بسم الله الرحمن الرحيم:
ما اسامح الي يقرا بدون لايك⚜️:
البارت مئه والسابع والتسعون:
دخلت غرفة ملاك وشافتها تلعب ابتسمت بهدوء وتنهدت رفضت انها تروح مع ياسر بحجة ان ملاك ماعندها احد وبتجلس عندها وهي بالواقع مالها خلق تقابل او تشوف احد تحس ان كل شي بليله وحده انسحب منها بدال ماتكسب اشياء بهالليله خسرت اعظم الاشياء الي كانت تملكها خسارتها لبسام شي مو عادي ابدا هي فعلا حبته مو لأنه يشبه خالد حبته لأنه بسام وباليوم الي توسدت حضنه قطعت وعد على نفسها انها تنسى خالد وتبدا صفحه جديده مع بسام خالد توفى والله يرحمه رغم الي سواه فيها ماتقدر تقول عنه شي غير الرحمه بس الي سواه بسام فيها شي مو عادي شي كسر ضهرها وقسم قلبها لنصين زاد على الجروح الي مابرت جروح مسحت دمعتها الي انسدلت على خدها بدون احساس وكل الي يتردد ببالها بسام تنهدت تنهيده تحتاج لها ٦ رئات فتحت جوالها وناظرت بأسمه كان مبلكها من كل مكان رغم ذلك مازالت كل ليله تكتب له عن كل شعور يخالج صدرها رغم انها عارفه مستحيل يشوفهم جلست بهدوء وكتبت ودمعها يتساقط على الجوال بدون احساس:
نُهى: اذا ضاقت رحايب ديرتي قلي !لمين أروْح ؟
وانا حتّى دموعي تستريح بـ راحة يْدينك
لك الله قبْل ما ترحل ! ضلوعي ترتجف وتنوح
خذاك الحظَ من يْديني وضاعت كل عناوينك
يابو وجهٍ عرفت أنّه خطاه مْجمّل و مدموح
تربّع وسط صدري ، او تمشّى به على هونك .
حبست انفاسها لمن حست بالغصه تداهم حنجرتها حطت يدها على رقبتها وحركتها بهدوء الي يصير فوق طاقتها لا هي الي قادره تكلمه ولا هو الي معطيها فرصه تكلمه رفعت راسها على ملاك الي تقدمت ومسكت كف يدها واردفت:
ملاك:ماما
ابتسمت لها نُهى وشدت على يدها:عيوني
ملاك ناظرت عيونها:متى يرجع بابا
سكتت نُهى بعدم مقدره على الرد وش تقول لها مو راجع اذا هو الولد الي ببطنها ماسأل عنه حي ميت بيسأل عن ملاك الي عرف انها بنت الي كانت تحبه تتفهم بعده عنها بس ملاك وش ذنبها يتركها كذا هي تعلقت فيه حيل وتدري ان بسام تعلق فيها بس ليه يجرح نفسه ويجرحها اخذت نفسها ومدت يدها تلامس خد ملاك وابتسمت:
نُهى:بابا مشغول عنده اشغال كثيييييره هو يقول انا من اخلص اجي اخذ لولي واوديها الالعاب
ابتسمت ملاك بتوسع وحماس ولمعت عيونها لمعه حب صادقه نابعه من عيون طفله ابتسمت لها نُهى واقترب تبوس خدها وتتركها تروح تلعب ورجعت هي تناظر جوالها والكلام الي كانت كل ليله ترسله له لعل وعسى يحن قلبه لو شوي هي الان يحكمها قول مخزون هائل من كلمة "بتعديّ" وانا تحت طحن الأيام
طلعت للخارج لمن وصلت لها رساله منه يخبرها انه برا ينتظرها استغربت طلبه لأنها مو ببيتها او ببيت جدتها عشان يطلب منها تقابله كانت ببيت عمها ناصر طلعت بعد ماتأكد انها تسترت بالكامل وماكان طالع منها الا وجهها كونها محجبه ماتتغطى مشت بهدوء للحديقه وشافته جالس على الكرسي ابتسمت كون هالمكان يحمل ذكرى حلوه بينهم بهالمكان بالذات اعترف لها عن موضوع موت امه وعن اول موقف حلو صار بينهم بالمكان ذا تقدمت بهدوء وهي تجلس جنبه التفت لها وابتسم بهدوء بادلته الابتسامه واردفت:
وهج:وش تبغى
أسير:ابد بس اشتقت لك
رفعت حواجبها بعدم تصديق وابتسم:ابي اسمع الرد منك مو من عمي
حطت يدينها على ركبها ورفعت راسها للسماء اخذت نفس واردفت:مدري أسير للحين م اتخذت قراري عندي اشياء ثانيه افكر فيها حاليا غير هالموضوع
ابتسم بهدوء:حيرانه وهج موضوع خطبتي لك يحير وعندك اهتمامات اولى منه
التفتت له بسرعه وهزت راسها بالنفي:لا والله اسير مو كذا قصدي ليش تفهمني غلط
صد بنظره عنها وهز رأسه بهدوء كان على وشك انه يقول لكن مسكت يده بسرعه والتفت لها واردفت:أسير شفيك اجلس لا تفهم غلط
أسير جلس والتفت بجسمه كله تجاهها بلعت ريقها وشبكت اصابعها ببعض :انا ماكنت اقصد ان الموضوع مو مهم بالنسبه لي بالعكس بس هذا قرار مصيري ومثلي مثل اي بنت احتاج وقت افكر وماعليك لو اتخذت قراري بتسمعه مني قبل لا تسمعه من أبوي بس الحين ماعندي وقت افكر زواج يوسف والفاينل قرب انا اصلا ماعندي وقت احك فيه راسي فما بالك اني افكر بموضوع يحتاج له ايام عشان اعرف انا وش بتخذ بستخير أسير انا م أقول راح ارفض بس ابي استخير حط نفسك مكاني
ناظر بعيونها وعم الصمت بينهم لثواني طال النظر وطال السكوت تنهد ناظر يدها واردفت:
أسير:انا محرم أمسك يدينك لين تصيرين لي لين الناس تقول انك حرم أسير وهج انا من حبي لك مابي تاخذين ذنوب على حبنا الي طريقته غلط مابي نسلك دروب الحرام والحلال طريقه مفتوح ومافي شي يردنا عنه وهج انا كل ليله اقول عسى مابيني
وبين الفرح فجوة
عسى ماينتهي صبري
وانا ظامي.
فكري وخوذي القرار الصح مابي اضغط عليك بس انتي تعرفيني وانا اعرف وكلنا نعرف وش اكثر انا ابيك واحبك
بلعت ريقها وهي تناظر عيونه الي كانت تلمع بسبب الحب خذت نفس بهدوء وهزت راسها :ان شاء الله بفكر كل الي احتاجه وقت
ابتسمت له تحسسه بالاطمئنان تدري ان أسير متعلق فيها والي يثبت لها اقواله وافعاله يحبها وهو فعلا يحبها الا هو هايم بكل شي يخصها هزت رأسها له واردفت:
وهج:الحين بروح عشان محد يفقدني وينعاد لنا نفس الموقف مع عمي ناصر
ضحك بهدوء لمن عرف مقصدها وهز رأسه لها واردف:استودعتك الله
ابتسمت بتوسع ووقفت تبتعد عنه وتدخل للداخل بكم كلمه منها قدرت تبعث داخله شعور الراحه والاطمئنان كان خايف من رفضها له لكن الحين خلته واثق انها بتوافق وماراح ترفض
