My Daylight

15

Biro lang ang lahat ng nangyayari sa Gc, pero hindi ko akalain na sa isang iglap... nakaramdam ako ng takot at pag aalinlangan sa sarili ko sa hindi malamang dahilan.

Natagpuan ko nalang ang sarili kong tinatanong ang sarili ko kung handa na ba akong pumasok ulit sa isang relasyon. Pagkatapos ng ilang taon na single ako, nag enjoy naman ako at talagang sobrang saya ko.

Ni hindi ko na nga maalala na nagmahal ako dahil sa sayang naidulot sa akin nang pinili kong piliin muna ang sarili ko.

Kabaligtaran ng middle name kong Pinili, palagi akong hindi pinipili ng mga taong mahal ko.

Kahit gabi na, buhay na buhay pa rin ang Gc namin. Hindi na naawat ang pang aasar sa amin ni Mar.

Schian Klein Pelagio:

Sample nga ng salitaan jan

Nagreply naman ako sa chat nya habang napapailing na nagtitipa ng irereply sa lalaki.

Dove Sanctuary:

Anong klaseng lambing ba?

Schian Klein Pelagio:

Ung sobrang lambing di na maalis sa isip

Nag isip naman ako ng sasabihin, pero dahil sa tagal ko nang walang karelasyon, hindi ko na alam kung paano maglambing.

Dove Sanctuary:

Mahal kita

Ayan ok na

Mar Amiorez:

Sweet na yun

Mas malambing pako

Gusto ko sanang barahin siya at sabihin na ‘eh ‘di ikaw ang maglambing sa kaniya!’ Masyadong desisyon ‘tong si Mar! Ang sarap kotongan minsan!

Schian Klein Pelagio:

Ang tigas naman kasing tigas ng bato

After ng mahal kita wala na yun na yun

Napakagat ako sa pang ibabang labi ko para pigilang ang pagtawa ko. Kahit kailan talaga, napakajoker ng lalaking ‘to! Ang swerte siguro ng magiging girlfriend nito. Sana lang ay hindi ako pagselosan ng magiging girlfriend niya dahil mukhang masaya pa namang maging kaibigan ang lalaki.

Pero iyon ang akala ko. Halos ilang minuto pa ang nagtagal sa pagbibiruan sa Gc hanggang sa tila mag iba ang ihip ng hangin at maging seryoso na ang usapan.

Nagsend si Mar ng picture ng babae na may katabing aso sa loob ng kotse. Maganda ang babae. Pinipilit ni Mar si Schian sa babae, pero ayaw pumayag ng lalaki.

Schian Klein Pelagio:

Pass talaga

Mar Amiorez:

Meron ako dito

Ano ba type mo

Schian Klein Pelagio;

Si Dove

Natigilan ako at hindi nakaimik nang mabasa ang sagot ni Schian sa tanong ni Mar sa kaniya. A-Ako? Seryoso ba siya?

Schian Klein Pelagio:

Este

Puta naman

Mali mali

Tinawanan lang iyon ni Mar bago siya magreply kay Schian.

Mar Amiorez:

Sige reto kita

Schian Klein Pelagio:

Mali lang par paulit ng tanong

Mali lang par paulit ng tanong pls