زوجتي التانية أرملة(متوقفة حاليا)

31

زوجتي الثانية ارملة 🥀
🥀كتابة : Aicha Mos 🥀
🥀البارت 31 🥀 
دخل عمر باين فيه جاي بسرعة لون وجهه مخطوف شافهم مجموعين فالصالون وقف للحظات رتب افكاره وانفاسه ودخل ...قرب عند سعاد بقا يبوس على راسهاا بعدات مخنزرة  تحت نظرات الحاج الي غير تيجمع ليهاا ...عمر عرفها مقلقة قبل ايدهاا بزز

عمر : خالتي لاباس عليك

سعاد عوجات فمهاا وقالت بهمس : يخوي ليك الضراس
عمر سمعهاا ولكن ميك تمشى عند الحاج الي وقف يسلم عليه باس على راسو وباس ايده : السلام عليكم اعمي

الحاج طبطب على كتف عمر : وعليكم السلام اولدي الحمد لله جلس

عمر جلس تيشوف ف سناء حدا باهاا ساكتة وحانية راسهاا : مرحبا بيكم اعمي
الحاج كيهضر متقل ومرزن : ترحب بيك الجنة واش عارفنا علاش جينا اليوم ؟

عمر بلع ريقه : علاش ؟ عيطتي ليا خليت كلشي من ايدي وجيت اش واقع الحاج
الحاج : واش غتزوج ؟

عمر : اه ان شاء الله

سعاد مقدراتش تحبس لسانهاا : وبنتي اش وقع ليها

الحاج غوت حتى قفزو : سعاااااد ( وقف) عمر نهضرو بيناتنا حسن

عمر وقف غادين لجردة جلسو فوق الطبلة الي كاينة حدا لابيسين : اه الحاج غادي نتزوج

الحاج برزانة : علاش ؟ التعدد ماشي كلشي تيقدر عليه اش دارت سناء حتى باغي تزيد عليها ؟

عمر بلع ريقه  الحاج فمقام باه كيحتارمه بزااف : عارف ولكن ان شاء الله يوفقني الله ويهديني ...سناء الله يرضي عليهاا مدارت فيا غير الخير انا منفرطش فيها اعمي

الحاج : وشنو قالت سناء موافقة ؟ تزوج عليها

عمر فعينيه الصدق : الحاج انا سولتها قبل مندير حتى خطوة ولو رفضات انا والله مكنت نتزوج منقدرش نهدم داري وسناء قبل متكون مرتي راها بنت عمي منفوتهاش ومنتخلاش عليهاا الله رحم من رباهاا نعم الزوجة 

الحاج برضى عجبوو الكلام  : امين وشنو السبب لاش باغي تعدد
عمر هبط راسه ساكت ~

الحاج غير تيسمع : واش بسباب الولاد ؟

عمر : اه معندي منخبي عليك اعمي لقيت عندي مشكل وخا نجح معايا الدوا ولكن ماشي مئة فالمئة ونتا عارف المشكل الي عند سناء ...سناء اعمي راها فعيني وعمري ندير الي يقلقهاا او تسمع مني الكلام الي يجرحهاا

الحاج وقف : اش غنقولك لكانت هي موافقة الله يسر ليك ولكن نسمعها منها هي

عمر دخل تابع الحاج حتى وقفو فالصالون كانت الحاجة خديجة جابت اتاي وعمران الطبلة بالي قسم الله ...الجو كان متوتر سناء وسعاد غير تيرجفوو والحاجة كذلك على اعصابهاا

الحاج : سناء
سناء وقفات قافزة خايفة يقوليها يلاه نمشيو : ن ..نعم ا بابا

الحاج بحنان : نتي موافقة على زواجه ابنتي ؟ مكاين الي يبزز عليك كيف ربي حلل الزواج حلل الطلاق ؟