بيت الناصر العصر
الكل جالس برا الرجال بجهه والحريم مقابلهم بالجهه الثانيه والكل لابس عبايه ويسولف
ام فيصل : انا اقول نخليها الخميس ولا الجمعه
مشاعل : الخميس عندي ملكة لازم اروح خليها الجمعه احسن بس من بيجي!
ام فيصل : ام سامي علمتكم انا بالمزرعه بس اجلناها يوم عمي سوا عشا لزياد
مشاعل : اي تذكرت بس تأكدي لا يكونون مسافرين بعد
ام عناد : طيب بس هي وبنتها؟
ام فيصل : اي انا قلت نخليها صغيره وبدون رجال احسن لنا
ام عناد : صادقه بننشغل لو فيها رجال بعد
-
عند البنات
العنود ساكته وتناظر رزان وهي مستغربه انها ماركضت لابوها تبكي وتشكي منها وخلود تناظرها بحقد وغضب وهي خاطرها تقوم تصفقها
شهد ناظرتهم : خلاص اكلتوها بعيونكم
خلود بهمس : ليت عيوني تطلع ليزر واولع فيـ..
لفت للعنود مفجوعه أول ماضحكت بصوت عالي وحطت يدها ع فمها بعد ماستوعبت وهي تحاول تسكت
خلود تكتمها : يويلي يامجنونه اسكتي
العنود سكتت بالقوة وشهد تضحك ع خفيف بعد مانتبهوا لنظراتهم
ابو عناد بغضب : سد الله حلقك انتي ماتستحين!
ابو بندر ناظره: علامك تدعي عليها! حاسدها الضحك بعد
فيصل بهمس لعناد : ولا كأنه مستلمنا من الصباح دعاوي!
عناد يناظر العنود وهو مستغرب ضحكها الغريب لان حتى وابوها يهزئها قدامهم تضحك! عكس دايم توقف معصبه وتترك المكان
فيصل سكت وناظر العنود ورجع ناظره: شفيك انت!
عناد بتفكير: فيها شي
فيصل : مين؟
عناد ناظره: العنود
فيصل لف يناظرها : ما احـ..
سكت وهو يشوف خلود تناظر رزان الي تناظرهم بخبث لف يناظرها ورجع ناظر العنود الي سكتت وهي تناظرها بعد
لف لعناد: عندهم شي! شفيهم يناظرون بعض كذا
عناد : مدري بس وراهم بلا
يزيد دخل بينهم : تحشون بمين؟
فيصل بعده : فيك
بعد عناد له مكان جنبه وصار هو بنص وجلس يزيد وتنهد بضيق : عيال
لفو له وهم اول الي يسولف والي يتهاوش مع الثاني
فارس : شفيك؟
ياسر ناظره : مسوي حزين اخلص تكلم
فيصل طنشه وهو يرجع يناظر خلود والعنود الي واضح عندهم سالفه وهم يهمسون لبعض ويرجعون يناظرون رزان الي مو منتبه لهم وجالسه على جوالها
فز ولف له بغضب : وجع يوجعك علامك!
يزيد الي قرصه : تستاهل اكلمك ماترد ليه! ترا محد يطير والله
ناظره بحدّه وعناد يناظرهم مو فاهم شي وهو كل شوي يلف للعنود
ومو مطمن
فيصل : اللحين شتبي!
يزيد : اقول نبي نطلع نكشت بر بحر اي زفت ان شاء الله للمريخ بس طلعوني انكتمت
ياسر : والله فكرة بس مين يقنع جدي!
يزيد ناظره : شدخل جدي!
فارس : اجل مين يطلع؟
يزيد تنهد : ياخي البزارين مشكله وانتو لازم اهلكم بنطلع عيال بس
فارس : البزر انت وشوف مين يطلـ..
لفو كلهم لعناد الي وقف وجلس عند ابو بندر وهو يناظره بتعجب: علامك! يوجعك شي؟
عناد ابتسم رغم كل الهواش الي ياكله منه الى ان جده يميزه عن العيال
لف وناظره: لا بس بطلبك وقول تم!
ابو بندر : قول وبعده اتمم
عناد بمزح : لو العنود تمّمت بدون ماتسمع!
لفو لها وهي تسمعهم ومبتسمه : الناس مقامات!
ضحك عناد ولف لجده : ها ياجد؟ تمّم عاد
ابو بندر تنهد : تم بس وش؟
عناد : نبي نكشت برا لو ليله ونرجع طفشت قسم بالله
ابو بندر : لو انك متوظـ..
قرب منه بسرعه يبوس راسه : تكفى لا تبدا المحاضرة قسم بالله اني حفظتها!
ضحك وبعده عنه ولف للعيال الي يناظرونه بترقب ويزيد الي منقهر وهو كان يبيها عيال بس : تم اجل قوموا تجهزوا
وقف الكل ودخل يتجهز وهم كلهم يحسون انهم يحتاجون الطلعه بما فيهم روان الي ماجا لها متعب للحين!
بعد نص ساعة تجمعوا وتوزعوا بسيارات ابو بندر مع ابو فيصل وام فيصل بسياره وابو عناد ومعه ام عناد ومشاعل ورزان
العيال واقفين بين سيارتين ويتهاوشون ويزيد معصب انهم حتى بسياره بيناشبونه!
لف للبنات وناظرهم : اللحين انتو ليه نشبه!
شهد بضحكه : نحبك شنسوي
يزيد : انقلعوا مع عمي مشعل والعيال بسياره وخلص!
ناظرتهم العنود ولفت لعمها وهي تشوفه يقفل شنطة سيارته ويلف بيركب قربت منه : عمي دقيقه
لف لها وابتسم : سميّ شفيك؟
العنود : ياحبيلك والله شرايك تاخذنا معك! بس احنا البنات
خلود عجبتها الفكره : اي تكفى عشان ناخذ راحتنا
لفت العنود ليزيد : الله يغنينا عن الناس
يزيد بصدمه : عشاني ابي بس عيال صرت ناس!
فيصل صفقه مع راسه: وليه انت اول وش؟
فارس بضحكه: حيوان
تقدم له يزيد وركب السيارة بسرعه وهو يضحك وركب جنبه ياسر
شهد : يبه انت تستخير ولا وش؟
ضحك ابو زياد : لا بس افكر تكفيكم ولا؟
خلود : افا عليك! لو بشنطه نجلس مافي مشكله بس مانروح معهم وهم مايبونا!
عناد : شدخلنا هو الي مايبي؟
يزيد : انتم لكم اسبوع قالبين علي! تدرون اذلفوا كلكم
ركب سيارته وهو يقفل الباب من عنده وعناد يضحك ويحاول يفتحه
من برا : يالبزر خلاص بنمشـ..
مشى يزيد وعناد لف لهم بصدمه : شفيه صاير حساس!
فيصل ضحك : معليك فيه بس اخلصوا مين يمشي ومين يجلس
ركبوا البنات مع ابو زياد ومابقى غير فيصل وعناد واقفين برا
نزّلت خلود القزاز : صرتوا منبوذين
فيصل بضحكه: سيارتك صغيره ماتدخل البر شنسوي؟
عناد ناظره: وسيارتك وين؟ احنا عاطلين بس عندنا خير
فيصل : عطيتها واحد من العيال
العنود وهي جالسه قدام: اركبوا بشنطه في مكان
ضحك ابو زياد وناظرهم : العنود ارجعي ورا وانتو اخلصوا اركبوا تأخرنا
العنود فتحت الباب بتنزل بس رجعت قفلته اول ماضحك عناد: اجل الشنطـ.. خلاص خلاص امزح
رجعت فتحته ونزلت وركبت جنب خلود وركبوا العيال وحرك ابو زياد وهو يسولف معهم ويضحك والكل يحبه ويمون عليه عكس بندر وخالد
أنت تقرأ
مدّيت لك فرحة ومدّيت لي هم واستحيت أرد مدّت يدينك
Mystery / Thrillerمدّيت لي كفك : غَلا مدّيت لك : حُب وعطا ماكنت ابي الا شعور يحضن حنيني ولهفتي وماكنت اظن ان الشعور ينهي بداية قصتي - بدأت : 19/7/1445 حسابها انستا > rwaii93
