من عيون الناس يا نجد اسرقيني

٤

الصباح
بيت الجد ابو عايض
عايض: يالله طولوا ذول
خرجوا ليان ونجلاء من الباب واتجهت ليان تحّب راس جدها
ليان: اسفين يا جدي
ابو عقاب: أقول اركبوا تأخرنا
ركبوا ليان ونجلاء لسيارة عقاب وابتسمت نجلاء من سمعت ضحكة خالد الجالس قدام
ليان بهمس : ترا اشوف ابتسامتك ورا النقاب
قرصتها نجلاء وقالت: انطمي احسن لك
ناظر عقاب البنات من المراية وقال: لا يكون نسيتوا شي
هزت راسها نجلاء بنفي وحرك عقاب ورا سيارة ابوه
***********************
عند بيت الجد فلاح
غرفة فرح
الهنوف: احس انو ابوي مو راضي
تنهدت فرح وقالت: يا ليل الليل ترا اذا ما تبين تروحين معي قولي
الهنوف: مدري ما بي أثقل عليكم
فرح: منجدك أقول اعجلي ترا يستنونا تحت
نزلوا البنات تحت وركبوا السيارة مع فيصل و سطام
فيصل: وش ذا التأخير
فرح: أقول حرك قبل لا أعلم ابوي
سيارة العم صالح
الجد فلاح اللي يكلم الجد مسفر
فلاح: مدري لسا نص ساعة ونوصل
مسفر : المهم اذا وصلتوا كلمني ترانا في الفندق
فلاح: ابشر يا ابو عايض
***********************
في الفندق
وصلت سيارة عقاب وابوه و العم ناصر
نزل ناصر من السيارة والتفت لعقاب وقال: يا هلا بالنسيب
ابتسم عقاب وقال: كيفك يا عم
رد: بخير يا ولدي كيفكم انتم
عقاب: الحمد لله
طلعوا البنات لغرفة نجد ودقوا الباب
فتحت احلام الباب وقالت : يا هلا يا هلا
ابتسمت نجلاء وسلموا وقالت ليان: وين البنات
احلام: في الداخل
دخلوا البنات وقالت ليان: هااااااي
التفت فهد وضحك وقالت ليان : يا حبيبي اللي فرح بشوفتي
أسرعت ليان تبوسه وقالت نجد: خييير ترا اظن جاية تشوفيني
ضحكت ليان و باست خدها وقالت: أقول خلي غيرتك ذي لزوجك يا عروسة
تنهدت نجد وقامت ملاذ تفتح الباب وقالت نجلاء: مين
نجد: الكوافيرة
قامت نجلاء وقالت: يا ويلي نسيتها يلا باااي يا عروسة حنا بنروح نتجهز
ضحكت ليان وغمزت لنجد وخرجوا وبدوا البنات يتجهزون
عند العيال في الحلاق
خالد اللي وجه كلامه للحلاق وقال: يلا يا اخوي نبيك تضبطه تراه عريس
ضحك الحلاق وقال عقاب معير للموضوع: يا خالد اتصل على تركي
محمد: تدرون اني نسيته
خالد: ما تنلام ترا اظن شهرين ما شفناه
سطام: ايه والله
اتصل خالد على تركي ورد تركي وقال: خلاص قربت قربت
ضحك خالد وقال: زين زين
وصل تركي ودخل والتفتوا له العيال وسلموا عليه وقال سطام : وحشتنا يا حيوان
ضحك تركي وقال: افا صرت حيوان كمل كلامه موجهه لعقاب ، والله وصرت عريس بكرا نشوف أولادك
ضحك عقاب وقام من كمل الحلاق شغله وقال: طولت الغيبه
محمد: يا عقاب ليه ما تقول وحشتني وخلاص
ضحكوا العيال و خرجوا يكملون التجهيزات
عند الجد ابو عايض
دق تركي الباب وقام ابو عقاب يفتح
أسرع تركي يحب راس ابوه وقال: آسف يا يبه على الغيبه والله حقك علي
حضنه عايض وقال: معذور يا ولدي كيفك
ابتسم تركي وقال: والله اني صرت بخير بشوفتك
ضحك ابو عقاب وقال: ادخل سلم
دخل تركي وسلم على جده والجد فلاح وعمه صالح وعمه ناصر وقال الجد مسفر: ابطيت علينا يا ولدي
ضحك تركي بخفة وقال: اسف والله ترا بصعوبة اخذت اجازة لكن عندي لكم بشارة
العم ناصر: وش هي
تركي: نقلت لمشفى أقرب يعني ابرجع لكم
ابو عقاب: احسن ما سويت يا ولدي
دخلوا العيال وسلموا واتفرق كل واحد فيهم يكملوا تجهيزات
بعد العصر قريب المغرب
في جناح البنات
غرفة نجد
احلام: يلا يا بنات ابوكم يحترينا تحت
ملاذ: يا ماما ما شفتي السلسال
احلام: الاّ في الحمام شفته
الجود: ملاذ كلمي محمد لا ينسى ثوب فهد
ملاذ: اوك
في غرفة فرح
فرح اللي خلصت مكياج والتفتت للهنوف: كييييف
قربت منها الهنوف وقالت: حلو المكياج ليتك سويتي لي يا حيوانة
فرح : أقول روحي بس كملت كلامها تنادي امها،، ماما نلبس الحين ولا حتى نروح للقاعة
دخلت منال وقالت: ليه الصراخ أقول البسي الحين احسن
هزت فرح راسها وقاموا يلبسون
********************
وصلوا للقاعة ، ودخلت نجد للغرفة وراحوا الحريم يستقبلون الضيوف
عند الرجال
لبس عقاب بشته ، لبس ساعته، حط من ريحته وخرج وشاف جده قدامه
الجد ابو عايض: وقف يا عقاب
التفتت عقاب لجده وقال بهدوء: سم يا جدي
قرب الجد من عقاب وقال: آسف يا ولدي لكني ابيك تتزوج يمكن اللي سويته غلط لكن مع مرور الوقت بتشكرني
عقاب بهدوء: تبي الصدق يا جدي والله اني ما حبيت يوم حطيتني في ذاك الموقف لكني ما قدرت امنع اي شي انت اعلم بمصلحتي لكن لو شاورتني كان بيكون احسن من كذا
الجد ابو عايض: والله مدري وش اقول لك يا ولدي مالي عذر غير اني ابي اشوف خلفتك وعيالك قبل لا اروح للي ارحم مني ومنك
تقدم عقاب وحب راس جده وقال: معذور يا جدي ولا تقول ذا الكلام و إن شاء الله بتشوف حتى عيال عيالي بإذن الله
***********************
خرجت نجد من الحمام وهي لابسه فستانها الأبيض عاري الاكمام مبرز لنحرها لابسة عقد الماس يشعشع نوره بنحرها مع الطرحة المطرزة بالالماس و الكريستال اللي يشع من بعيد ومكياجها الخفيف مبرز لملامحها الجميلة الناعمة كانت نجد خايفة من مستقبلها معاه ما تدري هل بيسعدها في حياتها ولا بيكرّها في نفسها تبين لعائلتها انها مبسوطة لكن في داخلها خايفة من كل شي تحس انها صغيرة بالنسبة له تشوف فرحة عائلتها فيها وتصبر هي فرحانة نسبيا بسبب تغير ابوها
دخلوا البنات بعد ما دقوا
توسعت عيون البنات من طلتها كانت فعلا آية من الجمال
ليان: امسكونييي يا بناااات
ملاذ: تجننييييييين
الجود: والله انا خقيييت افكر وش بيسوي عقاب لما يشوفك
توسعت عيون نجد وقالت بخجل: خلاص بنات وربي خايفة
تقدموا البنات يحضنوها،،
ملاذ: والله انك طالعه تهبلين
تنهدت نجد وقالت بنبرة خوف : مقدر مقدر يا بنات قولو لهم نامت قولو أي شي تكفوووون
كملت كلامها وجلست على الاريكة وبنفس الوقت دخلت أحلام
أحلام: بلا يا بنات اطلعوا بيجوا الرجال يسلمون بعدين عقاب
نجد: يا ويلي يا يمه مقدر احس اني بطيح من كثر التوتر
قربت منها ليال وحضنتها وقالت: لازم تفرحين اليوم هذا يومك وطبيعي تتوترين وكملت بهمس لاتخافين ترا عندي احساس انك انت اللي تقدري تغيري عقاب
خرجوا البنات من عند نجد وتقدموا الرجال يدخلون
ناصر اللي دمعت عينه: يا ما شاء الله تقدم يحضنها ويبوسها وكمل: وش ذا الزين بالله وين كنت انا زمااان
دمعت عيون نجد وقالت: خلاص يا يبه لا عاد تتذكر الماضي
تقدموا أعمامها يسلمون وجدها
ابو عايض: الله يبارك لكم ويسعدكم في حياتكم يا بنتي
تمتم الكل بأمين ودخل وقال ناصر: بيدخل عقاب الحين يا بنتي ولا تخافين اذا توترتي فرا عادي شي طبيعي بس لازم تتذكرين انك بنت ناصر أنهى كلامه يغمز لها
خرجوا الرجال ودخل عقاب وقفل ناصر الباب خلفه
احمرّ وجه نجد بخجل من طاحوا عيونه عليها تقدم لها وقال بابتسامه: حيّ الله بنت ناصر
زاد احمرار وجهها من سلم عليها خدادي وحاوط خصرها وشدها له وقال: دامك على ذمتي فمافي الا ابشري وآمري وتذكري اني آخر واحد يمكن يأذيك يمكن نكون مجبورين على بعض لكن وشهد علي الله ما برضى عليك الضرر
دمعت عيون نجد من كلامه وقالت بهدوء: بتدخل المصورة الحين
ابتعد عقاب والتفتوا على دخول المصورة وقالت: عسى ما تأخرت
هزت راسها نجد بنفي وقالت: لا
بدأت المصورة تشرح لهم بعض الوضعيات اللي خلت نجد ميتة خجل اما عقاب اللي مخدر من ريحتها ما يعرف وش اللي قدامه ملاك ولا انس ولا وش
**********************
نجلاء: بنات ابي آكل
ليان: اجلسي احسن لك
نجلاء بملامح حزن: ما قدر بطني تقرقر لسا ساعة ويحطون العشا
تنهدت ليان وقالت: يا خي روحي كلي ليه جاية تزنزين عند راسي
تأففت نجلاء وقامت متوجهه للمطبخ
الهنوف: بنات وش فيها ذيك قاعدة تناظرنا كذا
الجود: والله لو شافتها نجد تقتلها
ضحكت فرح وقالت: ليه وش سوت لها
قالت ليان بغنج: بنات عقاب موجود
ضحكوا البنات الا الهنوف وفرح اللي ما فهموا وش تقصد ليان وقالت فرح بنرفزة: أقول علمونا عشان نضحك معاكم
ملاذ: انا اللي اعرفه انو ذي اسمها شموخ وفي مرة جات عند جدتي وطلعت عند البنات وقالت لهم بنات عقاب موجود وعصبت عليها نجد وقالت لها وش تبغينه
ضحكت الهنوف وقالت: المسكينة كانت تحبه
فرح: والله وغيورة نجد
ضحكت ليان وقالت لها: اسكتي قبل لا تسمعك وتكمل عليك
*************************
عند نجلاء في المطبخ
نجلاء: يا ليل الليل حتى العشا ماهو بموجود
دخلت العاملة وقالت: ماما تبى شي انت
لفت نجلاء وقالت: في اكل
هزت العاملة راسها بنفي وقالت: في فالبوفيه بس في بابا هناك
أسرعت تخرج نجلاء من سمعتها تقول انو في اكل في البوفيه لكن ما ركزت على كلامها الاخير
توجهت نجلاء للبوفيه وسرعان ماسحبها من سمع صوت العمال يدخلون العشا
كانت نجلاء بتصرخ من اليد اللي جرتها لكن أسرع يحط يده على ثغرها يسكتها
خالد: اصص انت ليه تطلعين كذا وفي رياجيل فالمكان
شهقت نجلاء من عرفته وحاولت انها تبعد لكنه كان محاصرها مع الجدار ويده محاوطة خصرها يشدها له وقال: اسكتي انا خالد
نزل يده اللي على ثغرها وقالت بتلعثم: اانا بررووح
خالد: من جدك تبين تطلعين ما تسمعين العمال اللي برا
انصدم خالد منها وتأكد انها نفسها اللي دخلت عليه في المطبخ ونفسها اللي شافها ترقص كان فعلا مذهول من فستانها الأحمر اللي مزين من فوق ببعض اللآلئ وفتحة تبين جزء من صدرها ومكياجها الخفيف والعقد اللي يزين نحرها كانت جميلة حرفيا توجع القلب
قرب منها خالد وهو تحت تأثير جمالها وريحتها وانوثتها ،، حشر راسه بين عندها وقال بتخدر : انتِ اي وحده فأخوات عقاب
انصدمت نجلاء من حركاته وقالت بتلعثم: تكفى خااالد ااابعد انا انا نجلاء
قرب منها اكثر
***************************
حاولت اني أخلي البارت طويل وانتظر ارائكم
لا تنسون ذكر الله