🥀زوجتي الثانية ارملة🥀
🥀كتابة Aicha Mos🥀
🥀البارت 33🥀
ايمان شافت فيه للحظة وهبطات راسهاا معارفاش علاش متتقدرش تكمل فيه الشوفة احساس جديد تيتكون فقلبهااا تعاملووو حنانو و صوته تغلغل داخلهاا : ان شاء الله
عمر مد ليها الساشي الي فيه طقم الذهب الي خداه ليها و الخاتم : في امان الله
ايمان شداتهم من عندو وعينيهاا فيهم فرحة : في امان الله
هبطات تسناها حتى دخلات وكسيرااا للمحل ديالو وعقله كيخمم فهاد اللحظات الي عاش مع زوجته الثانية حلاله ذات العيون الجميلة ....اما ايمان دخلات للدار مكان فيها حد فوزية عند الجارات كيف عادتهاا و سارة فالمدرسة ....دخلات لبيتهاا حطات الشاسية فوق سريرهاا ودخلات بدلات حوايجهاا ونبض قلبهاا باقي تيتسمع فوذنيهاا تيرقص بخفة....معرفاتش شنو هاد الشعور الجديد على قلبهااا وواش هو " الحب " ....تتذكر لحظاتهاا مع زوجهاا "عمر " بانت ليها الساشية ومشات هزاتهاا بغات تجرب الخاتم فايدهاا الي طير عقلهاا عجبهاااا ..
حلاتها ولقات علبة اخرى مفهماتش ديالاش فتحاتهااا وتوسعو عينيهاا بصدمة هزات الورقة الي معاه لقات فيه سميتهاا ترسمات ابتسامة خجولة على شفايفهاا عجبها هو الاخر وجرات قدام المراية تتجرب فيه ....ماشي حيت اول مرة تتشوف الذهب بالعكس عندها فلوس الي تشري العجب ماشي غير الذهب ولكن كونهااا هدية منه "هو " خلاتها طير بالفرحة عجباتهاا بزااف
دخلات عليها فوزية تتشوف فيها تتضحك للمراية بخجل ~
فوزية : واش حماقيتي وليتي ضحكي مع راسك ؟
ايمان جمعات ضحكتهاا وشافت فيها : ماما جيتي ؟
فوزية : انا الي خاص نسولك واش جيتي ؟ درتو العقد
ايمان بخجل : اه
فوزية تتشوف فيهاا كيفاش حشمانة : تقول غير اول مرة تزوجي
ايمان بخجل بتاسمات : هه
فوزية لمحات الطقم الي لابسة لمعو عينيهاا : شنو هذا ؟ واش ذهب ؟
ايمان : اه مشينا شرينا الخاتم
فوزية قربات ليها شدات السنسلة فايدهاا : غزااال انشوف الخاتم
ايمان بسعادة تتشارك معاهاا فرحتهاا : شوفي
فوزية حلات العلبة : زوييييين غيكون ساوي الثمن منين شريتو
ايمان : من محل ***
فوزية علات حاجبهااا : اوا تسݣمات ليك الوقت ابنت فوزية انا تشري لياا من الذهايبية الي فالقيسارياات ونتي تمشي للمحلات الكبار
ايمان بحزن : ماما نتي الي تتختاري فين تشري كتمشي عندهم وتتعجبك شي حاجة تتشريهاا
فوزية عوجات فمهاا وهزات فيها راسهاا : اوا خلااص المرة الجاية نمشي ناخد من هاد المحل ( بتاسمات ) ياك ابنتي غتاخدي ليا من تما ؟
ايمان تنهدات : وخا ا ماما ان شاء الله
فوزية : غير وصلك مشى ؟
ايمان تتحيد الطقم : اه ...قالي غدا غيجي يدينا نشوفو الدار
فوزية بتسائل : شكون نتوما ؟
ايمان بخجل : انا و ياك لبغيتي ؟
فوزية بفرح : ايه نمشي علاش لا خاص نشوف فين غتسكن بنتي مزيان بعدا ملي مغتسكنيش مع العكوزة والمرأة الاولى
ايمان : مكانش عندي مشكل هو الي ختار نسكن بوحدي
فوزية : هو راه تيعرف اش كاين لابد من الحساسية ردي البال من مرتو الاولى عمر الضرة تكون صديقة
ايمان : متقوليش هكا سناء ظريفة مسكينة
فوزية عوجات فمهاا : نتي الي ظريفة نتي وقيلة يصحابلك كلشي ظريف
#يتبع
أنت تقرأ
زوجتي التانية أرملة(متوقفة حاليا)
Romance💍.زوجـــتـي الــتانـية أرمـلــة 💍. بعد تجربة القصة الدينية الرومنسية #زوجوني_منقبة اعود مرة اخرى بقصة جديدة وثنائية جديدة احداث جديدة #زوجتي_الثانية_أرملة ..قصة فيها من العبر الكثير ... الحياة ماهية الا دار فناء واختبار لبني البشر...
