من عيون الناس يا نجد اسرقيني

٦

الصباح
بيت اول مرة نزوره
**************
عائلة ابو نايف
الاب مساعد عمره ٥٠ صديق العم صالح من العسكرية
يحب بناته ومدللهم
الأم فاطمة عمرها ٤٥ تحب مساعد من صغرها تزوجوا عن حب تحب أولادها وبناتها وما ترضى عليهم السوء
أولادهم
نايف: ٢٦ سنه انسان فلاوي يحب الضحك ويشتغل في نفس مشفى تركي يحب خواته رغم محارشته لهم
حازم: ٢٥ سنه انسان صريييح جدا وجدي ما يرضى المزح الثقيل كل حياته مقضيها نوم يشتغل طبيب بيطري
هيام: ٢٣ سنه مخطوبة من ولد جيرانهم فهد تحبه ويحبها والكل شهد على قصتهم من صغرهم
الهنوف:٢٢ سنه صديقة فرح او نقول اختها اغلب الأوقات عندها مرة قربيه لها بحكم ان ابوها يعرف ابو فرح
*********************
مساعد: وينهم الظهر قرب يأذن ولسا ما صحوا
ردت عليه فاطمه : خليهم ينامون مرة تعبوا البارح في الزواج
مساعد: اذا قرب يأذن صحيهم نروح نصلي
هزت راسها فاطمه وقالت:ابشر
التفتوا لنزول الهنوف من الدرج وقالت: صبااااااح الخيير
ضحك مساعد وقال: مساء الخير ذا وش ذا النوم الظهر قرب يأذن وانتو نايمين
ضحكت الهنوف وقربت منه تحب راسه وتحب راس امها وقالت: بابا اليوم اجازة وش رايك نروح المول
التفتت فاطمه لها وقالت: لازم تدرسين ما بقى شي للتخرج
ردت : يا ماما ترى كملت المنهج قبل المدرسين خلاص ابي اليوم ارتاح
رد عليها نايف النازل من الدرج: انتي كل يوم تبي ترتاحين ولا مرة شفتك تدرسين
لفت له الهنوف وقالت: انت اسكت ما ابي اتكلم معك
قرب منها وباس راسها وقال: افا يا الهنوف زعلانه وانا اخوك
غيرت الهنوف ملامحها للحزن وقالت: تبي تراضيني
رد عليها بابتسامه: ابشري باللي يبيه قلبك
ضحكت وقال مساعد: ودها للمول مع هيام يتقضون نواقصهم ويتجهزون لزفافها
هزت راسها الهنوف بتأييد لكلام ابوها وقالها نايف: ابشري بنصلي الظهر ونروح
قربت منه الهنوف وضمته وقالت: احبببه يا ناااااس
التفتوا لحازم اللي قال: افا افا يا الهنوف بعتيني وانا اللي كل يوم اجيب لك قهوة واوديك لصديقتك ذيك
***********************
عند أبطالنا
فتح عقاب عيونه على رن الجوال أخذه وقال بهدوء: نعم يا تركي
رد عليه تركي وقال: صح النوم يالعضيد ،، وينكم
ابعد عقاب الجوال وشاف الساعه وقال: ما حسيت بالوقت بنتجهز ونجي
رد تركي: تم يلا استودعتك الله
سكر عقاب الجوال وقام اخد دوش وخرج واتجه لنجد يصحيها هز كتفها وقال: يا بنت ناصر
فتحت نجد عيونها وقالت: كم الساعة
رد عقاب : الظهر قرب يأذن
شهقت نجد وقامت وقالت: لايكون تأخرنا
رد عقاب: بكيفنا قمنا متأخرين بجيب فطور واجي انتي تجهزي
قامت نجد بعد ما خرج مستغربه انه للحين ما سألها عن التسمم اللي جاها
اخذت فستانها المايل للأزرق الغامق مخصر يوصل لتحت ركبتها مزين بلآلئ عاري الاكمام،، دخلت الحمام اخذت دوش رطبت جسمها سوت شعرها فير وحطت القليل من المكياج لبست اكسسواراتها اللي تدل على انها عروسة
خرجت ولقت عقاب يحط الاكل فوق الطاولة وقال: تعالي كلي لك شي
تقدمت نجد تحت نظراته اللي وترتها كل يوم يزيد ينصدم بمدى جمالها وانوثتها وحلاوتها اول مرة يشوف أنثى بذا الشكل قدامه رغم انه عنده خواته لاكن اللي قدامه غيييير
تنحنح وقال: سمي اخذت نجد الدواء شربته وبدت تفطر
خلصوا الاكل وقامت نجد وقالت: بجيب عبايتي
وقفها عقاب من قال لها : بتروحين بذا الفستان
استغربت سؤاله وقالت: ايوه ليه فيه شي
هز راسه عقاب بنفي وقال: كأنه مفتوح من الامام زيادة جهة الصدر
ردت نجد بابتسامه: كلهم بنات لا تخاف
زفر عقاب وهو مايبي يجبرها بشي ويخرب يومهم لكن كان فعلا كاره انها تطلع بذا الفستان قدامهم
خرجوا من الفندق متوجهين لبيت العم عايض
**************************
بيت العم عايض
غرفة البنات
نجلاء: وين الكعب حقي
ردت ليان وهي تسوي شعرها: في الدولاب
توجهت نجلاء للدولاب وأخذته ولبسته
ملاذ اللي تلاعب فهد قالت: احس بصير وحيدة
ردت الجود: يا حيوانة وانا
خزتها ملاذ وقالت: نجد غيييير احس بخيانة
جلست جنبها الجود وقالت: اي والله خيانة وكبيرة بعد
التفتت لهم ليان وقالت: وش تهرجون اي خيانة
ردت ملاذ: بتروح عنا نجد وبتجي عندكم واحنا بنبقى وحيدين
ضحكت نجلاء وقالت: لا والله تتكلمين كانوا بيتكم في الشمال وحنا في الجنوب
ضحكوا البنات و كملوا تجهيزات
عند عقاب في السياره
التفت لها وقال: وش تبين تشربين
هزت راسها بنفي وقالت: ما بي شي
رد عقاب وهو ناوي يكسر خجلها وتوترها منه وقال: انا قلت وش تبين ما قلت قولي لي اذا تبين ولا ما تبين
تنهدت نجد وقالت: ابي اسبريسو
اخذ عقاب الطلب واعطاها حقها وكمل في طريقه والصمت سيد المكان لين قطعه صوت عقاب: مين اللي أعطاك شي تشربينه
التفتت له وقالت: ما أخذت من احد شي
رد عليها بهدوء: تشكين في احد
سكتت نجد تتذكر شموخ مما خلى عقاب يشك انها تخبي شي : قولي وش عندك لا تتسترين
ردت: ما اتستر بس احاول اتذكر
عصب عقاب من محاولتها بالانكار وقال وهو راص على أسنانه: بنشوف يا بنت ناصر
تنهدت والتفتت تناظر الطريق
بعد مدة وصلوا ونزل عقاب وهو يشوف تركي وخالد يتكلمون وتوجه عندهم وقال: السلام عليكم
تركي: وعليكم السلام كيف الحال
عقاب: الحمد لله أقول وخروا من الباب
ضحك خالد وقال: اول مرة اشوف عقاب يغير
ناظره عقاب وقال بحدة: تسكت ولا اسكتك
حرك أصبعه خالد كمثال انه بيسكت
كان كل ذي الأحداث تحت عيون نجد اللي تشوف معاملته معهم و معاملته معها ،، تقدم يفتح لها الباب وقال: اذا صار اي شي اتصلي علي
هزت راسها نجد ونزلت واسرعت تدخل لكن التفتت من ناداها محمد واسرعت تضمه وتسأل عن اخباره ويطمن عنها
كان يناظرها عقاب بحدة مما خلاها تتوتر وتلتفت على نداء البنات لها،، تودع محمد وتدخل عند البنات
سلمت عليهم وعلى أهلها وتطمنوا عنها وقالت لهم انها بخير
مر الوقت وأدن العصر وقاموا يصلون
تجمعوا البنات في الحوش الخلفي يتقهوون ويتكلمون عن العرس
الجود: الا تدرين ان شموخ كانت
تلعثمت نجد وهي ما تبي ابدا تخبرهم عنها ما تدري ليه تتستر عنها لكن قالت: مدري اظن اني شفتها
تكلمت ليان تغير الموضوع : الا قولي لنا كيف الزواج
خزتها نجد وقالت: جربيه وبتعرفين
وسعت عيونها ليان وقالت: افا يا نجد
نجد وهي تلعب بشعرها: سألتيني وجاوبتك
ضحكوا البنات من ردها وقالت ملاذ: حبييييت
تكتفت ليان وقالت: هيييين يا نجد انا اوريك
قامت ليان لنجد اللي أسرعت تشرد منها تدخل جوا غافلة عن الموجودين احتمت بظهر جدتها وقالت: يا جده انا في وجهك
ضحكت الجدة منيفة وقالت: ابعدي عنها يا ليان وش سوت لك ذي البريئة
ناظرتها ليان وقالت: ذي بريئة يا جدة ذي تراها شيطانة مو بريئه
ضحك الكل وقريتها امها وقالت: ااااخ يمه انا وش سويت
قالت منيرة : على الاقل احترمي وجود زوجها
انصدمت من وجوده وقالت: ههههه لا تكون صدقتني ترى اكذب ما في احلى من نجد كملت كلامها تحك مكان قرصة امها
توسعت عيون نجد من شافته يناظرها وتقدمت تجلس جنب جدتها اللي قالت لها: قومي اجلسي جنب زوجك
قامت نجد بهدوء وجلست لكن وقع منها جوالها وانحنت تأخذه وتوسعت عيون عقاب من بين صدرها واشتعلت غيرته وقام استأذن منهم وقال: نجد ابيك بكلمة
قامت نجد تحت انظارهم والتفتوا لليان اللي قالت: يا حلوهم صدق
عند عقاب ونجد
دخل عقاب لجناحه وتبعته وقال: بتغيرين الفستان ذا
قطبت حجاجها وقالت: ليه
تقدم منها عقاب وقال: قلت بتغيرينه بتغيرينه لا تسألين
تكتفت نجد وقالت: طيب ممكن تعطيني سبب مقنع
تنهد عقاب يحاول يسيطر على غضبه وقال وهو راص على أسنانه: مثل ذي الفساتين بتلبسينها لما نكون وحدنا اما بالنسبة عند الحريم فلا تلبسين زي ذي الفساتين
ردت: طيب اشفيه حلو
بعد عنها عقاب ومسح وجهه يذكر الله وقال بحدة: ليه العناد يا بنت ناصر قلت لك غيريه
ردت هي كمان بحدة: انا اقولك لييييه
رد بصوت مرتفع: لاني مابي احد يشوف اللي شفته
استغربت جوابه وقالت بهدوء: وش شفت
عقاب: يا ليل الليل انت ما تسمعين يعني اقولك غيريه له معنى واحد ترى اقسم بالله ان ماغيرتيه بغيره انا
ابتعدت عنه بخوف وقالت: عقاب اطلع
قرب منها وقال: بتغيرينه
ابتعد عنها وخرج متوجه للمجلس
********************
اعتذر عن أي خطأ إملائي بدر مني ولا تنسون ذكر الله
اتمنى تدعموني عشان اتشجع وانزل اكثر