🥀زوجتي الثانية ارملة 🥀
🥀بقلم : Aicha Mos 🥀
🥀البارت : 12🥀
عمر فتح الباب غرفتوو دخل بدل حوايجوو خرج لقا سناء تتصلي العشاء وبقا جالس تيشوف فيهاا بتامل حتى سالات وقفات جات عندوو باستو ففموو وبتاسمات ليه ...
سناء : حبيبي ايمتا جيتي
عمر جلسها على ركبتو : يلاه دخلت فين عبد اللطيف ؟
سناء ايدهاا تيلعب فشعرو : عند خالتي كيف ديما
عمر : فاتو السخانة شوية ؟ مشى للمدرسة ؟
سناء : الحمد لله براا ومشى غير لعشية
عمر بابتسامة : مزيان ...والطبيبة شنو قالت ليك ؟
سناء سكتات للحظات تفكرات شنو قالت ليا الطبيبة على عمر معرفاتش واش تجبد معاه الموضوع او لا ~
عمر تيشوف فيهاا بتركيز وايدو تدوز على ضهرها بحنان : قالت ليك على. المشكل الي عندي ؟
سناء بتردد : اه..علاش مقلتيش ليا
عمر : غير ملقتيش الوقت المناسب ا سناء سمحيلي
سناء بحزن : داكشي علاش بغيتي تزوج ؟
عمر بحزم : هذاك الموضوع صافي نسايه ربي يفرج نتي شنو قالت ليك على التحاليل ديالك ؟
سناء بغصة فحلقها : عطاتني دواء جديد نتبعو مدة 6 شهور وان شاء الله تبان شي نتيجة
عمر بأمل : ان شاء الله
سناء بحرج : ونتا تتبع الدواء مشيتي للاختصاصي ؟
عمر بابتسامة صغيرة : اه مشيت تانا نتبع الدواء والي فيها الخير يكتبها لينا الله يارب
سناء بترجي : يااربي ءامين
عمر : يلاه نتعشاو عيان شوية ~
اجتمعوا على مائدة العشاء بجو عائلي سعيد الي لا يخلوو من الكلام و المزاح البريى ديال عبد اللطيف بروحه العذبة و الطريفة ....كملو عشاهم ودخلات سناء غسلات الماعن حيت صفية كتكون غير فالصباح العشية تتمشي لدارها ...كيف موالفة من الصغر ..عمر ماشي من محارمهاا
عمر الي حط ولدو فبيتوو ورجع لبيتهم وصلى بعض الركعات و الشفع والوتر وتخشا بلاصتوو تيتسنى تجي سناء الي دخلات بعد فترة هي كذلك صلاة وتخشات حداه معنقاه و استسلموا للنعاس ....
ضرباتهاا الفيقة فنص الليل مدات ايدها تتقلب على عمر تعاود تخشا فيه ترجع تنعس ولكن مكانش حداهاا...شعلات الضوء فالغرفة ملقاتوش ...ناضت لبسات عليها بينوارهاا وخجات تتقلب عليه ماشي من عوايدو حتى قيام اللي تيصليه فالغرفة نيت حتى تيقرب الفجر ويمشي للمسجد ....هابطة فالدروج تتسلت وعيونها تتقلب عليه
حتى تتسمع شهقات وبكاء مع كلمات متقطعة ف احد الغرف التحت دايرينها ك ركن للصلاة فالدار ...تتقرب و قلبها تيضرب وقفات قدام الغرفة وهي تتشوفو ساجد وتيبكي ويدعي بصوت شبه مسموع ...
عمر :اللهم اني اسألك يا من اذا اردت شيئا انما تقول له كن فيكون ، ارزقني ذرية صالحة طيبة تقر بها العيون
....
اللهم إنى أسألك بأن لك الحمد لا إله إلا أنت الحنان المنان بديع السموات والأرض ذو الجلال و الإكرام أن ترزقنى الذرية الصالحة
اللهم ارزقني الذرية الصالحة المعافاة الطيبة المباركة التي تسعدني و تعينني في ديني و دنياي من بنين و بنات
سناء واقفة تتشوف فيه ودموعها على خدهاا دعائه فهاد الوقت لله ويبكي وهو تيردد الادعية مرارا وتكرارا طلبا للذرية الصالحة ...عارفاه تيحماق على الولاد والبنات الصغار باغي يكون عندو بزاااف..هو عاش طفل وحيد لوالديه عارف بلي هو كان مرة مرة تيحس بالنقص باغي اخ او اخت يشاركوه حياتو فالفرح والحزن ...مبغاش حتى ولدو يحس نفس الشعور ...واهم سبب علاش باغي يزيد الولاد والبنات انه باغيي يطبق سنة الله فالارض وهي الاستخلاف باغي يجيب من صلبو ذرية صالحة مسلمة مؤمنة بالله وحده ...يطلب من الله يوهبهم ليه ويكونو صالحين وهديهم الرحمان ....هو رزقو الله من المال الكثير قادر بيهم نفسيا ومادياا ومعنوياا
يمكن الي مفاهموش يقول عليه علاش هو اناني وعلاش باغي يزيد يولد وهو فالاصل عندو ولد ولكن هو الي فقلبو وعقلوو عارفوو ومقتانع بيه ....من حقو يكون عندو رغبة وطلب ورجاء من الله سبحانه
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
