زوجتي التانية أرملة(متوقفة حاليا)

البارت4

🥀زوجتي الثانية ارملة 🥀
🥀كتابة :Aicha Mos🥀
🥀البارت :4 🥀

سناء نطقات بصوت مخنوق ورجفة واضحة فصوتهاا وبحرقة قالت : غادي تزوج؟

عمر ( شد ايدها لعندها وطبع قبلة دافية عليها وطبطب عليها وقال بصوت منخفظ حنين ) : الرسول صلى الله عليه وسلم قال :- تَزَوَّجُوا الوَدُودَ الوَلودَ ، فإني مُكَاثِرٌ بكم الأنبياءَ يومَ القيامةِ

سناء ( حابسة البكية وبصوتها الرقيق والمخنوق ) :عليه افضل الصلاة والسلام

عمر : انا ماشي قنطت من رحمة الله بانه يكونو عندي معاك ولاد اخرين ...ولكن انا بغيت يكون من صلبي ولاد وبنات ويكونوا نفع للامة الاسلامية و يارب يهديهم ويكونو الصدقة الجارية مور منموت ويدعيو معايا بالرحمة

سناء ( هبطات راسهاا ودموعها تيطيحو على فخادهاا ) : وعلاش تتشاورني اعمر هاد الموضوع صعيب (هزات راسها تتشوف فيه ) نشوفو طبيب اخر ممكن يجيب ربي التسير

عمر ( هز راسها لعندو تيمسح دموعها باصابعو الدافيين ) : سناء نتي عارفة معزتك عندي وكون معرفت بلي نتي زوجة صالحة ومؤمنة مغاديش نفاتحك بالموضوع ...وانا مستحيل نتزوج بدون متكوني راضية

سناء ( عضات شفايفها ) : انا مبغيتش ( عنقاتو تترجف ) انا مبغيتش نشوفك مع مراة اخرى صعيب عليا تنبغيك بزاااف مبغيتش عافاك ا عمر متحطنيش فهاد الموقف

عمر ( عانقها بدورو بابتسامة حزينة تيدوز ايدو على راسها تيهدأها ) : صافي مغادي يكون غير الي بغيتي وهاد الموضوع غيتسد هنا و عمرو يتعاود يتفتح ....سامحيني

سناء ( بعدات عليه شدات ايديه ووتشوف فيه بعيونها الحمرين عامرين دموع ) : نشوفو طبيب اخر وخا سيدي ربي مغاديش يخيبناا ويجيب الفرج

عمر (باسها فحنكهاا ) : وخا ان شاء الله الي بغيتيه نديروه الغالية

عمر ( وقف ) : غادي نمشي نشوف عبد اللطيف ونجي  غسلي وجهك وسمحيلي قلقتك بهضرتي .

سناء بتاسمات بحنان : لا مديرش فبالك انا غير جاني الموضوع صعييب وسامحني هذاك حقك وسيدي ربي عطاك تزوج 3 عليا ماشي غير وحدة ولكن ....

عمر وقفها مقابلة معاه : صافي هاد الموضوع نسايه انا عارفك وحافظ شخصيتك وكيفاش تتفكري ونتي كذلك عارفاني عشرة سنين ...كون كنتي بحال للعيالات للي غير يسمعو ان الراجل يتزوج تيهزو حوايجهم ويخرجو ومن حقهم ولكن كل وحدة وعارفة شريك حياتها كيف داير ...ونتي الي سمحيلي هاد الموضوع ميبقاش يتجبد

سناء بتاسمات بحنان : كنبغيك بزاف الله يدوم لمحبة ويوفقنا لما يحبه ويرضاه

عمر باسها جنب فمها : ءامين نمشي نشوف ولدنا نجي

خرج سد الباب وتكى عليه تنهد بحزن و كل امرو لله ومشى فاتجاه غرفة عبد اللطيف الي كانت لاصقة مع بيتهم ...فتح الباب بشوية ودخل للغرفة الي كانت فاللون الازرق البارد دليل على انها غرفة ولد تيتوسطها سرير على شكل سيارة سباق حمراء والجدران فيهم الوان وروسم متحركة
الوان مريحة وطفولية .....كان ناعس وفقط راسه الي باين من جسمه الصغير المغطى بالغطاء الدافء

تحنى لعندو وبعد الشعر على جبينو وطبع قبلة دافئة مدة قصيرة وشاف فيه برضى وسعادة جلس حدا سريرو وهو تيشوف ف عبد اللطيف الي ناعس بكل سكون وراحة ...عيون عمر تبدلات نضراتها لنضرات حزينة وهو تيتفكر اخر زيارة ليه عند طبيبتو هو وسناء الخاصة ...الي من داك النهار وهو تيفكر بدون توقف فكلامهاا وفنتيجة التحاليل والي بسبابهم فكر فموضوع الزواج للمرة الثانية ولو انه صعيب عليه هو قبل اي واحد ولكن فكر وعاود فكر ولقا بلي هذاك هو الحل المناسب وطلب الله انه يوفقو يعدل بيناتهم في حالة وافقات سناء !!

ولكن هي مقبلاتش ومن حقها وهو مستحيل يخسرهاا وواعد نفسو ميعاودش يفكر فالزواج او يفتح معاها الموضوع ميقدرش يهدم بيتو بنفسو سناء هي الزوجة ونعم الزوجة الي يحلم بيها اي واحد ذات دين وجمال ونسب واخلاق عمرو شاف فيها او شافت فيها الحاجة خديجة شي حاجة خايبة ....ديما بلاصتها نقية وطيبة وصادقة وفعلا نعم الزوجة هي 🥀

...
#يتبع