور ضحيت بحبي عشان احمي اختك تعرف وش معنى تخسر راحتك بس عشان راحة شخص ثاني تخسر كل الي حولك عشان شخص ثاني
عقد حواجبه واردف بقهر:وش تحمي من تحمي انت
اسير :دامك عارف والاوضاع مكشوفه انا كنت احميها عشان ماتخسرون ثقتكم فيها عشان ماتحس بشعور فقد الاهل بس دامها هي الي كشفت نفسها ليه اضغط على نفسي اكثر
قرب له :اختك يالغالي تارا تهددني بصورها وانها بتنشرها انا ضحيت عشانها تسمع
تقدم له وضربه على صدره وتراجع اسير للخلف:وش قاعد تقول انت وش صوره
سكت اسير يثبت ليوسف الشكوك الي تتراود بباله شد على شعره يوسف:وش السبب وش مصلحتها
أسير :انا السبب وانا المصلحه الي بتكسبها
يوسف تقدم له وشد على ياقته:والله اسير ان تأذت اختي من ورا تارا احرقك واحرقها معك وتارا هذي انا اعرف شلون اتصرف معها واخذ الصور الي بين يدينها
أسير مسك يدينه يبعده:انا احل موضوع الصور مالك شغل انت
يوسف:ماني منتظرك
ناظر فيها بقهر وخيبه وطلع من عنده تنهد ومسح على وجهه وهو بباله خطه بس مايبي يوسف يتدخل لانه بيخرب كل شي ومايبيه يشوف صورهم مع بعض وقتها صدق بيجن جنون يوسف
