من عيون الناس يا نجد اسرقيني

٢٤

بسم الله
لاتنسون تقيمون البارت تقديرا لتعبي
قراءة ممتعه
************************
قرب منها زياده وقال: ريحتك تجنن
ليان بتوتر من قربه الشديد وهمسه قالت: سطام ابعد
رفع عيونه على ثغرها وقالت: لا يا سطام ينتظروني تحت خليني انزل
شدها من يدها يرجعهم ورا يحاصرها وقال: ما تروحين لين آخذ اللي ابيه
ناظرت في عيونه اللي مركزة على ثغرها ومسكها من فكها يقبلها بعمق ، رفعت ذراعينها تحاوط رقبته ابتعد عنها من حس انها تحتاج نفس يمسك وجهها بكفوفه وقالت: ابعد عني الحين
ضحك وقال بخبث: لسا ما شبعت
انصدمت من جرأته وقالت: البنات ينتظروني وانا تأخرت سطام ابعد
ابتسم وابتعد عنها يفتح الباب يشوف خلو المكان وقال وهو صاد عنها: يمديك تروحين الحين
خرجت ليان واسرعت تدخل ثاني تقبله قبله خفيفة على خده وخرجت تنزل عند البنات
نزلت وجلست جنبهم وقالت نجد: ساعه
رمقتها ليان بنظرة وقالت: عطوني أوراق العب معكم
وزعوا البنات يكملون لعب وسوالف
****************************
المول
خرجت ملاذ من المحل والتفتت لمحمد الجالس وقالت: تعبتني زوجتك
ضحك وقال: ليه
ملاذ: كل ما اوريها فستان تقول لا ما عجبني لونه خايس رجولي صارت منفخة من كثر المشي
خرجت الجود من المحل والتفتت لملاذ اللي زغرطت بشويش وقالت: وأخيرا اشهد يا تاريخ الجود اختارت
الجود: حبيبتي تبيني اشتري اي شي كان اكيد لا ضروري يعجبني
وقف محمد وقال: وش باقي لكم
ملاذ: انا لازمني كعب
الجود: وانا
مسكت الجود يد فهد اللي جا عندها وكملوا يتقضون للعرس
ملاذ: انا بروح الحمام واجيكم
هزت راسها الجود وقالت: حنا في هذا المحل لا تبطين
توجهت ملاذ للمغاسل وبعد دقايق طلعت والتفتت للي قال: الله وش الجمال ذا
رمقته بنظرة وطنشته لكن رجع وقال: ااااخ يا النظرة
رفعت عيونها بحدة وقرب منها يقول: اعطيك سنابي نتواصل تراني طيار وابي اتزوج
بعدت عنه وقالت بحده: ابعد يا حيوان وسكر فمك لاجمع خلق الله عليك
ضحك وقال: اح قوية قوية
قرب منها وبغى يمسكها من يدها لكن طاح من ضربه على وجهه يلكمه بقوة وقال: ايا الخسيس ما تخاف الله
كح بقوة ووقف وقال: وانت شدخلك من انت اصلا
وقف قدام ملاذ يخليها وراه وقال: مالك دخل من اكون والحين انقلع
ناظره وزفر وابتعد عنهم التفت لملاذ وقال: جاية وحدك
ناظرته وقالت: انت اخو العنود
هز راسه وقال بغضب: ليه خليتيه يكلمك
توترت واستغربت من انه عرفها وقالت: ما خليته هو اللي تكلم
فارس بحده: لا تعطينه مجال ابدا
ملاذ بانفعال: اساسا ليه تحاسبني من انت حتى تصارخ علي
ناظرها وقال: بتعرفين قريب
ابتعد عنها يمشي في طريقه ينتظر العنود وهي كذلك اللي توجهت عند الجود
************************
هزت راسها بنفي واكمل كلامه: يبونك لولدهم نايف على سنه الله ورسوله
فتحت عيونها بصدمه كونها ما صدقت انه بيسويها صدق وفي ذي الفترة الوجيزة
نزلت راسها وقالت: اللي تشوفه
هز راسها بيده وقال: انا والله اني اقول ما بتلقين احسن منه وقف معانا وساعدنا ورجال والنعم به
مريم بخجل: اجل إذا كان كذا وانت موافق فانا موافقة
ضمها لصدره وقال: اعرفي اني مابعطيك للرايح والجاي وانا ما قلت كذا الا واني اعرفه واعرف ابوه
ابتسمت وابتعد عنها وقال: اجل اعلمهم انك موافقة
نزلت راسها بخجل وفهم منصور انها خجلانه وقال: اجل ادخلي يا بنتي
دخلت الصاله وقالت ام نايف: اجل وش قلتي يا بنتي
ابتسمت بخجل وفهموا انها وافقت وضمتها الهنوف اللي قالت: وأخيرا بيجينا فرد جديد
ضحكت هيام وقالت: ابعدي عنها كتمتي البنت
ضحكت ام نايف وقالت: الله يجمع بينكم ويخليكم لبعض
المجلس
دخل منصور وقال: البنت موافقة
ناظر حازم في نايف اللي ابتسم رغم انه كان داري بموافقتها ووقف يصافح منصور بعد مصافحته لابوه
ابو نايف: اجل نخلي الملكه بعد يومين وش رايك
انصدم منصور لكنه قال من شاف فرحتهم: ابد اللي تشوفه يا مساعد
******************************
المغرب
ركب موتره عقاب من اتصلت عليه نجد يروح يجيبهم من بيت العم طلال
وصل واتصل عيلها يعلمها انه برا خرج سطام من شافه عبر الدريشه
نزل عقاب وسلم عليه واخذتهم السوالف لين خرجوا البنات
ركبوا السيارة وقالت ليان: نجد انزلي ابي اجلس قدام
التفتت نجد وقالت: والله ما تجلسين
ليان: لا تحلفين قلت انزلي
ضحكت نجد وقالت: بصفتك مين حبيبتي
ليان: انا اخته انزلي بلا مشاكل
نجد: وانا زوجته
قاطعتهم نجلاء اللي قالت: اسكتي هذا هو جاي لا يسمعكم تتهاوشون
ركب عقاب والتفتت نجد تناظر في ليان وتبتسم بخبث
ليان بقهر: عقاب تكلم مع حرمك
التفت لها وقال: ليه وش صار
ضحكت نجد وقالت: مدري انا ماسويت لها شي
ليان: نجد اسكتي رفعتي ضغطي
عقاب: وش سويتي لها
ابتسمت نجد تقول ببراءة: انا لا ما سويت لها شي
ليان: تراك غاثتني من الصباح والحين تناظريني كذا
ناظرتها نجد وكتمت ضحكتها ودقت نجلاء ليان برجلها وقالت بهمس: اسكتي ولا بيلعن خيرك انت وهي
ناظرتها وصدت تناظر في الشباك
التفت عقاب لنجلاء ورفع حواجبه بمعنى وش فيها لكنها قالت: ولا شي شكلها النفسيه خربانه
ضحكت نجد والتفت لها عقاب بحده وقالت: ماقدرت امسكها
ابتسم من ضحكتها وتنحنح يتوجه للبيت
العشاء
المطبخ
الغاليه: ابوي يقول بنتعشى في الحوش
دخلوا البنات بعد ما وصل عقاب وقالت منيرة لنجلاء: نجلاء روحي ضبطي الجلسه في الحوش بنتعشى هنيك
هزت راسها والتفتت لليان وقالت: لا تنزلين عباتك و تعالي ساعديني
تأففت ليان وخرجت تساعدها
دخلت نجد المطبخ وقالت: وش طابخه يا خالتي
منيره: كبسه يا بنيتي
نجد: اشم ريحة بصل
الغاليه: اي انا اقطعه للسلطة
دخل عقاب وحب راس امه وعمته وشاف نجد اللي تحاول تنظم أنفاسها قرب منها وقال: وش فيك
نجد: مدري
الغاليه: وش فيك يا يمه
نجد: مدري في ريحه
سكرت عيونها وقالت بهمس لعقاب: خرجني من هنا بستفرغ
عقاب: انت من جدك ما في اي ريحه
ناظرته واسرعت تخرج من المطبخ دخلت الحمام وغسلت وجهها تحاول تنظم أنفاسها وقالت: معقول منه اي صح يمكن
دخل عليها وقال: يا بنت وش فيك
مسحت وجهها وقالت بتوتر: لا ولا شي يلا انا بروح اساعد البنات
عقاب بحده: البسي جلالك
ابتسمت وقربت منه وباست خشمه وقالت: احبك يا الغيور
تنحنحت ليان وقالت: مو وقت رومنسيتك الخايسه تعالي ساعدينا
ضحكت نجد بفشله وقالت: انا جايه
زفر عقاب من تغيره الواضح وأخواته اللي صاروا يتكلمون معه عادي وما عادوا يستحون منه ولا يخافون
جلسوا الحريم في جهة والرجال في جهة معطينهم ظهرهم عشان ياخذون راحتهم وبدوا يتعشون
سمت بالله نجد ومدت لها السلطة نجلاء تنهدت نجد من شمت الريحه وقالت: بسم الله
اخذت ملعقة من السلطة تقربها من فمها لكن توقفت من ماقدرت تقاوم الريحه وحطت الملعقة وقالت لليان: مويه مويه
مدت لها ليان وقالت: وش فيك
نجد: تكفون بعدوا عني السلطه ريحة البصل قوية
نجلاء: وش فيك انتي انهبلتي دايم تاكلينه
نجد: مدري ريحته جابت لي الغثيان
تنهدت وبدت تاكل معهم وكل شوي توقف تاخذ نفس وترجع تاكل
وقفت عن الأكل وقالت نجلاء: انتي فيك شي
مسحت فمها وقالت: خلاص الحمد لله شبعانه
منيرة: وشو شبعانه ما اكلتي شي
نجد: لا والله يا خالتي خلاص ما في مكان ازيد فيه ولو لقمه
******************************
الصباح
فتحت عيونها نجد وقامت من فراشها تدخل الحمام
خرجت منه ولبست جلالها تخرج من الغرفة او بالأخص الجناح
وقفت عند الدرج والتفتت لليان اللي قالت: صباح الخير يا شيخه
ابتسمت نجد وقالت: صباح النور
حطت رجلها على الأرض بدون لاتنتبه وشهقت من طاحت لين وصلت لتحت واسرعت تنزل ليان وصرخت: عقااااااااااب
عقاب اللي كان يسولف مع ابوه وجده برا لكن استوقف كلامهم صراخ ليان وأسرع يدخل داخل وانصدم من نجد الطايحه على الأرض
قرب منها وقال بحده: وش فيها
ليان بتلعثم: كااانت تكلمني وطاح ت
فتحت عيونها نجد وقالت بصعوبة: في شي في الارض
ناظرت ليان للارض وشهقت وقالت لعقاب: تنزف عقااب نجد تنزف
منيرة: يا ويلي وش فيها
نجلاء: يمه استهدي بالله ما في شي
مسكها عقاب يرفعها من الأرض وتمسكت فيه نجد بألم وهمست له وسط دموعها والمها ورعبها من فقدان جنينها وقالت: عقاب تكفى ولدنا يا عقاب لا يروح
**************************
بيت العم مساعد
الهنوف: يبه قول لحازم يوديني عند فرح
التفت مساعد لحازم اللي يتقهوى وقال: وش فيك انت ما تودي اختك
حازم: يبه والله تعبان ما فيني حيييل
الهنوف: يبه كذاب والله
مساعد: أقول قوم ودي اختك
ناظرها حازم وهو يتوعد فيها ووقف يحب راس ابوه وقال: سم يبه
خرجت من المجلس بسرعة وتبعها حازم ومسكها من شعرها وقالت: اااح يا حيوان شعري
خفف مسكته وقال: اجل تقولين لأبوي
ضحكت بألم وقالت: حلي الوحيد
حازم: الحين تكنسلين ما بوديك
ناظرته وقالت: والله بقولها لأبوي ابعد عني ولا بصرخ
ضحك وقال: صرخي يلا
فتحت فمها تصرخ وأسرع يحط يده وقال: مجنونه انتي تبينه يكفخنا
عضته من يده واسرع يبتعد عنها ومسك أصبعه وقال: تعضين يا الكلبه
الهنوف وهي تعدل شعرها: انت الكلب يا حيوان
أسرعت تركض تهرب منه من شافته يلحقها
خرج نايف من الباب وطاح على الأرض من ارتمت الهنوف عليه وقال بالم: الله يلعن ابليسك يا بنت وش فيك انجنيتي
الهنوف بالم: اااااخ ركبتي يمهه
نايف : قومي قتلتيني قومي
وقفت الهنوف وقالت بالم: ليه خرجت بسرعه لييه
شهقت من شافت حازم اللي وقف جنبها وقالت: تكفى خلاص حازم ماعاد ابيك توديني خلاص
حازم بضحك من منظرهم: وش فيكم
نايف: الحيوانة كنت ابي اطلع وهي كانت داخله بسرعة وانا ما شفتها وطاحت علي
الهنوف: ركبتي توجعني
وقف نايف وقال: لازم تنقصين من وزنك
شهقت الهنوف وضربته على كتفه وقالت: وش تقصد يا حيوان
ضحك وقال حازم: اشوف ركبتك توجعك كثير
ابتسمت وقالت: لا عادي خفيفه
*****************************
آسفة على التأخير بنات لكن ان شاء الله بحاول اعوضكم
لا تنسون تقيمون البارت وتعطوني ارائكم
اعتذر عن أي خطأ إملائي بدر مني
قراءة ممتعه🫶🫶