🥀زوجتي الثانية ارملة 🥀
🥀بقلم Aicha Mos🥀
🥀البارت 35🥀
سناء حطات ايدها على قلبهاا : عارفة ولكن القلب ديالي تيتحرق وانا تنتخايلك مع امرأة اخرى واش غادي ضحك ليها كيف كدير معايا واش غادي تشد ليها ايدهاا هكا (طاحت دموعهاا ) انا الي تنطلب الله يرزقني الصبر ويبرد النار الي شاعلة فقلبي
عمر معرف باش يجاوبهاا احساسهاا وصلوو قلبها على قلبوو وحزن على منظرهاا جرهاا لحضنه عنقهاا : ءامين ا سناء ءامين
معرف باش يجاوبهاا كتر من هكاا حيت مبقاا رجوع او حل اخر ايمان دابا راها مراته وحلاله وعلى ذمته كيف سناء مرته والي لسناء ل ايمان ولا تفضيل بينهم ....عنقهاا للحظات مسح دموعهاا وخدم قرءان فالطموبيل ونطالقو بدون اي كلمة اخرى منهم بجوج ....تيستامعوو للقرءان وبداو يحسوو بالطمأنينة والسكينة تتنزل عليهم
{أَلا بِذِكْرِ اللَّهِ تَطْمَئِنُّ الْقُلُوبُ}
وصلو للفيلاا ودخلوو سناء ساكتة وبحالا رتاحت شوية وفنفسهاا تتستغفر الله في كل حين عمر دخل هاز عبد اللطيف الي نعس طلعه لبيته وحطو فسريروو ...ومشى لبيتهم هو وسنااء الي دخلات تبدل حوايجهاا
سناء لبسات بيجامة طويلة وبدأت تمشط شعرهاا : عمر واش عندك شي حاجة غدا ؟
عمر بدل حوايجه وجلس تكى : علاش ؟
سناء عينهاا على شعرهاا : بغيت نمشي انا وياك نتقداو شي حاجة ل عبد اللطيف خاصو حوايج البرد
عمر بتأسف : لا غدا منقدرش مشغول
سناء كملات مشيط شعرهاا ودارت كريم لايديهاا تتدهنهم : واش المحل تقدر تخلي شي حد يقابلو مغاديش نتعطلو
عمر عينيه على التليفون : لا ماشي المحل غادي ندي ايمان تشوف الدار وشنو ناقصهاا راك عارفة يلاه جديدة ممفرشاش
سناء حبسات شنو كدير وهزات فيه راسهاا نطقه لاسمهاا لاسم امرأة اخرى نغزهاا فقلبهاا مكانتش عارفة بلي صعيب الموقف قد هكاا وبلي تتغير عليك بهاد الطريقة حيت هي عارفاه كان ليها بوحدهاا انسان تيخاف الله وتيغض البصر على النساء وعمره فكر فوحدة اخرى
...ولكن دابا راه تزوج امرأة اخرى حلاله ...عضات على شفايفهاا ونطقات بخفوت : الله يسخر ...غتمشي غير نتا وياها ؟
عمر ناض وقف لبس جلابته المغربية الانيقة : لا غتمشي حتى الوالدة ديالهاا ....انا غادي نمشي نصلي العشاء فالجامع وغادي نمشي للمناسبة الي قلت ليك
سناء مشات لعنده تتقاد ليه جلابته : الله يسر ليك امرك ويحفظك من كل شر
عمر بتاسم ليها بحنان وباسها فحنكهاا : ءامين نقدر نتعطل متسناينيش
سناء : وخا
خرج من غرفتهم ومشى سلم على الوالدة دياله وبقا يهضر معاها لعدة دقائق وخرج ركب سيارته وتاجه للمسجد ....شاف تليفونه وتفكر بلي سجلات رقمهاا دوز ليها يسول فيهاا وابتسامة صغيرة على شفايفه ...
ثواني معدودة حتى كانت جاوبات بصوتها الي دخل ليه مع لعضام معرفش علاش باغي يبقا غير يسمع ليهاا صوتهاا رنان حشمتهاا وحيائهاا علمهاا وادبهاا كلشي فيهاا اعجبه بطريقة متوقعهاش شافها مرات قليييلة ولكن كل مرة كانت تتخلي انطباع فقلبه اقوى من الي قبله ....تيفرح ملي تيشوفهاا او يسمع صوتهاا
ايمان بخجل واضح من صوتهاا : السلام عليكم ورحمة الله وبركاته
عمر بصوته الرجولي الرزين : وعليكم السلام ورحمة الله وبركاته ..لالة ايمان لاباس عليك ؟
ايمان قلبها تيضرب فكل مرة تتسمع اسمهاا بصوته : الحمد لله بخير وانت
عمر : الحمد لله يسول فيك الخير ...واش تتعرفي سميتي ؟
ايمان بخجل : اه تنعرفوو
عمر بتاسم جنب : ناديني باسمي ؟
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
