بسم الله
لاتنسون تقيمون البارت تقديرا لتعبي
قراءة ممتعه🫶🫶
*************************
المستشفى
نزلت نجد من السيارة والتفتت لمحمد اللي قال: اسمعي انا بروح اجلس في كوفي لما تخلصين ناديني
هزت راسها تدخل للمستشفى، جلست على احد الكراسي تنتظر دورها
************************
بيت العم عايض
المجلس
الغاليه: يعني عقاب جاي بكرة
هز راسه عايض وقال: كلمني قال بيكون لكرة
منيرة: اجل نصلي العشاء وتودينا للسوق
التفتوا لليان اللي جلست جنبهم وقالت: بنروح السوق اليوم ليه
نجلاء: الأسبوع الجاي عرسك يا حبيبتي
كحت ليان وقالت: وش من جدكم لسا ما تجهزت ولا شي اجلوه
ناظرلها عايض وقال: الوقت مكفيك يا ليان و انا تكلمت مع الرياجيل انتهى الموضوع
وقفت ليان وقالت: لما تروحون صحوني
خرجت من المجلس وتوجهت لغرفتها تتصل عليه
رد وقال: هلا باللي له الخافق يهلي
ابتسمت وسرعان ما قالت بحده: اجِّل العرس
ضحك وقال: اجل علموك
ليان: اي وانا مو مستعده ابدا
سطام: وشو اللي مو مستعده مالي دخل انا ابوك وابوي حددوا واخذوا موافقتي اساسا اتفقنا بعد رجعه عقاب
ليان: وانا ليه ما تسألون عن رأيي
ابتسم سطام وقال: يمديك يا ليان تتجهزي لا تكبرين الموضوع
ليان بحده: اجل انا اللي تكبر المواضيع
ضحك وقال: اسمعي ترا مشغول وقاعد اكلمك
ابتسمت ليان من انه خصص لها وقت وسط شغله والضغط اللي عليه وقالت: ليه تكلمني كذا
استغرب وقال: كيف يعني
ليان: مدري بس خلاص انسى
قفلت الخط وقالت: حيوان صدق
ابتسم و التفت يكمل شغله
*********************
الرياض
في أحد بيوت اللي استأجرها منصور
جلست جنبه وكبت له فنجان شاهي وقالت: سمّ بالله يا يبه
أخذه من يدها وقال: بسم الله
ابعد الفنجان على ثغره وقال: بكرة بيجينا العم مساعد
ناظرت فيه وقالت: ليه
منصور: مدري زيي زيك خبرني وقال انه بيجي
مريم: حياهم
منصور: محتاجه شي
مريم: لا ما أظن اساسا رحت مع البنات المول
هز راسه مساعد يشرب شاهيه
بيت العم مساعد
جلست الهنوف جنب حازم اللي ياكل وقال لها: من كان عندكم البارح
الهنوف: صحبتي فرح ليه
ناظرها وقال: لا ولا شي بس سألت
الهنوف: بتوديني لها بكره تسمع
هز راسه حازم وقال: بتكلم معاك بموضوع وخليه بيننا تسمعين
تعدلت في جلستها وقالت بحماس: ولا يهمك قول
تنهد حازم وقال: كيف شخصيتها
الهنوف: من فرح
هز راسه حازم وقالت: فنااانه حلوة البنت لطيفة وحبوبه ومرره خجولة سكتت فجأة وقالت: ليه تسأل
صد عنها وقال: فضول
قربت منه وقالت: فضووول اجل
حازم: احترمي نفسك وقومي انقلعي عني
ضربته في كتفه وقالت: انا الخبله اللي جايه جنبك
وقفت تبتعد عنه تدور على احد ثاني تحارشه
شقة فارس
دخلت المكتب وقالت من لاحظت توتره وارتباكه: وش كنت تسوي
حط الجوال في الدرج وقال: هااا لا ولاشي
ناظرت فيه بشك وقالت: متأكد
ضحك ووقف واتجه نحوها وحاوط كتفها وقال: وش سويتي لنا في الغداء
ابتسمت وقالت: كبسه يحبها قلبك
خرجوا من المكتب وقال: الريحه تشهي
العنود: طبعا انا اللي سويتها
ابتعد عنها يجلس في الطاولة وقال: الثقه يا ناس
ضحكت وجلست قدامه وقالت: وش اصب لك
رد بدون لا يناظرها: عصير برتقال
صبت له وحطت الكأس جنبه وقال: بسم الله
**************************
بيت العم عايض
العشاء
وقفت نجد وقالت: الحمد لله
نجلاء: والله صرتي تاكلين كثير
رمقتها نجد وقالت: اذكري الله يا شيخه
ضحكت نجلاء وقالت: ما شاء الله
الغالية: وش تبين فيها خليها تاكل اللي تبيه
ضحكت نجلاء وقالت نجد: انا بروح انام تعبت
خرجت ليان من الصاله وتوجهت للجناح دخلت الغرفة ولبست بجامه خفيفة وشدت لحافها تتفقد جوالها كم لها تنتظر رسايل منه واتصلات تنهدت وقالت: يمكن مشغول انسي يا نجد
ضحكت بسخرية وقالت: اي مشغول وهو دايم يكلمهم
زفرت بقوة تستسلم للنوم
بعد مده
فتحت عيونها بقوة من حست بأيدي حاوطتها من خصرها وقالت في نفسها: أعوذ بالله
تشجعت والتفتت بعيونها وسرعان ما فزت من لمحت شخص نايم جنبها وقالت بتقطع: م ن انت
التفتت للكوميدينه اللي جنبها تفتح الضوء والتفتت ثاني تشوفه مبتسم يناظرها
سكتت وضلت تناظره بعيونها اللي نزلت منهم الدموع وقرب منها و مسح دموعها بابهامه وقال: وش مزعل حرم العقاب
ناظرت فيه واسرعت تبتعد عنه توقف وقالت: ابعد عني
وقف قدامها وقال: نجد
تقدمت منه تضرب صدره وقالت: الحين تجي يا عقاب الحيين
ضمها له بقوة وقالت: ليه يا عقاب ليه سويت فيني كذا اتصل عليك وأرسل لك ولا تجاوبني ليه يا عقاب خليتني عايشة فقلق اخاف يكون صار لك شي وانا دايم اقول بيتصل علي يسأل عن اخباري ليه يا عقاب رحت وما ودعتني حتى كلمه انا رايح ما خسرتها علي ليييه
اكملت كلامها تنهار بالبكي وقال: آسف والله اني آسف
نجد بحده: لا تتأسف لا تتأسف
شدها بقوة وقال: والله اني آسف سامحيني لو قسى قلبي عليك والله مو قادر اشوف في وجهك داري اني قصرت معاك والله اني آسف
ابتعدت عنه وقال: نجد ناظريني
ناظرت فيه ومسح دموعها اللي تنزل وقال: والله اني جيت لاني ماقدرت أكابر حاولت اني انساك لكن والله ما في يوم نمت فيه الا وعندي اخبارك راضي بزعلك ولك الحق
اكمل كلامه يقول: والله اني وعدت نفسي ما اجيك لكن ما قدرت دامك استوطنتي القلب ونهبتي العقل
ما قوّيت ابعد اكثر جيتك وانا ذابحني الشوق وكل التفكير فيك
ناظرت فيه وضمته بشدة تقول تتناسى قلقها عليه وتجاهله لها تخضع له اسبوعين وهي تنتظر ذي اللحظة: وانا ذبحني الشوق يا عقاب
ابتسم وحاوطها وقال بهمس في اذنها:
أنت تقرأ
من عيون الناس يا نجد اسرقيني
Romanceمكتمله رواية: "من عيون الناس يا نجد اسرقيني" للكاتبة: بنت محمد اول رواية لي اتمنى تنال اعجابكم لا تنسون ذكر الله
