من عيون الناس يا نجد اسرقيني

٣٠

بسم الله
لا تنسون تقيمون البارت تقديرا لتعبي
قراءة ممتعه
اعتذر عن أي خطأ إملائي بدر مني
***********************
بيت العم عايض
فتح الباب عايض وقال: يا هلا يا هلا ارحبوا
ضمته ليان وقالت: هلا يبه كيفك
ابعدت عنه تقبل راسه وقال: الحمد لله
تقدم سطام يسلم عليه وتوجهت ليان عند امها
ليان: هااااااي
رفعت عيونها نجلاء تقرب منها تضمها بقوة وقالت: اوهوو جايين بدري
ضحكت ليان وابتعدت عنها تسلم على امها عمتها وجدتها
منيفة: وشو اللي هاااي نقول السلام عليكم يا بنت
ضحكت ليان وقبلت راسها تقول: السموحه يا جده كذا جات من الحماس هههه
ضحكت نجلاء وقالت ليان: عمي ناصر ما جا
نجلاء: لا انتوا جيتوا بدري
ضحكت ليان وقالت: حسبت نفسي متأخرة
بيت ابو مهند
شموخ: انت منجدك تبي تخطب من بنات عايض
مهند: وانتي شدخلك يعني شدخلك
شموخ: تبيها تجي تسكن معانا معصي تسمع والله ما يطبون لبيتنا
مهند: انتي وش فيك عليهم
صبحيه: وش الصراخ ذا قسم بالله ليسمعه ابوكم بتشوفين شي ثاني
شموخ بانفعال وغضب: يمه يبي يخطب من بنات عايض
صبحيه: والنعم فيهم
شموخ: من جدك يمه
نواف: العني الشر يا بنت وش بينك وبينهم
شموخ: مااحبهم مااا احبهم افهموا
مهند: انا اللي بتزوج ما هوب انتي
عليا: انا أوافق شموخ الصراحه البنات غثيثات لدرجه
نواف: تراكم انتوا الغثيثات
وقفت شموخ بغضب وقالت: انت الغثيث يا تيس
وقف نواف وقال: وش قلتي
صبحيه: الله يهديكم بس
خرجت صبحيه والتفتت عليا توقف قدام نواف تقول: غلط غلط يا نواف غلطت ما كانت تقصد
شموخ بغضب: الا اقصد في غيره التيس هنا
مهند: العنوا الشر واسكتي يا شموخ
شموخ بحده: ماني بساكته لين يعتذر على كلمته
ضحك نواف وجلس جنب مهند وقال: قسم بالله يا شموخ اني لاكفر فيك انقلعي من هنا
عليا: خلاص شموخ يرحم امك خلاص الحين بيجي ابوي وجدي ويسمعون هواشكم
شموخ: تراه قايل علي غثيثه
نواف: شكلك ما تتقبلين الحقيقه
شموخ: لا ما اتقبلها يا تيس عندك مشكل
وقف نواف وقال: ترا صبري له حدود وانتي شكلك ما بتنقلعي من هنا
ناظرت فيه شموخ وقالت: لا
وقف يسحبها بقوة من يدها وقالت بالم: خلاااص يا تيس أوجعتني يا حيوان يبببببه
دفها داخل المخزن وسكر عليها بالمفتاح وقال: والله لو ما تعقلين يا شموخ لتشوفين اللي ما عمرك شفتيه
شموخ: طلعني يا حيوااان طلعنييي
عليا: تكفى يا مهند قوم طلعها قبل لا يعرف ابوي
مهند: مالي دخل خليها تتأدب
عليا: تراها تخاف الظلام
مهند: تستاهل
عليا: مو منجدك تراها اختك
وقف مهند وقال: ساعه ٢ صحيني
*******************
بيت العم عايض
العنود: السلام عليكم
التفتت ليان وقالت: جيتييي
هزت راسها بايه وضمتها ليان وقالت: حسبتك ما راح تجين لأنك ما جيتي للعرس
العنود: انا آسفه ما قدرت اجي بس الحمد لله ها أنا جيت اليوم
ليان: وحدك
هزت راسها بنفي واشرت بعيونها لأمها واختها اللي يسلمون
وقالت: والله ما اقول لك على السالفه اللي صارت بالبيت
ضحكت ليان وقالت: عادي المهم انتي بخير
ابتسمت العنود تتقدم من البنات تسلم عليهم
العيال
فارس: وينه خالد
تركي: راح الرياض عنده أشغال هناك
هز راسه فارس وقال تركي: متى ملكة فيصل وحازم
سطام: يقولون بعد يومين
هز راسه تركي وقال: يلا للمجلس نجلس معاهم
سطام: اي والله بيحسبونا منحاشين
البحر
عقاب: انزلي
نحد: اسمع لا تفلتني من يدك
عقاب: يا بنت بمسكك لا تخافين
نزلت الدرج اللي على اليخت وقالت: المويه بااارده
ضحك عقاب وقال: عادي حبيبتي تتعودين
ابتسمت نجد تنزل بكامل جسدها وتعلقت في رقبته وقالت: يا وييييلك يا عقاب
قاطعها وقال: والله ما اخليك خلاص يا بنت
ابتسمت تناظر في عيونه وقالت: شكلنا الوحيدين هنا
ضحك عقاب وقال: لو ما كنا الوحيدين ما كان خليتك تنزلي كذا
رمقته بنظرة وقالت: فكنا يا الغيور
ابتسم وقال: في احد ما يغار على اشيائه
ضحكت وقال بابتسامه: