بسم الله الرحمن الرحيم
البارت مئه والسادس والعشرون :
التفت الكل للباب ووقفوا جميعهم لمن جت العامله واردفت:
العامله:شرطه برا يبي بابا ناصر
التفتوا هِتاف وغروب لبعض برهبه وخوف ارتجفت اطرافها وطاحت على الكنب بصدمه لفوا لهم جميعا وطلع قيس وناصر يشوفونهم واقفين واقترب لهم ناصر واردف:
ناصر:امر
الشرطي: معنا امر باعتقال هِتاف عايد وغروب ناصر
ناصر باستغراب:وش السبب
الشرطي:تعرف بالقسم الان مجبور اخذهم لو سمحت
اشر على الحرمتين الي معه لكن وقفهم قيس:بس لازم نعرف السبب
الشرطي:لو سمحت جالس تعرقل شغلنا ابعد
ناصر ناضر بقيس واردف قيس:ابي اعرف السبب
الشرطي تنهد :متهمين بجريمة قتل شخص اسمه فارس كان جاركم الان ابعد قبل نتخذ اجراءات ماتعجب احد
وسع عيونه بصدمه والتفتت لابوه تقدم له بسرعه وهو يمسكه قبل لايطيح دخل للداخل ونزل ابوه على الكنب رفع راسه وتجمدت كل خليه بجسمه بسبب الصدمه الي يمر فيها نزل انظاره ليدينها ويشوف الشرطه تكلبش يدينها رفع انظاره لها بهدوء تلاقت عيونه بعيونها كانت تناظر فيه بترجي وعيونها الي كانت اشبه بالسحب الي محمله جواتها الكثير من المطر عكس نظراته الي كانت بين حيره وخيبه وصدمه هو م استوعب انها متهمة بجريمة قتل كيف بيستوعب انها قاتله زوجها السابق حول انظاره عليهم يسحبونها معه للخارج وخلفها غروب ركض وهو يوقفهم ويسحبها من بين يدينهم واردف برجاء :
قيس:قولي لي انك مظلومه والله بصدقك قولي ان مالك يد بالموضوع ووفاته كانت بسبب الحادث لا تقهريني تكفين قولي شي بصدقك وبكذب كل الي هنا بس تكلمي لا تسكتين
نزلت دموعها وبكت وهي تناظر فيه عضت شفتها واقتربت له وهمست بأذنه: انا اسفه والله مالي ذنب غروب هي الي قتلته
أبتعد عنها ووسع عيونه وهو يناظرها وسحبتها الشرطه ومعها غروب الي كان هدوئها غريب للكل من امامه لف لأهله وهو يناظر فيهم وهمسها لازال يتردد بباله هي اثبتت له ان الكلام الي قاله الشرطي صحيح سقط على الارض بصدمه وعدم تصديق للي يصير بينما بالخارج ركبوا هِتاف السياره ورفعت راسها لمن سمعت صوت ميزته:
ياسر:قلت لك لو تعرفيني ماقلتي كذا
وسعت عيونه وارتسمت ابتسامه عريضه على وجهه اقترب له واردف:مافي شي يخفى للأبد
ابتعد عنها واشر للحرمه تركبها وبالفعل سمعت كلامه وركبت غروب سياره الشرطه وحركوا
بسم الله الرحمن الرحيم:
البارت مئه والسابع والعشرون:
وقف قدامها وعيونه بعيونها كانت نظراتها له مليئه بالبرود فار دمه وهي للأن متمسكه بنفس الكلام ضحك بقهر ورمى قدامها صور رفعت حاجبها ومدت يدها تاخذ الصور وسعت عيونها وارتجفت يدها وهي تشوف محتوى الصور كانت صور لها وهي تتهجم على فارس وتطعنه عضت شفتها وتداركت وضعها قبل لا يلف لها ويشوف خوفها وصدمتها رفعت انظاراها له واردفت:
غروب :الصور ذي تشوف فيها هِتاف؟
استوقف عن الحركه وناظر فيها باستغراب لفت له الصوره ومدتها :انا الوحيده بالصور ذي وش دليلكم على هِتاف
جلس امامها وسحب اللابتوب وهو يلفه لها بعد ما استوقف عند اللقطه الي كانت فيها غروب تتهجم على فارس :تشوفينها هنا صح
غروب ابتسمت بهدوء ولفت اللابتوب له:بالمقطع والصور واضح جدا انها بريئه وماسوت اي شي لفارس باللحظه الي انا تهجمت فيها على فارس كانت دفاع عن النفس كان راح ياخذ هِتاف بدون رضاها وذي كانت ردة فعل مني لحركته
سكتت شوي وناظرت شكلها بالمقطع شدت على يدها من تحت الطاوله تسيطر على رجفتها قبل لا ينتبه لها وتضعف قدامه:لمن تراجع المقطع تشوف بالبدايه انه هو الي تهجم على شقتنا واعتداء علي بالطعن انا ماسويت كذا الا دفاع عن نفسي وعن هِتاف اذا انا الي طاعنته وش جريمة هِتاف بالضبط
ياسر سحب اللابتوب منها:تسترت على الجريمه ذي قضيه
غروب رفعت راسها :انا قلت انها دفاع عن النفس ليش ماتفهمني هو الي سواه مو قليل قبل الحادثه بيوم انا كنت مخطوفه عنده احرقني واذاني جسديا هذا كل مايخفف شي من الي صار كل الي سويته كان ردة فعل وكان يستاهل الي صار له
ياسر مسح على وجهه يسمع كل اقوالها وجنبه شرطي يسجل كل شي تقوله :كل حرف تقولينه بيتسجل وبينعرض بالمحكمه هذي افادتك تسمعين هِتاف عادي يخفف عنها الحكم وممكن تطلع برائه لكن انتي الي سويتيه جريمة قتل مافي بنت طبيعيه تسوي كذا
غروب نقلت انظاراها بين الشرطي الي يسجل اقوالها وياسر الي امامها:ارفض اكمل لين يتواجد المحامي الخاص فيني اعتقد عندي حق السكوت وعدم الافصاح
سكت وهو يناظرها هز راسه بأسى رغم كل شي قالته واعترافها والفيديو الا انها رافضه تكمل باقي الاحداث الي صارت يعرفون النص من الحادثه لكن النص الثاني لهم مجهول ومحد يعرفه غيرها هي وهِتاف اشر للشرطي بأنه يخرج واردف:
ياسر:كل بتقوليه هنا وبالمحكمه بيكون لمصلحتك ومثل مو واضح بالفيديوا انه كان دفاع عن النفس ما اكذب عليك يتخفف عنك الحكم لكن الضحيه مقتوله كنتِ تقدرين تاخذين حقك منه بالعداله بس مو كذا انتي دمرتي روحك ومستقبل وش الي كان يستاهل تدفنين روحك عشانه هذا؟
سكتت وناظرت فيه بعيون خاليه من التعابير وبارده تماما مِن مَن ادى للقشعريره بجسده بسبب نظرتها المسحوب منها الروح واردفت بكل برود وهدوء:انا روحي اندفنت من عمر الست سنين كلامك ماله فايده معي
سكت بصدمه والجمته بجملتها :وش لك انتي
سكتت بدون اي رد ونزلت راسها تناظر يدها الي نزفت دم بسبب انها كانت ضاغطه غارزه اضافرها فيها
