بسم الله الرحمن الرحيم:
ما اسامح الي يقرا بدون لايك ⚜️:
البارت مئه والخامس عشر :
التفت للخلف بهدوء وهو يناظر بيتها ابتسم بخفه وهو يشوفها واقفه كانت واضحه له لانها مادخلت البيت للحين هز راسه بهدوء ومد يده لجواله لمن وصله اتصال ورد:
ياسر:هلا ...جاي الحين
حرك وهو يتجهه للمكان الي راح يلتقي فيه بالشخص الي كلمة استوقف قدام البحر ونزل وهو يشوفه جالس وملقيه ضهره تنهد لمن هلت عليه الذكريات جلس جنبه وهو يلف له واردف:
ياسر:تم أوس
التفت له أوس وهو يهز راسه بالايجاب:وصلت لهم
هز راسه بالايجاب:ايه قدرت اشوف غروب اليوم ولحظنا تعطلت سيارتها وساعدتها بس الثانيه برا السعوديه توها تزوجت
أوس :زوجها عنده علم
هز راسه بالنفي:لا ما اظن عنده علم بالموضوع
أوس تنهد:لازم نخلص على الموضوع بسرعه طال حيل
ياسر:شلون عرفت أوس انا مشيت معك بالموضوع لمن جت اوامر بأننا نتحرك شلون اثبت لهم وهم مو تاركين دليل وراهم
أوي:قدروا يمحون كل دليل ضدهم بس نسو كميرات الشقه ابسط شي بيأثر
ياسر:شكلهم مايدرون انه في كاميرات غريب مع انه الشقه لاخوها كيف ماتدري
أوس:الواضح انه ركبها بدون علم احد لأن لو تعرف ماخلت وراها دليل يمحيها
ياسر هز راسه وناظر البحر ابتسم لمن طرت بباله ذكرى واردف:اخباره
التفت له أوس وابتسم لمن عرف من يقصد:جابر؟
هز راسه ياسر بالايجاب واردف أوس:بخير الحمدالله كمل دراسته هناك
ياسر تنهد:احسن له دمر نفسه وهو يلحق غروب والغلط كان من ابوه
أوس:كان معمي جدته لعبت بمخه لين صدقها تعبت وانا اتكلم معه والحمدالله صحى على عمره قبل لا يلحق طريق ابوه
ابتسم ياسر وهو جدا فاقده من سافر وهو مايعرف عنه شي بسبب شغله كان اقرب انسان له أوس جابر وخالد كانوا بمثابة الاخوان له قطع حبل افكاره أوس وهو يربت على كتفه لمن حس بأنه يفكر فيه :الله يرحمه يارب
ابتسم بحزن:امين سبحان الله يا أوس بنته نسخه منه كل ماشفتها كأني اشوف خالد
ابتسم أوس :بنته يا ياسر بنته
تنهد بأسى:اختي بتتزوج وعلاقتي معها للحين مازانت كل ماحاولت اتقرب منها خطوه بعدت عني بعشر ادري اني غلطان وضغطت عليها واجبرتها على شي ماتبيه بس شسوي كنت مقهور على خالد كنت مضغوط من كل جهه
أوس التفت له وهو يشوف ملامح وجهه الي باين عليها الندم والحزن حط يده على كتفه:بتزين وانا اخوك الزعل ماراح يطول مهما كان ترا قلب الاخت كبير صدقني هي بس شايله بقلبها عليك حاول لا تستلم ترا تنتظر منك الاعتذار يعوضها عن كل الي سويته يمكن اعتذرت بس ماكان كافي بتزين صدقني
تنهد وهو يطالع بالبحر واردف: ان شاءالله
بسم الله الرحمن الرحيم:
ما اسامح الي يقرا بدون لايك ⚜️:
البارت مئه والسادس عشر :
دخلت للبيت وكان خلفها قيس ارتمت على الكنب بتعب وجلس قدامها وابتسم بهدوء واردف:
قيس:بكرا رحلتنا بنرجع للسعوديه
رفعت راسها وهي تناظر فيه:متى بالضبط
قيس:العصر عشان نتغدى ونروح
هزت راسها بالايجاب:يالله مشتاقه للسعوديه فعلا انها غير غير هنا صدق كل شي حلو بس مو نفس السعوديه بين اهلك وناسك وشعبك هنا مافي الا انا وانت والباقي مو متعودين عليهم ثقافتهم وحياتهم غير و...
قطع كلامها وهي تسمع صوت استغربت والتفتت لقيس:تسمع الصوت ولا بس انا
قيس عقد حواجبه وهز راسه بتمثيل:اي بس وش الصوت هذا
التفتت لمن رجع الصوت وسعت عيونها والتفتت لقيس لمن شافته مبتسم ورافع حواجبه هزت راسها:تمزح صح
هز راسه وهو بأشر بحواجبه للخلف صرخت وهي تنط من مكانها وجثت على ركبها شالت القطوه بهدوء وابتسمت بتوسع وهي تلتفت لقيس :
هِتاف:قيس ياخي
خانها التعبير وركضت وهي تجلس جنبه وتنزل القطوه وتضمه ضحك وهو يبادلها الحضن واردفت:والله مدري وش اقول خلص الكلام
وسع عيونه لمن دفنت وجهها بكتفه وحس بدموعها تبلل قميصه ابعدها عنه واردف بصدمه وهو يمسك وجهها:
قيس:ليه تبكين؟
هزت راسها وهي تمسح دموعها: ليش انت حنون كذا
ارتخت ملامح وجهه وهو يشوف دموعها والغصه واضحه بمحاجرها ضحكت وسط دموعها واردفت:
هِتاف:شفيك
سكت وهو يحط يده ورا راسها وسحبها لحضنه وشد عليها بعد ماحاوط ضهرها استغربت وشدت عليه هي قالت الجمله بسبب تأثرها بافعاله معها لكن الي شافها بعيونها غير بعد قسوة الايام عليها وحياتها مع فارس ماتعودت على الحنان واللين هو شاف بعيونها صدمه من الحنان الي تلقته منه بعد الجفاف الي كانت تتلقاه مع فارس دفنت وجهها بعنقه اكثر لمن اردف:
قيس:لا عاد تبكين قطعتي معاليقي
دام قلبي معك وش داعي الدمعه
عضت شفتها وشهقت بهدوء لمن عرفت بالي يدور براسه واكمل وهو يمسح على شعرها ويحاوط وجهها بيدينه وعيونه بعيونها واردف:
قيس: ترا انا مع الناس حلم صعب تحقيقي
وتحقق الحلم لش والناس مجتمعه
رمشت بعيونها ونزلت دمعه كانت عالقه بطرف اهدابها تنهد وهو يمسح دمعتها واقترب وهو يبوس عيونها غمضت وضحكت بعد ما ابتعد عنها وحسن بالقطوه بينهم سحبتها وهي ترفعها له وخلتها قريبه منها واردفت:
هِتاف :بتناشبني فيك من الحين
ضحك وهو يمسح على راس القطوه واردف:وش بتسمينها
رفعت كتوفها بعدم معرفه:مدري مافي ببالي اسم للحين بفكر لها بأسم
هز راسه بالايجاب ووقف وهو يمسك يدها ويسحبها معه الغرفه انسدح على السرير وانسدحت جنبه وكانت بحضن هِتاف القطوه سندت راسها على كتفه وهي تلاعب القطوه وقيس يتأملها
بسم الله الرحمن الرحيم:
ما اسامح الي يقرا بدون لايك وكومنت ⚜️:
البارت مئه والسابع عشر :
كانت جالسه بالصاله وتذاكر مسكت الكتاب ورمته بعيد وشدت على شعرها وعيونها مليانه دموع واردفت :
وهج:ياربي صعب صعب وش ذا
ضحك اسير وهو يناظر فيها:ام دميعه بتبكين عشان اختبار
وهج رفعت عيونها له واردفت بعصبيه:اسير اذا ماعندك كلمه حلوه اسكت تكفى هذا مو اي اختبار هذا تحصيلي تفهم ياخي خريجه انا تعرف وش يعني خريجه اخر سنه لي اذا مانجحت بالاختبار ذا مانقبل وانت تستعبط فوق راسي
ضحك وهو يتقدم ويجلس جنبها سحب الكتاب الي طيرته وشاف انه رياضيات واردف :
اسير:تبين اشرح لك ترا افهم بالرياضيات
رفعت راسها وهي تناظر فيه ب امل :صادق انت
هز راسه :اي والله تعالي اشرح لك المسأله ذي
قربت له وبدا يشرح لها المسائل الي ماقدرت تفهمها وسعت عيونها :ماشاءالله عليك شفت اكثر من واحد وكلهم طريقتهم صعبه كيف كذا انت ماشاءالله
رفع حواجبه بغرور:حبيبتي للمعلوميه ترا كنت اشطر واحد بالصف
عفست ملامحها:ياشينك الواحد يندم انه مدحك
ضحك وهو يسحب دفتر من قدامها ويكتب لها بعض المسائل:حلي ذولي بشوف اذا فهمتي ولا لا
هزت راسها بحماس وبدت تحل المسائل ب اندماج كان يناظر فيها وباله مع التهديدات الي توصل له تنهد وهو يمسح على وجهه نزل راسه ناحية جواله لمن وصلت له صوره جديده وسع عيونه وهو يناظر الرقم رفع راسه لوهج ورجع ناظر الجوال بلع ريقه واردف:
اسير :وهج
تركت وهج القلم ولفت له وشافت انقلاب ملامحه استعدلت بجلستها:بسم الله اسير شفيك
سكت وهو يناظر فيه ونزل انظاره للجوال انتبهت له ونزلت انظارها للجوال عقدت حواجبها وهي تسحب منه الجوال وسعت عيونها بصدمها وهي تمرر باصبعها لفوق وانصدمت من كمية المقاطع والصور ارتجفت يدينها وطاح الجوال من يدها رفع راسه وهو يناظر فيه كانت ترتجف بخوف اقترب لها وهو يمسك يدينها واردف:
اسير:وهج اهدي اهدي
وهج :وش ذا
اسير بلع ريقه وهو يناظر فيها كل شي فيها يرجف بسبب الخوف نزلت دمعه على خدها واردفت بغصه:اسير تكفى وش ذا من الي جالس يرسل
هز راسه بأسى:ماعرف
وهج تمسكت باطراف اصابعه نزل انظاره لاصابعها الي متمسكه باصابعه بخوف ورهبه بسبب الي شافته ورجع ناظر فيها وكانت تبكي وتخرج منها شهقات لا اراديه:بننتهي اسير ابوي ويوسف لو وصل لهم خبر اقل شي يسوونه يحرموني من كل شي
اسير مسك يدينها وشد عليهم :انا معك وهج مابسمح يصيبك مكروه وانا موجود وهج قد مره قلت لك انك انتي كل حياتي تحسبين بسمح ان احد يدمرها لا تخافين دامني موجود
غطت وجهها بيدينها وانهارت بكي الموضوع اكبر من كذا بكثير لو صار شي وانتشرت الصور بتكون نسبة دمار حياتها ١٠٠٪ حتى ورغم انه اسير معها بالصور المتضرر الاكبر بيكون هي كذا تمشي الحياة اسير عادي يتضرر بس مو كثرها هي الي بيصيبها مو بس ضرر انما دمار تنهد وهو يشوف انهيارها معها كامل الحق بالانهيار الي صار شي مو عادي اذا هو يحتاجه الخوف وينتابه القلق كيف بيكون شعورها هي بس الي يعرفه انه مستحيل يتركها ويسمح للي يهددهم بانه يتغلب عليهم
انتهى
