🥀زوجتي الثانية ارملة 🥀
🥀بقلم Aicha Mos 🥀
🥀البارت 18🥀
الحاجة خديجة على سجادتهاا جالسة فاديها مسبحتهاا تتسبح وتستغفر الله بعد صلاة العشاء ...دخلات عندها سناء للغرفة وجلسات حداهاا ...
الحاجة خديجة ضارت لعندهاا : فيه عبد اللطيف
سناء : عشيتو ونعس عيان من المدرسة
الحاجة خديجة بتاسمات : مزيان و عمر غيتعطل ؟
سناء : اه عيط ليا قالي غادي ؤتعطل شوية ومنتسناوهش للعشاء
الحاجة خديجة : ايه فيها خير ...قولي ليا ابنتي ..؟
سناء بطاعة : ٱمري اخالتي شنو حب الخاطر
الحاجة خديجة حطات ايدها على اد سناء بحنان : هضر معايا عمر على موضوع زواجو مرة اخرى ..
سناء هبطات راسهاا ~
الحاجة خديجة : نتي قابلة ابنتي يتزوج عليك ؟
سناء بصوت خافت : اه
الحاجة خديجة : لبزز عليك ابنتي متخبيش عليا انا نوقف معاك ..هذاك شرع الله ومن حقو يزيد حتى 3 ولكن الشرع قال مخاصش يهدم دارو لو مكانتش مرتو الاولى موافقة
سناء هزات راسهاا : لا مبززش عليا انا وافقت من كل قلبي هذاك حقو فعلا صعيب عليا هاد القرار ولكن ربي يجازيني خير ويرزقني الصبر
الحاجة خديجة عنقاتهاا : الله يزيدك فعقلك ابنتي ويحفظك ويرزقك كل ما تتمناي يارب
سناء زيرات عليها تتحن عليها كتر من امهاا : ءامين اخالتي ءامين
الحاجة خديجة تطبطب عليها : سمعت واحد الداعية الله يحفظو ويزيدو من العلم النافع ان المراة المسلمة المؤمنة عادي تكره الضرة ومتقبلش راجلها يتزوج او انها تشرط عليه قبل الزواج ميتزوجش عليهاا حيت الغيرة فطرة فيناا ومنقدروش نحيدوها مناا ...ولكن ان المرأة تكره الشرع ديال الله فهذا ذنب كبييير وانها تشوف ان التعدد ظلك للمرأة وتنقيص ليها هادي مصيبة الله ينجيناا..الله ليه حكمة فتشريع التعدد ...بالعكس خاص تطيع امر الله وتقبلوو بكل ايماان...وانهاا تكره الضرة وتقبل التعدد تقبلو كشرع جاىز
زوجات الرسول صلى الله عليه وسلم كرهو الضرة و ءامنوا بشرع الله المنزل و قالو سمعاا وطاعة
سناء :عارفة اخالتي كيف قلتي المارة تتكره الي يشاركهاا فراجلهاا ماشي تتكره الشرع لا سمح الله
الحاجة خديجة : الله يهديه عمر قلت ليك يفكر مزيان فهاد المووضوع ولكن مصر
سناء بحزن : يمكن مكتاب ليه يتزوج جوج الله يكمل عليه
بالخير...
الحاجة خديجة : الله يكتب ليكم الي فيه الخير ابنتي
سناء بترجي : ءاامين يارب العالمين
عند ايمان الي كانو مجموعين على طاولة العشاء هي وامها و اختهاا فجو صامت...تيسمعو غير صوت التلفازة الي بادية فيها السهرة ...تتفرج فوزية وفرحانة عكس ايمان الي معجبهاش. الحال سكتات شحال وهي تنطق
ايمان : ماما عافاك بدلي هاد الفضيحة وهاد المنكر ؟
فوزية :منكر مالهم تيحطو حوايجهم تيغنيو وناشطين اش فيها ؟
ايمان : هادوك امي راه تيعصيو الله الاختلاط والتبرج والعراا والغناء بكلمات خايبة والتفاهة والذنوب عليهم وعلى الي تيشوف فيهم
فوزية بنرفزة : كل نهار نتي جيبي فتوة حتى الي باغي تنشط تنكدوها عليه
ايمان : هذا سميتو الامر بالمعروف والنهي عن المنكر الانسان المسلم خاص ايلا شاف الغلط والحرام يقولهاا وميسكتش او يحشم غير هاد الوقت ولا الي تيقول الحق يقولو ليه دخل سوق راسك و واش نتا الي غادي تحاسب بلاصتوو !! الله يهديناا لطريقو ييارب
سارة : اه بصح دوك المشوهات فالتيكوك والفايسبوك تيقولو ليهم فالتعاليق حشومة هادشي وحرام وعيب بنادم تنقز ويقولك ماشي شغلك وديك الهضرة ديال يتحاسب راسوو وواش غادي دخل معاه للقبر
ايمان بحزن : الله يصلح الحال
فوزية ممسوقاش ليهم تتفرج : رابعة العدوية عندي فدار ولهيلا زيانت
ايمان : لا حول ولا قوة الا بالله
فوزية خنزرات : مالي تنضرب بالحجر ( يلاه غادي تزيد تعايرهاا حتى تسمع الدقان فالباب حلات لسارة كان خالها دخل عندهم كيف العادة بصباطو للصالون ) مرحباااا والف مرحبااا بخويااا
سالم هز الخبز تياكل ديريكت : ترحب بيك الجنة العزيزة فوزية المرضية اش تعاودوو
فوزية نقصان التلفازة : الحمد لله بخير ونتا اخويا لاباس عليك كيف الخدمة ؟
سالم تيندغ ويهضر : بخير هاد الساعة الخير موجود والسلعة جديدة تمشات لينا مزيان
فوزية : الحمد لله ( شافت فايمان ) نوضي نتي عليا مبقيتش بغيت نشوفك قدامي
سالم حبس من الماكلة : غير خليها راني جايب خبار تتفرح جاو فيها الخطااااب !!
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
