زوجتي التانية أرملة(متوقفة حاليا)

البارت7

🥀زوجتي الثانية ارملة🥀
🥀بقلم :Aicha Mos 🥀
🥀البارت : 7 ،🥀

جالسة ايمان فبيتها هي وسارة تتشوف فختها تتلبس حوايجها غتمشي للمدرسة ..كيف عادتها لباسهاغير محتشم وخا هي وبزاف د البنات خرين عند بالهم بلي سروال د جين راه مستور و قميجة مزيرة غلى صدر او تيشورت راه لباس محتشم وعادي..وخا هو تيبين تفاصيل الجسم كلهاا سواء كانت نحيفة او سمينة او ذات جسم متوسط...لباس بعيد كل البعد عن الستر والاحتشام ....مشطات سارة شعرهاا وجمعاتو فوق راسها على شكل ذيل حصان وضارت شافت ف ايمان تتضحك

سارة : كيف جيت ؟

ايمان بتاسمات ليها : زوينة ولكن الحجاب والعبايات غيجيوك احسن

سارة هازة العطر فايديها : اوا الله يهديني راه غادي نلبس الحجاب غير هو ماشي دابا

ايمان : واش غديري الريحة ؟!

سارة : اه وشنو نخرج بلا بيها راه غادي نعرق ويشمو فيا الناس ريحة خايبة وسيدي ربي قالينا النظافة من الايمان والريحة زوينة دليل على النظافة ؟!

ايمان حطات ايدها على السرير : اجي جلسي حدايا

سارة جلسات حداها : نعم اش قلت تاني هادشي قراو لينا فالمدرسة

ايمان ضحكات : وراه صحيح الله سبحانه وتعالى يحب النظافة والنظافة من الايمان والمسلم خاص ديما يكون نقي فريحتو فلباسو وكلامو فكلشي تيتعلق بيه ...ولكن عمر كنا نربطو ريحة العطر بالنظافة ...النظافة هي تدوش  وتقطع اظافر اليدين ورجلين وتغسل حوايجك وتغسل سنانك
الرجال حلال يخرجو متعطرين اما حنا النساء حرام نخرجو بريحة عاااطية وفااايحة والي داز من حداك يشمها فيك

سارة : بصح واحد البنت تتقرا معايا تتبان من بعيد لابسة ومقادة وشعرها وصابغة الظفران وتدير ريحة مجهدة ولكن متقدريش تقربي منها فيها ريحة العرق مجهدة و ريحة فمها خايبة بزااااف ...كيف كيقولو العكر فوق الخنونة ههههه

ايمان : حشومة نقولو هكا مسكينة خاص الي ينصحهاا واش صاحبتك ؟

سارة : لا اختي مصااحبتيش ولكن هي ظريفة وخا هكاك مرة مرة تنهضر معاها

ايمان : خاصك تهضري معاها وتنصحيها بين وبينهاا وحتى حد ميكون ونتي تهضري معاها وتقولي ليها بليخاص تركز على النظافة الشخصية والداخلية كتر متركز على المظهر الخارجي وان شاء الله تسمع منك حشومة نضحكو عليها هي معارفاش

سارة : وخاا وايلا قمعاتني ؟ صراحة انا ميعجبنيش الي يقول ليا بحال هكا

ايمان :نتي شرحي ليها غير بالخاطر وقولي ليها الصفات الي فيها زوينين وبلي غتكون احسن واجمل لو دارت داكشي وان شاء الله غادي تفهم حسن النية ديالك

سارة : وخا غنشوف ودابا واش ندير الريحة ولا لا ؟؟

ايمان :عن أبي موسى الأشعري قال: قال رسول الله صلى الله عليه وسلم: أيما امرأة استعطرت فمرت على قوم  ليجدوا من ريحها فهي زانية..

سارة : اعوذ بالله زانية يارب تسمح ليا ولكن راه انا معرفتش وشحال من وحدة تدير الريحة يعني مكنتش عارفة

ايمان :اه زانية راه ايلا درتي عطر ودزتي من حدا الرجاال وشي واحد عجباتو راك درتي ذنب كبيير ...النظافة مزيانة وماشي ضروري العطر ديريها فالدار ولكن ملي تخرجي لا راه حرام ...والحجاب ايمتا غادي ديريه اختي الله يرضي عليك راه بلغتي سنين هادي وبداو الملكين تيكتبو فكتابك

سارة : وخا العطر منبقاش نديرو للمدرسة نهتم غير بالنظافة الشخصية ...ولكن الحجاب مزال شوية راه انا باقة صغيرة شحال من وحدة مزاال مدارتوش وواحد الاستاذة كاع تتقرينا كاع ملابسة الحجاب ؟!

ايمان : الذنب وخا يديروه الف واحد وخا يديروه كاع الناس راه كيبقا ذنب مكنشوفوش العدد تنشوفو الحق فين ونتبعوه والله امرنا حنا النساء وفرض علينا الحجاب وقتماا بلغناا الحجاب راه سترة باش ضمنتي بلي غادي تعيشي من هنا لعشية ؟ او من هنا لغدا ؟ وايلا متي شنو تقولي لله سبحانه ملي يسولك عليه باش غتجاوبي ؟ حكا باقة صغيرة اوخاص نقتانع ....باش غادي تقتانعي كتر ونتي مقنعكش كلام الله حين قال سبحانه وتعالى :﴿يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ﴾

#يتبع