من عيون الناس يا نجد اسرقيني

٢٩

بسم الله
لا تنسون تقيمون البارت
قراءة ممتعه
اعتذر عن أي خطأ إملائي بدر مني
***********************
بعد ليله مرهقه ومفرحه لأهل مسفر و فلاح رجعوا المعزومين للبيت بعد انتهاء العرس
بيت العم عايض
منيرة: وين رايحه
نجلاء: ما جاني نوم بجلس برا شوي واجي
منيرة: خلاص لا تطولين يا بنت لا يطلع ابوك يشوفك
هزت راسها نجلاء تفتح الباب تنزل الدرج دخلت المطبخ تجهز لها براد شاهي ، حملت البراد والكاسه تطلع تجلس برا في الحوش الخلفي
صبت لها من البراد واخذت ترتشف في الشاهي تناظر عتمه الليل والبرد اللي يلعب بشعرها والشال اللي محطوط على كتفها تنهدت بضيق على حالها ما تدري وش بلاها يجتاحها شعور سيء بعد المرات
رفعت نظرها للقمره تبتسم بهدوء
خالد: وش مطلعك برا
التفت بدهشه وارتاحت من شافته صاد عنها مرتكي على الجدار يدخن
رفعت شيلتها لشعرها وقالت: ولا شي عجزت انام
خالد بهدوء: في شي يضايقك
هزت راسها بنفي وابتسمت من خوفه وقلقه عليها وقالت: لا
سكتت وقالت: تبي شاهي
التفت بعيونه ناحيتها وقال: اذا من يدينك ما اقول لا
ابتسمت بحب تقول: تعال خذه
قرب ناحيتها بعدما رمى دخانه وداسه وهو صاد عنها وقال: هاذي كاستك
هزت راسها وقالت: اي
خالد: وانتي ما تبين
نجلاء: لا شربته
ابتسم ياخذ الكاسه اللي شربت منها بحكم انها ما جابت زياده ،رجع مكانه يحترم رغبتها في انه يبتعد عنها ولا يقرب لها لين تصير حلاله
نجلاء: انت ليه طالع
ضحك وقال: ابد نفسي نفسك عجز النوم يجيني
سكتوا الاثنين يناظرون السماء ولمعة نجومها
تنهد يبعد الكاسه من فمه يرفع نظره للسماء
قالت: اذا تبي تروح ولا تسهر روح ما بي اكون سبب بسهرك
ابتسم من تذكر احد الابيات وقال بحب:

قمراي انا والليل ولا لي سما الا سماك
صدقني لو سهرت الليل وعيوني حمر

اسهر على شانك عشان اسهرك
واسهر معاك ووادعك واقول انا
مواعد مع القمرا قمر

ابتسم وقالت بخجل: صح لسانك انت كتبتها
ضحك وقال: لا عقاب
نجلاء بدهشه: اما عقاب شاعر
ضحك بخفه وقال: متشوق للشعر يحبه كل ما زانت الجلسه أعطانا شي
نجلاء: ما كنت داريه
خالد: حتى هو ما يبي يعرف احد
نجلاء: وانت كيف دريت
خالد: كنا نطلع للعزبه في ذا الوقت نضبط الجلسه والشاهي ونهرج ومرات يقول شعر وانا عجبني وحفظته
ضحكت نجلاء ووقفت وقالت: انا بقوم اريح ما بقى شي للفجر
هز راسه يشوفها تحمل البراد وتمر من جنبه تدخل المطبخ
ابتسمت تسكر الباب وراها تحط البراد تطلع الدرج
******************************
الطياره
نجد: تكفى والله ما عاد لي صبر
عقاب: يا بنت الناس اسمعي الحين بيقولون الوجهة
سكتت تحاول تسمع والتفتت له بصدمة فرح وقالت: احلف احلف
ضحك ومسك يدها وقال: اكذب عليك انا
نجد: إندونيسيا يا عقاب إندونيسيا تكفى من علمك
ابتسم ورد: محمد
ناظرت فيه تبوس خده وقالت: يا حظي فيك من زمان ابي اجيها خصوصا جزيرة....
قاطعها عقاب: ايوة ذيك وجهتنا جزيرة بالي
فتحت عيونها بصدمه وقالت: عقاب من علمك بكل ذا كي..
ضحك وقال: افا عليك معك عقاب ولد عايض
ابتسمت بحب وقالت: مرررره شكرا مرررره احبك انا
ابتسم يمسك يدها من أعلن الطيار ارتفاع الطائرة وقال: يا بنت لا تشكريني واجبي
مسكت يده تحاوطها وقالت: تطلع صح
هز راسه وقال: تخافين
نجد بغرور: معك بنت ناصر يا ولد عايض
ضحك وقال: والنعم
ضربت كتفه تقول: ما عليك زود يا حبيبي
عقاب: وش وش وش
ضحكت وقالت: وشو اللي وش
عقاب: انا سمعت حاجه
ضحكت والتفتت للشباك الصغير وقالت: المنظر يجنن
عقاب: لا تغيرين الموضوع
ضحكت وابتسم من ضحكها وقالت: طيب يا حبيبي
سكر عيونه عقاب يمسك قلبه وقال: آخ منك يا نجد قتلتيني
نجد: اثقل اثقل
عقاب: والله انا معك ما عاد لي ثقل استحليتي القلب وصعب من يستحله انتي سرقتيني من بين الكل يا نجد سرقتني من بين عيونهم
ضحكت بخجل وقالت: المهم انك راضي
عقاب بحده: واشد الرضا
ضربته خفيف وقالت: يمه منك لا تسوي كذا تخوفني
ضحك وقالت: انا بنام شوي
هز راسه يشوفها تسند راسها على كتفه يمرر يده على بطنها يبتسم بحب
***********************
الجمعه
الفندق
ليان: ااااااخ تكفى قوم تعبتني
فتح عين وحده وناظرها وقال: تكفين خمس دقايق واقوم
ليان: يا ولد وش ٥ اقولك الظهر قرب
فز سطام وقال: أحلفي
ليان: قسم بالله شوفني لبست وكملت وانت لسا تقول ٥ دقايق
وقف سطام يناظر طلتها وقرب منها يداعبها من خصرها ويقول: يا زين الأزرق عليك يا بنت
ليان بدهشه: يا ويلي يا ولد وش جاك ابعد روح
ضحكت من بدا يداعبها بقوة يطيحها على السرير يعتليها وقالت وسط ضحكاتها: خلاص يرحم امك خلاص موتتني
ابتعد عنها يبتسم من منظرها للجميل وفي كل مره تنجح في سلب عقله وتفكيره
انحنى يبي يقبلها وحطت يدها وقالت: الروج والمكياج ما فيني حيل اعيدهم
ضحك يبتعد عنها يوقف يعطيها ظهره وشهقت من شافت خدوش على ظهره بحكم انه ما كان لابس شي من فوق وقالت: وقف وقف وش اللي فظهرك
التفت لها وقال: وش
ليان: من خدشك
ضحك بقوة وغمز لها وقال: انتي
فتحت عيونها بصدمه وقالت: متى
رجع يغمز لها وهو يبتعد عنها يرجع بخطواته لورى ونظره مصوبه لها وقال: امبارح بالليل لما ....
شهقت بصدمه من تذكرت واخذت المخدة اللي جنبها ورمتها عليه لكن من حسن حظه دخل الحمام وسكر عليه وقالت: حيوان متحرش
ضحك بقوة وقالت: لا تضحك ما يضحك
زفرت بقوة تهدئ نفسها اخذت جوالها ترسل لنجلاء اللي ردت عليها: هلا كيفك
ليان: الحمد لله وانتم امي وابوي
نجلاء: الحمد لله كلمتي نجد
ليان: لا والله من الصباح وانا احاول اقوم المجنون اللي عندي هنا عيّا
نجلاء: ههههههه علاقتكم عجيبه
ليان: الله يصبرني بس ااااخ لو رجعت وكنسلت
نجلاء: يا بنت اسكتي
التفتت نجلاء لأمها اللي دخلت وقالت لها تنزل تساعدهم
نجلاء: المهم ليان انا بنزل اساعدهم اشوفك بكرة اما تجون عندنا
ليان: والله نفسي اجيكم اليوم لكن عادي مع السلامة
خرجت من المحادثه تتصل على نجد
نحد: يا هلا بعروستنا يا هلا
ضحكت ليان وقالت: كيفكم بخير
نجد: الحمدلله وانتوا
ليان: وحنا كذلك اجل علميني وينكم
نجد: والله تونا وصلنا للفيلا عقاب بيسلم عليك
ابتسمت ليان والتفتت لسطام اللي طلع لاف المنشفة على خصره وقالت وهي تناظره: المهم انا اخليكم ترتاحون وسلمي عليه لما تخلصون اتصلي
سكرت المكالمه بعد ما ودعتها ووقفت وقالت: تعجبك عضلاتك
ناظر سطام للمرايه وقال: يا زينها
تقدمت وصارت قدامه وقالت: خايسه
سطام بخبث: والله كم من بنت مدحتهم
شهقت ليان وقالت: تعترف يا حيوان
شدها من خصرها وقال: ليه تكابرين
ليان بحده: ما أكابر
فكها سطام وابتعد عنها وقال: اجل لا تسألين عن البنات
ناظرت فيه وقالت: وانا سألت
التفت لها وقال: تبين تعرفين
ناظرت فيه تنتظره يقول ما ودها تفضح نفسها ويدري انها غارت عليه من البنات
تقدم لها وقال وهو يعد باصابعه: هممم فيه نوره و بندري ووعد
رفعت حجاجها تمرر يدها على صدره تتلمس عضلاته وقالت: اها ومين كمان
ابتسم من نظراتها اللي يحس انها سهوم موجهه له وقال: ما اتذكر بس كثيرين انتي وش بلاك
ناظرت فيه ليان وقالت: اجل كثيرين
نزل كفه لوجهها يلمسه وقال: اووووف على كثرهم ما اتذكرهم
ناظرت فيه تبتعد عنه وسحبها من يدها وقال: وش فيك
ليان بحده: ابعد
ضحك سطام وقالت: ما يضحك وابعد الحين
سطام: يا بنت اذكري الله امزح
ليان: لا تمزح معي في ذي المواضيع
سطام: ههه ليه
ليان بخبث: اوووه اذكر حتى انا كثيرين مدحوني
سطام بحده: بنت اسكتي
ليان: ليه اسكت
شدها بقوة وقال: ما امزح قلت اسكتي لا عاد اسمعك تقولين كذا
ابعدت عنه وقالت باستهزاء: اجل حس فيني
سحبها بقوة للجدار اللي وراهم يقبلها وابتعد من طلبت نفس
ضربته لصدره وقالت: مو كذا يا حيوان وجعتني
ضحك وقال بهمس عند اذنها: اجل كيف علميني
ليان بتوتر: سطام وش رايك تلبس ونروح ترا متأخرين
ابتسم يعض طرف اذنها وقال بعد ما باسها في نحرها: تم اساسا ما فيني حيل اتروش مره ثانيه
شهقت بقوة تفهم مقصده وقالت بحده: يااا متحرش يا وسخ
ضحك بقوة وقالت: آخر مره أقرب منك انت انجنيت
خرجت تهرب من الغرفه تهدي من نفسها وتوترها من كلامه وجرأته
**********************
جزيرة بالي
الفيلا
انسدحت على السرير وقالت بتعب: تعبت
ضحك وانسدح جنبها وقال: جوعانه
التفتت له وقالت: الحين لا بس مدري بعدين
عقاب: خلاص حتى انا ما ني جوعان نفسي اسبح الجو حار
نجد: انزل اسبح من منعك
قرب منها يضمها لصدره وقال: تخاويني
نجد: لا ما اعرف اسبح طلع الفكره من راسك
عقاب: وشو اللي ما تعرفين انا اعلمك
نجد: لا لا
عقاب: اجل خلاص ما بسبح انا
ناظرت فيه ولملامحه اللي تبين انه زعلان وقالت: خلاص عقاب
ناظر فيها وقال: اجل بس انزلي اجلسي لا تسبحين
نجد: خلاص ترا بس اجلس
هز راسه يقوم يدخل الحمام يلبس شورته وخرج ينزل لتحت يطلع للحديقة يشوفها جالسه على احد الكراسي امام المسبح
قرب منها وقال: نزلي جوالك ما قلت لك انزلي عشان تقعدين عليه
ضحكت وقالت: كنت انتظرك
ناظرت فيه يقترب من المسبح ينط فيه
ارتفع لفوق يمسح المويه من وجهه وقال: اوووه المويه تجنن
ضحكت نجد وقالت: لا تحاول عقاب
عقاب: اعطيني نظارتي اللي جنبك
وقفت تقترب منه تعطيه النظاره لكن شهقت من سحبها لعنده تنزل المسبح
رفعها يشدها من خصرها وقالت بعد ما مسحت وجهها: عقااااااب
ضربت صدره وقالت: لييه حرام عليك ما اعرف بغرق
ضحك عقاب وقالت: لا تضحك يا حقير
عقاب بحده: وشووو انا حقير
ارتعبت من حدته وقالت: عقااب وش قلت لا عاد تتكلم كذا تخوفني
ضحك وقالت بعد ما استغربت نظراته: وش فيه
سكت ما جاوبها ونزلت انظارها لمكان نظره وشهقت وضربته وقالت: حيوااان صد صد
عقاب: وشو اللي اصد تراك زوجتي
نجد: ولو زوجتك ما اسمح لك
عقاب: عادي اساسا شايف قبل
وسعت عيونها ورفعت كفوفها لوذونها تسكرهم وقالت: يا ويلي اسكت اسكت
ضحك عقاب وقالت: ما عليك يا بنت زوجك زوجك
ابتعد عنها يطلع من المسبح والتفت لما نادته بتلعثم وصوت متقطع: ع عق عقااا ب
ضحك بقوة من شافها غاطسة في المويه ولا قادره تطفو يحسب انها تمثل عليه لكنه أسرع ينط من ما شافها
رفعها ينزلها على الأرض يرفع كفه لوجهها يحاول يصحيها
فتحت عيونها تكح بقوة تطلع المويه اللي بلعتها وقالت بالم: حرام عليك عقاب وش سويت لك
ضمها له وقال: خوفتيني حسبتك تمزحين والله
نجد بعتاب: وش اللي امزح وانا قايله لك ما اعرف
طبطب على ظهرها وقال: آسف والله آسف
قامت نجد وقالت: خلاص ابعد اعترف كنت تبي تقتلني انا وولدي
عقاب: اعقب من جدك تتكلمين
قرب منها يحملها يدخل بها ويطلع لغرفتهم نزلها على الأرض وقال: خلاص يا سما عيوني والله ما دريت انا آسف
نجد: والله صدري يوجعني من المويه
غمز لها وقال: كان نفسي اسوي لك cpr
ناظرته وغمزت له وقالت: لسا في وقت
ضحك بقوة وقال: هووباا يا بنت وش تقصدين
ضحكت تبتعد عنه تدخل الحمام
***************************
بيت العم مساعد
المجلس
صبت القهوه الهنوف تمدها لابوها وقال: ما علمتيني يا بنتي وش قولك
ناظرت فيه الهنوف تنزل عيونها بخجل وقالت: شورك يا يبه وهدايه الله
مساعد: لا يا بنتي انا ابي رأيك انتي
الهنوف بصوت شبه مسموع: استخرت يا ابوي واحس مرتاحه
مساعد: اجل موافقه
هزت راسها تزغرت امها وضحك حازم وقال: وين راح صوتك
جلست جنب ابوها تتحاشى كلام اخوانها وطقطقتهم عليها وقال حازم: يبه وموضوعي
رفع جواله مساعد وقال: بنروح لهم اليوم منها نخبرهم ومنها نخطب لك
فزت الهنوف وقالت: تخطب من
ضحك نايف وقال: اخته
وسعت عيونها وقالت: فرح
هز راسه حازم وابتسمت الهنوف وقال نايف: الحين بتلقونها تخبرها
حازم: يا بنت لا تقولي لها شي
هزت راسها الهنوف وقالت: لا تخافون ما بقول
التفت ابو سطام لجواله اللي يرن وقال: يا هلا بمساعد كيف الاحوال
مساعد: يا هلا بالنسيب الحمد لله وانتم
أبو سطام: الحمد لله والله من النسيب ذي شكلكم موافقين
هز راسه مساعد وقال بابتسامه: هالله الله
ابتسم ابو سطام: الله يجمع بينهم بالخير
رد عليه: آمين وترا بنمر عندكم العصر ان شاء الله
رد: يا هلا حياكم الله
سكر المكالمه بعد ما توادعوا ووقف يعلمهم بالخبر
*************************
بيت العم منصور
رفعت جوالها تستغرب من الرقم المجهول اللي يتصل عليها وقالت: هلا من معي
ماهر: مريم
وسعت عيونها بصدمه وقالت: ماا ماهر
ضحك وقال: اي
مريم بحده: وش تبي تتصل علي مجنون انت
ماهر: ملّكتي
مريم بانفعال: وش دخلك مين انت حتى تحاسبني نسيت كلام ابوي ولا تبيني اذكرك آخر مره تتصل علي ولا حتى تفكر تفهم
سكرت المكالمه وبلكت رقمه تحاول تهدئ اعصابها وتوترها
ماهر: والله ما تشوفين طيب والله لاندمك واحرق دمك هين يا مريم انتظري بس
العصر
بيت العم ابو سطام
الصاله
فرح: وليه ما قلتي لي
الهنوف: اسكتي يا بنت ترا لوحدي متوترة وخجلانه
دقتها فرح وقالت: بتجين عندنا مرره فرحانه
ضحكت الهنوف وقالت: وانتي كمان
ناظرتها وقالت: وش تقصدين
ضحكت بربكه وقالت: بتعرفين قريب
جلست جنبهم ليان وقال: اوهووو وافقت الهنوف
ضحكت الهنوف وقالت: أرحبي يا زوجة اخوي
رمقتها ليان بنظرة وقالت: بسألكم من ذيك البنت
ناظرت الهنوف وقالت: بنت خالتي
ليان: وليه تناظرني كذا انا مسويه حاجه
الهنوف: مدري والله هي كذا تغث الواحد
جلست ليان تتبادل معها النظرات بكره
المجلس
من بعد سوالف بينهم رفع حازم عيونه لابوه اللي ينتظره يتكلم
مساعد: انا اليوم جايك يا ابو فيصل طالب قربك نبي بنتك على سنة الله ورسوله لولدي حازم
توسعت عيون فيصل يلتفت لحازم وناظر ابوه اللي قال: الساعه المباركه يا مساعد والنعم في حازم والله انا نوافق وش قولك يا ابوي
فلاح: اي والله والنعم فيه دامنا نبي قربهم فما يمنعنا شي ان بغوا قربنا
وقف ابو فيصل وقال: انا بشاور البنت
فلاح: ان كانت موافقه فخلوا الملكه بعد يومين ملكتهم الاثنين
توسعوا عيونهم وقال أبو سطام: مو كأنه بدري يبه
فلاح: لا خير البر عاجله وانا قلت كلامي
هز راسه يناظر في مساعد اللي هز راسه دليل انه موافق
المطبخ
أبو سطام: فرح
دخلت عنده ام فرح وقالت: وش فيه عسى ما شر
رد: كلمي فرح تجي
دخلت فرح بعدما نادتها امها وقال: تعرفين يا بنتي انوا الزواج سنه الله وسنه الحياه ونصيب ما نقدر نمنعه
هزت راسها فرح اللي شبه توترت من كلامه
اكمل كلامه: اليوم جانا حازم طالبك على سنه الله ورسوله يبي يتمم نص دينه وحازم رجال والنعم فيه اشهد انه قادر انه يصونك ويحميك ويلبي رغباتك
توترت فرح من كلام ابوها وصدمتها من خطبها أنزلت راسها بخجل وقال: والله يا بنتي انا موافق عليه ما هو بغريب ونعرفه واعرف ابوه ان كنتي مرتاحه وما في شي يمنعك لا توافقين قولي لي
رفعت عيونها وقالت: دامك موافق فانا موافقة يا يبه
اما ام فرح اللي كانت تدمع عيونها ما لها إلا يوم زوجت ابنها والثاني خطب وابنتها وحبيبه قلبها انخطبت بتحس بفقدانهم عنها
ضمها وقال: خير من اخترتي يا بنتي والله يسعدكم ان شاء الله
ابتسمت تضم امها كذلك
فيصل: وانا من يضمني
قربت منه تضمه وقالت بهمس: الهنوف تضمك
قرصها من خصرها وقال بعد ما ابعدت عنه: هين يا فرح
قرب منها سطام يضمها وقال: الله يسعدكم ويوفقكم يارب
ابتسمت فرح تبتعد عنه
ضحكت تدخل عند البنات والحريم اللي باركوا لها
الهنوف: الحين انا بتزوج اخوكي وانتي بتتزوجي اخويا
ضحكت فرح تهز راسها وقالت بتساؤل: هو كيف طبعه
ضحكت الهنوف وقالت: بدينا تساؤلات
رمقتها فرح بنظرة وقالت فرح: تعرفين في مره رحت له للعيادة
الهنوف: أحلفي
فرح: والله كان ليو مرض ورحت له انا وفيصل
الهنوف: اوهوو اجل عجبتيه وجا خطبك
فرح: يا ويلي استحي يا بنت
الهنوف: لازم نبلغ البنات
المطبخ
دخلت ليان وشافت هيام اللي تجدد القهوه وقالت: اساعدك في حاجه
هزت راسها بالنفي وقالت: تراكي عروسه لازم تتدللي
ضحكت ليان وفتحت عيونها بصدمه من شافته واقف يضحك مع بنت خالته
التفتت هيام تستغرب سكوتها وناظرت في مكان نظراتها وضحكت بقوة
التفتت ليان لهيام اللي تضحك وقالت: وش اللي يضحك
هيام: نظراتك
ليان: وش فيهم نظراتي
هيام: قريب تاكلينهم بعيونك
ليان: لا والله مستغربه واقف مع وحده ما تحل له
هيام: ما عليك اختنا من الرضاعه
ليان: أحلفي
هيام: والله
ليان: طيب شوفي كيف تتعامل معه
ضحكت هيام وقالت: والله هي كذا تتغنج بزياده
شهقت ليان من شافتها مدت يدها لصدره تمسح له ثوبه وقالت: اوباااا الموضوع فيه أيادي
خرجت ليان متوجهه لهم وهيام اللي تضحك وسطام اللي توتر من جيتها
سطام اللي ابتعد عنها وشاف ليان اللي جايه صوبهم وقال: ليان
ليان بابتسامه: ايه ليان يا حبيبي
ناظرت فيها الجازي ومدت يدها تسلم عليها وقالت بدلع: هااي انتي زوجته صح
مدت يدها ليان تصافح يدها بقوة وقالت: ايه زوجته
الجازي بألم وتوتر: طيب فكي يدي
ليان فكت يدها بقوة وقال سطام: بشويش
ناظرت فيه بحقد وقالت: خااايف عليها
ضحك وهز راسه ينفي وقالت ليان بابتسامه ماكره: عشان تعرفين يا حبيبتي وين تحطين يدك المره جايه لانوا المره الجايه ما اضمن لك انها بتكون سليمه
ناظرت فيها الجازي وقالت بغنج: وش تقصدين
نقلت عيونها لسطام وقالت: وش تقصد
ضحكت ليان وقالت بحده: كلامك معي انا تسمعيييين واقولك أجمعي يدك واعرفي وين تحطينها
التفتت لسطام اللي يضحك وقالت: تعال ابيك
سطام: سمي
مشى وراها وقالت الجازي بتقليد: تعال ابيك سميي خروف وحيوانه
دخلت المطبخ وقال: وش فيه
التفتت له تتقرب منه وقالت: قسم بالله لاشوفك معاها مره ثانيه اقتلك واقتلها معاك
ضحك سطام يقربها اكثر يشدها من خصرها وقال: كيف تراها اختي
ليان: مالي دخل إذا اختك انا قلت كلامي
مرر يده على ثغرها وقال: تغارين
توترت من لمساته وابعدت من سمعت شهقة الهنوف وشافوها حاطة يدها على وجهها وهي تقول: ما شفت ما شفت آسفه
خرجت من المطبخ وناظرت ليان في سطام اللي يضحك وقالت بخجل: ما يضحك سطام ما يضحك يفششششل
ابعدت عنه وقالت: لا عاد تقرب مني سامع
ضحك وقال: نشوف الليله
****************************
بيت العم عايض
المجلس
مهند: وليه ما تخطبها
خالد: احتري اخوها يرجع من سفره
هز راسه مهند وقال: هي تحبك
زفر خالد وقال: والله مدري
مهند: لا تشيل هم يا صاحبي واللي فيها الخير بتصير
خالد: والله هذا اللي مصبرني
وقف مهند وقال: انا بروح الحمام شوي واجيك
هز راسه خالد وخرج مهند للمغاسل
تصنم مكانه من منظر البنت اللي قدامه شعرها اللي متبعثر على ظهرها وانحنائها لجوالها اللي في الارض
مهند في نفسه: الله اكبر من ذي وش ذا الجمال
تنحنح مهند لتلتفت نجلاء اللي شهقت بقوة بينما هو اللي زادت ابتسامته من جمالها ورقتها
أسرعت نجلاء تمر من جنبه لكنه سحبها وقال: من انتي
نجلاء بحده: ابعد ابعد
ضحك وقال: انتي اخت عقاب
ناظرت فيه وقالت: من انت كيف عرفت
ضحك بخبث وتركها يبتعد عنها يدخل الحمام
ابتسم مع نفسه وقال: والله يا خالد اخترت الزين
بنشوف من ياخذها
ضحك بخبث يفكر كيف يبدأ خطته
دخل عند خالد وجلس جنبه وقال: انت عندك اجازة صح
هز راسه خالد وقال مهند: والله يا صاحبي مدري كيف اقولك لكن ابي منك طلب
خالد: لا والله انه تم من متى نطلب بعض يا اخوي
مهند: طيب اسمع الطلب قبل لا تحلف
خالد: قسم بالله انه تم وما اكون خالد أن ما وافقت
ابتسم في داخله بخبث و قال: تدري انو عندي محل في الرياض وانا جاي عند ابوي هنا
هز راسه خالد اكمل مهند: وانا بصراحه ما اوثق في العاملين فقلت لو يمديك تروح للمحل بس ثلاث ايام
تعرف يعني خايف على المحل والبضعه
خالد: والله واقعد لك اسبوع انا لين ترجع
مهند: يا ولد الناس
خالد: ابد حاضر انا بكره رايح ان شاء الله
ابتسم مهند يتقدم يبي يحب راسه لكن خالد ابعده وقال: لا والله ما تبوس
مهند: يا رجااال
خالد: قلت كلامي خلاص
وقف مهند يودعه يطلع من البيت يتوجه لبيتهم
دخل لبيته وشاف ابوه وجده في الحوش يتقهوون
مهند: السلام عليكم
ردو: وعليكم السلام
جلس جنبهم وقال: ابيكم بموضوع
ابو مهند: نعم
مهند: ابي اخطب
جده: الله الله وأخيرا من ذي
مهند: بنت عايض ولد مسفر
جده: والنعم فيهم
ابوه: متى تبي
مهند: بكره العصر نروح لهم ونخطب
*************************
الليل
أخذت جوالها تصور المنظر اللي قدامها انعكاس القمر على البحر وامواجه الهادئة
التفتت على عقاب اللي قال: تصورين؟؟
هزت راسها تدور الكاميرا له تصوره
رفع عيونه وابتسم وقال: خلاص نطلع
هزت راسها توقف تمسك شنطتها تخرج برا المطعم تنتظر عقاب يحاسب ويطلع
خرج عقاب ومد يده لها وقالت: تشوف التوت ذاك
ناظر في محل الفواكه وقال: ايه
نجد: ابيه
عقاب: تبينه مو كنتي ما تحبينه
نجد: كنت كنت يا عقاب الحين ابيه جيبه
ضحك عقاب يتقدم للمحل يشتري التوت
فتحت العلبه تاكل منها وقالت: اووووه مذاقه مذاقه يجننن
ناظر فيها وقال: يا بنت اصبري لين البيت
نجد وهي تاكل: اقولك ما اقدر والله الطعم خيااال
ضحك وقال: تتوحمين انتي
ابتسمت وقالت: شكله ولدك يبيه
ضحك وفتح فمه من مدت له ياكل ويقول: كأنه حامض
نجد: اي بس حلو
ضحك وقال: نتمشى جنب البحر
هزت راسها وقالت: نتمشى نتمشى اوك
***************************
بيت العم منصور
رفعت جوالها تناظر في الرقم المجهول اللي يتصل عليها
زفرت بقوة تسكر جوالها تحسب انه ماهر مره ثانيه
لكن توسعت عيونها من الحجارة اللي انرمت على شباكها
اخذت شالها تطل وشافته يلوح لها
ضحكت واخذت جوالها تقول: ما عرفت انه انت
نايف: ما بغيتي
ضحكت وقالت: وش جايبك بالليل
ابتسم نايف وقال: شوفتك
سكتت بخجل وقال: مريم
مريم بهمس خجول: نعم
ضحك وقال: متى تبين العرس
مريم: مدري اللي تشوفونه
نايف: يمديك بعد شهر
مريم: احاول
خارج البيت في سيارته جالس يدخن وقال بحقد: مسويين سوالف العشاق ما اكون ماهر ان ما حرقت قلبكم زي قلبي
حرك سيارته متوجه لبيته
*************************
هلا بنات كيفكم عساكم طيبين المهم ضيفوني انستا بصير اقولكم عن موعد البارتات
لا تنسون تقيمون البارت تقديرا لتعبي
قراءة ممتعه