زوجتي التانية أرملة(متوقفة حاليا)

30

🥀زوجتي الثانية ارملة 🥀
🥀كتابة : Aicha Mos 🥀
🥀البارت 30 🥀

سعاد تتغوت : الحاجة خديجة اش هاد الحالة واش حنااا عطيناكم البنت باش تهلاو فيهاا ولا  باش يجيب عليها ولدك الضرة ؟؟؟؟

الحاجة خديجة : ختي سعاد نعلي الشيطان واجي نتفاهمو غير بالعقل

سعاد : اشمن عقل باقي ؟؟؟ وسااايقة الخبااار من البرااانيي اش درتو لبنتي حتى سكتااتتت لهاد الدلل فينهااا مبقا عندهااا جلسو هناااا سنااااء سناااااء

سناء هبطات تتنفس بصعوبة : اش واقع ماما ؟؟ مالك

سعاد مشات عندهاا : الله ابنتي الله اش دارو فيك

سناء مفاهمة والو تتشوف فالحاجة خديجة : ماما مالك ياكما وقعات شي حاجة ل بابا ولا ل مارياا ؟

سعاد ضربات فخادهااا : الي واقع واقع لييييك يا صكعة ليااام راجلك غيتزوج عليييييك ابنتي طلعي جمعي حواجك وحوايج عبدوو مبقا عندك جلوس هنااا حتى يختار عمر اينا وحدة باغي ...اويلي وحدييي باك الي غادي يتفاهم معاااه

سناء شدات فيهاا : ماما اجي نجلسوو تهدني غادي يطيح ليك السكر

سعاد تتمشى معاهاا : طااح ابنتي مع هاد الخبااار د الويل وشوووفيلك ولد خديجة واش داير بقات ليه غير التانية

الحاجة خديجة تابعاهم مهدنة كانت متوقعة هادشي  : لا حول ولا قوة الا بالله

سناء جلسات مدات لامها كاس الماء : هاكي شربي وتهدني

سعاد شربات : اويلي وحديي على شوهتيي بين الناس اناا انااا بنتي دخل عليها الضرة !!!!!

سناء عاضة على سناننهاا ساكتة وتتشوف ~

الحاجة خديجة : ختي نعلي الشيطان ماشي هكاا غنتفاهمووو بلاتي غير نشرح ليك اش واقع

سعاد شافت ف سناء ساكتة مدارت حتى ردة فعل : واش كنتي عارفة ؟؟؟؟؟

سناء شافت فيهاا وسكتات ~

سعاد قرب يسكت ليها القلب : يااا المدلووولة يااا الصكعة يا المسخوووطة واش موكلك التقاااشر لاااش ساالكتة واش معندك عائلة معندك باك معندك مك قووولي لياااااااا عاودي ليااااا وتشوفي واش نخليييه يدخل عليك خانزة د الخلىى (شافت ف الحاجة ) شكووون هاد سراقت الرجااال ؟؟؟

الحاجة خديجة : اعوذ بالله من الشيطان الرجيم سعاد اتقي الله اش هاد الهضرة تتقولي ؟

سعاد : كاين شي شيطان قد ولدك الي باغي يدخل على بنتي انااا بنت سعاااد الضرة !!

تسمع غوات الحاج عبد الصمد فالفيلااا خلاهاا تقفز من الخلعة : سعاااااااد

وقفااات تترجف : الحاج جيتي

سناء وقفات حتى هي مخلوعة  حابسة دموعهاا : بابا

الحاج خنز ف سعاد حتى قربات تسخف بالخلعة : اش هاد الصداع واش هاد المستوىى سعاد اش هاد قلة الترابي ( شاف فالحاجة خديجة) سمحيلينا الحاجة

الحاجة خديجة : تفضل الحاجة مرحبا بيك نعيط لعمر

الحاج دخل جلس كيخنز ف سعاد الي تكمشات : عيطت ليه الحاجة دابا يوصل

سناء مشات باست ايدو تترجف : السلام عليكم الحاج

الحاج بتاسم ليها : وعليكم السلام ابنتي جلسي هنا

سناء جلسات حداه حانية راسهاا : نجيب ليك شي حاجة تشربهاا الحاج

الحاجة خديجة ناضت : انا نوجد كاس اتاي خودو راحتكم مرحبا بيكم الحاج نهار كبير هذا

الحاج عبد الصمد بصوته الخشن والمهيب : الله يكبر بيك الحاجة

خرجات مخلياهم وهي براسهاا مخلوعة ومعزيزش عليها المشاكل ....بغات غير ايمتا يوصل عمر يشوف حل لهاد المشكل....دخلات للكوزينة تتوجد الصينية وهي تتذكر زوجهاا الحاج ابراهيم الله يرحموو كان تاهوا كلمته مطيحش الارض والهيبة ديالو طااغية كان الله يعمرهاا دار وكان قاصح بحال خوه

فالصالون ~

الحاج بصوت منخفظ نوعا ما ولكن حاد : شهاد الحالة ا سعاد قلة الترابي مدرتي قيمة لحتى واحد مبقيتش معمر ليك العين ؟

سعاد عينيها فالارض مزيرة على ايديهاا : لا ماشي هكاك الحاجة حاشا ولكن مصبرتش**

الحاج قاطعهاا : سكتي من بعد ونتفاهم معاك ماشي وقت الهضرة هناا

سعاد رجفات ودموعها علاين ينزلوو : سمحلي الحاج

#يتبع