🥀زوجتي الثانية ارملة🥀
🥀كتابة Aicha Mos🥀
🥀البارت 32🥀
عمر حل ليها باب السيارة حتى ركبات وبقا حال الباب تيشوف فيها فرحان بيهاا...اما هي تتشوف غير فالارض مقاداتش تهز فيه عينيهاا وبدون سابق انذار هز ايدهاا ووباسها بوسة فوق القفاز وشاف فيها : مبروك علينا ا لالة ايمان
ايمان شافت فيه بصدمة وقلبهااا تيضرب بجهد خدودها غادي يطرطقو بالحشمة تتشوف فعينيه والفرحة الي باينة فيهم نطقات بصوت تيرجف بحال ايدهاا وهي فايده : الله ...يبارك. .فيك
عمر عينيه فعينيهاا وجمالهم حاس برجفة ايدهاا بتاسم وحط ايدهاا وسد الباب وضار ركب ونطالق فاتجاه دارها ...الطريق كلهاا والصمت سيد المكان هو مرة مرة تيشوف فيهاا هي الي راسها فالارض حاس بخجلهاا وعاجبووو ....هو بدوره قلبه تيرقص بفرح فرحان بهاد الزواج الي لولا تيسير الله ما كان تم
عمر عينيه على الطريق مد ليها تليفونوو : وخا تعطيني رقم الهاتف ديالك ؟
ايمان شدات التليفون من عنده كانت صورة عبد اللطيف هي صورة الخلفية ..غير شافتهاا بتاسمات بلطف قيدات النمرة ورجعات ليه التليفون : تفضل
عمر شدو من عندهاا وحط حداه ورجع كيشوف فالطريق : عاودي ليا عليك ؟
ايمان تتلعب بصبيعات القفاز : مثلا ؟
عمر بتاسم : المستوى ديالك فالدراسة واش تتقراي الكتب والروايات شنو اللون الي تيعجبك ؟ مثلا
ايمان بصوتهاا المنخفض والرقيق : عندي الاجازة فالاقتصاد كنقرا الكتب والمؤلفات فالفقه ...(تتبتاسم تحت النقاب ) ومعنديش لون محدد كيعجبوني كل الالوان
عمر كيسمع لصوتهاا ويبتسم باغي غير يبقا يتصنط ليهاا وقف السيارة قدام محل مجوهرات شاف فيهاا : اجي تختاري الخاتم مخديتوش من قبل حيت قلت تاخدي على دوقك
ايمان بحياء : مكاين لاش انا معنديش مشكل
عمر هبط حليها الباب بكل رجولة ووقار : بسم الله ختاري الي عجبك
ايمان هبطات عينيهاا فالارض وقلبهاا طاير بالفرح والخجل عاجبهااا تعاملوو معاها : بسم الله
دخلو للمحل الي كان راقي ....غير الدخلة كانت زوينة المحل كله من زجاج والمجوهرات معروضة بشكل راقي وانيق ...غير شافتوو البنت الي فالاستقبال جات عندهم
البنت : مرحبا بالسي عمر
عمر عينيه فالارض متيشوفش فيهاا : السلام عليكم ورحمة الله كاين سي خالد
البنت : كاين تفضلو انا نعيط ليه
عمر جلس فوق الفوتوي وجلسات حداه ايمان الي مرة مرة تهز عينيهاا فالمحل تتشوف عجبها هي الاخرى الديكور ماهيا الا دقاىق حتى كانت البنت راجعة هي والسي خالد صاحب المحل كان فالثلاثنيات من عمره وسيم الوجه وانيق الملبس ....
خالد عنق عمر : مرحبااا والف مرحبااا بالسي عمر نهار كبير هذاا
عمر بادلو العناق : الله يكبر بيك اسي خالد لاباس عليك كيف امورك
خالد بابتسامة : الحمد لله بخير وانت كيف احوالك الحاجة ومالين الدار
عمر : الحمد لله ...جيت نشوف شي اشكال فالمرياج
خالد مشا وراا الكونطوار جبد الاشكال كتار من الخواتم الذهبيةة جابهم حطهم قدامهم : مرحباا هادو كلهم موديلات جداد
عمر : الله يحفظك
خالد : خودو راحتكم لحتاجيتو شي حاجة عيط ل حنان هي تشوف طلباتكم ( مشى مخليهم على خاطرهم )
عمر جلس حدا ايمان : ختاري الي عجبك
ايمان تتشوف فالاشكال وخواتم كتاار معرفات شنو تختار عجبوهاا ..جات عينها على خاتم عجبهاا بقات تتشوف فيه مزعماتش تهزو ~~~
عمر شافتهاا على اش حاطة العين وهزو مدو ليها : واش هذا الي عجبك ؟ هاكي جربي
ايمان عضات شفايفهاا معرفاتش كيفاش عرف بلي هو الي عجبهااا شداتو من عندو بغات تجربوو على القفاز حتى شد عمر ايدهاا هزات عينينها فيه : نعم ؟
عمر شاد ايدهاا بكل حنان حيد ليها القفاز و هز الخاتم دارو ليها فصبعهاا : هكا كيتجرب الخاتم ( شاد ايدهاا )جاك زوين
ايمان تترجف قلبها قريب يوقف من قوة الحشمة بغات تحيد ايدها بقا شادها ليها : ش..شكراا
عمر كيشوف فيها : هذا الي عجبك صافي نختاروه ؟
ايمان عينيهاا تتشوف فايده الي شاد بيها ايدها مباغيش يطلقهاا : اه هذا شكراا
عمر بتاسم وناض مشى عند البنت الي فالاستقبال قالها شنو خداو وخلص حتى جات عينو على طقم ذهب من حلقات سنسلة وكورميط وخاتم عجبوو وخداه هو الاخر جمعات ليه البنت الي طلب خلص وبلغ سلامو ل خالد وخرجووو شاد فايدهاا الي تترجف فايديه صادمهاا من الزعامة ديالووو ...
كملو طريقهم فاتجاه الدار ...طوال الطريق والصمت كان سيد المكان ساكتين ولكن كان هدوء جميل مستمتعين بحضورهم بجوج فمكان واحد ...وصلهاا وقف قدام الدار وقبل متنزل فاجئها بكلماته
عمر : غدا ان شاء الله ندوز عندك نتي والوالدة ديالك نمشيو تشوفو الدار وشنو ناقصهاا
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
