من عيون الناس يا نجد اسرقيني

٣٣

بسم الله
لا تنسون تقيمون البارت
قراءة ممتعه
اعتذر عن أي خطأ إملائي بدر مني
***********************
بيت مساعد
الكل جالس ينتظر خبر من عند نايف متوترين وحازم اللي كل ٥ دقايق يتصل عليه
قاطعهم دخول نايف ومريم اللي مسنده عليه حالتها حاااله انصدموا من منظرها وجهها ذبلان وعيونها مورمه صد عنها حازم تقرب منها الهنوف: مريم وش صاار
ابعدها نايف يقول: مو الحين انا بطلعها ترتاح و بجي
اخبركم عن كل شي
هزت راسها ام نايف وقالت: روح يا ولدي روح
طلع معها الدرج تحت نظراتهم وتوجه فيها لغرفته ما يدري هل يخليها معه ولا مع البنات لكن قطع أفكاره من قالت: ابي انام
دخل معاها لغرفته وتوجه فيها للسرير
ساعدها تنسدح وقال: تبين شي
هزت راسها بنفي يبتعد عنها تسمع تقفيله الباب تتجمع الدموع في عيونها تنهار لثالث مره عجزت تصدق اللي صار لها
نزل عندهم لتحت وجلس جنب ابوه اللي قال: وينه منصور
سكت نايف يحكي لهم من بدايه الأمر لين وصول الإسعاف
قبل ساعه
وصلوا للمستشفى وناظر للاسعاف اللي وقفت ونزلوا منها المسعفين
نزل نايف من السيارة وتبعته مريم ووقف بصدمه كيف بتصبر كيف بيخبرها انو سندها وابوها واللي بقى لها في هذي الدنيا راح للي احسن والله اخذ أمانته
قربت منه مريم تقول: ناايف ليه مغطين وجهه نااايف
التفت لها يضمها لها وقال: مريم هدي هدي
بعدته بقوة تركض عند ابوها وقالت بانهيار: ليه لا تغطون وجهه خلوه يتنفس يبه قوووم تكفى انت وعدتني يااا ابوي لا تروح زي ما راااحوا لاااا
اكملت كلامها تطيح على الأرض مغمى عليها ونايف اللي أسرع عندها يحملها يدخلها للمستشفى
بعد مده صحت مريم وكان نظرها للسقف مو مستوعبه وفاة ابوها ولا اللي صار لها التفتت لنايف اللي دخل وقالت: ابوي راح صح
قرب منها نايف وقال: ابوك عطاكي عمره يا مريم راح للي احسن منا
سكرت عيونها بقوة من تجمعت الدموع وكمل: لازم تعرفي انوا ابوك بيحزن لو عرف بحالتك ذي
مريم: طيب ما اقدر اتقبل
نايف: هذي سنة الحياة كلنا بنروح
سكتت تنطق بعدها: ابي اروح من هنا
هز راسه نايف وخرجوا من المستشفى متوجهين للبيت
مساعد: لا إله إلا الله
الهنوف ببكي: طيب هي بخير
هز راسه نايف بلا وقال: قطعت قلبي بانهيارها والله
هيام: الله يرحمه ويسكنه فسيح جناته
ردوا بآمين وقال نايف: بكرا الظهر بندفنه وانتوا يا بنات لااوصيكم
هزوا رأسهم البنات وقال مساعد: يلا الكل على غرفته بكرة اول ايام العزا لازم نصحى بدري
هزوا رؤوسهم وتوجه نايف ينام في المجلس يبي يعطيها راحتها في الغرفه متقبل انهيارها وبكائها نفسه يكون معاها الحين لكن يدري انها ما بتاخذ راحتها وهو معاها
*************************
عقاب: في واحد ياخذ موعد الساعه ١٢في الليل
تأففت نجد وقالت: خلاص يا خي نسيت
ناظرها عقاب ومسك يدها وقال: انتظري دورك بروح اشتري مويه واجي
هزت راسها نجد وناظرته وهو رايح
بعد دقايق رجع عقاب على دخول نجد للغرفة اللي ناظرته واشرت له يدخل معاها
الدكتورة: يا هلا بنجد كيف الاخبار عساكي مرتاحه
هزت راسها نجد وقالت: الحمد لله
الدكتورة: طيب انا بخرج لين تنزلي عبايتك
هزت راسها نجد وناظرت في عقاب اللي يناظرها
نجد: وش فيه
هز راسه بلا وشافها تنزل عبايتها وترفع بلوزتها تتحاشى النظر فيه
دق الباب عقاب ودخلت الدكتورة
جلست على الكرسي واخذت الجل تمرره على بطنها
ابتسمت الدكتورة تقول: البيبي في صحه جيده كل شي تمام الحمد لله وترا توضح لي جنسه تبون تعرفون
ابتسمت نجد تناظر عقاب المبتسم وقالت: اي لكن ابيك تكتبيه في ورقه
استغرب عقاب واشر لها لكنها طنشته وشاف الدكتورة اللي سوت زي ما قالت لها نجد
طلعوا والورقة عند نجد وقال: وش ذا ابي اعرف
نجد: لا يا عقاب نفسي اسوي حاجه
عقاب لا والله ترا من زمان ودي اعرف
قربت منه تمسك يده وقالت: اسمع خليها مفاجأة ترا حتى انا ما بعرف
تأفف عقاب وخرجوا من المستشفى رايحين للبيت
بيت العم ناصر
ام محمد: والله والنعم فيهم لكن يا ناصر خلي البنت تستخير
ناصر: ولا يهمك يا أحلام البنت بتستخير ارتاحت ما بنردهم واذا ما ارتاحت ما كتب الله بينهم نصيب
هزت راسها احلام تحمد الله على كلامه هذا والتفتوا لملاذ اللي جلست جنبهم وقالت: وش تقولون
اخذت فنجان قهوة تصبه لها تشرب منه
ناصر: جوك خطاب يا بنتي
توسعت عيونها تكح بقوة وقالت: يبه
هز راسه ناصر وقال: تذكرين اللي جو لنا اليوم خطبوك لولدهم فارس
ملاذ بصدمه: اخو العنود
هزت راسها احلام وقال ناصر: اسمعي يا بنتي استخيري واذا ارتحتي قولي لا تكذبين اذا ما ارتحتي ترا والله ما اغصبك عليه
هزت راسها ملاذ ترتاح نوعا ما من كلام ابوها اللي ما بيجبرها مثل اختها نجد
وقفت وقالت بهدوء: انا بطلع انام
هزوا رؤوسهم وتوجهت ملاذ لغرفتها جلست على سريرها تفكر في الموضوع
ما تدري توافق ولا لا كل ما تذكرت احمد ترفض الفكرة بكبرها ما تبي تعطي اي احد فرصه ثانيه يكفيها اللي سواه احمد معاها
نرجع لقبل سنتين
ابو احمد وابو ناصر اللي كانوا جيران لكنهم ما يتكلمون مع بعض بحكم شخصيه ابو احمد اللي كان عصبي وما يطيق اي احد عاصي ربه ومأذي عبده
طلعت للسطح مثل دايم تحب منظر الغروب وتعشقه بشده جنبها كاسة الشاهي تناظر في السماء وتغير ألوانها
التفتت من سمع صوت احد وراها وقالت: ا ا احمد
ضحك احمد يشوفها بكامل اناقتها وزينها وقال: أسمي عماد لكن ينادوني احمد
صدت عنه بسرعه تعرفه وكيف ما تعرفه هي اللي حبته من قلبها حب صادق خالي من الخبث عكس احمد اللي كان يوهمها بحبه اللي كان كله خبث يضحك على بنات الناس
وبعد مرور ايام تطورت علاقتهم واحمد اللي كان كل يوم يقصد فيها ويغازلها لين اقتنعت انه يحبها لكنها جاهله بحقيقته جاهله بخفاياه جاهله بخبثه ومكره وحقيقة علاقتهم
ملاذ اللي كانت تطلع للسطح تناظر الغروب صارت تطلع للسطح تنتظره تبي تشوفه تكلمه تسأله متى يخطبها لكن احمد ما كان هامه اي شي من ذي الاشياء يبيها تسليه لا غير
وفي أحد الايام بالليل طلعت للسطح ملاذ تقابله
جلست تنتظره لكن فزت من لمسها احد على خصرها
التفتت بسرعه تشوفه احمد ابتعدت عنه وقالت: عماد ابعد ما يصير
قرب منها زياده وسحبها له لين ارتطم صدرها مع صدره وقال: ليه دامنا بنتزوج
ابتسمت بخجل ملاذ ما تدري وش صار لها لين خلته يسوي كذا: لا يا عماد نتزوج وسوي اللي تبيه
قرب من وجهها لين تخالطت انفاسهم وملاذ اللي شمت ريحه غريبه فيه ما تدري ليه تحسه غريب عليها لا في نظراته ولا في طريقة مشيه ولا في حكيه كأنه دايخ وقالت: عماد
همهم لها وقالت: انت شارب شي
ضحك عماد يقبلها بقوة على خدها وملاذ اللي ابعته بقوة توها تستوعب توها تصحى من احلامها الغير موجوده توها تعرف وتدرك انه قاعد يكذب عليها
يبيها لشهوته بس يبيها تسليه ويرميها بعدين يبيها لمتعته هو فقط ضربته كف بحده وقالت: وش تسوي انت مرييييض
اما احمد اللي كان دايخ بحكم انه سكران وضحك وقال: وش فيك بنتسلى بس
توسعت عيونها وضربته بقوة على صدره وقالت: انت صاحي تستوعب اللي تقوله كييف كيف اوهمتني بحبك وانا اللي حبيتك بكل قلب صادق انا اللي كنت انتظر جيتك لبيتنا بنيت احلام معاك ومستقبل كله معاك كذا تسوي يا عماد كذاا
احمد: من عماد
ملاذ: من غيرك انت قلت اسمك الحقيقي عماد
ضحك احمد وقال: والله سهل يضحكون عليكم انتوا البنات
انصدمت ملاذ تبكي بحرقه على نفسها وترخيصها لنفسها طيحت من مقامها على شان خبيث ونذل زيه خلته يضحك عليها ويعيشها في حب كاذب
احمد اللي من كثر شربه داخ ولا قدر يتحرك وطاح مغمى عليه
خافت ملاذ وقربت منه تهزه بقوة وقالت: قوووم وش فيييك تكفى قوم
ناظرت فيه مسكر عيونه ولا يتجاوب معها وقالت: ملاذ خلاص خليه انسيه يا ملاااذ انسيه
سكرت عيونها بقوة من تجمعت الدموع في عيونها
فتحت عيونها تشوف جواله اخذته تبي تمسح رقمها لكن انصدمت من كثر البنات اللي على جواله واللي صدمها اكثر من شافت صورها وصور البنات على جواله
نقلت عيونها عليه وقالت: صوريييي
قلبت الصور تشوفهم اغلبهم صورها وصور بنات وصوره هو مع العيال يشربون واسلحه ومخدرات
سكرت الجوال بصدمه من فعلته وحقيقته كيف سواها هي اللي كانت تبني أحلامها معاه هو كان يضحك عليها بكل شي اسمه مهنته حبه
فتحت الجوال تمسح صورها رقمها تدعي انهم الوحيدين عنده تركت جواله تناظر فيه وقالت: يا خسارة حبي لك
ضحكت بحسرة على حالها وقالت: كثر العطا يورث الحسايف
من هنا اعلنت ملاذ ما تفتح قلبها لأي أحد كيف تقدر توثق في احد مرة ثانيه
نرجع للحاضر
تذكرت ألمها مرة ثانيه وقفت من مكانها تتوضى تستخير لعله من نصيبها لكنها داريه اذا ارتاحت ما راح توافق
***************************
الصباح
دخل للمطبخ على ريحة الفطور وقال: الله الله على الريحه
ضحكت ام نايف وقالت: وينه ابوك
نايف: ينتظر الفطور
هزت راسها ام نايف وقالت: طيب روح صحي مريم تفطر معانا
هز راسه نايف وطلع لغرفته
فتح الباب يشوفها جالسه على السرير تناظر السقف
قرب منها نايف وقال: مريم
التفتت له بعيون مورمه ووجه ذبلان لكنها لسا جميله لسا ماخذه تفكيره وقلبه
مريم: ابي ابوي
قرب منها يجلس جنبها مسك يدها يحاوطها بيده وقال: مريم وش اتفقنا عليه
مريم بغصه: طيب ما اقدر كيف تبيني اكمل حياتي عادي
نايف: اليوم اول ايام العزا لازم تكوني قويه زي ما عهدك ابوك ترا لو عرف بضعفك الحين ما راح يرتاح في قبره
سكرت عيونها بقوة تمنع دموعها من السقوط وقالت: طيب بحاول
نايف: انتي قويه مريم لازم تتحملي
هزت راسها وقال: انزلي نفطر ترا ما اكلتي شي من امبارح
مريم:لا لا ما...
قاطع كلامها من وقف وقال: والله ان ما اكلتي يا مريم بزعل منك ترا ما باكل لين اشوفك تاكلين
ابتسمت بأسى على حالها وقالت: طيب انزل كذا
ناظر لملابسها وقال: بجيب لك جلال من عند البنات وبعد الظهر اروح اجيب اشيائك
مريم:بروح معاك
هز راسه نايف وقال: انتظري هنا
هزت راسها تناظره يخرج من الغرفه تحمد الله على وجوده جنبها تشوف حنيته وكيف يحاول يغير نفسيتها صح انو الموضوع صعب عليها تتقبله لكن ما هو صحيح تجلس اليوم كامل تبكي
ناظرته يدخل ووقفت تاخذ منه الجلال تلبسه فوق ملابسها
مد يده لها ومسكت يده تنزل معاه
خرجوا للحوش وابعدت يدها عن يده من ناظرت اهله وقالت بهدوء: السلام عليكم
ام نايف: وعليكم السلام يا بنتي عساكي طيبه اليوم نمتي زين
هزت راسها مريم وابتسمت من سمعت كلمة بنتي من فمها والبنات اللي وقفوا يضمونها ويواسونها
الظهر
بعد دفن العم منصور رجعوا للبيت على وصول آل مسفر وآل فلاح
عند الحريم
مريم اللي كانت جالسه وسط البنات ساكته بس ترد على اللي يكلمها ولا اللي يترحم على ابوها
وقفت بعد مده وقالت ام نايف: وين رايحه يا بنتي
مريم بابتسامه: تعبانه خالتي ابي انام
هزت راسها ام نايف تخليها تطلع تفهم المها ومحاولاتها انها تنسي ألمها وحزنها على ابوها
طلعت للغرفة تدخل تسكر الباب بهدوء والتفتت على نايف اللي طلع من الحمام بسرعه والمنشفه على خصره ولا شافها
طلع من الحمام يهرول لدولابه فتحه ياخذ ثوبه الاسود وغترته البيضا
كحت مريم بقوة خافت انه ينسى نفسه ويبدل والتفت بسرعه نايف يطالعها بصدمه متى دخلت ما سمعها
ناظر فيها وقال: من متى وانت هنا
صدت عنه مريم تتحاشى النظر فيه وقالت وهي تشيل طرحتها وعبايتها: من لما خرجت من الحمام
ابتسم بهدوء من كونها خجلت من منظره وقال: طيب انا بدخل الحمام اغير تبين شي
هزت راسها بنفي يشوفها تتوسط السرير تسبح وتغرق في بحر هواجيسها وتفكيرها اللي يتعبها ويتعب نفسيتها ابتسمت بخجل من تذكرت منظره وقالت: اكيد مريم غرفته يسوي فيها اللي يبي
************************
وقفت من شافت اتصاله على جوالها وردت: هلا عقاب
عقاب: اسمعي انا انتظرك برا بنرجع
نجد: ليه
عقاب بهدوء: تعبان وأساسا بعد شوي بيرجعوا كلهم
هزت راسها توقف سلمت عليهم وقالت لمنيره: بروح مع عقاب ويقول بعد شوي بتمشون
هزت راسها منيرة وطلعت نجد لعقاب اللي ينتظرها في السياره ركبت وسكرت الباب والتفتت له وقالت: قطعت قلبي
عقاب: من بنته
هزت راسها نجد وقالت: تحاول تبتسم وتخفي حزنها لكن واضح من ملامحها
عقاب: هذي سنه الله وبالاخير كلنا بنروح
سكتت نجد ومسك يدها عقاب يحرك متوجه للبيت
عند نجلاء
مهند: سوي لنا شاهي
نجلاء: فوق ما انت مانعني اروح أزور البنت المسكينه قاعد تتأمر
وقف مهند وقال: تدورين مشاكل انتي
بعدت عنه نجلاء وقالت: لا ترفع صوتك علي سامع
مسكها من عضدها وقال: قسم بالله يا نجلاء لو ما تعدلين اسلوبك معايا ما يصير لك طيب
ضحكت نجلاء وقالت: أعلى ما في خيلك اركبه ما عاد يهمني شي
قرب منها ورماها على السرير يعتليها وقال بابتسامه خبث: ما يهمك شي
توترت نجلاء من قربه لكنها ابتسمت بسخريه وقالت: اذا قدرت تسوي شي سويه
ضحك مهند ومسك ازرار بلوزتها يفتحها وقال: ليه خايفه
ضحكت ومسكت يده تحاول تخفي توترها وارتباكها وقالت: يحرم عليك تقربني معذورة ياحبيبي
ناظر فيها وتذكر انه ما شافها تصلي ولا شي وقال بهيام بعد ما سمع كلمة حبيبي: والله سمحت لك يا روح حبيبك
همست بكره من ابتعد عنها: تخسي تكون روح حبيبي
التفت لها وقال: قلتي شي
هزت راسها بلا وسمعته من قال: طيب تعودي من الشيطان وروحي سوي لي شاهي
خزته وطلعت للمطبخ تبي بس تفتك منه
اخذت البراد وعبته مويه تنتظره يغلي والتفت لشموخ اللي دخلت وقالت: وش تسوين
ابتسمت نجلاء بنفس ابتسامتها وقالت: شاهي لحبيب قلبي اخوك
شموخ: يا شينك انتي وهو
ناظرت فيها نجلاء وقالت بضحكه: مو عاجبينك
خزتها شموخ وقالت:صبي لي كاسه معاك
التفتت لها نجلاء وقالت: تعرفين مكانه سويه لنفسك
وقفت شموخ وقالت: لا ما فيني لا تحسبين انك زوجة اخوي بنسمع كلامك تراني اخته واقولك صبي لي من عندك
ناظرت فيها نجلاء وقالت: تخسين انتي واخوك
توسعت عيون شموخ تقول: احترمي نفسك
نجلاء بخبث: لا ليه وش بتسوي
شموخ: بربيك انا يا قليلة الأصل والفصل
قربت منها شموخ تمسك شعرها وانصدم مهند اللي كان طالع من الصراخ اللي سمعه ونجلاء اللي مسكتها تنتف شعرها
نزلتها على الأرض تضرب فيها وتقول: تخسييين انا تربيني يا حيوانه شكلك ناسيه من انااا
شموخ بألم وصراخ: ابعدييي عنييي يمه مهننند يببببه
قرب منهم مهند يبعد نجلاء عنها وقال: انتي اللي استفزيتيها
وقفت شموخ بألم وقالت: توقف معاها ضد اختك
مهند: اي لانك انتي السبب
شموخ: ما ني السبب يا الخروووف
قرب منها وقال: وش وش
شموخ:ايييه خرووف وتلعب بك كيف ما تبي وانت زي الحمار تقول سمي وآمري
رفع يده مهند يضربها كف ومسك وجهها بحده وغضب وقال: شموخ قسم بالله لو ما تفكينا من شرك
قاطع كلامه دخول أهله وقال ابوه: وشش صااااير صراخكم واصل لاخر الحارة
مهند بغضب: يببببه بنتك ذي لو ما احترمت نفسها وضبطت لسانها ترا بكفر فيها
التفت ابوه لشموخ اللي تناظرهم بحقد وكره وقال: وش سوت
مهند: اسألها
قال كلامه مهند يسحب نجلاء وراح لغرفتهم
دخل وسكر الباب والتفت لها وقال: سكري النور
ناظرت فيه وصدت عنه تجلس تمسح مكياجها
قرب منها بغضب يمسكها بقوة من فكها
نجلاء اللي تعورت وبشدة من مسكته لكنها ناظرت فيه بهدوء
مهند: انتي تدورين مشاكل ولا وش
ضلت تناظره ووقفت تبعد يده وقالت:آخر مره تمسكني فاهم
قرب منها زياده وقال: عدلي اسلوبك معي تراك ما تتكلمين مع اختك
نجلاء: اذا ما عجبك اسلوبي طلقني
ضحك بغضب وقرب منها وفي غقله منها قبلها بقوة على خدها وقال: طلاق ماني مطلقك
دفته بقوة وقالت بصراخ: يا قلييييل الادب كم مره قلت لك لا تقرب
اعتدل مهند يقرب منها وقال بصراخ: وطييي صوتك
نجلاء بصراخ وعناد: لا ما بوطيه وش بتسوي مثلااا
ناظرت فيه نجلاء بغضب وابعدت عنه تدخل الحمام
سكر عيونه مهند يكبث غصبه وطفى النور وارتمى على السرير
**************************
عند نجد
فزت من مكانها وقالت: عقاب تكفى روح جيب الطلبيه اللي عند الباب
التفت لها وقال: اي طلبيه
جلست جنبه وقالت: جيبها وبتعرف
عقاب: انتي متى تطلبين بدون لا تقولين لي اساسا
نجد: اوووه عقاب أسرع روح
ضحك عقاب يخرج من الغرفه ينزل الدرج وخرج من البيت يفتح الباب
المندوب: عقاب بن عايض آل مسفر
هز راسه عقاب واخذ الطلبيه من عنده واللي كانت كرتون كبير اخذه ودفع المبلغ ورجع عندها
عقاب: وش ذا
نجد بحماس؛ طيب سكر عيونك
سكر عيونه عقاب وقال: يا ليل الليل اسرعي
ضحكت نجد تفتح الكرتونه تطلع الكيكه اللي كان مرسوم فيها امرأة حامل ومكتوب عليها ولد ولا بنت (اتمنى تفهمون مقصدي ياارب)
نجد:فتِّح
فتح عيونه عقاب وقال: كيكه
هزت راسها وجلست جنبه تاخذ الملعقة وتمد له الثانيه وقالت: اسمع تشوف بطن المره ذي
هز راسه عقاب وقالت؛ ذي انا واذا نبي نعرف جنس البيبي اللي فبطني بناخذ منها بالملعقة
أشرت له على بطن المره اللي فالكيكه وقال: اهااا وانا اقول ليه منفوخة
ضحكت نجد وقالت: طيب ناظر فيني وبناظر فيك
واعدد لين ٣ وناخ..
ضحك يشوف حماسها وقرب منها يقبلها بهدوء على ثغرها
ابتعدت عنه وقالت: عقاااب وش تسوي
ضحك عقاب وفتل شاربه وقال: طيب طيب
ضحكت وقالت: فهمت
هز راسه وضلوا يناظرون لبعض وقالت نجد: ١ ٢ ٣
التفتوا الاثنين وشهقت نجد وناظرت فيه تسمع ضحكته وقالت: عقااااب
ضحك يضمها وقال: يا روح وعين عقاب
دمعت عيونها وابتعد عنها ومسكت كفه تحطها على بطنها وقالت: يعني هنا في ولد
هز راسه عقاب وقال: اي يا ام ثنيان
ضمها مره ثانيه ومسح دموعها وقال: ما تبين ولد
هزت راسها بنفي وقالت: لا بس يعني تفاجأت
**********************
عند ليان وسطام اللي كانوا يمرون في أحسن واحلى اللحظات أيامهم مليئة بالحب والعشق في مدينه العشاق وتأكدت ليان انه الحبيب المناسب لها
بعد مرور أسبوع واللي كان صعب على مريم لسا ما تخطت وفاة ابوها لكن حمدت الله على ام نايف والبنات اللي غيروا نفسيتها ونايف اللي ما كانت تشوفه كثير تشوفه بس اذا دخل يبدل ملابسه ولا يتروش
الهنوف: اي والله دايم كل صباح لازم نتهاوش
ضحكت مريم وقالت هيام: مريم خافي على نفسك بكرة تتهاوش معاك
ضحكت مريم بقوة وقالت: تكفووون خلاااص بمووت
ابتسموا البنات من قدروا يسمعوا ضحكتها وقالت ام نايف: مريم يا بنتي
التفتت مريم وقالت: سمي يا عمه
جلست جنبها وقالت: انتي داريه انو بعد يومين زفاف الهنوف وفرح
هزت راسها مريم وتوتروا البنات من عرفوا ايش بتقول امهم: وانا اقول ليه ما نخلي الفرحتين ٣
ناظرت فيها مريم وابتسمت بهدوء وقالت: والله يا عمتي اكذب عليك لو قلت ابي لكن والله العظيم اني مالي نفس ولا ابيه
ابتسمت ام نايف وقالت: يا حبيبتي اعرفي اني ما بجبرك على اي شي وان تبين تسوين زفاف سوي ما تبين والله ما عاش اللي يجبرك
تقدمت مريم وحبت راسها وقالت: الله يخليك لنا
ضحكوا البنات وتمتموا بآمين
عند مريم اللي دخلت للغرفة وفكرت في كلامها وكيف انوا نايف مخلي لها غرفته وينام بالمجلس ولا يبي يزعجها معطيها راحتها الكامله توترت مريم من الخطوه اللي بتسويها لكن تشجعت من شافته يدخل الغرفه
نايف: يا هلا كيفك اليوم
مريم بخجل: الحمد لله
شافته يدور في دولابه وقالت: وش تدور
نايف بهدوء: مدري ثوبي البني ما لقيته
توجهت مريم للدولاب وقالت: طيب ابعد
ابعد نايف يشوفها تطلعه وقالت: البارح كويته وعلقته هنا
هز راسه وابتسم من اهتمامها في ملابسه وقال وهو بيطلع من الغرفه: تبين شي
هزت راسها بنفي وشافته بيطلع لكن تشجعت وقالت: نايف
التفت لها وقال: سمي
ابتسمت من كلمته وقالت: تقدر تنام في غرفتك
ابتسم وقرب منها وقال: بترتاحين
هزت راسها بنعم وقال: صح انك ما تبين عرس
هزت راسها وقالت: والله يا نايف اذا انت تبي ما بمنعك سوي عرس للرجال بس انا لا
ضمها له وقال: عادي يا روحي ما حد بيجبرك
ابتسمت بخجل وابتعد عنها يدخل الحمام يحس انه بيطير من الفرحه وهو اللي كان يبي يعطيها راحتها بالغرفه وبنفس الوقت يتمنى ينام وسط احضانها
*************************
بيت ابو سطام
فتح عيونه والتفت ناحيتها وابتسم من منظرها الجميل وهي نايمه
قرب منها يقبل ارنبة انفها وفتحت عيونها بانزعاج وقالت: سطام
سطام: صباح الخير
مسكت فمها ليان وقالت: ابعد ريحتك
توسعت عيونه يشم نفسه وقال: وش فيها والله انها زينه
قرب منها زياده وقال: شمي
هزت راسها بنفي وقالت: لا لا تكفى بستفرغ
ابعد عنه تركض للحمام ووقف بسرعه يتبعها
خرجت من الحمام ورفعت سبابتها وقالت: قسم بالله يا سطام لو تقرب لاصرخ
قرب منها بخوف وقال: طيب وشفيك
دمعت عيونها وقالت: تكفى طالبتك لا تقرب ما ابيييك
ناظرها بصدمه وقال: يا بنت وش تقولين
ليان:تكفى والله مو قادرة استحملك ابعد عني
أطال النظر فيها وقال: يصير خير
ابعد عنها يتعداها يدخل الحمام وهي اللي رجعت تنام
خرج من الحمام يناظرها نايمه وتنهد يلبس ملابس دوامه وطلع من الغرفه
فرح: سطام
التفت لها وقال بدون نفس: نعم
فرح: وش فيك
سطام: ولا شي
فرح: طيب وينها ليان ليه ما نزلت تفطر
كمل طريقه سطام وقال: في الغرفه روحي شوفيها
استغربت فرح ودخلت للغرفه تصحي ليان
بيت العم ناصر
الحوش
ناظر محمد في الجود اللي ابتسمت له بخجل ووقف واتجه نحو ابوه وقال: اسمعوا
رفعوا رؤوسهم له وقال: الجود حامل
شهقت ملاذ والتفتت لها وقالت: امااانه
هزت راسها الجود تقرب منها تضمها بقوة وقالت: يا روحي والله كنت شاكه
ناصر: مبروك يا ولدي
محمد بابتسامه: الله يبارك فيك
ابعدت عنها ملاذ تجلس وقالت: كم شهر الحين
الجود بخجل: داخله في ٣
ابتسمت تضم فهد وقالت: بيجيييك نونو جديييد
ضحك معاها فهد واشر لبطن امه وقال: بابا يقول في نونو هنا ثح
______
بعد يومين واللي كانت كلها تجهيزات وتحضيرات لزواج فيصل وحازم وأخيرا صار اليوم الموعود
ومريم اللي تقبلت وجود نايف معاها وكذلك نايف اللي مخليها على راحتها ونجد اللي بدا الحمل يأثر عليها بحكم دخولها للسابع وبطنها اللي مو منفوخ زياده وعقاب اللي متحمل نفسيتها
ملاذ اللي قررت قرارها بخصوص فارس ونجلاء اللي تعيش في عذاب مع مهند واخته لكنها صابرة
****************
القاعه
المصورة: طيب خذي المسكه وغطي بها وجهك
هزت راسها فرح وسوت اللي قالته لها وبعد مده قالت المصورة: بيدخل الزوج الحين
توترت فرح ومسكت يدها تشدها بقوة بحكم انه اول لقاء بينهم بعد الملكه
دخل حازم ببشته الاسود وناظرها منزله راسها لتحت
اخذ نفس يزفره من جمالها وجمال شعرها ومكياجها الخفيف اللي يناسب ملامحها الناعمه وفستانها الأبيض
رجف قلبها وازدادت نبضات قلبها من قرب لها ورفع وجهها بيده وقال: مبروك
ناظرت في عيونه وابتسمت بتوتر اما حازم اللي كان ميت من جمالها ونعومتها لكنه يمثل الثقل رافض فكرة انه يرضخ لها ولا يحبها كل ما تذكر شكلها بالفستان الاسود تزداد نبضات قلبه لكنه رافض الفكرة رفض
فتح بشته يضمها داخل يستنشق عطرها اللي خدره وسرح في ريحتها
ابعد عنها يزفر بقوة يطرد كل أفكاره والمصورة اللي بدت تاخذ لهم الصور
عند الهنوف
رفعت نظرها لدخوله وابتسمت من شافته بالبشت الاسود وهيبته
قرب منها يبتسم يقبل راسها وقال: الهنوف
رفعت نظرها له بخجل وقالت: مبروك يا روح الهنوف
ضحك فيصل وضمها له وابتسم من كلمة روح الهنوف اللي بعثرته من داخله
ابعد عنها وناظر لابتسامتها وقال: الله يدومها
ابتسمت بخجل ودندن فيصل؛ والله وتحقق منايا شوفوا حبيبي معااايا
ضمها له مرة ثانيه وقبل جبينها
عند نجلاء
اخذت جوالها ترفع لاذنها ترد: هلا يبه
عايض: نجلاء منتي جايه لعرس فيصل وحازم
توترت نجلاء وقالت: مهند ما يبي يوديني
استغرب عايض وقال: ليه ان شاء الله أقول تجهزي انا جاي اساسا امك تبيك
هزت راسها نجلاء وقالت: تم يا يبه
سكرت المكالمه تلتفت لمهند النايم وراحت تتجهز لين يجي ابوها
عقاب: يبه وين رايح تونا جينا
عايض: عندي شغله بسويها بعدين بجي
هز راسه عقاب وراح عايض لسيارته يحرك بسرعه
وصل بعد مده واتصل عليها وما ردت وكرر الاتصال لكنها ما ردت
نزل من السيارة من سمع صوت صراخ وكسر وركض للبيت داخل
نجلاء: ابعععد عنيييي ابعد
رفع سبابته وقال: انا وش قلت هاااا انا وش قلت ما بتروحين
بعدت عنه وقالت: مالك دخل ابوي يبيني تفهم
رفع يده بقوة يضربها كف يختل توازنها تطيح على
الأرض يضرب راسها مع حافة الطاوله يغمى عليها
عايض اللي ناظر الأمر من بدايته لين طيحتها وصرخ وقرب من مهند يلكمه بقوة وقال: كييييف تسويييهاا يا حيوااان ليه ترفع يدك عليها
التفت له بسرعه مهند وتفل الدم وقال بتلعثم: ع عم عمي لا تفهم غلط لا لا
ابعد عنه يدفه نزل لعند نجلاء يهزها وقال: نجلاااء يا بنتي تكفين قومي انا آسف يااا بنتي آسف
ضمها له بقوة تنزل دموعه ندم بشده على كل شي سواه معاها ولانه ما فهمها وخلى الشيطان والغضب يتغلب عنه وزوجها غصب هي الحين تعاني معاه
حملها بسرعه يخرج من البيت يتوجه لاقرب مشفى
نزل بها بسرعه وصرخ عليهم وحطها في الحامله يتبعها
دخلوا بها لغرفه العمليات ومنعوه من الدخول
جلس على احد الكراسي وحط يده على راسه بندم شديد على حالها
*************
القاعه
بدت مراسم الزواج وفرحة الاهل والاحباب والبنات اللي كل شوي يرقصون
ملاذ: بنات خلاص ما عاد بقوم معاكم
ضحكت نجد وقالت: رجولي توجعني
ليان: قسم بالله لو يعرف عقاب انك رقصتي بيقتلنا
اما فرح اللي كانت جالسه في الكوشه وصورت ليان ترقص وارسلت لسطام
التفتت للهنوف اللي دقت كتفها وقالت بهمس: حطي الجوال
فرح: اووف طيب ملل
المستشفى
رفع عيونه على طلوع الدكتور اللي قال: اب نجلاء
هز راسه ووقف وقال: تكفى لا توجع قلبي
ابتسم الدكتور وقال: الحمد لله البنت بخير صح انها نزفت كثير لكن الجرح ما كان كبير وهي الحين صاحيه وللي لاحظنا انوا نفسيتها وصحتها مدمرة تماما
سكر عيونه عايض يحمد الله وقال في نفسه: والله ما اخليك له يا روح ابوك انا آسف
عايض: طيب تقدر تطلع
هز راسه الدكتور وقال: ايوة لكن لازم تهتم في صحتها ونفسيتها كذلك لانوا يمكن تصير اي مضاعفات
هز راسه عايض وتوجه لعندها للغرفه
دخل والتفتت لناحية الباب تشوفه جاي لعندها جلس على الكرسي اللي جنبها ومسك يدها ونزل راسه
توسعت عيونها تقول من حست بدموع تنزل على يدها: يبه تبكي؟؟
رفع وجهه لها وقال: آسف يا دنية ابوك آسف والله اني ندمان
مسحت دموعه وقالت: لا تتأسف يبه لا انت ما سويت شي
عايض بأسى: صارحيني يا بنتي يأذيك صح عيشك في عذاب والله اني باخذ حقك منه بس قولي الصدق
نجلاء ببكي: يبه لا ما سوى شي بس انت لا تبكي ما اقدر اشوف دموعك غاليه علي يا يبه تكفى
عايض: اااااهخ يا بنتي ما اقدر اقولك قد ايش ندمان مدري وش صار لي انا آسف تكفين اسمحي لي واللي تبينه يصير
نجلاء: لا لا يبه انا ما ابي شي انت لا تبكي ترا ما صار شي عادي
عايض: وشو اللي عادي وانا اناظره يرفع يده عليك ويسبك ما عاش اللي يرفعها
قربت منه تبوس راسه وقالت: يبه تكفى امسح دموعك ما اقدر
مسح دموعه عايض وقال: زي ما اجبرتك عليه باخذك منه غصب والله ما ترجعين له
سكتت نجلاء تناظر فيه واستغرب من سكوتها وقال: وش فيك يا بنتي
سكت وقال بعدها: لا لا تكونين حامل منه
توسعت عيونها تقول: لا والله ما لمسني حتى يا يبه
ضمها له وقال بارتياح: انتي الحين بخير يوجعك شي
هزت راسها بنفي وقالت بضحك: بخير زي ما عهدتني يبه
بتس يدها وقال: الله لا يحرمني منك يا روح ابوك
********************
فرح: تكفووون ما ابي دموع
ضحكت نجد تضمها وقالت: لا لا حنا ما نبكي
ليان: مسويه نفسك ثقيله مو انتي اللي بكيتي قبل شوي على الهنوف
نجد: وش وش انا لااا
ضحكت ملاذ وقالت: اجحدي
العنود: وش عليكم منها تبكي ولا ما تبكي
ضحكت مريم وقربت من فرح تضمها وقالت: مبروك يا حبيبتي والله يخليكم مع بعض
ابتسمت فرح تسلم على البنات واللي اكيد لازم تصير دموع زي دايم
سياره فيصل
التفت لها وقال: تبين قهوة
الهنوف اللي كانت تطقطق في جوالها وقالت: اي والله
ضحك فيصل وشبك جواله بلوتوث وشغل اغنية وسحب جوالها يحطه عنده
التفتت له وقالت: فييييصل
ناظر فيها وقال: وش
تأففت وقالت: طيب كنت اكلم البنات
فيصل: ما شبعتي منهم
هزت راسها بنفي وقالت: لا
فيصل: حتى انا ما شبعت منك الصراحه
ناظرت فيه تضربه على كتفه وقالت: استحي على وجهك
ضحك وقال: خجلانه يعني
ضحك بزياده من ناظر ملامحها وقال: اوووف يا زينك يالخجلانه استحليتي القلب
صرخت بخجل: يكفيييي فيصل
سيارة عقاب
ام عقاب: وينه ابوك
عقاب: مدري طلع قبل ساعه
**************************
اعتذر عن التأخير ولا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني