🥀زوجتي الثانية ارملة 🥀
🥀 بقلم : Aicha Mos 🥀
🥀البارت :14🥀
عمر بتاكيد : ان شاء الله الله يوفقني ويهديني
سناء عنقااتو مزيرة عليه حاسة بقلبها مزير عليهاا قرار صعيب خداتو ولكن هي محتاسبة الاجر عند الله وعارفة بلي عمر انسان مؤمن كذلك و غادي يعدل بينهم ...وهو كيبغيها وهادشي مخاصوش برهان او دليل الحب باين من تعاملو وتصرفاتو ....عمر الي معنقهاا بدوروو عقلو تيفكر واش هاد القرار الي خداه صحيح واش مغاديش يظلم راسو او يظلم هاد النساء معاه !! ......بعد عليهاا وطبع قبلة طويلة وعميقة على جبهتهاا
عمر بصوته الهادئ والحنين : الله يرضي عليك نعمة الزوجة والرفيقة انتي
سناء بابتسامتهاا الحزينة : ءامين
عمر : ايلا مكنتيش موافقة ا سناء قوليها ليا رضاك هو الاول والي بغيتيها نديرها ليك
سناء هزات فيه عينيها : موافقة وفكرت مزيان ا عمر ومبغيت حتى مقابل من غير تعدل بيناا ( رجعات عنقاتو ) متنسانيش عافاك
عمر : مستحيل ننساك ا سناء نتي قطعة من روحي
سناء زادت زيرات عليه : تنبغيك بزاااف بزاف
عمر : نتي عارفة الي كاين
عند ايمان الي مشات تلقى ل ختها من السوايع واقفة بلباسها الواسع ونݣابهاا ...تتبان مرأة كبيرة فشكلها ايلا مسمعتيش صوتها متعرفش بلي بنت عشرينية من عمرهاا
واقفة بعيدة على الدار الي تيديرو فيها السوايع لعدة تلاميذ ف اقسام مختلفة اغلبهم صحاب الباك بحال سارة ...وقفات دقائق معدودة وهي تلمحها خارجة هي وبنات وولاد باين تتعرفهم وتتربطها بيهم علاقة صداقة ...وقفو قدام الباب وبقاو تيهضروو ويضحكو سارة منهم هي الي مشافتش اختها ايمان ومكانتش عارفة غادي تجي تديهاا ؟
سارة كانت فعلا لابسة حجابها وكسوتهاا الواسعة والي متتبينش فصالتهاا ولكن ضحكهاا بديك الطريقة مع الاولاد ومصافحتهاا ليهم غلط وحرام !!
بقات واقفة تتشوف فيهاا وقربات ليهم حتى لمحاتهاا سارة الي ضحكات وفرحات و سلمات عليهم مرة اخرى وجات عند ايمان تتجري عنقاتهاا ب سعادة
سارة : سلام زين
ايمان تتمشى هي وياهاا فاتجاه دارهم : وعليكم السلام ورحمة الله وبركاته ختي كيف دازت الحصة ؟
سارة تتضحك : زوييينة
ايمان مرة مرة تتشوف فيها : قولي ليا دوك الولاد والبنات تيقراو معاك فالمدرسة ؟
سارة : اه كاين الي معايا فنفس القيسم وكاين الي لا
ايمان : مزيان ولكن شنو قلت ليك على السلام على الدراري بالايد و الضحك معاهم ؟!
سارة بخوف : قلتي ليا راه حرام الراجل يقيص مراة ماشي من المحارم ديالو وحتى حنا مخاصش نصافحوو الرجال ونضحكو معاهم ....ولكن اختي راه كنحشم نقمعهم هوما الي تيمدو ليا ايديهم ؟
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
