🥀زوجتي الثانية ارملة 🥀
🥀كتابة : Aicha Mos 🥀
🥀البارت 29 🥀
عمر : مغتشوفيش فيا ؟
ايمان تربط لسانها من الصدمة معرفاتش باش تجاوب~
عمر ضحك ضحكة خفيفة : ههه والعرس واش تبغي نديروه فالقاعة ولا غير فالدار ؟
ايمان تفاجئات : واش غدير العرس
عمر كيشوف فيها : من شروط الزواج الاشهار و مفيها باس تفرحي براسك وانا كذلك ونديرو الصدقة وتكون ليلة مباركة قرئانية
ايمان عجبهاا تفكيروو : ان شاء الله
عمر. : القاعة ولا الدار ؟
ايمان بخجل : غير فالدار غيكون داكشي بسيط حتى عاىلتنا مكبيراش بزاف
عمر : والصداق ؟
ايمان هزات فيه راسهاا غير لحظات وعاود هبطات راسهاا : الي عطيتي خير وبركة
عمر : الله يرضي عليك
~~~~
فالطموبيل عمر مع الحاجة خديجة راجعين للدار كيهضرو على كيفاش دازت الليلة ..وقداش الحاجة خديجة عجباتها ايمان ودخلات خاطرهاا
الحاجة خديجة : ولدي الله يكمل عليكم بالخير البنت الله يعمرها دار
عمر مركز فالطريق : ءامين
الحاجة خديجة : دير عقلك ومتخليش الشيطان يوسوس ليك عليهم ومتعدلش بينهم بجوجات بنات الناس بغيت ربي يفرحهم
عمر : الله يقدرني ويهديني الحاجة
الحاجة خديجة : امين اولدي امين
الحاجة خديجة شافت فيه : باش راضيتي سناء ؟ كتبانلي مبقاتش ساهية بزاف
عمر : كتبت ليها البرطمة الي فالجديدة بسميتهاا وخا مبغاتش تقبلهاا
الحاجة خديجة : ديك البنت الله يسعدهاا ويرزقكم الذرية الصالحة ويهدي ولدكم ياربي متلقاش بحالها اعمر
عمر بتاسم : عارف الحاجة سناء ذهب
الحاجة خديجة :معرفتش كيفاش غادي تصرف مرت عمك ملي تسيق الخبار ديك المرأة مكتفاهمش الله يهديهاا
عمر تنهد : خير الحاجة خير ان شاء الله
وصلو للفيلا ودخلو كان السقيييل دخلو فصمت كل واحد مشى لبيتو ...دخل عمر لغرفته لقا سناء نعسات باسها فراسهاا وغطاهاا ...ومشى هو يبدل حوايجوو... وبقا تيفكر ف سناء الي هاد الايام مبدلة مبقاتش جبدات معاه هاد الموضوع ومبقاتش تتسهى بزاف بحالا تقبلات الموضوع وربي رزقها الصبر ....دخل توضئ وصلى جوج ركعات شكر لله على تيسير اموره كلهاا ...
كمل صلاته ودخل حدا سناء ونعس بعدما قرأ اذكار النوم واستعاذ من الشيطان ...عمر تليفونو على موعد صلاة الفجر ونعس بقلب مرتاح وعقل صافي ...
فاقت سناء كيف عادتهاا نشيطة متناسياا ان البارح كانت خطبة راجلهاا من امراة اخرى ...دعات الله يرزقهاا الصبر والاجر ودارت روتينهاا اليومي مبين الاعتناء بنفسهاا وبولدهاا ...والاعمال المنزلية البسيطة حيت كاينة المساعدة تتعاونهم .......كانت فبيتهاا حتى كتسمع الصداع التحت لبسات حجابهاا وهبطات تتجري فالدروج معرفات اش واقع مموالفاش يكون الصداع فالفيلاا ربي رزقهم نعمة الامان والسلام فكل احوالهم .....هابطة قلبهاا سابقهااا محد تتقرب تتسمع صوت امهاا تتغوت وتعلي صوتهاا !!
ها سبعة دلبارت سبعة خرين سيمانة جاية🫶خليو تعاليقكم
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
