جالس بسياره والباب مفتوح وبحضنه أوراق وماسك بيده ملف يقرا فيه بتركيز قاطعه اتصال جواله
ناظره وردّ وهو يحطه سبيكر وينزله فوق المقعده والاوراق المرميه بعشوائية وصله صوته : زياد
اردف وهو يقرا بالملف : قول اسمعك
تنهد بضيق وتردد : نفس كل مره رجعنا مابيدنا شي
قفل الملف بغضب : كيف ماحصلتوا كييف! ثلاث شهور واحنا نراقب ياسلطان ماهو وقت قصيير!!
سلطان : والله ماحصلت رحت بنفسي معهم! دخلنا البيت وقلبناه فوق تحت بس مافيه شي وكأنهم كانوا عارفين بالمداهمه وكل شي بيصير!
سكت زياد واردف بعد صمت دام لثواني : قصدك ان في احد يسرب المعلومات لهم؟
سلطان بتنهيدة : مافي غير كذا! ولا كيف بيعرفون!
نراقب المكان ويكون كله تجمع وكل يوم سياره ببضاعه جديده وكلهم موجودين فيه يوم نداهمه مانحصل شي!
غير كم رجال محفظينهم كم كلمه؟؟
فتح الدرج وهو يحط الملف والاوراق فيه ويقفله نزل من السياره وقفلها واردف بهدوء : اجل مافي حل غير نحط قرار سرية على القضيه ومحد يعرف بتفاصيل غيرنا!
سلطان بتأييد : احسن لنا يعلم الله تعبت من هالقضيه كل ماقلت قربنا وتقدمنا خطوة احصلنا رجعنا عشره!
زياد انتبه لمتعب واردف : يلا اجل انا عند جدي بس اخلص اجيكم
سلطان : تمام ننتظرك
قفل منه ولف لمتعب قرب منه ببتسامه وسلم عليه : مابغيت شكل جدي رضا عليك
متعب بضحكه : نقول الحمد لله
زياد بتحذير : حاول تتحكم باعصابك المره الجايه الي صار ماهو حلو لا بحقك ولا بحق عمي وعياله
متعب بهدوء : صادق بس معليك اخر مره
ناظره وضحك متعب : قلت لك اخر مره بعدين شفيك بسياره للحين مادخلت
زياد بتعب : اشوف ملف قضيه مو راضيه تنحل
متعب حط يد على كتفه : بتنحل بتنحل مثل الي قبل لا تشيل هم
زياد : الله يسمع منك
سكتوا ولفوا لسياره عناد الي وقفت ابتسم زياد وصد وهو يسولف مع متعب
عناد وقف السيارة وناظرهم لف لها وانتبه انها تناظرهم بعد
اردف بهدوء : ننزل؟
ناظرته وابتسمت : شرايك ننحاش ونطلع نتمشى لوحدنا!
ضحك عناد وهو ينزل : اقول انزلي ماتنعطين وجه
مسكت شنطتها بتنزل بس ناظرته وهو يلف ويفتح الباب لها وينحني بتمثيل ويمد يده : تفضلي سمو الاميرة
مسكت يده وضحكت تنزل : يازينك راضي علي اليوم ليت تسويها دايم
دفها بمزح وهو يمشي جنبها ويحضنها من كتفها : مو حلا هو!
دخلوا يضحكون مع بعض وزياد ومتعب يمشون وراهم ويسمعون نقاشهم زياد مبتسم يحب علاقة عناد باخته ويحب الي يقدس الاخوة!
لانه يقدسها وجدًا عكس متعب الي يناظرهم بحقد وكُره
دخلوا ووقف الجد اول ما شافهم داخلين وقف متعب يناظره بتعجب! من وقوفه لهم بس سكت اول ماسمعه يتكلم بفرحه : اخيرًا حنيتي علي وجيتي!
ضحكت العنود وهي تسلم عليه : شفتك ماجيت قلت اجي انا
قاطعهم عناد وهو يبعدها بمزح : ولد البطه السودا انا! شفيكم نسيتوني
ضحكوا وبعدت العنود واتجهت تسلم على الباقي ببتسامه قربت من مشاعل وسلمت كالعاده مصافحه باليد ورزان نفس الشي بس وقفت بتعجب ولفت تناظرهم واردفت بتساؤل من غيابها : وين روان؟
ناظرتها مشاعل الي طردت روان لغرفتها بعد ماسلمت على جدها والباقي واردفت بهمس : كملي طريقك وبعدي عن بناتي
ناظرتها وسكتت سلمت على البنات وجلست معهم
أنت تقرأ
مدّيت لك فرحة ومدّيت لي هم واستحيت أرد مدّت يدينك
Mystery / Thrillerمدّيت لي كفك : غَلا مدّيت لك : حُب وعطا ماكنت ابي الا شعور يحضن حنيني ولهفتي وماكنت اظن ان الشعور ينهي بداية قصتي - بدأت : 19/7/1445 حسابها انستا > rwaii93
