بسم الله الرحمن الرحيم :
ما اسامح الي يقرا بدون لايك ⚜️:
البارت مئه وسته:
تنهدت غروب وهي تسمع شهقاتها اجتاحها تأنيب ضمير قوي لمن حست انها سبب بحال شروق الحالي مسكت شروق من كتوفها وابعدتها عنها مدت يدينها وهي تمسح دموعها باطراف اصابعها واردفت :
غروب:اسمعيني انا مستحيل احب شخص انتي تحبينه ومستحيل حتى لو حبيته اني اخذه انتي اختي انتي جيتيني شروقي وقت عتمتي انا ماني قريبه لأحد هالقرب الا انتي الوحيده الي كل مره ارجع للي كنت فيه تطلعني منه انتي مصدقه اني ممكن احبه واخذه؟
شروق رفعت عيونه ورجعت شعرها خلف اذنها:ومشاعره تجاهك؟
غروب :قلتيها مشاعر المشاعر اذا مالقت لها مقابل تموت تختفي حتى لو طالت تختفي بالنهايه اسمها مشاعر وترا الي يمر فيه يوسف مجرد اعجاب وبتشوفين هو مو عارف نوع الشعور الي يمر فيه عشان كذا يقولك احب فيه فرق بين انه يحب وانه معجب
سحبت نفس واردفت:واذا ماحبني متخيله غروب كل هالسنين وانا اقرب له من رمشه وما لاحظني انتي تدرين لمن اشوفه قلبي يفز له مثل اول مره وكأنه حبه كل يوم يتجدد انا من كثر حبي له نسيت روحي غروب نسيت روحي تعرفين وش يعني حبيته اكثر من اي شخص الشعور يوجع والله يوجع انك تحبين واحد هو بالنسبه لك حلم و الواقع لغيرك
شهقت وهي تطالع بغروب تنهدت غروب وضمتها واردفت:يوسف اذا ماكان لك مايصير لغيرك خوذيها وعد مني
ابتعدت عنها شروق واردفت بخوف:وش بتسوين غروب
ابتسمت غروب :خليها علي لا تخافين يوسف بيكون لك وبيحبك مابسمح يكون لك حلم ولغيرك واقع بيكون حلمك وواقعك غيره ماراح يكون اي شي لأحد
شروق مسكت يدينها:انا احبه اي بس مابي يتأذى غروب تكفين
غروب:تثقين فيني؟
شروق ناظرت فيها وهزت راسها:اكيد
غروب:خلاص اجل لا تشيلين هم استمري بحبه ولا تحطين حدود وحاجز
شروق ابتسمت وضمتها:الحمدالله انك اختي ياغروب
ابتسمت غروب وهي تشد عليها:خلاص يلا قومي امي الحين تعصب كلنا مختفين
ضحكت شروق وابتعدت عنها ووقفت هي وغروب:يلا امشي
طلعت من الغرفه ومعها غروب متجهين للصاله عند الكل
بسم الله الرحمن الرحيم :
ما اسامح الي يقرا بدون لايك ⚜️:
البارت مئه وسبعه:
شد عليه لاجل يحسسها انه معها يسمع صوت شهقاتها المكتومه بسبب انها دافنه وجهها بكتفه ماهان عليه انهيارها للدرجه ذي عوره قلبه ووده لو يقص لسانه على كلامه لها لعن نفسه وتارا واهلها بسبب الي تمر فيه وهج نزل راسه لمن حس بهدوءها من بين يدينه عقد حواجبه واردف بخوف وهو يهزها بخفيف:
اسير:وهج
شدت على ثوبه تطمنه زفر براحه واردف:يابنت خلاص انا معك لا يضيق صدرك وأنا لك سند يعلم الله ضيقتك من ضيقتي لا تبكين
رفعت راسها ومسحت دموعها وناظرت فيه :تدري من لي بعد ربي وابوي ويوسف
سكت وهو يطالع بعيونها الي تحمل فيها شلالات من الحزن واكملت:انت اسير
طال سكوته وارتسمت شبح ابتسامه على وجهه مايبي يفرح نفسه لأنه زعلها وكأنه حالف باللحظه ذي الفرح مايزور باب قلبه دام انها انهارت بحظنه بيحرم نفسه لذة كلامها الحلو استغربت سكوته واكملت بهدوء بعد مانزلت انظاراها ليدينه الي متمسكه بيدينها:دخلت حياتي بفتره قصيره مدري شلون احتليت كل انش بقلبي بالفتره ذي انت جيتني عوض اسير
ابتسم بهدوء ونزل انظاره ليدها واردف بنفس الهدوء الي محتله :تدرين خالد عبدالرحمن وش يقول
رفعت انظاراها له تنتظره يكمل كلامه ورفع راسه طاحت عيونها بعيونه واكمل وهو يبتسم بوجهها :
جاني وانا مالي بالحب ميول
وحببني بسوالف ماكنت احبها
حست بشي يداعب قلبها من الداخل وابتسمت بهدوء واكمل لمن لمح ابتسامتها: من بعد الله مالي الا انتي وهج هذا الفرق بيني وبينك انتي صرتي كل دنيتي صرتي متمحور حياتي متخيله اصحى انام قلبي قبل عقلي عندك انا مو جالس اعيش لنفسي انا جالس اعيش لك وهج انتي بعد كل هذا مصدقه ان ممكن ارضى بيوم من الايام اصحى واشوف وحده غيرك جنبي افطر واشوف وحده غيرك قدامي او اني اضحك على سوالف وحده غيرك او اسمع فضفضه وهموم احد غيرك وهج انتي مو شي بسيط بحياتي انتي صرتي كل حياتي انتي تفهميني
انمحت ابتسامتها بصدمه من كلامه وانطلاقته بدون توقف بالحظه ذي تحلف انه قلبها من كثر ماهو يتراقص بالداخل لو قال كلمتين زياده ممكن يطلع من مكانه ابتسمت بتوسع واردفت بكل حب وبكل مايحمله قلبها من شعور:
وهج : ومثل مايقول خالد الفيصل
انت والله حبيبي وانت والله داري
ابتسمت وهو يسحبها لحظنه للمره ثانيه لكن الفرق هالحضنه مليانه مشاعر وحب عكس الي قبلها مليانه انهيار وحزن
بسم الله الرحمن الرحيم :
ما اسامح الي يقرا بدون لايك وكومنت⚜️:
البارت مئه وثمانيه:
|بداية يوم جديد للكل|
فتحت عيونها بهدوء ورمشت اكثر من مره تستوعب الي صار تنقلت انظارها بالغرفه واستقرت عيونها عليه واقف امام المرايه بشورت فقط وعاري الصدر شدت اللحاف على جسدها ورمشت لمن لف لها وهو يناظر فيها ببرود ومد يده يسحب تيشيرته الي كان بالكرسي القريب منها غمضت عيونها بخوف ورجعت فتحتهم لمن سمعت ضحكته الساخره وشافته يلبس تيشيرته عضت شفتها بقهر لمن خرج من الغرفه وقفت وغمضت عيونها بألم تنهدت واتجهت للحمام"تكرمون" بعد نص ساعه تقريبا خرجت من الغرفه واتجهت المطبخ شافته واقف امام الطاوله يجهز قهوته لأجل يروح لدوامه سحب الكوب وهو يرتشف منه رشفه دمعت عيونها بقهر منه ومن الي سواه معها ولحظة قربه لها بالأجبار وغصبا عنها تقدمت له وضربته بقوه على ضهره كح بصدمه وتناثرت القهوه لمن انعدم اتزان يده بسبب ضربتها له لف عليها واردفت بقهر وهي تناظر فيه:
جوري:حقير
تكتف وهو مايبي يمد يده عليها وناظر فيها ببرود فارت اعصابها واردفت:مستانس الحين
اردف ونظراته صامده على نفس البرود:أنتي الغلطانه
ضحكت بقهر وكانت انظاره مرتكزه عليها سكتت وهي تطالع فيه ونزلت دموعها بقهر :صرت الحين انا الغلطانه من البدايه كان يمديك تصارحني بالحقيقه مو تستغفلني بالطريقه ذي وتستغل شغلك وحركتك ضدي والاسوء من كل ذا تستغل نقاط ضعفي أوس انت الغلطان كل ماجيت اشوف الموضوع من جهه مختلفه كلهم يودوني لنفس الباب ولنفس الجواب انت غلطان من كل جهه مو أنا
أوس اعتدل بوقفته:بس انا حبيتك
جوري بعدم تصديق:بس هذا مو حب هذا هوس وش بتخسر لاقلت لي وصارحتني وش بتخسر لو جيت وخطبتني من اهلي مثل اي رجال وتزوجنا مثل اي اثنين انت حرمتني حتى من ابسط حقوقي والحين تاخذ حقوقك غصبا عني وين الحب بالموضوع انت جالس تاخذ ماتعطي أوس انت اخطيت بحقي كثير ومازلت غالي شفني على كبر الخطا ماكرهتك
سكت وهو يطالع فيها واكملت : انا اقدر اجرحك بس ماجرحتك متخيل على كبر ذنبك فيني ماني قادره اجرحك
أوس طال صمته اخذ نفس واردف : هذا الي قدرتي تشوفينه بس قدرتي تشوفين الجانب هذا مني من بين كل الاشياء ماتوصلتي الا لهنا ما يكفي اني متخلي عن نفسي عشانك انا لمن قلت حبيتك فأنا صدق حبيتك تعالي مكاني وحسي بشعوري وتفهمين علي الي احبها ترفض قربي لأنها ماتبي ولد مني وانا متشفق على قطعه تحمل ريحه منها انا صدق حرمتك من حقك كأي بنت بتعيش هالشعور بس انتي حرمتيني لذة قربك ولذة قطعه منك
سكتوا وطال الصمت بينهم كانت عيونهم هي الي تتكلم ابتعد عنها وطلع من البيت بكبره وصلت جوري تناظر الفراغ
انتهى
