🥀زوجتي الثانية ارملة 🥀
🥀بقلم Aicha Mos🥀
🥀البارت 36🥀
ايمان حسات بالنفس تقطع منهاا حركاته تتفاجئهاا خدودهاا غيطرطقوو بالحشمة استجمعت قوتهاا ورجفة مصاحبة صوتهاا ::ع..عمر
عمر سايق ومستانس بصوتها توسعات ابتسامه ونبض قلبه ملي سمع اسمه بصوتهاا : عجبك الطقم ؟ لمعجبكش نشوفو غيرو
ايمان بخجل :لا زوين الله يخلف عليك
عمر صوته حنين : بصحتك ايمتا ندوز عندكم غدا ؟
ايمان : مع العشرة غادي تلقانا واجدين
عمر مبتسم : ان شاء الله ...العشاء تيأذن دمتي في حفظ الله ورعايته ملقانا غدا تهلاي فراسك بلغي الوالدة ولخالك
سلامي
ايمان قلبها تيضرب يجهد : ان شاء الله مبلغ ..واياك يارب
قطعو الاتصال وقلوبهم تترجف بفرح ...حطات التليفون فوق السرير والبسمة على شفتيفهاا مرسومة قربات منها سارة قفزاتهاا من سهوتهاا
سارة : مالك ساهية ؟
ايمان حاطة ايدها على صدرهاا : خلعتيني ا سارة
سارة شافت خدودهاا حمرين : مالك واش فيك السخانة ؟
ايمان تترمش عويناتهاا : لا علاش
سارة لمحات التليفون وبتاسمات بمكر : اممم كنتي داوية مع مولاي السلطان
ايمان زادت حشمات : هو الي عيط
سارة جلسات بحماس : بصح شنو قاليك قالك تنبغيك ؟
ايمان خرجات عينيها : اعوذ بالله سارة كوني تحشمي
سارة تتضحك : هههه وغير تنضحك ودابا نتي علاش حشمانة ماشي اوا مرة تزوجي يعني عادي ؟
ايمان تتشوف فايديهاا : ماشي اول مرة ولكن هكاا الخجل فطرة فيناا وهو رجل غريب عليا
سارة مقاطعاها : وباقي صغير وزوين
ايمان بتاسمات بحياء : اه راه ضروري متحشمي
سارة تكات على السرير وتنهدات بحب : تانا ايمتا نتزوج ونحب
ايمان ضرباتها ففخدها ضربة خفيفة : كوني تحشمي ههه
سارة ضحكات بحزن : غتمشي تخليني تاني غنتوحشك اختي
ايمان تكات حداهاا وشدات ايدهاا : حتى انا ولكن راه غادي نشوفو بعضنا ديما مرة انا نجي مرة نجي عندي
سارة عنقاتها : ان شاء الله
نعسو ليلتهاا كلهاا وفاش تيفكر ...افكار لا تنتهي ولكن فالاخير مصيرهم يستسلموو للنعاس الي فيه راحة للعقل والبدن ....فاقو على صوت اذان الفجر ...
ضارت ايمان تتشوف فسارة واش فايقة لقاتهااا ميتة ماشي ناعسة ...قربات منهاا بحنان : سارة ...سارة فيقي الفجر هذا
سارة نص فايقة ونص ناعسة تتمتم : وخا دابا نوض غير شوية
ايمان حيدات عليها الغطاء : سارة فيقي اختي صلي ورجعي نعسي
سارة ناضت جلسات مقلوبة بالنعاس : وخااا صافي راه فقت
ايمان ملي شافتهاا فاقت مشات هي تصلي كملات صلاتهاا وقرأت ما تيسر من القرءان الكريم ....وبقات جالسة تتسنى تجي سارة مبانتش ليهاا عرفاتهاا رجعات نعسات مشات عندها مرة اخرى وكيف توقعات ناعسة فعلا قربات منهاا : ساااارة نوضي راه فات الحال يلاه حشومة
سارة تتحاول تحل عينيهاا : صافي صافي فقت راه مبغاوش يتحلو عينيهااا حاسة بالنعاس بزاااف
ايمان جلساتهاا برفق : قولي اعوذ بالله من الشيطان الرجيم غير الشيطان الي تيعݣزك
سارة : اعوذ بالله من الشيطان الرجيم
ايمان : نوضي توضاي احبيبة راه غادي تحسي بالنشاط والراحة مكايناش فالدنيا شي حاجة تحسن من صلاة الفجر قال رسول الله صلى الله عليه وسلم {ركعتي الفجر خير من الدنيا وما فيها} ...
سارة فاقت وصحصحت : عليه افضل الصلاة والسلام
ناضت صلات ورجعات تكات حدا ايمان تتقرا حداها القرءان حتى رجعات نعسات وايمان تتلعب ليها فشعرهااا ....الي مبغاش يديها النعاس بقات هكاك حتى وصلات وقت المدرسة فيقات سارة حطو الفطور وفطروو فوزية الي مزالة ناعسة متتفيق حتال نص النهار ...خرجات سارة لمدرستهاا وايمان جمعات الدار وطرفاتهااا .....وصلات التسعود مشات فيقات فوزية تفطر حيت قريب يوصل عمر
فاقت فوزية خاسرة وباغة غير معامن ولكن تغاضات على الامر حيت باغة تمشي تشوف الدار فين غتسكن بنتهااا .....لبسو حوايجهم وجلسو يتسناو...فوزية بجلابتها الانيقة وحجابهاا الي بعض خصلات منه تيبانوو
ايمان بغات تقادو ليها : ماما راه مخاصش يبان الشعر من الزيف ؟
فوزية بعدات منهاا رجعاتو كيف كان: الله يرحم باك فقبرو خليني عليك متقولي ليا لا خلي لا دخلي
ايمان : راه الشعر من زينة المرأة مخاصش تيان للاجانب خاص تغطيه كله اماما وميبان منه والو
فوزية قادات الزيف : هاهوا عجبك دابا يلاه سكتي غتندميني علاش باغة نمشي معاك اما ضبري راسك معاه
ايمان مبغاتش تمشي معاه بوحدهااة غتموت بالحشمة : صافي مبقيت نقولك عليه والو غير مبغيتش ليك الضرر
ماهية الا لحظات حتى سمعو صوت سيارته وقفات حدا الباب قلب ايمان ضرب بعنف وخدودهاا دغيا طلعاتهم التزنيݣة ...تدق الباب
فوزية تتشوف فيها واقفة : اش كتسناي نحل انا سيري حلي
ايمان عضات على شفايفهاا وتواجهات للباب تنفسات بعمق وحلات عينيها فالارض تتشوف غير صباطه ~
عمر عينيه هو الاخر فالارض : السلام عليكم ورحمة الله ( عرفها هي شاف فيها) صباح الخير
ايمان تترمش عويناتهاا : وعليكم السلام ورحمة الله صباح النور (بعدات من الباب) تفضل
عمر عينيه عليها : لكنتو واجدين نمشيو فين خالتي ؟
ايمان تتحاول تجنب نظراته : لداخل ...نجيب غير نقابي ونجي
عمر دخل تيقول بسم الله هو عينيه ف فوزية ومشى باس على راسهاا والابتسامة على وجهوو : السلام عليكم خالتي لاباس عليك
فوزية محشماتش مخرجا عينيها فيه تتعبرو : وعليكم السلام الحمد لله وانا اولدي والحاجة ؟
#يتبع الاسبوع القادم
ها سبعة ديالكم دسيمانة خليو تعاليقكم... متنساوش تبانو فالقصة جديدة لي تحطات دقاتلي العزيز🫶
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
