كالاتيا

البارت الثالث عشر

البارت الثالث عشر
كالاتيا
بقلمى #فاتن_على

🌹🌹🌹🌹🌹🌹🌹

تجلس على الشاطئ فى إنتظار قدومه وكأنها أدمنت الحديث معه على ذلك الشاطئ

بالرغم من قرب الغروب ولكنه لم يأتى لتشعر بالقلق من أجله وقبل أن تبحث عن هاتفها تتذكر أنها فى تلك الجزيرة عديمة وسائل التواصل الإجتماعى لتطلق ضحكاتها

تسمع ذلك الصوت من خلفها يردد بدهشة

-بتضحكى على إيه ضحكينى معاكى

تلتفت إليه سريعا بلهفة لتطلق تنهيدة راحة عقب رؤيته وعيونها تتابعه حتى جلس بجوارها ليلقى بإحدى الحصى فى المياة لتردد هى بإبتسامة

-تخيل كنت بدور عالفون بتاعى عشان أرن عليك ههههه نسيت إن الفون هنا تحول إلى قطعة عديمة الفائدة

يصمت أدهم قليلا يحاول إستيعاب ما تفوهت به هاميس، للتو ليطلق ضحكاته هو الآخر ثم يسود الصمت المكان لعدة لحظات ليقطعها صوت أدهم الجاد

-فيه سؤال خايف أسأله ليكى تزعلى

تأخذ هاميس نفس عميق فهناك العديد من الأسئلة التى طرأت فى بالها ليأخذها الفضول حول سؤاله ذلك لتردد فى خجل

-إتفضل إسأل ومش هزعل

يلتزم أدهم الصمت ثم يردد فى حذر

-بصراحة من أول ما شفتك وأنا بسأل نفسى إيه اللى يخللى دكتورة شاطرة وجميلة وباين عليها إنها بنت ناس أوى تسافر لوحدها من دولة لدولة

تباغته هاميس بالإجابة على الفور

-هروب

يستدير أدهم بجسده إليها بتعجب ودهشة عقب سماعه لتلك الإجابة ليلاحظ إلتماع عيونها بالدموع لتردد بصوت متألم

-أيوه هروب.... ضعف وإنكسار... كان بابا بيقوللى كده ومصدقتهوش للأسف لكن دلوقتى عرفت إن عندك حق

مسحت سريعا تلك العبرة المتحررة من عيونها وهو تحاول تنظيم أنفاسها قبل أن تنهمر دموعها وينفضح أمرها ليسألها فى حذر

-أنا آسف إنى فكرتك بحاجات زعلتك...... وبعدين ده نصيب وقدر ومكتوب..... كل واحد فينا بيهرب من آلامه بطريقته .... إنسى بقى إنسى إرمى همومك فى البتاع ده والا ما إحنا عارفين ده محيط والا بحر،

كانت يريد بمزحته تلك أن يخرجها من آلامها تلك ولكنها دخلت بالفعل إلى دائرة من الذكريات