من عيون الناس يا نجد اسرقيني

٣٤

بسم الله
لا تنسون تقيمون البارت
قراءة ممتعه
اعتذر عن أي خطأ إملائي بدر مني
***********************
منيرة: اتصل عليه
هز راسه عقاب يتصل على والده
عايض: نعم عقاب
عقاب: وينك يبه
عايض: البيت
استغرب عقاب وقال: ليه وش تسوي هناك مو قلت بترجع
عايض: طلع لي شغل المهم انا في البيت انتم جايين
هز راسه عقاب وقال: في الطريق
قفل المكالمه عايض والتفت عقاب لامه وقال: في البيت يقول طرى له شغل
سكتت منيرة تلتفت لنجد اللي مسنده راسها على القزاز وقالت بهمس: يمه فيك شي
ابتسمت نجد وقالت: لا يا خاله تعب بسيط
غمزت منيرة لنجد وقالت: مو قلنا لك لا ترقصين
ضحكت نجد وناظرت لعقاب اللي يناظرهم من المرايه وقالت: تكفين خاله لا يدري
ضحكت منيرة وقالت: ولا عليك تعالي عندي نامي لين نوصل
ابتسمت نجد تغمز لعقاب من المرايه وتكت على كتف منيرة
عايض: تراهم جايين تبين نقول لهم
نجلاء: اللي تبيه يبه لكن انا بروح انام تعبانه
هز راسه عايض وصعدت نجلاء لفوق تنام بهدوء بعد تعب ومعاناة عاشتها مع عائلة مهند
سيارة حازم
ركبت السيارة بمساعدة امها وهيام ولوحت لهم بيدها بعدما سكرت الباب تمنع دموعها من السقوط تناظر لحازم اللي يكلم سطام وابوها
تنهدت تناظره يركب جنبها يحرك السيارة متوجه للفندق
وصلوا بعد مده وخرج من سيارته يفتح لها الباب يساعدها تنزل نزلوا وطلعوا لجناحهم يفتح حازم الباب
دخلت للجناح تنزل نقابها على الكنب تدخل الغرفه
زفرت بقوة تستجمع طاقتها ونزلت الفستان تلبس روب خفيف قصير سكري اللون مع روبه الطويل تحزمه بقوة اخذت من عطرها تحطه على مناطق النبض تمسح مسكرتها ومكياجها
رفعت عيونها على دخوله وقال: الاكل بيجي الحين بدخل ابدل
هزت راسها تشوفه ياخذ ملابسه يدخل الحمام
بعد دقايق سمعت صوت الجرس دليل على وصول الاكل وقالت: حااازم
خرج حازم من الحمام وقال: وش فيه
فرح: الاكل وصل روح جيبه
حازم: طيب كان جبتيه انتي
رفعت حاجبها وقالت: من جدك تبيني اطلع كذا
اشرت للبسها وحازم اللي توه ركز على روبها وابتسم ابتسامه خفيفه لكنه تصنع الثقل وعدم المبالاة وقال: اي صح ما ركزت
خرج من الغرفه ياخذ الاكل والتفت لخروجها واشر للكرسي اللي أمامه وقال: اجلسي
جلست أمامه تمد يدها تتقاسم معه الاكل
بعد ما خلصوا وحمدوا ربهم على النعمه وقفوا يغسلون اياديهم وحازم اللي راح للغرفه ينسدح على السرير
دخلت من وراه تسمعه يقول:طفي النور معاكي
تنهدت تطفي النور وابعدت الشرشف تنسدح على الجهة الثانيه معطين ظهرهم لبعض واستسلموا للنوم
في جناح فيصل
وصلوا بعد مده ودخلت الهنوف تغير ملابسها وطلعت لفيصل من علمها بوصول الاكل
رفع نظره لها وتصنم مكانه يناظر روبها الأبيض القصير اول مرة يشوف بنت كذا صح انوا عنده اخوات لكن لهم حدود في اللبس
بلع ريقه يشوفها جايه نحوه تجلس أمامه
توترت من نظراته لها وجلست على الكرسي تنتظره يجلس وهو اللي استوعب وجلس ياكل معاها وكل شوي يسرق النظر لها وهذا اللي زاد توتر الهنوف
أكلوا وقامت تغسل الصحون انتهت منهم تدخل الحمام تسمعه يكلم احد
التفت لدخولها وسكر الجوال وقرب منها وقال: الهنوف
ناظرت فيه بتوتر وربكة وقالت: نعم
ابتسم وضمها له يستنشق عذابه وقال بصوت مخدر: والله اني مو قادر اوصف لك شعوري الحين
ابتسمت بخجل وابعد عنها يناظر عيونها وقال: ما يمنع اوصفه بطريقه ثانيه
توترت الهنوف وقال من لاحظ ربكتها: اذا ما تبين فاحترم قرارك وبصبر ما ابي اسوي شي وانتي مو مرتاحه
سكتت الهنوف تناظر فيه وقالت: فيصل
ناظرها فيصل وقربت منه ترفع يدها لعنقه وضحك من فهم جوابها ينحني يقبل ثغرها يجدد روحه من ريقها وتزيد رغبته فيها ابعد عنها من طلبت نفس يحملها ويجلس على السرير يحطها فوقه ينحني لنحرها يطبع علامات ملكيته🌚
*************************
بيت العم ناصر
ناصر: اجل يا بنتي وش هو قرارك
سكتت ملاذ تتذكر اللي صار بالقاعه لما طلعت متوجهه للحمام لكن وقفت من سحبها احد
فارس: ملاذ
ناظرت فيه وضربته على صدره وقالت بحده: مريييض انت وش الجراءة ذي
فارس: طيب اسمعيني
ملاذ بغضب: اولا صد ما ني بمحرمه لك
ضحك فارس وقال: ليه وانت بعد يومين بتصيرين حلالي
ملاذ: واثق من نفسك يعني طيب لو قلت لك اني برفضك
فارس: ما تقدرين
ناظرت فيه بحده وقال: يعني لو عرف ابوك باحمد وصو...
قاطعت كلامه من قالت: اسكت اسكتتتت
ابتسم يناظرها وقال: وش فيك ليه خايفه
ملاذ بتوتر: من ويين تدري انت
فارس: اسمعيني زين كلمتين بقولهم يا توافقين يا كل شي بيعرفه ابوك ولا اقول لك وش بيصير وقتها
تصنمت مكانها تشوفه يبتعد عنها تحسب انه يتكلم على علاقتها مع احمد اللي كانت زمان لكنه هو ما يدري عن علاقتها القديمه معاه هو يهددها بالصور اللي كانت عند احمد واللي هدد بها نجد
قاطع تفكيرها من قالت احلام: يا بنتي وش هو جوابك
سكرت عيونها بقوة تفتحهم وقالت بغصه: م موافقه
ابتسم ناصر يضمها له وقال: مبروك يا روحي والله يسعدكم
ابتسمت ابتسامه مزيفه وقالت: آمين
طلعت لغرفتها بعدما سمعت تباريكهم اللي اوجعت قلبها
انسدحت على السرير تبلع ريقها والغصه اللي أوجعت حلقها تنزل دموعها من عينها اللي عجزت تحبسها اكثر
بيت العم عايض
نزلوا من السيارة واستغربوا من مهند اللي كان يطق الباب بقوة ويصرخ: عميييي عميييي
خرج عايض بسرعه يصرخ بعلو صوته وقال: وش تبييي يا خسيس ما كفاك اللي شفته
وقف مهند يمسك يده وقال: تكفى يااا عمي تكفى لا تبعدها عني تكفى
سحب يده بقوة وقال بغضب: لو كنت تبيييها كان عاملتها بالطيب واللين اللي تستحقه مووو ترفع يدك عليها يا قليل الادب
شهقوا كلهم من اللي قاله عايض وقرب عقاب منهم يقول بحدة: يبه وش اللي سمعته
أدرك عايض انهم وصلوا وعرف انهم سمعوا كل شي وقال: اللي سمعتوه
التفت عقاب لتركي وخالد اللي كانوا وراه وقال بابتسامه خبث وضحك: رفع يده عليهااااا
ضحك تركي ومهند اللي كان يشوفهم يرفعوا الثوب على خصرهم
قرب منه عقاب وقال: ترفع يدك علييييها
مهند بتوتر: لا لا
تركي: اي يد
مهند: اسمعوا والله بالغلط بالغلط
خالد اللي كان في قمة غضبه وغيرته قرب منه ومسك يده الشمال وقال: انا اشوف انها ما عاد بتنفعك
لواها بقوة خالد يسمعون طقطقه عظام يده وصراخ مهند اللي في قمة وجعه
ابعد عنه خالد وقرب منه تركي مسك يده الثانيه وقال: اشوف ذي
لواها تركي يرتفع صراخ مهند بألم وابتعد عنه وقال: تكفوون الله يرحم امكم خلااااص ما عاد بجيكم
منيرة بصراخ: عايض وقفهم بيقتلون الولد
ابو عايض: خلوه يعرف انوا اللي رفع يده على حفيدات مسفر بيلقى عذابه
منيفه: أقول خلاص ادخلوا نعرف السالفه
الغاليه: خالد ياااا ولدي ابعد عنه
نجد ببكا: خالتي خالتي عقاب
مسكت يدها منيرة تقول: خلاص يا بنتي خلينا ندخل ما يصير لهم شي
دخلوا الكل والعيال اللي ما خلوا في مهند عظم صاحي وهو بس اللي يترجاهم يبعدوا عنه
عايض: خلاص بعدوا عنه
وقف عقاب من عليه والتفتوا لعايض اللي قال: ادخلوا
وقفوا ياخذون نفس ودخلوا وتوجهوا للحمام يغسلون اياديهم
تركي: الخسيس
خالد: ما عاش اللي يرفع يده عليها
التفتوا له وقال بوهقه: يعني اقصد على بنات عايض يعني تبقى بنت عمي
ضحك عقاب وقال: ما خلينا فيه عظم صاحي
ضحك تركي يقول: ما عليك كسرناه
المجلس
دخلوا كلهم والتفتوا لابو عايض اللي قال: وش السالفه يا عايض
سكت عايض وقال: مهند طلق نجلاء
شهقوا وقالت منيفه: لييه وش فيها البنت
عايض بحده: بنتي ما فيييها شي انا اللي ما برضى على بنتي الذل والعذاب والضرب اللي كانت عايشه فيه
ابو عايض: طيب وش السبب
عايض: يبه انا اكبر غلط سويته اني عطيتهم بنتي واجبرتها عليه وفهمتها غلط وكل ذا بسبب غضبي لكن ما كنت ادري انه يرفع يده عليها ويمنعها من أبسط حقوقها
ابو عايض: مااا عاش اللي يرفع يده على بناتنا ولا يمنعهم من حقوقهم
عايض: المهم انو اجبرته يطلقها والحمد لله هي الحين في البيت
منيرة بغصه: طيب وينها الحين بنتي
عايض: نايمه خلوها ترتاح
خرجوا من المجلس وتوجه خالد عند امه
طق الباب ودخل وقال: مشغوله
هزت راسها بنفي وقالت: وش تبي يا ولدي
جلس جنبها وقال: ابيك بموضوع
ناظرت فيه تنتظره يكمل كلامه وقال: انا ابي نجلاء
وسعت عيونها وقالت: وش هووو
بلع ريقه يناظر تغير ملامحها وقال: يمه وش فيها البنت خلاص تطلقت وانا ابيها
سكتت وقالت بعدها: البنت في عدتها يمه
خالد: ابنتظرها لين تخلص
سكتت الغاليه مرة ثانيه وقالت بابتسامه: اجل يصير خير
وقف خالد وقبل راسها يقول: تصبحين على خير
جناح عقاب
دخل للغرفه يشوفها منسدحه على الكنب وقال: وش فيك
نجد: رجولي توجعني
وقف جنبها ياخذها في حضنه وقال: عادي يا روحي
سكتت تتشبث فيه من وقف ودخل فيها للغرفه يحطها على السرير
ابعد عنها ودخل الحمام يغير ملابسه خرج بعد مده وانسدح جنبها يحط راسها على صدره وقالت: كيفه
عقاب: من
نجد: مدري مهند
رفع حاجبه بحده وقال بغييرة: ليه تسألين هامك
بلعت ريقها وقالت: من جدك اكيد لا بس منظره كان يخوف لا يكون مات
عقاب: واذا مات وش تبين فيه
نجد: خلاااص عقاب حرام اسأل يعني
باس خدها بقوة يقول: ايي حرااام اسألي عني انا بس
ضحكت بقوة وقالت: معتوه
عقاب: ووش وش
نجد: اللي سمعته
عقاب: افااا يا النجد
رفعت راسها له ومسكت خدوده تقرصهم وقالت بدلع طفولي: ووش فييك يا حبيب النجد
ضحك بقوة يقول بحده: اسكتي يا بنت
ابعدت عنه بخوف من تغيره المفاجئ وضربت صدره وقالت: عقاااب كم مرة قلت لا تسوي كذا
باس ارنبة خدها والتفت لاشعار في جواله
اخذ جواله وفتحه وقال من ناظر الفيديو: اووووبااا وش قلنا يا بنت
ناظرت فيه باستغراب وقالت: وش فيك
لف لها الجوال تناظره بابتسامه و وهقة وقالت: ما قدرت اجلس
عقاب بغضب: ما لي دخل انا قلت لك لا ترقصين اساسا ليه ترقصين لهم وانا اللي زوجك ولا مرة رقصتي لي
ناظرت فيه بصدمه وقالت: عقاب ترا كلهم حريم
قرب منها زياده وقال: اجل ليه ترقصين لهم وانا لا
نجد بتوتر: عقاب مو وقته
عقاب: الا وقته الكل نايم وانا ابي اتفرج
نجد: طيب الفيديو قدامك
عقاب: لا ابي قدامي
نجد: عقاب رجولي تعورني
عقاب: اهااا من كثر رقصك اجل
ابتسمت بتوتر وقالت: بعدين بعدين
ضحك عقاب وضمها له وقال: ادري انك تعبانه يا روحي
ابتسمت بحنيه تبادله وقالت: احبك يا اخي
ابعد عنها يقول: افااا كل ذا وأخي
ضحكت بقوة وقال: لازم تنتبهين للكلمات
قربت من وجهه تقول: احبك يا حبيبي
سكتت وقالت: حلوة ذي
عقاب: اوووف يا زينها من منطوقك
ضحكت ترجع تنسدح وقال: طيب تعالي عندي ونامي
فتح ذراعه لها ودخلت لحضنه وقال: تصبحين على خير يا حبيبة عقاب
ابتسمت بخجل تحشر راسها وسط ذراعه
*************************
بيت العم مساعد
دخل للغرفه يشوفها فزت تلتفت ناحية الباب وقال: بسم الله عليك
مريم: خوفتني
ابتسم من ناظر كشفتها وفستانها الأحمر الماسك على جسمها وشعرها الاسود ومكياجها الخفيف
قرب منها وقال: وش تسوين
مريم: جيت بوقتك افتح لي السحاب عجزت افتحه
هز راسه يشوفها تعطيه ظهرها تبعد شعرها
رفع انامله لظهرها يفتح السحاب وانحنى يقبل ظهرها من عجز انه يصبر على منظرها بدون لا يسوي شي وقالت بتوتر ملحوظ: مشكور
ابعدت عنه تاخذ ملابسها تدخل الحمام
سكرت الباب تستند عليه ومسكت قلبها وقالت: عااادي زوجك ترا من حقه
سكتت وقالت: ااااهخ حلووو يجننن
ابتسمت من فرط شعورها بالفرحه والفراشات اللي استجمعت في بطنها
خرجت من الحمام تشوفه منسدح على السرير طفت النور تنسدح جنبه وسمعته من قال: تعالي عندي
ناظرت فيه تشوفه يفتح حظنه لها وابتسمت بخجل وتوتر قربت منه تلبي طلبه
سكرت عيونها تحاول تتنفس وحست بارتخائه دليل نومه
سطام وليان
فتح جواله يشوف فرح مرسله له فيديو عنها ترقص بكل دلع وتهز بخصرها سرح في الفيديو وكانت تعلو ملامحه الابتسامه
ناظرت فيه ليان تعقد حواجبها من ابتسامته وقالت: سطام
نادته مره ثانيه من ماجاوبها ووقفت بعدم صبر تقرب منه وقالت: سطاااااااااام
التفت لها وقال بانزعاج: خيييير وش فيك
ليان بغصة: وش تشوووف
صد عنها سطام وقال: مالك دخل
ليان: سطام ليه تكلمني كذا
رفع عيونه لعيونها المغورقه بالدموع وقال: وش فيك يا مره مو انتي اللي تبيني ابعد عنك
مسحت دموعها تقول: مو كذا سطام وش تناظر في الجوال
ابعد جواله يقول: ليان العني الشر
قربت منه تبي تاخذ الجوال وابعد عنها وقالت ببكا: تكلم احد صح مليت مني تخونني لا تكذب صاااارحني
وقف بسرعه وقال: وش اللي مليت منك واخونك انت صاحيه
ليان: لا موو صاحيه وانا اشوفك تتبوسم في الجوال
ضحك سطام ومد لها الجوال وقال: طيب خذي
سحبت الجوال بقوة تجلس جنبه تفتحه وتوسعت عيونها وقالت بخجل: من من أرسله لك
اخذ الجوال وقال: يا زينك يا بنت عايض
ابتسمت بخجل وقال: طيب ليه خليتني اشك فيك
قرب منها يحاوط خصرها وقال: انت اللي شكيتي وانا قسم بالله عيوني ما تشوف غيرك
ناظرت فيه وصدت بخجل وضحك سطام يسحبها للسرير واعتلاها وقرب من وجهها وقال: وش صار لك اليومين ذي
ليان بخجل: هاا مدري نفسيه
ضحك سطام وقال: اجل لا تكرريها
قرب منها يقبل ثغرها بقوة يوصف لها احساسه وشوقه لها
ابعد عنها من طلبت نفس وقالت: سطام
ناظر فيها وقال: لبيه يا عين وروح سطام
ابتسمت بخجل تحط اياديها على صدره وقالت: قبل لا تتمادى معذورة يا حبيبي
ضحك بقوة وحشر راسه في نحرها يقول: اوووف معليش الايام جايه
ضحكت تعتدل وسحبها لعنده ينام وسط حضنها
المطبخ
الجازي: ترا حطيته لها في أكلها ٥ مرات تقريبا ينفع
شوق: من متى وانتي تحطينه
الجازي: اسبوع الحين
ضحكت وقالت: خلاااص الموضوع تم يا بنت
ابتسمت الجازي وقالت: بروح الحين اكلمك بعدين
دخلت ام سطام وقالت: بنتي لسا ما نمتي
الجازي بتوتر: ها لا لا يا خاله عطشانه جيت اشرب مويه
هزت راسها تشوفها تخبي شي وراها وقالت: فيك شي
ابتسمت الجازي تهدي الوضع وقالت: لا ليه
ام سطام: ولا شي سكري النور و روحي لغرفتك
هزت راسها تشوفها تطلع وقالت بخبث: بنشوف يا بنت عايض ببكيييك الدم
اتبعت كلماتها بابتسامه خبث للي بيصير في ليان
الصباح
الفندق
فيصل: متأكدة كل شي نزلناه
الهنوف: ايوة ما بقى شي
مد يده لها وقال: اجل يلا السواق ينتظر تحت
مسكت يده تخرج معاه يركبون السيارة متوجهين للمطار
عند حازم
فتح عيونه يشوفها تجهز نفسها تحط من مكياجها وتتكلم في الجوال
فرح: عادي لا تتكلمين معاها
ليان: ما اقدر فكل شي ناشبتني فيه
ضحكت فرح وقالت: ما عليك المهم وش صار على ذاك الموضوع
زفرت بقوة وقالت: لا لا ما في شي جتني الدورة
فرح: عادي حبيبتي ممكن هرمونات عساه ما زعل منك
ضحكت ليان وقالت: الا زعل وترا لي حساب معاك على الفيديو اللي مرسله له
ضحكت بقوة فرح وقالت: هههههه قلت بيفيدكم يعني عودة العلاقات
ضحكت ليان تقول: اي لما ترجعي بوريك عودة العلاقات الصحيحه
فرح بضحك: تكفيين لا..
قاطع كلامها من حست في احد يناظرها والتفت تشوفه جالس يناظرها وكحت بقوة تقول: ليان اكلمك بعدين
سكرت المكالمه تشوفه قام الحمام
فرح: يا ويلي من متى وهو صاحي
خرج من الحمام يشوفها مو موجوده واخذ نفس يزفره يلبس ملابسه
خرج من الغرفه وقال: وينها شنطتك
أشرت له ناحية الباب وقال: اتصل عليك انزلي
هزت راسها وقالت: ما تبي تفطر
هز راسه بنفي وقال: فطرتي
هزت راسها بايه وسكتت تشوفه بينزل الشنط
بعد مده اتصل عليها وسكرت باب الجناح تنزل تحت لعنده
ركبت السياره وسكرت الباب تربط حزام الامان متوجهين للمطار
بيت العم عايض
دخلت للمطبخ تناظر امها وعمتها اللي يجهزون الفطور وقالت بابتسامه: السلام عليكم
التفتوا وابتسمت منيرة تحط اللي فيدها تضم بنتها وقالت: ياا صباح الخير صدق
ابعدت عنها تضمها الغاليه وقالت: كيفك يا بنيتي عساكي نمتي زين
نجلاء: الحمد لله
ابتسمت منيرة وقالت: مشتهيه شي
نجلاؤ: لا والله اساعدكم
الغاليه: لا يا بنتي بس ضبطي الجلسه لجدك وابوك برا
هزت راسها تخرج للحوش وضبطت للجلسة تلتفت للصوت اللي وراها: يا هلا بنور البيت
ضحكت نجلاء تقرب منه من فتح ذراعه لها وقال: يا كثر الشوووق اسبوعين ما شفناك
نجلاء: هههه يتجدد الشوف
ضحك تركي يبعد عنها وقال: انتي بخير
نجلاء: ايوة الحمد لله
عقاب: اوف اوف اوف وانا اقول ليش البيت منور
ضحكت نجلاء وقالت: والله خلااص احرجتوني
ضحك عقاب يقرب منها يضمها وقال: كيفك يا نجولتي
تركي: اولااا عقاب متى صرت كذا
ضحكت نجلاء وقالت: لاحظت
ضحك عقاب وقال: لا تخلوني اقلب عليكم
نجلاء: حبيييت نجولتي ذي
ضحك عقاب يشوف ابوهم جاي وقال: يبه
ابتسم عايض من منظرهم وقرب منهم يجلسون في الجلسه وبعدها اجتمعوا كلهم وفطروا
بعد يومين بدون اي أحداث جديده
حازم وفرح اللي كانوا يمروا بأيام جميله في السويد صح انوا علاقتهم مو كأي أزواج بسبب حازم اللي كان فعلا باارد معاها وهذا اللي ازعج فرح
اما فيصل والهنوف اللي كانوا فاعلى مراحل الحب في لندن كل أيامهم مليئة بالحب لبعض
بيت العم ناصر
غرفة ملاذ
نجد: اعطيني المخدة اللي وراك
مدت لها نجلاء وقالت ملاذ: نجد لو تبين تنسدحين انسدحي
نجد: لا مرتاحه كذا
الجود: كم شهر الحين
نجد: والله انسى بس اظن ما بقى الشي للثامن
ضحكت ليان تقول: والله ليشوف بطنك يقول في الثالث
شهقت لها الجازي وقالت ليان: وش فييك انتي
الجازي بدلع: مو زين تقولين الكلام ذا لها
ليان بحده: وانتي شدخلك بيني وبينها التفتت لنجد وقالت: نجد عندك مشكل لو قلت كذا
ضحكت نجد وقالت: هدوا هدوا بتاكلون نفسكم
ليان: شوفوها هي تفكني من شرها
مسكت بطنها ليان بألم والتفتت لنجلاء اللي أشرت لها تجي جنبها
نجلاء: انتي وش فيك
ليان بالم: والله مدري ولا مرة جتني الدورة كذا
نجلاء: وش قصدك
ليان: الدم كثيييير مرة ولا اقول لك عن الألم يصحيني من عز نومي
استغربت نجلاء وقالت: من جدك تتكلمين
ليان: اي والله
نجلاء: أقول روحي لأي دكتورة ممكن يكون عندك مرض ولا شي
ليان بخوف: انتي وش تقولين
نجلاء: والله العظيم اتكلم معاك
ليان: خلاص يرحم امك اسكتي
نجلاء: انا قلت لك وانتي سوي اللي تبين
دخلت مريم وقالت: بنات يلا ننزل
خرجوا معاها البنات لتحت يجلسون مع الحريم وملاذ اللي راحت عند ابوها توقع على الكتاب
ناصر: الله يبارك لكم ويسعدكم في حياتكم يا بنتي
ابتسمت وقالت: آمين
مد يده لها وقال: تعالي معي
ملاذ: ليه
ضحكت احلام وقالت: يا بنتي اكيد الولد بيشوفك
توترت ملاذ وقالت: هاا لا لا ما ابي
ناصر: ما بيصير شي يا بنتي بس بتتكلموا على موعد الزواج وتتعرفوا على بعض اساسا تراه زوجك خلاص
بلعت ريقها تهز راسها تمشي مع ابوها
رفع عيونه عليها يشوفها تسكر الباب تجلس جنبه
ملاذ: لا تحسب اني موافقه عليك
زفر فارس يقول: لازم نعيد كلام المرة اللي فاتت يعني
ناظرت فيه تقول: انت اساسا كيف دريت ولا واحد كان يدري بالموضوع ذا له سنتين من قال لك
فارس اللي كان سرحان في ملامحها الهاديه وثغرها المملوء وطريقه حكيها وفستانها التوتي الضيق على جسمها وشعرها البني الفاتح قعد يتأمل في جمالها اللي عجز يصد عنه ولا يتجاوزه لكنه صحى من تأمله وسرحانه من دقته على كتفه وقالت: يااا هو مع من احكي انا
بلع ريقه وقال بهمس مسموع: مقدر اجلس اكثر من كذا
ملاذ باستغراب: وش
وقف فارس وقال بابتسامه: بجيب العيد انا
وقفت قدامه وتكتفت وقالت: انت ما سمعتني
قرب منها يمسك خصرها وقال: وش قلتي
ناظرت فيه ملاذ وحاولت تبعد يده وقالت بغصه: فاارس تكفى بعد تكفىى
ناظرها بصدمه وقال: وش فيك
ملاذ برجفه ودموع: لا تلمسني كذااا لااا
اكملت كلامها تنزل دموعها تتذكر أيامها مع احمد ولمسته لها ذيك الليله
بعد عنها وقال: يا بنت وش فيك وش سويت انا
ملاذ ببكا: لا لا انا الغلط انا مو انت موو انت
طالعها بصدمه من كلامها وانهيار كذا أمامه بسبب لمسه منه
مسحت دموعها وقالت: آسفه
خرجت بسرعه من المجلس تركض لغرفتها بدون لا يلاحظها احد تدخل الحمام تسكر فمها بيدها تمنع شهقتها ودموعها اللي صاروا شلال ينزلون من عيونها
ملاذ: ماا اقدر لااا تنفسي تنفسي مو نفسه احمد رااح قاطع كلامها شهقتها اللي آلمت حلقها واوجعت صدرها
ليان: نعم
سطام: وش نعم انتي تكلمين خويتك
ضحكت تقوم من عند البنات وقالت بدلع: لبيه يا حبيبي آمر
سطام بذوبان: اووف ايوة كذا تتكلمين
ليان بألم: تبي شي
سطام: وش فيه صوتك
ليان: لا ولا شي
سطام: المهم اطلعي انا برا
ليان: بنروح الحين
سطام: اي تعبت
هزت راسها تسكر الجوال تودعهم وتلبس ملابسها تطلع عنده
ركبت السيارة وقالت: تأخرت
سطام: انتظرك طول عمري انا
ضحكت وقالت: مجنون انت
ضحك سطام وقالت: مجنون لكن احبه يااا ناس
ضحك سطام يحرك يبتعد عن المكان والتفت لها من ونَّت بألم وقال: بنت وش فيك
مسكت بطنها وقالت: مدري سطااام وقف
ناظر فيها برعب وقال: ليااان ناظري فيني وش صاااير
ضربت بطنها بقوة تقول بغصه وألم واضح من صوتها: سطااام توجعني بطني تووووجع
أسرع سطام السيارة ومسك يدها وقال: بنروح المستشفى يا روحي اصبري
ليان: لا لا ما بحتاج
سطام: الا يحتاج وانا اشوفك تتعذبين كذا
بعد مده وصلوا والتفت لها وقال: لسا في وجع
هزت راسها بهدوء وقالت: قليل
هز راسه ينزل يتوجه لمكانها يفتح لها الباب ومسك يدها يمشي معاها لين دخلوا المستشفى وقعدوا ينتظرون دورهم
بيت العم ناصر
رجع الكل لبيته بعد ما انتهت الملكه ودخلت نجد اللي طلبت عقاب تجلس عند امها يومين بسبب تعبها
واكيد استعملت خططها ووافق
نجد: وش فيك ليه ما نزلتي لنا الكل كان يسأل عنك
ملاذ: تعبت
استغربت من صوتها المبحوح وعيونها اللي كانت مورمه وقالت بشك: متأكدة
هزت راسها باي وقالت نجد: اجل على راحتك
خرجت من الغرفه تدخل لغرفتها وجلست على السرير تفتح جوالها تشوفه مرسل لها صورة التوت
نجد: يااا خاين حرام عليك
عقاب: هههه تبينه
بوزت فمها ترسل له: حرام عليك خيانه ذي
عقاب: انزلي للحوش انا جاي
ابتسمت تاخذ جوالها معها ونزلت بهدوء للحوش
التفتت لصوت طيحه وتوسعت عيونها تشوفه يعدل ثوبه وقالت بصدمه: يمه ليه ما جيت من الباب
ضحك وقال: تبين عمي يسمع
ضحكت تقول: طيب خلينا ندخل داخل
ضحك يتبعها ودخلوا لغرفتها وقالت بابتسامه: وينه
عقاب: وش هو
نجد بدلع: عقااااب
ضحك عقاب وقبل خدها وقال: سمِّي
ابتمست بخجل وتكتفت وقالت: ابي توت
جلس عقاب يجلسها عنده وقال: تبينه
هزت راسها واشر لثغره وقالت: وش اتبعت كلامها بصدمه: اكلتتتته
ضحك ينفي براسه وقال وهو مأشر على ثغره: بوسه
توردت خدودها وقالت: ما تستحي انت
عقاب: زوجتي حلالي اساسا دايما انا اللي ابادر
نجد: لا والله يا شيخ
طلع كيس التوت اللي في جيبه وقال: تبينه سوي اللي ابيه
ناظرت فيه تنحني لوجهه تقرب من ثغره تلاصق شفايفهم مع بعض وفزت بسرعه من انفتح الباب تلتفت بسرعه تشوفها ملاذ اللي كانت متصنمه مكانها واستوعبت وقالت: آسفه والله آسفه ما عرفته معاك
خرجت بسرعه وقالت: يااا ويلي وش سويتي غبيه غبيه
التفتت نجد لعقاب اللي كان يضحك وحشرت راسها في عنقه وقالت: ياااا فشلتي يااا عقااااب
ضحك عقاب وقال: عادي يا روحي
رفعت وجهها وحطت كفوفها عليه وقالت: يوووه يالفشله
ضحك وقال: كملي اللي كنتي تسوينه
ناظرت فيه بصدمه وقالت: لا ثم ألف لا
وقف وابتعد عنها يتوجه للباب يسكره بالمفتاح ورجع لعندها واخذها لحضنه وقال: كملي ولا والله ما تاخذين توتك
ناظرت فيه بصدمه وقالت بخجل: عقاب
قرب منها يمسك وجهها وسكرت عيونها ترفع كفوفها لوجهه تقبله بحنية وعقاب اللي بادلها بكل شوق ولهفه
ابتعدت عنه من احتاجت لنفس وقالت: عطني توتي
ضحك واعطاها وجلست على السرير وقالت: تعال جنبي
ضحك يجلس جنبها ينسدحون على المخدة وقالت بتلذذ: الله على الطعم
فتح فمه ورفعت يدها تبي تطعميه لكنها ابعدت يدها بسرعه تدخلها لفمها وقالت بضحكه: آسفه ههههه
عقاب: قدهاا يا بنت ناصر
ضحكت تقول: قدها يا ولد عااايض
قرب منها يسرق قبله من ثغرها يذوق التوت الحقيقي يتلذذ من طعم ريقها وشفايفها
ابعد عنها وقال: والله انه احسن من التوت ذا
ضحك من شاف وجهها وخدودها اللي صاروا حمر وقال: وش فيك
نجد: وخر وخر
*************************
السويد
رفع عيونه لها لما قالت: بروح الحمام
وقفت تبعد الكرسي بدون لا تسمع جوابه يلتفت يشوفها تبتعد عنه
مرت من جنبه والتفتت من قال:
Hej vackra, hur mår du?
يا جميلة كيف حالك؟
رفعت حواجبها من اللغة اللي ما فهمتها وقالت:
excuse me sir
اعذرني سيدي
رد: ooh you don't speak swedish
اووه لا تتكلمين السويديه
نفت براسها وقالت: do you want something
تبي شي
ضحك وقال: yes your number
نعم رقمك
رفعت حواجبها بحده وقالت: حيوان
ابعدت عنه تدخل الحمام
رص على أسنانه من ناظر للموقف باكمله ووقف بغضب من شافه يتبعها للحمام
دخل وراه يشوفه ماسك ذراعها يلكمه بقوة
التفت لها وقال: اطلعيييي
قربت منه فرح وقالت: حازم هدي ما سوى شي هدي
حازم بغضب: فرررح اطلعي قبل لا اكفر فييييك
طلعت برعب تاخذ شنطتها من الطاوله تنتظره برا المطعم
تفل الدم السويدي وقال: who are you
مين انت
ضحك حازم وقال بالعربي عشان ما يفهمه: عذابك انا لييييه تقرب منها وتمسكها كذااا هااا انا اللي زوجها ما امسكها كذا
وسط كلامه كان يسدد له لكمات خلت وجه السويدي ينعدم
بعد ما حس حازم انه بيفقد وعيه ابعد عنه وطلع
وقف عشان يدفع ثمن العشا والتفت برا يشوفها تناظره
التفت بسرعه للبنت وقال: how much
هز راسه يدفع المبلغ من قالت له وسحب يده بسرعه من لمست قبضه يده تقول: what's this
ما هذا
نفى براسه يبي يبتعد عنها لكن سحبت يده واخذت المنديل تبي تمسح الدم لكن حازم اللي ابعد يده وقال: don't touch me please
لا تلمسيني من فضلك
ابتسمت تمد له المنديل واخذه حازم يطلع عند اللي كانت في قمة غضبها بسبب السويديه اللي الحقت حازم بعيونها وابتسامتها
فرح: خلاص تمالكي نفسك ما يستاهل تغارين عليه
سكتت وقالت: ههه اغار يخسييي
سكتت من شافته قرب منها يفتح الباب وركب
ركبت بعده وقالت باستهزاء: مسحت يدك
التفت لها يشوف ملامحها المتغيرة وعيونها الحاده وقال: خير وش النظرات ذي
سكتت تناظر أمامها تضم اصابعها تشد على يدها وقالت: وش سويت له
حازم: يهمك
فرح بانفعال: اييه يهمني تبي تقتله انت
سحب الفرامل بقوة والتفت لها وقال: فررح اضبطييي كلامك لا تخليني اعصب علييييك
ضحكت وقالت: لا لا عصب طلع حرتك فيني بعد
قرب منها يمسك فكها وقال: فرررح ترا للحين ما حاسبتك على كلامك معاه
ناظرت فيه ومسكت يده بقوة وقالت: والبنت اللي مسكت يدك كذا عادي
ناظر فيها وقال: وش دخلك انتي
رفعت حواجبها وقالت: كيف يعني وش دخلني مجنون انت اقولك مسكت يدك تبي تمسحها وانت تقول لي وش دخلك
حازم: ايه ما دخلك تمسكها ولا ما تمسكها
ابعدت عنه بقوة وقالت: وانت شدخلك يكلمني ذاك ولا لا ها
حازم بغضب: لي دخل لييي دخل مابي احد يكلمك تفهمييين
رفعت حواجبها تناظره بذهول وقالت بغصه في حلقها: طيب
التفتت للدريشه تناظر الجو اللي كان بارد وممطر
بلع ريقه حازم يهدي نفسه وقال بهدوء: فرح
اكمل كلامه من ما سمع جوابها: ما قصدت يعني بس...
قاطعت كلامه من قالت وهي لافه للدريشه: حازم لو سمحت حرك وبكرة ابي ارجع للسعوديه
سكت حازم يحرك متوجه للفندق ما يدري عن الاحساس والشعور اللي حس فيه من شافها تكلم السويدي ذاك لكنه كان مستعد انه يقتل اي احد يكلمها ولا يلمسها
السعوديه
بيت العم مساعد
دخلوا للبيت مهلوكين والكل توجه لغرفته
عند مريم
دخلت للغرفه تخلي الباب مفتوح لنايف الي كان وراها
نزعت عبايتها ونقابها وشيلتها تنثر شعرها بتعب فزت برعب من حاوط خصرها بيده وقالت: نايف
انحنى نايف بهدوء لنحرها وقال بهدوء: نعم
مريم بتوتر: وو وش تسوي
رفع ابهامه لفمها يمنعها تتكلم وانحنى يقبل نحرها يطبع علاماته في كل إنش في نحرها
مريم بألم: نايف نايف تعورني
أخذها نايف يرفعها عن الأرض يحطها على السرير وقال: لا تحرميني من زمان وانا صابر
سكتت بتوتر تحس بملمس شنبه وثغره على ثغرها وما كان لها غير انها تبادله بكل حب وشوق تنسى خوفها وتوترها تبدى معاه حياة جديده كازواج حقيقين........🌚
المستشفى
سطام: وش قالت لك
ليان: مدري اخذت دم وسوت لي اشعه وقالوا بيرسلون لي التقرير بالايميل لما تطلع النتائج
هز راسه وقال: متى النتائج
ليان: يا بكرة يا بعدو
هز راسه يدم يده لها وقال: يلا تراني ميت نوم
ضحكت ليان تمسك يده يطلعون
الصباح
فتحت عيونها تشوفه نايم رفعت اللحاف تنزل ارجلها على الأرض متوجهه للحمام
خرجت بعد مده تاخذ جوالها وناظرت للايمايل اللي جاها تدخل تشوفه من المستشفى
ابتسمت تقرا القرير تفتح فمها بصدمه ودموع تجمعت في عيونها: ك كييييف لا لااا
*********************
نوقف هنا واتمنى منكم تفاعل يشجعني اكمل
اعتذر عن أي خطأ إملائي بدر مني ولا تنسون ذكر الله