🥀زوجتي الثانية ارملة🥀
🥀بقلم Aicha Mos🥀
🥀البارت 22🥀
دخلات ايمان لبيتها سدات الباب ...مبغاتش تبقا تسمع كلام فوزية الي كيجرحهاا ...حيدات الحجاب ديالها وبدلات حوايجهاا ولبسات بيجامة دار وجلسات فوق سريرهاا
..عقلهاا خدام تيفكر فهاد الشخص الي تقدم ليهاا ...قلبهاا تيضرب بجنون خايفة وحشمااانة بزاااف ...هذا شعور طبيعي كيجي لاي بنت تيتقدم ليها شخص للخطبة ...
تفكرات كلامو وطريقتو وصوته ...ملامح وجهه الي كانت فعلا جميلة وسيم والنور فوجهوو ...كلماته ورزانته واجوبته الي كانت اغلبهاا ايات من القرءان....شخص الي تتمناه بنت بحالهاا دين وخلق ...عاد عرفات علاش ارتاحت ملي صلاة صلاة الاستخارة لبارح ....
ولكن بسرعة ما اختفت ابتسامتهاا الي ترسمات على شفايفهاا وهي تتذكر بلي هو مزوج وعنده ابن !؟
التعدد شرع الله وهي مغاديش تدخل بنية شريرة والعدل هو الي خاص يحاول يطبقوو. ولكن تبني سعادتهاا على سعادة انسانة اخرى هادشي الي مستحيل تقبلوو او انها تهدم بيت اسرة ...وخا قالها بلي زوجته موافقة ولكن مترددة وخايفة من المستقبل
حايرة واش تقبل بيه او لاااا...؟؟؟؟
عمر كان سايق الطموبيل ديالو وهو تيفكر فهاد الارملة الي غير من طريقة كلامها وحياءها تتبان بنت متدينة وخلوقة كيف وصفاتها ليه امه ...الي مقالت ليه انها فعلا زوينة...ولكن هادشي مكانش مهم عنده قدما كان كيهمو البنت دات دين وخلق كما قال الرسول صلى الله عليه وسلم
( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ )
كاين الي تيقلب على الزين وكاين الي يكيقلب على النسب والحسب وكاين الي كيقلب على المال ...ولكن اهم شرط الي خاص يقلب عليه الرجل السوي المسلم انه هاد الزوجة الي غادي تشرك معاه حياته وتربي اولادهم انها تكون ذات دين وتكون تخاف الله ...
خوا راسو من الموضوع ورجع تيفكر فكيفاش يقنع سناء تمشي تلاقى بيهاا وواش غادي تقبل هاد الفكرة من الاساس هي وافقات يتزوج ولكن باين وضوح الشمس انها نبغاتش تكون عندها اي علاقة اخرى تربطهاا بالزوجة الثانية باش ميتحرقش قلبهااا اكتر !!
وخا اكثر حاجة تتحرقها هي نار الغيرة وفكرة زوجها وحبيبها مع امراة اخرى غيرهاا ...
دخل للفيلا متاجه لغرفته لقاها كيف عادتهاا جميلة انيقة وتتسناه بكل زينتهاا وعطرهاا الفواح والرقيق ....كانت ملامحهاا ممفسراش عارفاه مشى شاف هادي الي يمكن تكون زوجته الثانية...فنفسهاا تتطلب انها متكونش وافقات ولكن لو موافقاتش هادي غيشوف وحدة اخرى لو كتب ليه الله انه يتزوج من الاساس !!
عمر تقدم لعندهاا بابتسامة وباسهاا : السلام عليكم ورحمة الله حبيبتي باقي منعسي ؟
سناء مركزة مع ملامحو تشوف واش فيهم شي تغيير او شي تلميح على كيفاش دازت الامور : وعليكم السلام اه مزال قلت نتسناك
عمر جلسو فوق سريرهم : الله ينورك الغالية
سناء بتسائل : كيفاش دازت الامور
عمر تيشوف فايديها الي كارزاهم : الحمد لله بخير
سناء زيرات على اسنانهاا قلبها شاعل نار غيرة : شفتيهاا ؟؟
عمر عينيه على ملامح وجهها الي تيبانو مقلقين : ف الشوفة الشرعية
سناء بغصة : واش زوينة ؟
عمر عارفها غارت : عندها حقها
سناء عينها تلاقات بعينيه : واش وافقات ؟
عمر : بغات تشوفك
سناء بتفاجئ : علاش ؟!
عمر : بغات تسمع منك الموافقة .. قالت بلي مبغاتش تهدم دارك وتبني حياة جديدة مقابل سعادتك نتي وحياتك
سناء هبطات راسهاا : انا ...
عمر شد ايدهاا : تقدري ترفضي ا سناء ماشي بزز
سناء بغات تمشي تشوفهاا الفضول كياكل فيها : لا انا موافقة نتلاقا بيها
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
