زوجتي التانية أرملة(متوقفة حاليا)

البارت13

🥀زوجتي الثانية ارملة 🥀
🥀بقلم :Aicha Mos🥀
🥀البارت : 13🥀

سناء الي بقات مصمرة تتوف فيه وقلبهاا تيبكي وعيونها كذلك ...حمدات الله على هاد القدر الي معندها منو هروب والانسان المؤمن خاص يحمد الله في كل حال من الاحوال سواء فالفرح او القرح ...هوما بجوج مختاروش انهم ميولدوش مور عبد اللطيف بالعكس حاولو بعدة طرق ولكن سيدي ربي مكتبش ليهم ..وهو ابتلاء واختبار ليهم بجوج حتى يشوف ايمانهم و صبرهم ......بقا فيها حالو ومنظروو و صوتو الباكي وهو يتضرع لله سبحانه يرزقهم الذرية الصالحة

رجعات لغرفتهم مبغاتوش يعرفها شافتوو تخشات فسريرهاا مغطية بالمانطاا دموعهاا سايلين وهي تتفكر فيه و صوتو والدعاء ديالو تيتردد فعقلها بدون توقف ...تبادر الا ذهنهاا كل الاحداث فهاد اليومين من  الهضرة الي قاليها على الزواج بمراة اخرى الى كلام الطبيبة الي كان صادم وصعيب مفاجئ !!....بقات فتفكيرهاا حتى غفات و الدموع باقين مرسومين على خدودهاا

بعد ساعات قليلة وعلى مشارف اذان الفجر دخل عمر بعيونه الحمر لعندهاا حاش براحة وسكينة عجيييبة ...وكيف لا وهو كان بين يدي الله سبحانه وتعالى طلب الي بغاا وصلى الي قدر عليه من قيام الليل وقراءة القرءان ...حلاوة لا يعرفهاا الا من تذوقهاا كيخلي موراه كل التعب والهموم ....

قرب لسريرهم وحيد عليها الغطاء شاف عيونهاا وطبع قبلة عليهم وبقا ساهي فجمالها وبراءتها حط ايدو على خدهاا وبغا تيدوز اصابعه بحنان علي خدهاا المتورد ...

عمر بصوت منخفظ حنون : سنااء ...سناء فيقي الفجر تيأذن

سناء حلات عينيهاا ببطئ تتشوف فيه قدامهاا : صباح الخير

عمر : صباح النور ..انا غنمشي للجامع نوضي توضاي تصلي الله يرضي عليك (تحنى باسهاا قرب فمهاا)

خرج  خلاها جالسة على سرير تتحك عينيها وتتقول ادعية الصباح التي تحفظ الانسان من كل شر 

سناء : اللّهُـمَّ بِكَ أَصْـبَحْنا وَبِكَ أَمْسَـينا ، وَبِكَ نَحْـيا وَبِكَ نَمُـوتُ وَإِلَـيْكَ النُّـشُور

اللّهُـمَّ ما أَصْبَـَحَ بي مِـنْ نِعْـمَةٍ أَو بِأَحَـدٍ مِـنْ خَلْـقِك ، فَمِـنْكَ وَحْـدَكَ لا شريكَ لَـك ، فَلَـكَ الْحَمْـدُ وَلَـكَ الشُّكْـر

و قرأت اية الكرسي وسورة الناس و الفلق و الصمد .

وناضت توضات وصلاة صلاتهاا وجلسات على سجادتهاا تتدعي الله وتستنجد من الذي لا ملجأ الا اليه ولا رب لنا سواه ...تتفكر فليلة البارح الي كانت لا تنسى ومنظر حبيب قلبهاا و زوجهاا الي تسأل الله ان يجمعهما في الجنة مع خير البرية

دازت ايام وشهور على داك النهار وهي كل ما كيشغل بالها هو فكرة انها تسمح ليه يتزوج مرأة اخرى...انها تحاول تقنع راسهاا بلي تقدر تصبر على ان تشاركهاا زوجة اخرى راجلها وحبيبهاا .....الي زادت بغاتو وحبااتو وحتارماتوو حيت فعلا من اخر مرة جبد معاها الموضوع وانه قالها مغاديش نعاود نقولك عليه ايلا مكنتيش موافقة ...وفى بوعدو ليها ومبقاش جبدو ليها

....ولكن كل ليلة كانت تتشوفو ساجد تيبكي ويدعي من كل قلبو وبكل خشوع الله الذرية خلاها تفكر وتعطي فرصة لراسهاا تفكر مزيااان وتقنع نفسهاا اول وحدة ....ان تحتسب الاجر عند الله  !!

دخل عندها عمر للغرفة لقاها واقفة تتسناه بعيونها البنية الجميلة وبكامل اناقتهاا وجمالهاا الرقيق ...عنقهاا وستنشق عبيرهاا وبدروها بادلاتو العناق مستمتعة بحظنوو الي متتشبعش منو ومن الدفئ والحنان الي تتحسو ...

سناء بعدات عليه وشدات ايدوو لعندها وقالت بعد تردد : انا موافقة

عمر بتسائل : موافقة اش ؟

سناء بعيون حزينة : موافقة انك تزوج

عمر بعدم فهم : قلنا هاد الموضوع منبقاش نجبدوه. سيدي ربي لمكتبش ليا كتر من ولد واحد ف الحمد لله على قدر الله

سناء زيرات على ايدو : انا معندك حتى مشكل وقلتي ليا بلي الدواء ديالك بدا يجيب نتيجة ( هبطات راسها ) انا الي معرفت هاد الدواء الي متبعة هادي شهرين واش يقدر يجيب نتيجة او لا لا

عمر جلسها فوق الفوتوي الي عندهم فالغرفة وجلس حداهاا شاد ايديها عندو : فعلا الدواء الي متبع بدا ينجح ولكن الطبيب قال حتى حاجة ممضمونة منكن يرجع المشكل الاول ويمكن لا ...ولكن الدواء الي متبعة نتي راه مزال مكمل 6 الشهور  مخاصش نحكمو من دابا عليه ان شاء الله ربي يفرحناا ....ونتي كنتي رافضة فكرة الزواج وحتى انا صافي حيدتها من بالي

سناء الدموع فعينيهاا : انا عارفاك شحال مشتاق وباغي يكونو عندك ولاد كتاار انا منقدرش نحرمك منهم  و الله محلل ليك تزوج بدل المراة وحدة اربعة نتا مغديرش شي حاجة حرام انا ماشي تنعتارض على شرع الله حاشى غير الغيرة الي مخلاتنيش نستحمل نشوفك مع مراة اخرى وخايف خايفة تنساني

عمر : انا عارف نتي الحمد لله مؤمنة وعارفة بلي الكره ديالك لضرة ماشي لشرع الله هادشي طبيعي و فطرة فالمرأة ولكن سبق وناقشنا هاد الموضوع وقلتي ليا الرأي ديالك وحتارمتو منقدرش نخسرك ونخرب داري

سناء : انا صليت صلاة الاستخارة ورتاحيت وانا تنعطيك موافقتي تتزوج ا عمر و ايلا كان فالامر خير فاللهم يسر ليك وايلا كان فيه شر ربي يبعدو عليك وعلينا

عمر : ولكن**

سناء قاطعاتو : انا صافي قررت وبغيتك تزيد تفكر فالموضوع التعدد صعييب وايلا مكنتيش غادي تعدل بينا فبلاش متظلمنا وتظلم نفسك !!
 
#يتبع