زوجتي التانية أرملة(متوقفة حاليا)

26

🥀زوجتي الثانية ارملة 🥀
🥀كتابة Aicha Mos 🥀
🥀البارت 26🥀

سارة ربعات رجليها : هي زوين قولي ليا كيف داير

ايمان وجهو ترسم قدام عينيهاا للحظات خدودهاا توردوو وحسات بالخجل نعلات الشيطان حيت تتفكر فيه وهو باقي مبينها وبينو اي علاقة : صافي خلينا من هاد الموضوع يلاه نحطو العشاء ..

تجمعو البنات مع امهم فالصالة فوق طاولة الطعام حاطين العشااء ...سارة وايمان تيهضرو مرة مرة ويضحكو وفوزية عين عندهم وعين فالتلفازة كيف عادتهااا متبعة جميع المسلسلات والبرامج الي كاينين ....تسمع الدقان فالباب شافت سارة ف ايمان وضحكات

سارة بهمس : هذا ميكون غير خالي ههه وقت الماكلة تقول تيشمهاا

ايمان بهمس حابسة ضحكتهاا : حشومة هه

فوزية بالغوات : نوضو شوفو شكون فالباب ونتوما تتوشوشو ليا هنا 

سارة قفزات متاجهة للباب حلاتو : خالي مرحبااا والف مرحباا

سالم دخل للصالون ديريكت : الله تتعشااو

فوزية فرحات : مرحبااا اخوياا دخل دخل تاكل

سالم قطع الخبز ووبدا تياكل بلا غسيل : ترحب بيك الخير اختي الغالية هادشي بنين

فوزية تتحط ليه قدامو : كول اخويا بصحتك

سالم فمو عامر تيهضر : الله يعطيك الصحة اختي

سارة وايمان غير تيشوفو حبسو من الماكلة وسارة تتضحك ف ايمان ولاخرة حابساهاا شافتهم فوزية وغوتات قفزاتهم

فوزية : تكعدو عليا من هنا لمكنتوش باغين تاكلوو

سالم شاف فايمان : غير خليهم انا راه قديت الغرض الي صيفطاتني ليه ايمان

فوزية خنزرات ف ايمان : اشمن غرض واش وليتي تسخري خويااا اديك الصكعة ؟؟

سالم ضحك عينيه على الطاجين : ههه لا ماشي مشكيل انا الي عندهم

فوزية حطات ايدها على كتفو  : عارفاك اخوياا راك نتا الي معمر كتافي الله ينصرك

سالم : امين اختي

فوزية : اشمن غرض ؟ صيفطاتني تقدي ؟

سالم تكى تيندغ : مشيت نسول فالعريس الي جا والعجب الي سولتوو يقول فيه غير الخير تقول معرفتش اش داير ليهم كبار وصغار كلشي يقولك الله يعمرهاا دار

فوزية بسخرية : اوا شلااا الفلوس راه تيديروو طريق فالبحر

ايمان بصوت منخفظ : ولكن الفلوس متيشريوش المحبة والقبول

فوزية عوجات فمهاا : بداي تاني الكاسيطة ديالك

سالم شاف فايمان : اوا ابنتي اش قلتي موافقة باش نجاوب السيد

فوزية تتكب راسها الماء : راسهاا وشنو يقوليهاا ضبر راسهاا

ايمان هبطات راسهاا : معرفتش

سالم رجع تياكل : اوا انتي الي تعرفي السيد كاع ميتفلت وخا فلوسو ماشي بحال الحاج الله يرحمو ولكن راه عندو رزقوو ونتي بغيتيه يكون الله يعمرهاا دار اوا راه كلشي يشكر فيه و من النوع ديالك نيت ملتزم

ايمان : يكون خير ان شاء الله

فوزية تتشوف فيها : اوا بنادم متعرفو حتى تعاشرووو

سالم هز فيها عينو : السيد معندك متقولي فيه باين فيه الله يعمرهاا دار غير كيفاش تيهضر الصواب والاداب والفلوس والاملاك

ايمان وقفات : الله يدير الي فيه خير ....تصبحو على خير (مشات عند خالها باست على راسو ) الله يجازيك بالخير وسمحلي عذبتك معايا

سالم تيضحك عجبو الحال : مكاين عذاب ابنتي

فوزية عجبها المنظر ولكن مبيناتش ~

سارة وقفات : تانا غادي نمشي نعس تصبحو على خير

فوزية : وانت من اهل الخير

~~~~~~~
عند سناء الي جالسة فالكوزينة بوحدهاا كلشي ناعس هبطات تعمر قرعة الماء الي عندهم فالبيت ....جالسة تتفكر وعقلهاا ساهي  حاطة القرعة تحت الروبيني عمرات تتكب وهي كاع محاسة بيهاا

تتفكر فحياتها من هنا القدام وواش خدات القرار الصحيح ولكن كل ما تتفكر منظر عمر وهو على سجادة الصلاة تيبكي ويدعي من كل قلبه وبكل خشوع يطلب الذرية الصالحة قلبهاا تيتزير عليهاا ....كاع محسات بالحاجة خديجة الي دخلات عليهاا تتشوف فيها ساهية

الحاجة خديجة : بنتي سناء راه عمرات القرعة

#يتبع