.
المستشفى س8:00
مسك يدها وبحنيّه : العنود بس اليوم!
العنود ناظرته بحدّه : لا تحاول عناد! بعدين قلت لك مافيني شي اللحين تروح تخلص الاوراق ونطلع
تنهد بقل حيلة من الفجر يحاول فيها بس هي معندّه ماتجلس ساعه ثانيه هنا!
وقف اول مادق الباب اتجه له وفتحه ناظره واقف ومعه روان: جايين بدري
يزيد بهدوء : اي عندنا موعد بعد الاهم كيفكم اليوم؟
عناد تنهد : بخير لو الي داخل تترك العناد شوي وتجلس
ضحك وناظره : شكلها هي الي سرقت النصيب الاكبر من اسمك!
عناد ابتسم : والله شكلها لانه مو طبـ..
قاطعته اول مارفعت صوتها : ترا اسمعكم تحشون فيني وما بسامحكم
ضحك يزيد ورفع صوته : لا تسامحين بس اجلسي اليوم
العنود بحدّه : ياليل التعبان انا ولا انتم طلعوني ولا والله لااهج
عناد ناظره بخوف مصطنع: تسويها والله
ضحك يزيد ومشى عناد بجانبه وروان معهم وكأنها غير موجوده من كثر هدوئها
عناد ناظر يزيد وأشر عليها بيده بمعنى شفيها؟
تنهد يزيد وهز راسه وسكتوا كملوا طريقهم وخلص عناد إجراءات الخروج وقف اول ما قاله يزيد ينتظرونه ساعة ويطلعون مع بعض واتجه مع روان لقسم الطب النفسي وعناد واقف يناظرهم بصمت
-
بيت الناصر
واقف بالحوش يناظر العيال بغضب من تأخرهم وهو يشوف ياسر يمشي شوي شوي
صرخ بغضب : ياولد تحرك وش الميته ذي
نزل ياسر السرير وناظره : من صباح ربي كارفنا هذا ليـ..
قاطعه فارس اول ماصرخ : الله ياخذك ظهري انكسر شيله
رجع يشيله وهو يتحلطم وسط تهزيء جدهم الواقف بجانب الباب ينتظرهم يدخلونه
قرب منهم زياد وبحضنه فرح ومعه البندري ورزان تقدموا وسلموا عليه وناظره : جدي علامك تاركهم ينقلون بهالاثاث من الصباح؟ شصاير
ابو بندر ناظره ومدّ يده يلعب مع فرح: ماصاير شي لكن ابوك وينه؟ واخوك الثاني الي من تزوج وهو تقول بالعدّه علامه مايطلع!
ضحكت رزان والبندري كتمت ضحكتها بس ماقدرت اول ماضحك زياد وضحكت معه
زياد بضحكه : لا يسمعك والله يزعل
ابو بندر لف لياسر اول ماطلع وهو ماسك ظهره: ياعسى الي ينام عليه مايتهنـ..
صرخ ومسك كتفه بألم وناظره : ياجدي حرام عليك كسرتني قسم بالله لو اشتكيك لحقوق الانسان غيـ..
ابتعد بسرعه وبدل ماتصير الضربه فيه جت بفارس الي كان توه طالع صرخ ومسك راسه وناظره : بسم لله ماسويت شي من اليوم اشتغل وانا ساكت!
ابو بندر كتم ضحكته : كنت بضرب البقره الي وراك
فارس التفت لياسر الي ميت ضحك : وانت تحسبني زوجتك ولا وش بكل شي تخليني اشارك!
ياسر بضحكه : ولد عمي وصاحبي على وش؟
قاطعهم صوتها اول ماطلعت: شصاير بالبيت وليه الغرفه الي جنب غرفتك يايبه مفتوحه؟ مين بيجي
رزان لفت لجدها بفضول : اي جدي احد بيجينا؟
زياد ناظرها وسكت وهو محذرها ماتتدخل بأحد بس رمت كل كلامه وراها اول ماشافت امها!
ابو بندر تجاهلهم ودخل البيت وهم وراه جلس بالصاله وجلسوا العيال بجانبه والبنات بمكانهم المعتاد
مشاعل بنرفزه : يبه انا اكلمك! بعدين بدال ماتطلع ولدي جالس تأثث غرفه مادخلها احد من سنين!
ابو بندر بحدّه : اطلعه ليه؟ عشان يسود عيشت المسكينه ولا يبتلينا بمصيبه جديده؟
قاطعهم دخول ابو فيصل والبنات وبعدهم ام عناد وابو عناد وصار الكل موجود باستثناء يزيد وروان وعناد والعنود والكل ينتظرهم
أنت تقرأ
مدّيت لك فرحة ومدّيت لي هم واستحيت أرد مدّت يدينك
Mystery / Thrillerمدّيت لي كفك : غَلا مدّيت لك : حُب وعطا ماكنت ابي الا شعور يحضن حنيني ولهفتي وماكنت اظن ان الشعور ينهي بداية قصتي - بدأت : 19/7/1445 حسابها انستا > rwaii93
