من عيون الناس يا نجد اسرقيني

٢

تنحنح عقاب وقال: وانا شدخلني
زفرت ليان وقالت: يااا اخي تكفى طلبتك
رد عقاب: يصير خير
سكر عقاب قبل لا يسمع اي جواب و تنهد يتصل على عمه ناصر
ناصر: هلا والله بعقاب
ضحك عقاب وقال: هلا بك يا عم كيف الحال
ناصر : الحمد لله كيفك انت يا ولدي
عقاب: بخير الله يسعدك تنحنح عقاب وكمّل يا عم نجد جات عند البنات خواتي ويبونها تجلس معاهم وبجيبها معي بكرا
طال صمت ناصر لين قال: والله يا ولدي مدري شقول لكن دامك طلبتني فتم ولا تنسى تجيبها انت
رد عقاب: الله يبارك فيك يا عمي وابشر بكرا تكون عندك
سكر عقاب من عمه و ارسل لليان انها تبقى معاهم
********************
عند البنات
الجود: طيب انت ولا مرة تكلمتي معاه
ضحكت ليان وقالت: وشو اللي تتكلم معاه احنا وما يتكلم معانا قليييل وترى يا حبيبتي نجد بتنامين معانا
ضحكت نجد وقالت : قولي والله
ليان : والله قبل شوي حاكاني عقاب
توسعت عيون نجد وقالت: وشوووو عقاب
ضحكت ليان وقالت: ايه عقاب انا اللي قلت له
نجد: لا لا لا تكفيين
نجلاء: اسكتي انتِ وترى ما فيها شي خلاص لازم تتعودين وغمزت لنجد
قاطعتهم الجود وقالت: بنات عمه منيرة تقول رتبوا المجالس
ليان: ااااخ مافيني طاقة ابد
نجلاء: اي والله حتى انا
الجود: قومو الحين بيجون الرجال
تأففوا البنات وقاموا يفرقون على بعضهم
عند نجد
دخلت المجلس وبدت ترتب وتبخر المكان وتصنمت لما فتح الباب ودخل عقاب يكمل حكيه في الجوال
لكن وقف والتفت من شم ريحة عطر نسائي وشاف نجد قدامه بزينتها وشعرها الاسود وقف يتأملها وما قدر يصد ابدا وهو مو داري من هي اساسا لكن تذكر من قالت له ليان انو نجد معاهم قفل الاتصال عقاب و قال: نجد
تنحنحت نجد ما تعرف وش تقول ووش تخلي لأنها مثله مجبورين على بعض ،، ظلت نجد واقفة متصنمة مكانها وتشد في يدينها بقوة لين تقدم عقاب وقال بحدة : ناظري فيني
نجد ما قدرت ترفع عيونها صوبه لكن نطقت: جدتي تناديني اااابروح
تقدمت نجد تخرج ولكن مسكها عقاب ورفع وجهها لوجهه وقال: بتنامين عند البنات وبكرا بوديك
هزت راسها نجد واسرعت تخرج وهي خلاااااااص مو قادره تستحمل بدت تهف على وجهها تظن ان احمرار وجهها بيروح
************
عند عقاب
تنهد عقاب وحاول يطرد أفكاره من راسه تقدم صوب الهاتف المرمي على الأرض واخذه وفتحه وبسرعة سكره من شافها مصورة نفسها بفستان مخصر يبرز جسمها وانوثتها ودخله في جيبه يحاول ينسى شكلها
(في بيت الجد فلاح)
خديجة: انت متى ناوي تعرس الشيب عبى راسك
سطام: يا الغاليه انا جاي اسلم عليك وانت شقاعدة تقولين
منال: والله ما كذبتي يا عمتي
فرح: اي والله تكفى يا سطام نبي فعاليات
ضحك سطام وقال: يصير خير وانت شدخلك فموضوع الكبار
وقفت فرح وقالت: ماما اسمعيه وشقاعد يقول
وقف فيصل وقال: انا بطلع عندي شغل
التفتت فرح لفيصل وتقدمت له وقالت بدلع: حبيبي اخوي فيصل تدري انك احسن اخ
ضحك الكل وقال فيصل: اعجلي علي وش تبين
فرح: اسمع انا الحين بتجي الهنوف فبلييييييز ممكن تجيب لي اشياء من البقالة
فيصل: يا اخي الهنوف الهنوف نصبح ونمسي على الهنوف
ضحك سطام وقال: قريب تدخل كرت العائلة
ضحكت منال وقالت: اي والله قريب هههه
خزتهم فرح: طيب الحين وش قلت
فيصل: ابشري يا اخت فيصل ابشري
ضمته فرح وضحكت : احببببببه يا ناااس
بعد ساعة وصلت الهنوف واتصلت على فرح علشان تفتح لها الباب ،، تقدم فيصل وقال : آمري يا اختي تبين شي
طبعا الهنوف ما عرفته و فيصل ما عرفها
الهنوف: مين انتَ ووش تبي
فيصل: لا والله قدام بيتي وقاعدة تسألين
الهنوف بتساؤل: انت اخ فرح
ضحك فيصل وقال: ههههه لا تقولين انت الهنوف
خزته الهنوف وقالت بفخر: اييييه انا الهنوف
تقدم فيصل يفتح لها الباب وقال بضحك : أرحبي يالهنوف وخذي الأغراض وديهم لفرح معاك
دخلت الهنوف وبدت تعاتب فرح على الموقف اللي انحطت فيه
******************
في الديرة
عند البنات
ليان: بنات سمعت جدتي تقول ان شموخ جاية عندنا
نجد: لا لا تكفيين
ليان: اقسم بالله مدري وش تحب فيها جدتي
ضحكت الجود وقالت: تبيها لخالد يا بنات
انصدمت نجلاء وقالت: وشوووووو
ناظروها البنات وقالت نجد: وش فيك انتي
تدخلت ليان قبل لا نجلاء تجيب العيد وقالت: شموخ وخالد لا ابدا مين اللي يتزوجها ذيك لسانها أطول منها
استوعبت نجلاء وقالت: اي صح هذا قصدي
كملوا البنات سولف لين انفتح باب الغرفة
شموخ اللي وصلت قبل نص ساعة وجلست مع الجدة منيفة [طبعا شموخ بنت من بنات الديرة وتحب عقاب و تحاول تتقرب من الجدة منيفة لجله ]
شموخ: هاااااااي بنات انا جيت
ضحكت نجد وقالت: وليه جيتي
الجود : اجلسي يا شموخ وتكلمي بشويش فهد نايم
جلست شموخ وقعدت تناظر البنات تحت صمت لين نطقت ليان: ممكن نعرف وش تبغين
ضحكت شموخ وقالت: لا بس جيت اشوفكم وحشتوني
ضحكت نجلاء وقالت: حتى احنا وحشتينا ما يمر اليوم الا وندعي عليك
ضحكت نجد وقالت: يا نجلاء تقصدين ندعي معاها هههه
خزتهم شموخ وقالت: بنات عقاب موجود
وقفت نجد وقالت بحده: وش تبغينه
ضحكوا البنات و حست نجد بشعور غريب كيف وحدة تسأل عن زوجها لا وقدامها كمان
ضحكت شموخ وقالت: وانت ليه تسألين المهم انا بروح بااااااي
خرجت شموخ وهي تضحك ووقفت نجد وقالت بحدة: وش تبغاه
ضحكت ليان وقالت: يا الغيورة اجلسي
نجد: وشو اللي اجلس من جدك وحدة تبحث عنه تسأل عنه قدامي و اسكت ااااابد
ضحكوا البنات وقالت نجد بحدة: والله ماااااا يضحك
الجود: وانت شدخلك
نجلاء: ايه مين هو بالنسبة لك لتوقفين تصارخين علينا لجله
نجد اللي صرفت الموضوع وجلست وقالت بصوت هادي: لا بس يعني خلاص يا بنات مو معقول
ليان غمزت نجد وقالت: ليه تحبينه
ضحكت نجد وقالت: من جدك لا بس يعني هو خلاص صار زوجي اكيد ابحس انه لي وما ابغى وحدة تسأل عنه
ضحكوا البنات وقالت الجود: ابد تعرفين شموخ تحبه من وهي صغيرة وما تدري انه مملّك عليك
نجلاء: والله ليت ملاذ جات
نجد: والله اني قلت لها تعالي بس تعرفونها انتو ما تحب تطلع من البيت
ليان: ابمووت من الجوع يا بنات
الجود: من جدك قبل شوي تعشيتي
ليان: حبيبتي انا كل ساعه اجوع
نجد: والله حتى انا
وقفت ليان وقالت: تعرفين اني احبك
ضحكت نجد وقالت: ههههه ايه اعرف وما بسوي اي شي يا تسوين معي يا ما اسوي
ليان: بليييز والله تعبانة ومشتهيه معكرونتك ذيك اللذيذة
ضحكت نجد وقالت : اوك بشرط
ليان : والله اللي تبغينه بسويه لك
نجد: اجل يا حبيبتي لما ارجعبتروحين المجلس تجيبين تلفوني
ليان: اوك بس سوي لي اكل