🥀زوجتي الثانية ارملة 🥀
🥀بقلم Aicha Mos 🥀
🥀البارت 20 🥀
عمر بتاسم : توافق بعدا ويكون خير
سناء بغيرة : ونتا موافق عليها حتى قبل متشوفهاا ؟
عمر : مزال ولكن نهار الشوفة الشرعية ونشوف اخلاقها و افكارهاا..هي الي ممكن متقبلش
سناء بحزن : علاش ؟ نتا زوين شكلا ومضموناا والحمد لله عندك من الرزق الكثير علاش غادي ترفض راجل بحالك
عمر : انا مزوج موحال تقبل تدخل ضرة اسناء الموضوع ماشي ساهل لا عليك لا عليها
سناء بغات تغير الموضوع جاتها الغيرة وهو تيهضر عليهااا ولو انه مشافهاش ولكن نار الغيرة شعلات فيها : يلاه نعسو فيا النعاس
عمر عرف اش بيها قرب منها وهمس فاذنهاا حتى حس بيها رجفات : توحشتك
سناء بخجل : حتى اناا
غاصو فبعض فالحب وف ليلة جامعة قلوبهم ولو عقل سناء تيفكر فالمراة الجديدة الي غادي تقاسم معاها رتجلها وحبيبها ....نعلات الشيطان وحاولات تنسى وتعيش اللحظة و تخلي المستقبل حتى يجي وتتمنى وتترجى انه يكون فيه من الخير ليهم ......دازو ايام معدودة وجا النهار الموعووود
جالسة تتطل من شرجم بيتها تتشوف فالسماء.....حاطة راسها على ايدها...نسيم الليل تيلمس وجهها بنعومة سدات عينيها مستمتعة بمداعبة الرياح وتنهدات بقلة حيلة ...وتدعي الله تدوز الليلة بخير ....لابسة كسوة واسعة فالاسود وكمام واسعة فيهم عقيق اسود تيلمع.... تصميم انيق وبسيط مع حجابها اسود ....مدارت حتى نقطة مكياج ولكن تتبان زوينة فاللون الأسود بسبب بشرتها البيضاء وعيونها الي لونهم رمادي فاتح....مع أنها تعمدات تبان بسيطة قدر الإمكان .....حلات عينيها ملي سمعات الباب تحل ودخلات أمها تتناديها ....
فوزية : (بصوت خافت وعصبية واضحة تتقرب منها) شنو هادشي لابسة ياك قلت لي لبسي شي حاجة مبهجة (كارزة على سنانها) أقسم بالله ومتعجبيهش حتى غادي تشوفي معايا الجهنم الي ديما خالعاني بيها ( ضربات فخادها مغددة) اويلي وحدي بغات تبقا حدايا كون غا كانت بعدا عزبة وهي هجالة !!
ايمان وقفات تتقاد عبايتها هزات فيها عينيها وتمشات وقفات قدامها : ماشي انا الي ختاريت نكون هجالة هذاك سميتو القدر و الحمد لله على كل حال ( بتاسمات برفق) وحتا دابا ايلا معجبتوش راه قدر مكتوب قبل منتزاد
فوزية شداتها من دراعها مزيرة عليها : مابدايش تاني هاد المحاظرات وديري الي قلت ليك بدلي عليك هادشي لبسي العباية الحمرة وال....
قاطعها دخول سالم : ايمان زيدي معايا السيد تيتسناك
ايمان حطات ايدها على ايد مها مبعداها وتمشات عند خالها : غادي تجلس معانا حرام نجلس انا وياه بوحدنا
سالم باستهزاء : ياااودي زيدي زيدي نتي وفهاماتك
ايمان بجدية : غادي تخليني نوض نتبعك
فوزية تتشوف فخوها بيأس : وهااانتا تشوف وتسمع راه شي نهار نشتف عليها بهاد العصاب الي تطلع فيا
سالم : ششش غيسمعوك الناس ...( بتاسم حط ايدو على ايمان تيطبطب عليها ) وخا هكاك تتجيب غير الي عندهم لاباس
ايمان تنهدات بحرقة وتمشات خارجة: لا حول ولا قوة الا بالله
فوزية شدات راسها : تبعها الله يدوز هاد الليلة على خير
سالم : متقلقيش غادي تزوج بيه راها زينة وغادي تعجبو باين فيه تاهوا من نوعها
خرج تابعا ايمان الي غادة بخطوات مترددة وقفات قدام الصالون ديال الرجال حشمانة وخايفة حتى تخطاها ودخل سابقها بلا ميقول حتى كلمة...تبعاتو حانية راسها كيتشوف غير فين تتحط رجليها
ساالم بابتسامة : ايمان زيدي ابنتي جلسي هنا (شاف فيها) أنا غنجلس بعيد عليكم شوية باش تاخدو راحتكم ( شاف فالشخص الي جالس قدام عمر مباشرة فاصلة بينهم الطابلة
ايمان هزات راسها تتشوف فخالها ونظراتها تتكلم بلا مينطق لسانها
سالم فهم مقصودها وغمزها ومشى جلس فاخر الصالة هاز تليفونو
عمر مرة مرة تيخطف فيها الشوفة بخجل واضح من عيونه : السلام عليكم ورحمة الله
ايمان قلبهاا تيضرب بجهد تتسمعو فوذنيها نطقات بصوت مرتجف : وعليكم السلام ورحمة الله
عمر : انا سميتي عمر عمري 38 سنة ونتي ؟
ايمان جاتها الضحكة هادشي بحالا تيتعرفو فالفايسبوك : مشرفين انا ايمان ارملة و عمري 27 سنة
عمر : الشرف ليا ...هاد الجلسة اسمها النظرة الشرعية يعني نشوف وتشوفيني مغادي تجودي عليا غير بنظرة ؟
ايمان تزنݣاااات متوقعاتش يقول ليها هكاك زيرات على ايديها فوق فخادهاا مقدراتش تهضر او تهز راسها تشوف فيه ~
عمر ضحك بصوتو الرجولي الي كيدخل لقلبهاا :ههه مرة اخرى ان شاء الله عندك شي سؤال بغيتي تسوليني ؟
ايمان بلعات ريقهاا ونطقات بحياء : قال الرسول صلى الله عليه وسلم. "إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير"
عمر عينيه عليهاا : عليه افضل الصلاة والسلام
ايمان : كيف علاقتك بالله ؟
عمر بتاسم : الحمد لله الذي وفقني وهداني اصلي الصلوات فالوقت و اصوم واتصدق واتجنب النواهي واحاول ان اتقرب من الله بالنوافل الله يثبتني ويهديني
ايمان عجبها جوابو : الحمد لله شنو هو مصدر رزقك ؟
عمر : محل ملابس للرجال وعطور المهم كل كل متيخص الرجال
ايمان : الله يسخر
عمر : ءامين ...سؤال اخر ؟
ايمان : لا معنديش سولني انت ؟
عمر بتردد : انا مباغيش نسول انا غادي نصارحك بنقطة خاص تعرفيها قبل متاخدي قرارك فانك تكملي هاد الزواج او لا !
ايمان قلبها ضرب خايف يقوليها مبلي او شي حاجة تتخالف الدين : شنو هي ؟
عمر : انا مزوج و عندي ولد
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
