🥀زوجتي الثانية ارملة🥀
🥀بقلم :Aicha Mos 🥀
🥀البارت : 8 ،🥀
عند الطبيبة تتسنى نوبتهاا جالسة بحجابها وعبايتهاا الانيقة والمحتشمة بدون مكياج ولكن وجهها صافي ومنور ...هازة مجلة على الاطفال تتقرا فيها وتتبتاسم كلما شافت صورة بيبي صغير ...سمعات سميتهاا عيطات ليها المساعدة د الطبيبة ...هزات صاكها الي كان ماركة انيق فالاسود وتبعاتها داخلة لحجرة الطبيبة الاختصاصية فالولادة وطب النساء ...بتاسمات وجلسات فالكرسي المقابل للطبيبة فمكتبهاا
الطبيبة : مرحبا لالة سناء ديما فالموعد
سناء بابتسامة بشوشة :ترحب بيك الجنة اه ضروري
الطبيبة تتشوف فالوراق الي قدامها : التحاليل خرجو مزيانين غادي نكتب ليه دوا جديد
سناء مركزة مع طبيبة بغا تسمع الي يفرحهاا : ولكن باقي مساليت الدوا د المرة الفايتة ؟
الطبيبة شافت فيها : هذاك غير حبسيه نعطيك واحد اخر مجهد عليه وان شاء الله يجيب ربي التيسير وخاا غادي يخصك تبعيه مدة طويلة شوية
سناء : شحاال المدة ؟
الطبيبة : 6 شهور وان شاء الله ربي يفرج
سناء : ءامين يااارب
الطبيبة تتشوف فعيون سناء مباشرة : ولكن ايلا عطا الدواء الي عطيت ل موسيو عمر شي نتيجة ولكن صيفطتت عند طبيب اختصاصي احسن مشى ؟
سناء بتسائل : التحاليل ديالاش ؟ مقالي والو
الطبيبة باحراج : سمحيلي عند بالي قالك
سناء بدات تخاف : ياك هو مان عندو كلشي مزيان من اخر مرة درنا التحاليل انا وياه !!
الطبيبة : اخر مرة كانت قبل عام ولكن التحاليل تغيروو
الحيوانات المنوية بداو يتناقصو وممكن مع المدة يكون عندو عقم !! الحمد لله الي دار التحاليل فالوقت المناسب
سناء مصدومة : ولكن الدوا غادي ينجح ياك ؟
الطبيبة بجدية : كنتمناو ..كنت بغيت نقتارح عليكم ديرو الحقن المجهري ولكن مع الالتهابات الي ولاو عندك بعد الولادة الاولى مممكن متنجحش العملية ظاكشي علاش خاص تصبرو تكملي الدوا ديالك وهو كذلك يتبع الدوا ويزور الاختصاصي فالعقم وان شاء الله خير
سناء بحزن عاد عرفات علاش فكر فالزواج مرة اخرى بصوت منخفظ : ان شاء الله
خرجات وهي حاملة اخبار غير سارة و صادمة ...معرفاتش علاش خبا عليهاا ولكن عضراتو الموضوع ماشي ساهل هي عارفة قداش هو باغي يولد ولاد كتار ....ركبات سيارتهاا ودماغهاا خدامة تتفكر فشنو دير وتطلب من الله يوريهاا ويفرج همهم ...عارفا هذا ابتلاء من الله ..ومٱمنة بلي المؤمن مصاب ...
دخلات للفيلا وجلسات مدة فالطموبيل تترجع وترتب افكارهاا ومتخلي حتى واحد يعرف ان بيها شي حاجة
...هبطات حلات باب الفيلا ودخلات حتى كيبانو ليها احذية قدام الصالون ودغيا ترسمات فشفايفهاا ابتسامة عذبة وهي تتشوف امهاا واختهاا فالصالون مع الحاجة خديجة
مشات فاتجاههم بعدما حطات ساكهاا على السداري وسلمات عليهن سلام حار دليل على اشتياقهاا ليهم ولو انها مدة بسيطة على اخر مرة شافتهم
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
