🥀زوجتي الثانية ارملة🥀
🥀بقلم :Aicha Mos 🥀
🥀البارت : 10 ،🥀
جلسات سناء حدا امهاا سعاد تتعنق وتبوس دخلات المساعدة صفية الي كانت معاهم من زمان وهي بحال وحدة منهم حطات صينية اتاي و اللوز والاكاجو والبيسطاج وبلاطو حلوة و لوازم كسكروط طبلة عامرة وتتشهي
الحاجة خديجة مخاطبة صفية : الله يرضي عليك ابنتي جلسي وسمحيلينا عذبناك
صفية : عذابكم راحة الحاجة
الحاجة خديجة تتكب اتاي : بسم الله ختي سعاد مرحبااا والف مرحبااا بيك و لالة مارياا الغزالة
ماريا اخت سناء بخجل : الله يكبر بيك اخالتي
سعاد : ترحب بيك الجنةة فين حفيذي الغزال
سناء : فالمدرسة ا ماما
سعاد : فاتو شوية السخانة يومين كرفصاتو. ؤاكما عندو شي حاجة
الحاجة خديجة : لا الحمد لله براا داوه للطبيب قاليهم سخانة عادية غير تيتبدل عليه الجو
سعاد : اوا الحمد لله الله يحد الباس يارب الله يجيب ليه خوتو الي يونسوه
سناء تقرصات شافت فالحاجة خديجة بحزن ~
الحاجة خديجة : ءامين يارب كولي كولي اختي مرحباا بيكم
سناء مبدلة الموضوع : مارياا شنو قررتي ديري الاجازة وخديتيها اللهم بارك
ماريا بخجل : باقي معرفتش اختي ناخد فترة راحة ونشوف ان شاء الله
سناء : الله يسر ليك الحبيبة
سعاد : اوا راه قاالي الحاج غيجيو فيها الخطااب
الحاجة خديجة بفرح : الله يكمل عليها بالخير يااارب
سناء بسعادة : ءامين يارب شكون اماما واش كنعرفوه
سعاد بتفااخر : ولد الزياني اصل و مفصل
الحاجة خديجة : الله يبارك ايه لالة غيثة الله يعمرهاا دار شكون فولادهاا
سعاد : ولدها حكيم
الحاجة خديجة : تبارك الله الله يواتيهم فالخير ياربي
سعاد : ءامين ءامين ...اوا اسناء واش باقي تتمشي لعند طبيبتك ؟
سناء بتردد : اه مزال
سعاد : اوا وشنو قالت هلكاتك باالدوايات ومزال مبان والو !!
الحاجة خديجة : سيدي ربي يحن عليهم وكل حاجة بوقتها زينة
سعاد عوجات فمها : اوا معرفنا المشكل منها ولا منو
سناء بصدمة : ماما !!!
الحاجة خديجة بكل هدوء : حتى واحد معندو مشكل وتقدري تمشي معاها تتاكدي ...ختي سعاد لكنتي تتٱمني بالله راه غادي تعرفي بلي هذا امتحان لينا كاملين يختابر صبرناا ..والمطلوب منا هو ندعيو معاهم ويحفظ ليهم ولدهم ويجعل في البركة
كملو كسكروطهم فهدوء وفتوتر واضح على الوجوه مشات سعاد وبنتهاا مخلين سناء مكسورة القلب ومجروحة من كلمات امها والي مفترض تكون نبع الحنان هي بنفسها الي تتغرز فيها سكاكين الجراح.....ناضت جلسات حدا الحاجة خديجة حطات راسها على فخاد الحاجة حابسة دموعها من انها تنزل
الحاجة خديجة تطبطب عليها : ميبقاش فيك الحال ابنتي راها متتقصدش تجرحك
سناء بحزن : معرفتش علاش تدير ليا هكا انا بنتهاا
يتبع_غدا#
😍شكرا على تشجيعكم الغزالات تنفرح ملي تنشوف تعليقاتكم وجيماتكم وبوسطاتكم بزاف على القصة الله ينوركم الحبيبات ديالي
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
