مدّيت لك فرحة ومدّيت لي هم واستحيت أرد مدّت يدينك

part : 14

تحركت بانزعاج وفزت جالسه تناظر السيارة والمحطه الي واقفين عندها هي كانت تنتظره يرجع من البقاله بس طول وغفت
لفت أول ماركب وقفل الباب : طولت وين بنروح؟
مارد عليها وتنهدت من تجاهله الدائم لها بعد نص ساعة لفت تناظر المباني الي بدت تختفي والواضح انهم بيطلعون برا المدينه
وقف على جنب وهو يناظر الطريق ويضرب اصبعه بخفه على الدركسون
وهج ناظرته : شفيك وقفت! ليه جبتني هنا؟
آدم مارد وهو يعدل الكاب الي لابسه ووهج تناظره بتعجب
سكتت وبعد دقايق عقدت حواجبها وهي تشوف سيارة نور لفت له: ذي مو نور؟ شجايبها
مارد عليها وشغل السيارة بعد ماركبت نور جنبها وهي تسلم وبعد ماردوا السلام لفت لها وهج : شجابك؟
نور ناظرته ورجعت ناظرتها : ليه ماتبيني! آدم ارسل لي نتقابل هنا؟
وهج ناظرته وسكتت وهو ما قال لها شي لفت اول مانتبهت انه غير طريقه ودخل بر وبدا الطريق يصير صعب صح انهم بالنهار والصباح بس بدت تخاف
نور ناظرتها : وين رايحين؟
وهج : مدري
طلعت جوالها بس مافي ابراج لفت له بخوف : آدم؟ وين رايحين!
آدم مايرد! بدا الرعب يلعب فيها اول مانتبهت له يرفع يده ويمسك الدركسون عقدت حواجبها هي تتذكر انه فيه ندبه بمعصمه! وينها ماتشوفها؟؟؟
سكتت تحاول تهدا الطريق بدا يصير صعب وبعدو عن الشارع وابراج مافيه ونور معها! لفت لنور الي ناظرتها بخوف
مسكت جوالها وهي تمثل الضحكه: صح على مانوصل بوريك فستان احترت فيه
ناظرتها نور بتعجب من كلامها الي مو وقته ابد بس نزلت عيونها للجوال وتوسعت عيونها بصدمه وهي تقرا كلامها الي كتبته بنوت : لا تتكلمين ولا توضحين له شي هذا مو آدم حاولت اتصل بس مافي ابراج شنطتي جنبك بالجهه الثانيه سوي اي شي ووصليها لي
نور رفعت راسها لها وابتسمت بخوف : خذي الاسود احلا
مدت يدها ع خفيف وسحبت الشنطه بس صرخوا برعب اول ماوقف بقوه وطاحوا على قدام وانفتحت الابواب ووهج باقي ماسكه جوالها وتضغط فيه ورا بعض بخوف صرخت وهي تلف له اول ماسحبها وطاح الجوال بالسياره ونور بكت برعب وهي تبعده : فكني مين انت بعدد
وهج طاحت بالارض وطاح حجابها بسبب سحبه لها وهو يوقفها غصب ويحط يده على فمها : اسكتيي
تحاول تدفه بس ويين وهو اقوى واطول منها بكثير لفت لنور الي باقي تصارخ وتبكي وتناديها وهي اخس حال منها حجابها طاح ومابقى عليها غير عبايتها!
توسعت عيونها بخوف اول ماطاحت نور مغمى عليها من الخوف وهي اول مره يصير معها كذا!
عضت يده بقوه واول ماتركها ركضت لنور : نوور
جلست عندها وهي تحاول تصحيها لفت لثاني اول مامسكها بغضب : انتي تبيني اذبحك
وهج : مين انت! شتبي منا اتركها ترووح
ضحك وهو يوقفها ولف لرجال الثاني الي ماسك يده ويناظرها بحدّه : تسمع شتقول! تحركي قدامي اقول
الثاني شال نور الي باقي مغمى عليها وناظره : والسيارات؟
لف له وهو يمشي : جابر ارجع بثانيه وانتبه وسيارتهم اتركوها بيعرفونا فيها وهج باقي تحاول تبعده وتتحرك وتضربه لحد ماعصب وضربها ع رقبتها واغمى عليها وتحركوا مبتعدين عن السيارة