🥀زوجتي الثانية ارملة🥀
🥀بقلم :Aicha Mos 🥀
🥀البارت : 9 ،🥀
سارة بخوف : انا باقة صغيرة مزال مغادي نموت
ايمان خرجتت عينيها : استغفر الله سارة الموت مكتعرف لا صغير لا كبير الموت باجل وحتى انسان فهاد الدنيا الي عاشو والي عايشين والي غادين يجيو معارفين امتا غادي يموتو الانسان المسلم خاص يوجد وديما يدير بلي الدنيا دار فناء واي لحظة تقدر تمشي وتخلي كلشي مورااك الا اعمالك او صدقات جارية درتيهم فحياتك
سارة : استغفر الله صافي غادي ندير الحجاب يارب تسمح ليا ولكن معنديش شنو ندير وانا خاص نمشي للمدرسة دابا وعاد ماما راه مغاديش تبغي نلبسوو نتي عارفاهااا !!
ايمان ناضت لبلاكار حوايجها جبدات كسيوة بدون حزام فالاسود وحجاب فالازرق الملكي مداتهم ليها : هاكي هادو كنت خايداهم ليك كادو شوفي واش عجبوك ؟
سارة هزات الكسوة حلاتها : زوينة بزاف شكرااا غتجيني زوينة
ايمان :بالصحة والراحة نهار الاحد نخرجو ونجيبو الكسيوات الي محتارمين وحجابات على دوقك وماما راه غادي نقنعهاا متخافيش بالعكس نتي مكديريش شي حاجة عيب
سارة عنقاتهاا : شكرااا بزاااف
ايمان : العفو هذا واجد والله يثبتك ويهديك يارب
سارة لبسات الكسوة وجمعات شعرهاا كعكة هابطة ولبسات الحجاب مقابلة مع المراية : ءامين ياربي
ايمان خرجات للكوزينة لقات مها تتحط الفطور فالصالون باستها فراسهاا وعاوناتها تحط الفطور وجلسو تيفطرو بيدما خرجات سارة تاهيا تفطر تمشي للمدرسة ....شهقات فوزية ملي دخلات عليهن سارة بمنظرها الجديد الي زادها براءة وعفة
فوزية اللوان تخطفوو فوجهها : اش هاد الحالة ؟؟
سارة فرحانة هي براسها رتاحت فاللبسة : كيف جاني والله ايلا واحد الراحة فشكاال
ايمان تتبتاسم بفرحة وساكتة ~
فوزية ضربات بكاس اتاي : اش تتخربقي سيري حيدي هاد الحوايج د الشارفات ولبسي حوايجك ديال ديما تمشي لمدراستك !!
سارة جلسات : ماما راه الحجاب فرض مخاصش نبينو مفاتناا للرجال الي ماشي محارمناا
فوزية بغضب تتشوف ف ايماان : هادي متكون غير من افكار هاد الهجااالة من نهار رجعتي من عند الحاج الذهبي ونتي مبدلة بهاد الافكااار سكت ليك ولكن بنتي سارة لا اش بغات تدير بديك الشرويطة !!
سارة تتفطر كاع ممسوقة غير تتشوف ~
ايمان : استغفر الله الحجاب فرض ا ماما نتي علاش دايراه ؟
فوزية : انا كبرت على الشعر ودجينات انا سارة راها صغيرة دابا شكون الي غيجي يخطبهاا وهي بهاد الشراوط ؟؟!!!! وشكون غادب يخدمهااا
ايمان :رزقها غادي يجيهاا حتال باب دارها ...والعفة والسترة ماشي بالعمر اماما راه الفرض فرض من رب العالمين خاص نطيعووا محدنا مكلفين واي عصيان راه تيتحسب ايلا متبناش لله على ذنوبناا
فوزية ناضت زعفانة : خلاص عليا من هاد الهضرة خرجي عليها تاهياا حتى وحدة مبقات تسمع كلامي فهاد الدار وليت زايدة ناقصة !!
سارة : ماما جلسي تفطري
فوزية خرجات : حررتوه فياا فطروو غير نتوما
سارة : شفتي شنو قلت ليك راها معجبهاش الحال
ايمان تتنهد : الله يهديها يارب دابا تولف
سارة وقفات : انا غنمشي يلاه بسلامة
ايمان : بسلامة الله يحفظك من كل الشرور وردي البال لراسك غاليتي
سارة ضحكات : هاانا على. هضرة الملتزمات
ايمان : ههههه سيري
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
