بسم الله الرحمن الرحيم
ما اسامح الي يقرا بدون لايك ⚜️:
البارت مئة والثاني والعشرين:
دخلوا الكل داخل رمت نفسها على الكنب بتعب والتفتت لهتاف وغروب الي جلسوا قدامها واردفت:
شروق:يمه تعب تعب
هِتاف رمت الكعب واشرت لقطوتها الي كانت عند غروب :مينا تعالي
شالتها غروب وابتسمت وهي تشوف شكلها مدتها لهتاف واردفت بابتسامه:تدرين قيس مايحب القطاوه صدمتينا انه هو الي جابها لك
رفعت راسها باستغراب واردفت:صدق ؟
هزت راسها بالايجاب والتفتت هِتاف لشروق:حبيبتي انا صوتي انبح وانا اتطلبه يوافق بس اجيب لي وحده
ضحكت :وهو وش دخلها ليش ماقلتي لعمي
التفتوا كلهم لقيس الي دخل :لان ابوي محرم تدخل القطوه البيت لان هو مايحب القطاوه وحطني عذر ضحكت بهدوء لمن جلس جنبها وحاوط كتفها بيده وباس خدها واردف:يعني شوفي ان حتى ابوي مايحب القطاوه بس حقتك دخلت شفتي انك غير عند الكل مو بس انا
شروق:خير خذيتي قلوب اهلي امي تهوجس فيك يوميا متى تجين هذا وانتي جالسه فتره قصيره هنا ياربي ماقدر اتحمل بتاخذين كل الغلا وبعدين حبيبي قيس احترمنا حنى خواتك وش هالحركات قدامنا قلة ادب
هيفاء ضربتها مع كتفها:بسم الله شتبين حاشره روحك
غروب رفعت حواجبها:عاشت الدور حبيبي رجعي شروق شفيك مستقعده
قيس ضحك والتفت لها:بتجرب الشعور
شروق اعتدلت بجلستها واتجهت لابوها لمن شافته داخل :شفيكم تفهموني صح بابا شوفهم
حضنها ناصر مع كتوفها وناظرهم بحده:لحد يقول شي لها يويلكم الا شروق عاد
غروب لفت لهم:مشكله اذا اختكم القعده عوبا ودلوعه
حطت يدها على خصرها:شقصدك غروب اقوم عليك الحين
غروب هزت راسها:لا ابد م اقصد شي
ابتسمت هِتاف وهي تحس بالدفىء بينهم شعور ماحست فيه من زمان شعور فقده من سنين بسبب سوء فهم وعدم ثقه تنهد والتفتت لقيس لمن شد على كتوفها يحسسها بانه معها وواقف جنبها وعارف وش تفكر فيه ابتسمت وميلت راسها بامتنان والتفتت تسمع محارشات شروق وضحكاتهم
اتسعت ابتسامتها وهي تحمد الله الي جابها للعائله ذي التفتوا جميعهم لمن دق جرس الباب واتجهت العامله تفتح الباب
بسم الله الرحمن الرحيم
ما اسامح الي يقرا بدون لايك⚜️:
البارت مئه والثالث والعشرين :
رمت عباتها على السرير والتفتت وتنهد لمن حاوطها من الخلف نزل راسه لمستواها وهمس بأذنها:
أوس:ترى الزعل وارد بين المحبين
بس الزعل ها المره طول زياده
مسكت يدينه وحاولت تبعده لكنه كان رافض البعد :أوس خلاص
أوس بعد يدينه ولفها له:جوري انتي الي خلاص وش باقي ماسويت عشان ترضين والله اسف بس ارجعي جوري حبيبتي وزوجتي الي اعرفها
عضت وامتلت الدموع بمحاجرها عقد حواجبه :بسم الله شفيك
رفعت رجلينها وحاوطت رقبته وحضنته دفنت وجهها برقبته وشد عليها بخوف عليها :جوري تكلمي شصاير
هزت راسها بالرفض وشهقت بصوت مكتوم وسع عيونه وهو يبعدها عنه وجلسها فوق السرير :جوري تكلمي شفيك لا تخوفين
رفعت راسها ومسحت دموعها :شفت غروب
عقد حواجبه :طيب ليش تبكين
جوري شهقت:شفت الي سواه ابوي أوس سنين مرت اثار حروق وجروح باينه أوس شكل يدها كانت تخوف كيف قدر يسوي شي زي كذا ببنت صغيره كذا
تنهد ورجع حضنها:مر وخلص جوري ابوك الله يرحمه توفى والبنت كبرت واكيد انها نست
جوري ابتعدت عنه:مستحيل تكون نست ماتنسى أوس ماتنسى كيف تنسى وهي كلها اثار وجروح الماضي كيف تنسى وهي لو تشوف شكلها بالمرايه بينعاد الشريط ماتنسى والله ماتنسى
سكت وهو يناظر فيها مسكت يدينها واردفت:اتركها اوس لا تلحقها تكفى
أوس :ماقدر البنت مجرمه قاتله ماقدر اتركها كذا مايصير
وسعت عيونها بصدمه:ش شلون يعني
اوس تنهد ومسح على وجهه:سالفتها طويله ومعقده وفات الفوت ياجوري
عقدت حواجبها باستغراب:وش تقصد
هز راسه ووقف ومسك يدها يوقفها معه:غيري ملابسك وتعالي معي الحوش الجو حلو و طلبت عشى ادري انك ماتعشيتي انتظرك هناك
ابتعد عنها وضلت تناظر فيه باستغراب تنهد ورفعت شعرها لفوق وبدلت ملابسها ومسحت الميكب طلعت للحوش وشافته يجهز الاكل بصحون اتجهت له وبدت تساعده
