بيت ابو فيصل
دخل وابتسم من ضحكها جلس جنبها وناظرها : عساها دايم
خلود ناظرته ومدّت يدها تبعد شعره عن جبهته وتناظره وفيصل ناظرها بتعجب : شفيك؟
رجعت تضحك اول مانتبهت لاثر كدمه صغير باقي فيه وما اختفى
فيصل بعد يدها ومدّ يده يلمس جبهتها : معك حراره؟
خلود هزت راسها ووقفت : لا بس تذكرت شي الاهم بقوم أتجهز ورانا ملكه
فيصل : ملكه مين؟
خلود ناظرته : مدري امي قالت لي والبنات بيروحون قلت اروح اوسع صدري شوي
هز راسه وسكت ومشت خلود شوي بس لفت بسرعه اول مارمى عليها فيصل الخداديه وصرخ بعد مافهم حركتها وكلامها : ياخبييثه
ضحكت وركضت لدرج تطلع وفيصل وراها : تعالي وانا اقول شعندها تلمسني
خلود لفت له بتتكلم بس صرخت اول مامسكها : والله امزح كنت استهبل ماقلت شي
فيصل وهو يضربها بمزح : تستهبلين اجل شقلتي لها ها؟ ماسكتها عليها عشان كذا تضحكين
خلود منسدحه وميته ضحك وفيصل يحاول يكتمها بالخداديه: ما قلت شي والله ببعد عني فااارس يمه كتمني
فارس طلع من غرفته بسرعه ع صوت الصراخ واسيل جت تركض ووقفت تناظرهم : شفيكم؟
خلود ماسكه الخداديه تضحك مو قادره حتى تقولهم يساعدونها وفيصل يحاول يكتمها خايف تتكلم وتفضحه! وتروح هيبته عند اخوانه!
خلود بضحكه : فارس انكتمت ساعدني خلك فارس ع اسمك وانقذني
فارس واقف يناظرهم وكتابه بيده: خليه يكتمك يمكن ارتاح من ازعاجك شوي!
فيصل ضحك : تبينه عون صار فرعـ..
طاح بالارض اول مادفته اسيل عنها : بعد عنها
خلود وقفت وهي تتنفس بسرعه وتضحك ع فيصل الي باقي جالس بالارض ومصدوم من اسيل
لفت وناظرتها : غريبه منك بس كفو اختي
اسيل : لا تخليني اخلـ..
صرخت اول مامسكها فيصل وشالها يدور فيها وهي تمسكه: يمهه فيصل نزلني بطيح خلودد
فارس صرخ : الله ياخذكم بذاكر حسبي الله عليكم
سكت يناظرهم محد رد عليه فيصل يدور بأسيل الي تصارخ وماسكته مع شعره خايفه تطيح وخلود تحاول توقفه وتضحك
هز راسه بيأس منهم ورجع دخل غرفته ثواني وطلع وكتبه معه ونزل الدرج متجه لمجلس الرجال وهو يدعي مافيه احد
-
بمجلس الرجال
موزع الكتب بالمجلس على شكل دائره وكل كتاب قدامه مركى موقفه وكأنه طالب! وواقف بنص ومثبت القلم ورا اذنه وماسك قلم ثاني
يشرح: وبكذا ياطلـ..
قاطعه صوته المصدوم : ياسر!!
التفت له وضحك : وش جابك انت؟
فارس دخل وضحك : هجيت من ازعاجهم انت وش مسوي بالمجلس!
ياسر سحبه وجلسه قدامه : زين جيت من اليوم اشرح للجماد خلني اشرح لأنسان اقلها يمكن عقلي يستوعب!
فارس جلس وضحك : قسم بالله محد صاحي اليوم
وبدا ياسر يشرح لفارس بجدّيه مادامت الا لثواني وصاروا يستهبلون وكل شوي واحد يقوم يقلد معلم او طالب من الي عندهم بالمدرسه
-
بالمركز
فز اول ماضرب الطاوله بغضب: المفروض اصدقك اللحين!
ناظره ببرود : قلت لك ما اعرف احد بهالاسم!
زياد وقف بغضب وناظره : اجل خله ينفعك ويطلعك!
طلع وقفل الباب وراه بقوة ولف لجاسر الي كان واقف قريب من الباب ينتظره : ارمه بسجن عند الي قبله يمكن يرجع عقلهم لهم ويتكلمون!
جاسر بتردد : والبنات؟
زياد مسح وجهه بضيق: قول لعلي يجمعهم بمكتب واحد لا تدخلهم هنا!
هز راسه ودخل غرفة التحقيق وزياد اتجه لمكتب سلطان دخل وجلس بضيق وهو يتنهد
سلطان ناظره : ماتكلموا صح؟
زياد : لا كلهم نفس الكلام مانعرفه وجينا نوسع صدرنا ومدري وش!
عدل جلسته بغضب وناظره : يتكلمون عادي ما كأنهم يرتكبون الحرام!!
سلطان تنهد : مايعرفونه من السم الي يشربونه
أنت تقرأ
مدّيت لك فرحة ومدّيت لي هم واستحيت أرد مدّت يدينك
Mystery / Thrillerمدّيت لي كفك : غَلا مدّيت لك : حُب وعطا ماكنت ابي الا شعور يحضن حنيني ولهفتي وماكنت اظن ان الشعور ينهي بداية قصتي - بدأت : 19/7/1445 حسابها انستا > rwaii93
