🥀زوجتي الثانية ارملة 🥀
🥀كتابة : Aicha Mos 🥀
🥀البارت 28 🥀
جاء اليوم الموعود كلشي موجد وكلشي فرحان ...الطبالي مزوقة باشهى المؤكولات والمشروبات والهدايا الي جابو اهل العريس ...كان عمر فالصالون هو وخال ايمان الوحيد سالم عمرو اتاي وجالسين تيشاركو اراءهم فمواضيع مختلفة ...واغلبهاا عن التجارة ....
اما الصالة الاخرى الي كانت ديال النساء كانت الحاجة خديجة جالسة بجلابتهاا الانيقة وحظورها الوقور تتخليك تحتارمهاا بزز منك ...كانت معاها فوزية الي رحبات بيهاا لابسة قفطانهااا الي خيطاتو خصيصاا لهاد المناسبة ولابسة دهبها تقريبا كله ...بغات تبان على الحاجة ....كبات ليها كاس اتاي
فوزية تتحرك دبالجهاا : بسم الله الحاجة مرحباا بيك
الحاجة خديجة غير تتشوف : ترحب بيك الجنة فين عروستناا؟
فوزية بابتسامة صفرة : هاهيا غتجي دابا (قربات ليها طباسل المكسرات والحلوى ) هزي الحاجة مرحباا
الحاجة خديجة هزات كاسهاا : الله يكبر بيك
دخلات ايمان بقفطان جوهرة مذهبة فالباج مع حجاب فنفس اللون وشربيل حيدانو قدام الصالة ودخلات بخجل واضح فوجهها الي مفيه ولا نقطة مكياج ولكن جمال ملامحهاا وبشرتها الصافية غالب ...سلمات على الحاجة. خديجة الي عنقاتهااا حمقاتهاا هي تتعرفها من زمان ومن كتر متتعاود عليها الحاجة صفية حباتها كتر وكتر
الحاجة خديجة جلساتها حداها : ما شاء الله تبارك الله
ايمان تتحاول تذكر فين شافت الحاجة ~
الحاجة خديجة : غزالة ما شاء الله شفتك مرة وحدة فدار الحاج الذهبي الله يرحموو
ايمان : الله يرحموو
الحاجة خديجة تتشوف ليهة فعينيهاا : معرفتش فين شفت هاد العيون الغزالة ما شاء الله ( بحالا تفكرات ) اه اه ماشي نتي الي كنتي دايرة النݣاب مع الجلابة ؟
ايمان تذكرات : اه اناا
الحاجة خديجة بتاسمات : سبحان الله شوفي الرزق فين كاين
فوزية بغات دخل راسهاا فالكلام : ايمتا هادشي وعلاش شنو تتهضرو
ايمان بخجل : عرفتي واحد المرة قلت ليك راه عاونت واحد السيدة توصل عند ولدهاا راه هي الحاجة
فوزية بنص ابتسامة : هه سبحان الله
بقات الحاجة خديجة تتهضر مع ايمان ونساجمات معاهاا تيهضرو على الحاجة صفية ووليداتهاا مخلين فوزية فالجنب غير تتشوف معاجبهاا حال حتى قالت
فوزية : اوا الحاجة مغنهضروش فالصداق والعرس وفين غتسكن البنت ؟
ايمان مرݣاااات : ماما !!!
الحاجة خديجة بتاسمات بلطف : داكشي بيناتهم هوما الي يهضرو فيه منزيدوهم غير الله يكمل بالخير
سكتات فوزية ومرضاتش ...سمعات خوها تيعيط ليهاا مشات عنده حطو العشاا لرجال وللنساا .....مفرقين الحاجة خديجة متفارقاتش على ايمان غير تتهضر معاهاا وتسولهاا حتى دخلات معاها سارة الي دخلات قلبهاا موضوع يجبد موضوع ...بحالا كانو تيعرفوها من زماان دغيا دارت بلاصتهاا فقلبهم وهوما كذلك فقلبهاا ...كملو وجمعات سارة الطبلة حتى دخلات مرة اخرى
سارة :ختي تيعيط ليك خالي
ايمان وقفات : هانا جاية (خرجات عنده)نعم اخالي
سالم تيضحك عجبووو عمر بزااف : دخلي راه بغا يهضر معاك
ايمان تزنݣات : وخا ولكن تجلس معانا
سالم حط ايدو على راسهاا : ايه ايه غير زيدي
دخلو للصالون الي كان فايح بعطر العود الي داير عمر ..ريحة غزالة وراااقية جلسات كيف عادتهاا فالسداري الي مقابل معاه حشمانة وراسهاا للارض اما خالها بعد عليهم وجلس هاز التليفون مخليهم على خاطرهم ...
عمر : السلام عليكم ورحمة الله لاباس ؟
ايمان قلبهاا تيضرب بجهد : وعليكم السلام ورحمة الله بخير وانت ؟ سناء و الولد لاباس عليهم ؟
عمر بتاسم مرة مرة تيهز عينو فيها : الحمد لله في نعمة
واش عندك شي طلب او شرط ؟
ايمان : لا معنديش شروط
عمر : العقد الشهر الجاي ان شاء الله واش مناسب الموعد ؟
ايمان بخجل : اللهم يسر
عمر : بالنسبة للسكن غادي تسكني بوحدك موافقة ؟لتجنب اي نوع من الحساسية
ايمان عينيهاا على الزربيةة بغات تهز عينيهاا ومقداتش : موافقة
عمر تيشوف فيها : ومغتشوفيش فيا ؟
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
