من عيون الناس يا نجد اسرقيني

١٠

لايك+تعليق للتشجيع
****************
السوق
نزلوا من السيارة وتقدمت نجلاء لشباك ابوها وقالت: بتنزل معنا
رد ابو عقاب: لا بروح عند عمي فلاح اقعد معاه مع ابوي
هزت راسها نجلاء وقالت منيرة: بتصل عليك اذا خلصنا
هز راسه وقال: حاضر حاضر
******************
عند ليان ونجد
تقدمت ليان من الباب وطقته مرة واثنين وثلاثة لين فتحت نجد
ليان: اسفة اذا ازعجتك
نجد: لا بس كنت نايمة تبين شي
ليان: بتخليني قدام الباب
نجد: استغفر الله دخلت ليان وجلست على الاريكة وقربت من نجد ومسكت يدها وقالت: اسفة والله اني اسفة كانت لحظة غضب يا اخي والله انك استفزيتيني ولا انا اقول لك ذاك الكلام
نجد: يا ليان الموضوع اتسكر ولاعاد تفتحينه لأنك ما بتلقين جواب
تقدمت منها ليان وضمتها وقالت وعيونها تدمع: خلاص اسفة وربي اسفة والله انك دارية مكانتك في قلبي
ردت نجد وهي تضمها اكثر: خلاص لا تبكين ما صار شي
ابتعدت ليان وقالت: أحلفي خلاص يعني تصالحنا
ردت نجد مع ضحكة: وحنا نتخاصم
ضحكت ليان وضمتها بقوة وقالت: انت دارية اني ما قصدت الكلام اللي قلته
فتح الباب عقاب ورفع عيونه لهم واسرعت ليان تبتعد عنها تمسح دموعها
عقاب بهدوء: وش صاير ليه تبكون
التفتت ليان لنجد اللي هزت راسها بالنفي وقالت: ما فيه شي
عقاب: لا والله كل الصياح ذا وولا شي
وقفت ليان وقالت: هرمونات هرمونات واسرعت تخرج
تقدم عقاب من نجد اللي كانت تمسح دموعها
تنهد من منظرها اللي يغريه عيونها ورموشها المبتلة انفها وفمها المحمر كانت تجذبه بكل تفاصيلها
جلس جنبها ومد يده نحو خدها يمسح دموعها
ارتعشت نجد من لمسته و اكمل عقاب : وش صار
هزت راسها بالنفي وتقدم منها عقاب وقال وعيونه على ثغرها: الا في شي
عضت نجد على فمها وأسرع عقاب يحط أصبعه وقال وهو يقرب اكثر واكثر لين طاحت على الكنب واعتلاها وقال: لا تشدينَها
انصدمت نجد منه وقالت بهدوء: عقاب
همهم لها عقاب وقالت: ابعد
حشر راسه عقاب في نحرها وقبلها قبلة خفيفة يستنشق عطرها اللي يخدره كليا
اغمضت عيونها نجد تحاول تهرب منه باي طريقة لاكنه يشد عليها يخليها تستسلم له
طالت قبلاته على نحرها لين سمعت جواله يرن فتحت عيونها وقالت: عقاب الجوال
ابتعد عقاب منها يستوعب اللي سواه كيف وليه ما عرف اللي يعرفه انها فعلا تجيب راسه
وقفت نجد لما ابتعد منها عقاب يرد على جواله
دخلت الغرفة وتوجهت للمرأة تشوف الآثار اللي خلّفها وقالت: يا ويلي متى بيروحوا
ابتسمت نجد وقالت في نفسها: ليه تضحكين مو انت اللي كنت ما تبينه خلاااااااص اف
تنهدت وقامت تاخذ لها شاور تطرد جميع أفكارها اللي كانت حوله
*********************
في السوق
منيرة: تعالي باخذ لي عطور
نجلاء:اي محل
منيرة: بنروح عند خالد
وسعت عيونها نجلاء وقالت: هااا
التفتت لها وقالت: وش فيه
هزت راسها بالنفي وقالت: لا لا ولا شي
تنهدت نجلاء وتبعت امها تدخل المحل
تقدم منها خالد وقال: هلا هلا بالخالة منيرة
منيرة: هلا بك يا ولدي كيف الحال ما عاد شفناك فالبيت
خالد بابتسامه: والله كثرة الشغل وانت تدرين
منيرة: ايه زين زين أقول نبي عطر فيه عود زي كذا يعني موجود عندك
هز راسه بايجاب وقال: ابشري ابشري فيه
نقل عيونه على اللي جنبها وابتسم من عرفها من عيونها
ناظرت ابتسامته وابتسمت بدون شعور منها
اخرج خالد عطرين وقال: ذول احسن وحدين العود اللي فيهم مو قوي لكن ينشم يعني
اخذت واحد نجلاء ورشته على يدها وابتسمت من ريحته و نقلت يدها لأمها تشم
منيرة: ايوة ذا حلو مو قوي ومو خفيف
*******************************
الرياض
المول
ملاذ: ايوة ذا الفستان حلو يليق عليها
الجود: حتى لونه جميل
هزت راسها ملاذ والتفتوا لمحمد اللي قال: يا بنات خلاص لنا ساعة هنا وفهد ما يبي يسكت
تقدمت منه الجود وحملت فهد وقالت لملاذ: حاسبي ولما تخلصي بتلاقينا ننتظرك في السيارة
هزت راسها ملاذ وتوجهت تحاسب
عند الجود
الجود: وش سوا لك بابا ها قول بضربه لا تخاف
فهد: ماما بابا ماابي يعطيني هلاوه
الجود: هاا محمد ليه ما عطيت ولدي حلاوة
محمد بخبث: حتى تعطيني اللي ابيه
ضربته الجود في كتفه وقالت: اسكت الولد يسمع ماتستحي صدق
خرجت ملاذ من المحل بعد ما حاسبت توجهت للمواقف
*************************
بيت العم ابو نايف
دخلت فرح وسلمت على البنات والخالة فاطمة
طلعوا البنات لغرفة الهنوف
الهنوف: وأخيرا ما بغيتي
ضحكت فرح وقالت: والله فيصل كان مشغول ذا الاسبوع بس يعني حاولت معاه وانا الحين عندكم
هيام: اي والله من زمان ما جيتي عندنا
فرح: ما عليك بتكثر الجيات بإذن الله
الهنوف: اسمعي انا الحين عندي مشكلة في دروس الكيمياء ما اضبط العلاقات
فرح: ما عليك اعرف طريقة حلوة عشان تحفظينهم
قامت هيام وقالت: اجل انا اخليكم تدرسون بعد شوي بتجي العمة مديحة
الهنوف: تقصدين حبيب القلب
قرصتها هيام وقالت: ايا حيوانة احترمي نفسك
الهنوف بالم: اااح انت وش سويت الحين
خرجت هيام من الغرفة تتوجه لغرفتها فتحت الباب وجلست على سريرها تقلب في جوالها
رفعت عيونها على احد يدق باب البلكونة استغربت وقامت وابتسمت من شافته فتحت الباب وضمها بقوة وقال: هلا هلا بالزين كيفك
ابتسمت هيام وقالت: الحمد لله وانت
ابتعد عنها وقال: بشوفتك صرت بخير
استحت هيام وابتعدت عنه تجلس فوق السرير تبعها وانسدح على حضنها وقالت: جات خالتي مديحه
هز راسه فهد وقالت: بنزل اسلم عليها
هز راسه بالنفي وقال: لا لا خليك تدري اني عندك
وسعت عيونها وقالت : من جدك قلت لها
فهد: ايه
هيام: يا ويلي
رفع عيونه لها وقال: ليه وش فيه
ابعدت عيونها هيام بخجل وقالت: لا مايصير
فهد: وش اللي ما يصير ترانا مملكين
هيام: ولو
مسك يدها وبدأ يلعب بأظافرها وقال: اجل قولي لي وش سويتي ذي اليومين
*****************
خرجت نجد من الحمام لبست بيجامتها الحريرية رطبت يدينها رفعت شعرها كعكة وخرجت من الغرفة تدخل المطبخ
دخل عقاب وقال: في احد في البيت
صرخت نجد وقالت: من فين طلعت انت يا اخي على الاقل طلع صوت خرعتني
تقدم منها وقال: بسم الله عليك
مسكت قلبها وقالت: اااف لا ما في احد عمي وعمتي وجدي راحوا عند العم فلاح وخالتي منيرة مع نجلاء في السوق وليان تحت
عقاب: اي زين وترى ما نسيت صياحكم بتعلميني احسن لك
ناظرته نجد وابتسم عقاب من الآثار اللي على عنقها توترت نجد والتفتت تكمل طبخها
عقاب: وش تطبخين
نجد: معكرونة بالبشاميل
ابتسم عقاب وقال: الله مثل ذيك اللي سويتي ذاك اليوم
هزت راسها نجد وقال: اجل إذا خلصتي ناديني
خرج عقاب يدخل المكتب يكمل شغله تنهدت نجد وحطت المعكرونة في الفرن
والتفتت لاشعارات في جوالها مسكت جوالها وفتحت المراسلة استغربت انه رقم غريب ومرسل صور
انصدمت نجد من الصور جلست على الكرسي تحاول تفكر بعقلانية كيف كذا ملاذ وش تسوي بذي الصور ومين مصورها
ما تدري وش تسوي تعلمها ولا تعلم امها قطع أفكارها اتصال الرقم ردت نجد وقال بصوت رجولي: عجبتك الصور
ردت نجد ببكي: مين انت
ضحك وقال: انا المصور كيف بالله تدرين انو في اسوء من كذا
هزت راسها نجد بنفي وقالت: لا لا من انت مين أعطاك حق تصورها
ضحك وقال: والله مدري لكن إذا تبين امسح الصور لازم نتفق
مسحت دموعها وقالت: اسوي اي شي عشان تمسحهم بس امسحهم
رد: موعدنا مو الحين بعدين ياا حرم عقاب
سكر المكالمة واجهشت نجد تبكي ،، صور اختها عند شخص ما تعرفه ما تدري وش نيته لكن اللي تعرفه انها بتسوي المستحيل عشان يمسحها
صحيح انو الصور مو سيئة لذيك الدرجة لكن كانت تظهر فيها ملاذ ببجايم قصيرة
****************
البارت قصير لانو فعلا اغلبكم بس يقرون وما يدعمون وفعلا ما اتشجع عشان اكمل فأتمنى تدعموني باي شي