بسم لله الرحمن الرحيم:
م اسامح الي يقرا بدون لايك ⚜️:
البارت الخامس والعشرون :
فتحت عيونها بسبب اشعة الشمس الي تسلطت على عيونها حطت يدها امام عيونها بأنزعاج وجلست ضلت تناظر للامام الا ان تذكرت الي صار لها امس تنهدت وهي توقف على رجولها اتجهت للحمام "تكرمون"واخذت لها شور سریع تلفتت حولها وهي تدور على شنتطها عشان تبدل الملابس لكن ماحصلتها وقفت بتفكير واتجهت للدولاب الي امامها فتحته على امل تلقى له لبس وابتسمت بتوسع لمن لقت لها ملابس وواضح انها نسائيه تلاشت ابتسامتها لمن استوعبت وحست بشعور غريب يحرق داخلها مسحت على وجهها وهي تستغفر وبدت تلبس وبعد مانتهت خذت طرحه ولفتها على شعرها بحيث مايبان منه شي ولبست عبايه حصلتها بالدولاب التفتت لناحية الباب لمن دق واردفت:
هتاف ؛ادخل
فتح الباب واردف وهو يتجنب النظر : الفطور لو تبين هتاف : جايه بس دقیقه
هز راسه ب الايجاب وطلع تنهد وناظرت شكلها للمره الاخيره وطلعت جلست امامه ع الكرسي ورفع راسه وعقد حواجبه من العبايه الي لابستها واردف:
قيس: عبايتك !
هتاف ناظرت فيه بتركيز: شفيها؟
قیس هز راسه بالنفي :ولا شي بس استغربت ماكنتي لابسه عبايه اول ماجيتي
ناظرت فيه وبلعت ريقها واردفت هتاف : بسبب اني طلعت مستعجله وذي لقيتها بالدولاب اذا مايحق لي ارجعها عادي ناظر فيها واردف : لا بس استغرب لاني شفتها من قبل على شروق اختي
هتاف هزت راسها ب الايجاب وحست بنوع من الراحه وابتدت تاكل كان يناظر فيها بين كل دقيقه حست فيه ورفعت نظرها له واردفت :
هتاف :شفيك تطالعني كذا؟
كان بيتكلم لكن قاطعه رنين جوال هِتاف التفتت له وناظرت الاسم اخذت نفس عمیق وردت بهدوء :
هتاف: اهلین عمه
ام فارس :هلابك هتاف انتي وينك زوجك سوا حادث وانتي مو جنبه خبرته اسيل انك مو موجوده وجن جنونه وطلع يدورك
هتاف بهدوء: اعذريني عمه انتي على عيني وراسي لكن فارس ماقدر اکمل معه ماقدر اصبر عليه اكثر من كذا تحملت منه اشياء واجد محد قدر يتحمله انتي امه وتعرفين اطباعة سامحيني ورجاءا لا تقولين له اني رديت عليك او انك كلمتيني
قفلت بسرعه بدون ماتسمع رد لانها تعرف انها بتوقف مع ولدها ومستحيل توقف معها
البارت السادس و العشرون:
رفعت نظرها له ولاحظت نظراته توترت ونزلت عيونها تنهد وهو يناظرها بهدوء واردف:
قيس :ماتبين ترجعين له ؟
هتاف :مابي اتكلم بالموضوع هذا
تفهم وضعها وانها ماتبيه يتدخل هز راسه ب الايجاب ووقف ناظرت فيه واردفت بسرعه :
هتاف :وين تبي
التفت لها : بطلع من هنا عندي شغل
هتاف بهدوء ونبره ضعف : تتركني لحالي
ناظرها كسرت خاطره حيل يعرف الي اخر فيه واردف : اسمعي اجلسي هنا وانا بقول لاحد البنات تتفقد احاولك واذا تبين تسكن معك
هتاف سكتت بتفكير وبعد ثواني اردفت :ت تمام
هز راسه ب الايجاب وطلع من البيت ركب السياره وضرب الدركسون بیده واردف :
قيس :وش المصيبه الي ورطت نفسي فيها ياربي
تنهد وشغل سيارته وحرك متجهه لبيتهم اما عند هِتاف الي اول م طلع طاحت على الارض ولمت رجولها لصدرها ونزلت راسها على ركبها وبدت تنزل دموعها من الي صار لها بعد دقايق وقفت وغسلت وجهها وجلست على الكنبه مسكت جوالها وشافت رسالة من بنت خالتها الاقرب لها تنهدت وردت عليها :
هتاف "هلا ريما "
ريما" اخيرا اخبارك"
هتاف" بخير الحمدالله وانتي اخبارك '
ريما "انا الحمد الله بخير اسمعي انتي وينك مالك حس "
هتاف "ريما انا بقول لك شي بس بيننا تكفين"
ريما "ماعليك بيكون بيننا م راح اقول لاحد بس ايش هو "
هتاف "ريما انا هربت من البيت ومن فارس "
ريما بصدمه "ایششش شلونننن ولیشش؟ "
هتاف "ريما هلكني خانقني مو مخليني اتنفس اكره ما احبه م قدرت اتقبله قلت م عليه بتعود عليه واحبه بس م اقدر انا احب احد ثاني م اقدر "
ريما "تمام هتاف بس انا سمعت انه دخل المستشفى عندك علم ؟ "
هتاف "وكيف م عندي علم وانا السبب بدخوله "
ريما" هتاف انتي شايفه ايش تكتبين وش سويتي "
هتاف شرحت لها كل بدون استثناء وريما طبعا كانت مصدقتها وتعرف بحياة هتاف مع فارس
ريما "الحيوان الحقير قليل الادب كلب ذا ذكر مو رجال "
هتاف "مره تعبت م كان قدامي الا اني اهرب"
ریما "هتاف دام انك هربتي وينك الحين الي اعرفه م تقدرين تروحين لاهلك "
هتاف "لقيت مكان اجلس فيه اقل شي اعرف انه مكان ما يقدر يجي فيه فارس ولا يحصلني "
ريما" وش بتسوين معه طيب تعرفين م راح يخلي مكان الا ويدورك فيه بيقلب الدنيا"
هتاف بحزم و اصرار اردفت ........
بسم الله الرحمن الرحيم:
م اسامح الي يقرا بدون لايك وكومنت ⚜️:
البارت السابع والعشرون :
حملها بين يدينه وهو متوتر من شكلها وكيف لقاها طايحه ب الارض والزجاج إلي منثور حولها وماكان منه الا انه يركبها ب السياره ويتجهه فيها للمستشفى ركب السياره بعدم ركبها ب الخلف لف لها ومسح على وجهه بتوتر وكانه هو السبب ب الحادثه الي صارت لها تنهد وضرب الدركسون بقوه واردف :
فارس :انا وش جابني عندهم ليش م خليتها مو انا جاي اخذ هتاف وش الي ورطني مع ذي
فتحت عيونها بتعب وألم براسها ناظرت السياره ب استغراب وفزت لمن عرفت انه ب السياره التفت لها بهلع لمن صرخت وسرعان م ارتخت ملامحه وعقد حاجبه وهو يشوفها متكوره على نفسها و دافنه راسها بين رجلينها والواضح انها تبكي :
غروب: اتركني اتركني وش تبي مني هاه وش سويت لك انا فارسي :يا بنت الناس انا جاي اوديك المستشفى يعني مو كذا السالفه بس... انا ليه ابرر بوديك المستشفى وخلاص لا تكثرين حكي
غروب: مابي منك شي بس نزلني مابي لا مستشفى ولا غيره فارس :اصلا الشرهه علي الي جاي بوديك انزلي من سيارتي غروب من شدة خوفها والم رجلها وراسها مي قادره تتحرك من مكانها تنهد ونزل من السياره واتجه لها فتح الباب بقوه وكادت انها تطيح لكن تدارك الوضع وشالها بسرعه رفعت راسها وناظرت بعيونه وب اللحظه ذي غمضت عيونها بقوه وخوف دخل البيت واتجهه فيها لأحد الغرف كونه مايعرف بيتهم وبأي مكان غرفتها دخل وجلسها ع السرير التفت يمين ويسار ورجع ناظر فيها واردف :
فارس: علبة الاسعافات؟
رفعت يدها واشرت ع الدولاب الي خلفه اتجهه له واخذ علبة الاسعافات وبدا يعقم جرحها واول م خلص سحبت رجلها مما اثار استغربه لكن سرعان م تحولت ملامحه للغضب لمن اردفت :
غروب : اطلع برا ولا عاد تجي ولا حتى تفكر انك تلمسني فارس احتدت ملامحه من كلامها وقرب لها مسك فكها واردف بغضب:
فارس: انتي م تعرفين تتكلمين بدال م تقولين شكرا تطرديني ترا ماني ميت على الجلسه عندك على فكره واي...
قرب من اذنها وهمس: زوجتي تطلعونها لا اطلع روحكم واحد واحد ب عائله الناصر تسمعون ولا
ارتجفت أطرافها بخوف وانهلت عليها الذكريات وقفت وهي تدفه بعيد عنها لدرجه ان ضهره ضرب ب الدولاب غمض عيونه بالم واردف وهو راص على اسنانه :
فارس:انتي...
تقدم لها بسرعه ومسكها مع معصمها و..
———
انتهى⚜️
