زوجتي التانية أرملة(متوقفة حاليا)

البارت5

🥀زوجتي الثانية ارملة 🥀
🥀بقلم :Aicha Mos 🥀
🥀البارت :5🥀

عند ايمان الي كانت تتمشط شعرها جالسة فوق سريرها حطات المشطة وبدات تتظفر شعرهاا ...ظفرة جنب رجعات المشطة بلاصتها وهزات كريم مرطب رطبات ايديهاا وتكات فسريرها وهزات كتاب "ارني انظر اليه " الكتاب الي يلاه بداتو وعشقاتو بكل تفاصيلو

دخلات عندها اختها سارة وجلسات حداهاا حطات راسها على كتف ايمان وبقاو تيقراو بجوج من الكتاب منساجمين مع الكلمات حتى دخلات عندهم فوزية

فوزية : ايمان بغيت نهضر معاك

ايمان جلسات مدات الكتاب لسارة : قولي اماما شنو كاين

فوزية تتشوف فيها : خالك واقف على شي فلوس

ايمان بتردد : شحاال خاصو ؟!

فوزية بتاسمات : غير مليون بغاها لشي سلعة جديدة

ايمان : معنديش دابا ولكن غ..

فوزية قاطعاتها : كيفاش معندكش فين فلوسك الي فالبنكة وفين فلوس الي تيصيفطو ليك ولاد الحاج من المشاريع ديالو هاد الخير كلووو ومعندش مليون واحد !!!

ايمان بخوف : غير هاد الشهر حيت دخلت فواحد المشروع د بناء مسجد و واحد د حفر الابار هنا فالمغرب للدواور الي معندهمش الماء

فوزية بغضب : وعلى قلة الجوامع عطاهم الله و علاه نتي هي الحكومة وفين الي تيصوتو عليهن الناس فالجبال هو الي خاص يحفرو ليهم البيار علاش تخسري فلوسك وحنا محتاجينهم !!!

ايمان بحزن : متقوليش هكا اماما الجامع وسقيا الماء راهم صدقة جارية درتهم بسميتنا وبسميت بابا نلقاوهم غدا يوم القيامة

فوزية : براكة عليا من هادشي ديالك غير مبغيتش تعطيني ديك المليون وكترتيها فيا انا وخويا مالنا غادي ناكلوك فيها !!!!

خرجات ردخات بالباب بلا نتعطي فرصة ل ايمان باش تكمل كلامها ...عضات ايمات على شفايفها حابسة دموعهاا حتى حسات ب سارة معنقاهاا وتطبطب على ظهرها

سارة : معرفتش علاش تتعاملك ماما هكاا ونتي كتبتي ليها برطمة فالشمال بسميتهاا وشريتي ليها هاد الدار بعدما كنا غير كارين وصيفطتيها للعمرة وشريتي ليها الذهب بلا حساب

ايمان دموعها نزلو على خدودها : انا هادشي درتو ليها غير باش ترضا عليا وتحن فيا كيف كانت معرفتش علاش وقتما درت الخير او تصدقت تدير ليا مشكل !! الصدقة من اركان الايمان وواجد على كل مسلم ومسلمة ...وسيدي ربي رزقني من حيت لا احتسب علاش منديرش الخير

سارة تتمسح دموعهاا : صافي نساي هي غير متتفكرش قبل متهضر وراك عزيزة عليها غير معرفتش علاش تتعاملك هكا

ايمان : الله يهديهاا   على امرها يارب

سارة : ءامين

طفاو الضوء وتخشاو بلاصتهم تغطاو وسارة دغيا غرقات فنومها اما ايمان فبقات تتفكر وترجع بدكرياتهاا لقبل متغير معاملة امها ليهاا...فوزية الي كانت عندها ايمان الكل فالكل .....كانت ايمان بحال اي بنت الي تخرجو من لافاك ودوزات سطاجات حتى ترسمات فاحدى الشركات فمنصب زوين وبمبلغ مزيان ....كانت غير متحجبة تتطلق الشعر وتلبس الحوايج الي لاصقين عليها ويبينو مفاتنهاا ظنا منها انها انيقة وانها حرة فلبسهاا وكل مرة تتعرض للتحرش تتعجبها الحال وتقول مزيان انا عجبتهم ...وصاليرها تتقسمو على حوايجهاا والنص الاخر تتعطيه لامها تتصرف بسه على الدار وعلى ختهاا ...بعد موت باها كانت هي الي خاص تهزهم وخا باها خلى محل تجاري خدام مزيان وخالها الي تكلف بيه عمرو كلى حق الايتام وختو الارملة بالعكس كيعطيهم كلشي تقريبا ويخلي لراسو القليل. ....ايمان قرات وبغات تخدم وتعيش حياتهاا طول وعرض

وملي تقدم ليها الحاج الذهبي الي فالخمسينات من عمرو ،
كان متزوج وولادو كباار كلهم فالخاريج خدامين او تيقراو عندو محلات ذهب ومجوهرات وعظة مشاريع شافها عجباتو تقدم لخطبتهاا وهي وافقات بدون تردد حيت هو راجل متيتفلتش راجل بفلوسو ولو هو بعمر باها المتوفي
ولكن بغات تزوج بيه وتعيش حياتهااا وتلبس حتى هي من اغلى الماركات ...وحتى الي غادي دير ليها عقلهاا امهاا
فوزية كانت اكتر وحدة فرحات بالعريييس وشجعات بنتهاا على الزواج بيه وان حياتهم غادي تغير استعاذة من الشيطان وقرات بعض السورمن القرءان وغمضات عيونها ونعسات مستسلمة للنعاس....

#يتبع