من عيون الناس يا نجد اسرقيني

البدايه ١

في بيت ابو عايض بالديره
الملقط
قام تركي وخالد على صوت عقاب : قومو قبل لايجي ابوي ويلقاكم لسا نايمين
كالعادة خالد عيّا يقوم لكنه فز على صوت ضرب عمه عايض [ من وفاة ابو خالد صار عايض ابوهم (خالد والجود)والمسؤول عليهم ]
ابو عقاب: قوم الصلاة لا بارك الله فيك
خالد اللي قام يتوضى وخرجوا يستنوه برا ، بعدين توجهو لمسجد الديره
بعد الصلاة
ابو عايض:وين الفطور يا مره
ام عايض: الحين الحين يجيبونه يا نجلاء ودي الصحون للحوش تراهم وصلوا
نجلاءاللي وجهت كلامها لليان : وراك ما تودينه انتي بلييييز ليان
ليان اعطتها نظرة وقالت: هااااا الحين فهمت انتي ما تبي تودي الصحون انتي ما تبي تشوف....
أسرعت نجلاء تحط يدها على فم اختها تمنعها انها تكمل كلامها : آخر مرة اقول لك شيء ندمتيني الصراحه
اخذت النجلاء الصحون وودتهم للحوش في الجلسه المفضلة عند ابو عايض وزفرت براحة من ما شافته
اجتمع الكل حول الاكل وبدو يفطرون تحت صمت
ام عايض : وين سرا خالد
ردت غالية: اظنه راح الرياض عنده شغلة هناك ويرجع
ام عايض: اجل زين وانت يا عقاب متى ترجع لشغلك
رفع نظره عقاب صوب جدته ورد بهدوء: الأسبوع الجاي إن شاءالله
ابو عايض: أقول يا عقاب متى تتزوج ونشوفو خلفتك تراك قربت التلاتين
عايض: والله يا يبه كثر ما حاولت معه انا تعبت
*************
ملاحظة بسيطه
يعتبر بيت ابو عايض أكبر بيوت الديرة ويعيش فيه هو وزوجته وبكره عايض و انتقلت تعيش معهم غالية بعد وفاة زوجها
بالنسبة للعم الناصر فهو يعيش في بيت جنب بيت ابوه يعيش معه محمد في جناحه الخاص
******************
عقاب اللي تعب من كثر ما يسألوه عن ذا الموضوع واختصر كلامه وهو يرد عليهم: لما تكون فيه بنت ناس بتزوج
ردت ام عايض: البنت موجودة باقي موافقتك يا الحبيب
حاول عقاب انه يتكلم بطريق هادية لكن كانت حدة في صوته : يصير خير إن شاءالله ، أنا بسري للعزبة استودعتكم الله
منيرة :يا ولدي ترا برسلك اشياء روح جيبهم من عند عمتك احلام
هز راسه عقاب وخرج من البيت وركب موتره وتوجه للعزبة
**********
عند البنات
ليان: تتوقعين يتزوج
نجلاء: ممكن يعني مو بيجبروه بس خلاص رح يضيع عمره وهو لسا عزاب
الجود: تخيلو يكون يحب وحده ولا فعلاقة
ضحكت نجلاء وقالت : عقاب والحب وأطلقت ضحكة وتبعوها البنات
بعد ما هدو قالت ليان : وش حب انتي أقول لك حنا خواته وما عمره قال لنا احبكم ولا اشتقت لكم
الجود : احس زوجته بتعاني معه
نجلاء اللي قامت وقالت : أقول اسكتوا وقومو ساعدوني نودي الصحون
قامو البنات ونظفو المكان وغسلو المواعين
*************
عند ابو عايض
يا عايض اتصل على عقاب يجيب معه ذبيحة بيجي فلاح للعشا
عايض هز راسه وقال :تم يبه
عند البنات
الجود: بيجي عمي فلاح اليوم للعشا
نجلاء:بنات ببكي ما لقين خاتمي الفضي ذاك
ليان: يمكن تكوني حطيتيه بالمطبخ لما بغيتي تغسلي مواعين
الجود ايّدت كلام ليان واسرعت نجلاء تتوجه للمطبخ بدون ما تنتبه عالي يحط الأغراض
لف خالد من سمع صوت شبه جري لكن صد لما شافها رغم انه ما يعرفها
نجلاء:يممممه شفتي خاتمي
ردت منيرة : مادري أظن بالرفوف
رفعت عيونها نجلاء تشهق لما شافته واقف وصاد عنهاوقالت بتلعثم :ماا ششفتك ااااسفة واسرعت تخرج من المطبخ وتحس بفراشات ببطنها رغم انه ماحصل شيء
*********************
عند عقاب في العزبه
ذبح الذبيحة وارسلها مع العامل وركب موطره يتوجه لبيت عمه ناصر
وصل عقاب بعد مسافة نص ساعه او اقل
دق الباب عقاب واسرعت نجد تفتح بدون ما تتغطى وكانت لابسة مخور إماراتي يبرز جمالها الانثوي ورافعة شعرها ذيل (كانت تجنن)
تحسب انه محمد لكن شهقت لما شافت جسم رجل عريض لابس ثوب ابيض وماسك شماغه عل يده واسرعت تقفل الباب في وجهه
تنرفز عقاب من حركتها وما ركز بشكلها ،،سمعها لما نطقت بصوت خفيف
نجد :مين
رد عقاب وقال : انا عقاب قولي لعمتي تعطيك اغراض أمي
ردت نجد : تمام
بعد ٩ دقايق فتحت الباب نجد ومدت الكيس وقالت :سلم على عمتي
هز راسه عقاب وكانها تشوفه التفت عقاب يرجع ادراجه لكن تصادف مع محمد الي كان راجع من صلاة العصر قال : يا هلا يا هلا بالي زارنا
ضحك عقاب وقال : جيت اخذ أغراض الوالدة وراجع بتجون للعشا؟؟
رد محمد: زين اجل بنجي لنا مدة ما شفنا عمي فلاح
عقاب : يالله انا رايح اشوفك فالعشا
بعد صلاة المغرب
عند البنات
ليان اللي طلعت من الحمام وقالت: كييف
ردت نجد:الصراحه يجنننننن حتى اللون زادك انوثة
خزتها ليان وقالت: وش تقصدين انا ماني انوثية ولا ايش اساسا ادري اني اجنن
الجود: حبيت اللون من وين خذيتيه
ليان : ما ادري شريته من زمان واليوم قررت البسه
سكتت ليان من سمعت جدتها تناديها
ليان:سمي يمه وش بغيتي
ام عايض : نسيت دواي في المطبخ الخارجي روحي جيبيه
ليان: اووووك
خرجت ليان ودخلت المطبخ تبحث عن دوا جدتها لقته ثم خرجت تذكرت ليان انه في مراية بالمجلس فدخلت بسرعة تتصور رفعت الكاميرا على خروجه لكنها ما شافته وهو اللي وقف مصدوم من الأنثى اللي قدامه ولاقدر يصد
التفت ليان علشان تخرج بس تصنمت مكانها من شافته وقالت بحده:صد الله لا يبارك فيك
صد سطام بسرعة وتنحنح وقال : اسف من بنته انتي
ردت ليان بقوة: مالك دخل واللي صار هنا يبقى هنا ما ودي بمشاكل
واسرعت تخرج تلحق البنات لان الضيوف وصلوا
************************
بعد العشاء في المجلس
العم عايض اللي التفت صوب ولده ناصر وقال: الأسبوع الجاي بنسري عليك
تنهد عايض الي عرف بمبتغى ابوه من روحته للعم ناصر وقال في نفسه: انا الحين اللي ابتلشت كيف اخلي الثاني يرضى قطع تفكيره العم فلاح اللي قال: يا ابو عايض ما ودك بروحة للمخيم
رد ابو عايض: اي والله انك جبتها بكرا ان شاءالله بنسري
رد فلاح: ان شاءالله
واخذتهم السوالف لين قال فلاح: يالله انا استودعكم الله بروح
رد عايض:وراك ما تجلس معنا
رد فلاح : لا والله ام العيال نست دواها بالبيت مرة ثانية ان شاء الله
سلموا على بعض وطلعوا الرجال
******************
عند البنات
منال: يالله يا فرح ابوك و جدك يتسنونا
فرح: ابلبس نقابي واجي
سلمو البنات على بعض وخرج العم فلاح من اسوار بيت ابو عايض
عند الشباب
فيصل اللي كان يلاعب فهد ويقول : الله شوفو قديش حلو نتفه نتفه
رد محمد : وش اللي نتفه انت هات ولدي برجعه لامه اخير له
اخذ محمد ولده وراح جهة المطبخ وطلعت الجود : يا هلا بولدي اللي ما شفته من البارح
رد محمد: انت اللي خليتيه وجيتي وبعدين كانك نسيتيني
ضحكت الجود وقربت منه تاخذ ولدها لكن مسكها محمد وقال : لا والله اشوفك خذيتي الولد وتبين تروحين
ردت : وش ابغى فيك انا ابغى ولدي حبيبي واعطته بوسة بقوة
تركها محمد والتفت عشان يرجع لكن مسكته وقالت : لا يكون زعل البابا
ناظر فيها بنظرة وقال : لاوالله مش انتي اللي تزعليني
ضحكت الجود وحطت فهد في الارض وقربت منه وحاوطت يديها رقبته وقالت : اجل إذا هي مش انا اجل مين
تقرب منها محمد لين ارتطم ظهرها بالجدار وقال : وش ذي الجرأة
ضحكت الجود وكانت بتمشي لكنه رجعها وباسها بوسة قريبة لشفايفها ،،ضحك محمد من ملامحها اللي حمرت اثر خجلها وقال : بعد شوي باتصل عليك نرجع للبيت
********************
عند البنات
نجد: وش فيك يا ليان ساكتة
ردت ملاذ: من راحت عند جدتي وعقلها مو موجود
ما سمعتها ليان مما جعل نجد تشك انه في شي
نغزتها نجلاء وقالت: يا هووو وين وصلت
ليان الي صرفت الموضوع وقالت: والله يا بنات تعبانه والاسبوع الجاي ببدا دوام اااااخ
بعد ذا اليوم الطويل رجع كل واحد لبيته ونامو