من عيون الناس يا نجد اسرقيني

النهايه ٣٧

بسم الله
لا تنسون تقيمون البارت
قراءة ممتعه
اعتذر عن أي خطأ إملائي بدر مني
***********************
الفندق
التفتت لتركي تشوفه يغمض عيونه وضحكت وقالت: تبي تنام
فتح عيونه ومسح وجهه وقال: اي والله
ضحكت وطفت التلفاز وقالت: طيب روح للسرير
تركي: ما بتجين
العنود: جايه
وقف يمشي للسرير ينسدح ومرت دقايق وشافها جايه طفت النور ورفعت اللحاف تتوسط السرير
سحبها لعنده يحشر راسه في عنقها يشم ريحة عطرها
رجف قلبها وتوترت من حركته
تركي: خليك
رفعت يدها لشعره تبتسم بهدوء تسكر عيونها مستلمه للنوم
الصباح
المستشفى
فيصل: انا للحين مو فاهم ليه جايين مع الوقت ذا
الهنوف: ياااخي الدكتورة تداوم الحين
فيصل: اساسا شفيك حتى نجي
الهنوف: يااا ربي صبرك لما ندخل بنعرف وش فيني
سكت يجلس جنبها ينتظرون دورهم
بعد ساعه
مريم ونايف اللي كانوا جالسين كذلك ينتظرون دورهم ووقفوا من سمعوا ندائهم يوسعوا عيونهم من فيصل والهنوف اللي طلعوا
نايف: فيصل
ناظر فيصل فالهنوف وقال: شتسوون هنا
نايف: انتوا اللي شتسوون
ضحكت الهنوف تناظر في مريم وقالت: لا تقولينها
هزت راسها مريم وضحكت الهنوف
فيصل: انا فالسيارة لا تتأخرين
هزت راسها وقال نايف: انتي مريضه ولا شي
نفت براسها وقالت: زيي زيها
التفت لمريم اللي تضحك وقال: احلفييي
هزت راسها الهنوف يقرب منها يضمها وقال: الله بصير خال وأب فنفس الوقت
ضحكت وقالت: متى عرفتي
مريم: حللت البارح وطلع إيجابي
ابتسمت وقالت الهنوف:والله حلوة الصدفه ذي
ضحكت وقالت: يلا انا بروح فيصل ينتظر
هزوا رؤوسهم وخرجت عند فيصل تركب السيارة
فيصل؛ وش فيهم ليه جو
الهنوف: زوجته حامل
التفت لها وقال: وشششش
ضحكت وقالت: والله العظيم حتى انا صدموني
فيصل: وش الصدفه ذي
مسك يدها يقبلها وقال: ماني مستوعب بصير اب
ابتسمت وقالت: احلى اب
ضحك يحرك راجع للبيت
_________
بعد مرور أسبوع بدون اي أحداث جديده
العنود وتركي اللي رجعوا من شهر العسل واستقروا في بيت اهله
فارس وملاذ اللي سافروا لدبي شهر عسل ورجعوا كذلك واستقروا في شقة فارس
نجد اللي دخلت لشهرها وصار الوضع شبه صعب عليها وعقاب اللي يحاول يهديها ويزيح الخوف الللي مستقر في قلبها
حازم وفرح اللي كانوا يمرون بأيام جميله يعوضون الايام اللي قبل
بيت العم عايض
الحوش
منيرة: وين القهوة
نجلاء: نسيتها بجيبها الحين
وسعت عيونها نجد وقالت: مووويه
التفتت نجلاء وقالت: تبينها بارده ولا من الحنفية
الغاليه: لا لا جيبي لها من الحنفية مو زين البارد
نجد بصراخ: اقووولكم مووويه
احلام: يا بنتي بتجيب لك اصبري
الجود اللي كانت مستغربه ملامح نجد وقالت: اصبروا نجد ايش تقصدين
بلعت ريقها نجد وقالت: بوووولد اقوووولكم
فزت نجلاء وقالت: وشوو
منيرة: يااا بنت نادي عقااااب بسرعه
قربوا منها ووقفوها تلبس عباتها وعقاب اللي طلع من المجلس بسرعه من سمع صراخ نجلاء يشوف نجد ماسكه بطنها بألم تبكي
قرب منها وقال: وش فيهااا
منيرة: وديييها بتولد بسرعه
وسع عيونه يحملها بسرعه يشوف امه وامها جايين معاهم
وسيارة ابوه اللي كانت فيها جدته وجدها والجود ونجلاء
بعد مده قليله وصلوا ونجد اللي كانت فعلا تتألم وتصارخ على عقاب يسرع وهو اللي كان متوتر وخايف
نزلها بسرعه ودخل بها وصرخ ينادي الدكتورة
اخذوها منه يدخلوها قسم الولادة
جلس على الكرسي يشوفهم جايين لعنده
قربت منه منيرة وقالت: عقاب وش فيك يا ولدي
مسح وجهه وقال: خايفه اكيد
سكتت وقالت: اكيد بتخاف لكن بيسهلها ربي ادعي معاها يا ولدي ترا صعب عليها وهي لسا صغيرة
عند نجلاء والجود اللي كانوا جالسين جنب بعض ويناظرون لعقاب اللي فعلا واضح عليه التوتر
نجلاء: يوجع
هزت راسها الجود وقالت: طبيعي بس نجد قويه
نجلاء: الله يكون معاها
عند نجد اللي كانت في قمة ألمها لكن ارتخت من سمعت بكاء ثنيان اللي كان نتفة فايد الدكتورة
بابتسامه قربت منها تحطه على صدرها وقالت: مبروك عليك
ابتسمت تمنع دموعها تشوفه صغير مرررة وكيف يبكي وقالت: تنادين زوجي
هزت راسها الدكتورة تطلع لعندهم وقالت: وينه زوجها
فز بسرعه وقال: وش فيه وش صار
ابتسمت تريحه وقالت: الحمد لله تيسر كل شي وهي تبيك الحين
زفر نفسه يرتاح يهز راسه يدخل ترفع عيونها له
قرب منها وقبل جبينها وقال: نجد
ابتسمت وقالت: هذا ولدنا
مسح دموعه وقال: صغير مرررة
ضحكت تهز راسها وقالت: يشبهك
ابتسم يتأمل ملامحه يتقدم منها ياخذه بين اياديه يحس بشعور مختلف ما يقدر يوصفه يشوف ابنه وقطعه منه بين اياديه شعور غريييب
رفعه يأذن في اذنه ونجد المبتسمه لسا مو مستوعبة انها صارت ام
قربت منهم النيرس وقالت: ممكن ناخذه عشان نروشه وترتاحين انتي وبعدين نجيبه عشان يرضع
هز راسه يمده لها والتفت لنجد يقبل جبينها مرة ثانيه وقال: آسف يا روحي
ابتسمت وقالت: ليه
عقاب: مدري توجعتي صح بسببي
منعت ضحكتها وقالت: لا تضحكني ترا يوجع
ضحك وقبل جبينها
بعد مده وصل الخبر للأهل اللي بدوا يرسلون لعقاب وبباركون له
عند نجد بعدما غيرت ملابسها وجهزت نفسها انسدحت على السرير تشوف عقاب يدخل مع أهله اللي باركوا لها والبنات اللي يضحكون معاها يغيرون نفسيتها
بعد مده دخلت النيرس مع بيبي ثنيان
اخذته تقربه منها واجتمعوا عليه يناظرون صغر حجمه يذكرون الله والكل اتفق انه يشبه ثنيان
بعد ما سولفوا وباركوا لهم رجعوا للبيت ونجد اللي كانت بتطلع العصر
أخذته من سمعته يبكي وقالت: ما يبي يسكت
ضحك عقاب وقال: يمكن يبي يرضع رضعيه
سكتت تناظر في عقاب تنتظره يصد لكنه ما صد وقعد يناظر فيها رغم انه فهمها لكن قعد يناظرها عقاب: ترا ما بصد
بلعت ريقه ترفع اللحاف وضحك عقاب وقال: حااافظك يا بنت
صدت عنه تبتسم بخجل تسمع صوت بلع ثنيان للحليب شعور غريب لكنه مفرح
اليوم اللي بعده واللي كان عقيقة ثنيان حيث أن الاهل كله اجتمع في بيت العم عايض
عايض: وين الذبايح
خالد: دخلناهم
عايض: اجل نادي عقاب ترا المعازيم جو
هز راسه يناظر عقاب
عند البنات اللي كانوا مع نجد في الصاله وثنيان اللي فحضنها
ملاذ: صراحه مو مستوعبة
ضحكت ليان وقالت: والله العظيم آخر وحدة كنت أتوقع انها تتزوج وتولد بعد
ضحكت نجلاء وقالت: وش شعور الامومه يا نجد
ابتسمت نجد وقالت: يا زينه بس
ضحكوا البنات وقالت: لكن ضروري يكون ازعاج
الجود: عادي بتتعودين
فرح: الا كم انتي الحين
الجود: ٦
ناظرت الهنوف في مريم وقالت: بنقولكم شي انا ومريم
التفتوا لها البنات وقالت: انا حامل
مريم: وانا حامل
توسعت عيون البنات وقالت العنود: وش وش
ضحكت الهنوف وقالت: والله العظيم وتخيلوا تصادفنا في المشفى
مريم: وثنيناتنا في الشهر الأول
نجد: الله يالصدفه
عند العيال
خالد: وبس هذا الموضوع كامل
فيصل: وانا اقول وش بلاك ذاك اليوم
سكت خالد ورفع يده فيصل لكتفه وقال: ما عليك المهم انها في بيت اهلها
التفتوا لعقاب اللي قال: وش موقفكم هنا ترا بنحط الغدا الحين
هزوا رؤوسهم يدخلون للمجلس
بعد سنتين
الرياض
شقة فيصل
الهنوف: بس ابي افهم انا كل ما احطك في مكان تجين عندي حبيبتي ماما اجلسي هنا شوفي في العاب
نفت براسها وقالت: باابااا
اخذت نفس الهنوف وقالت: يا مامي بابا لسا ما جا
وقفت نوف من سمعت صوت المفاتيح دليل وصول فيصل من دوامه وراحت تركض عنده
نوف: بابا جا بابا جا
ابتسمت الهنوف توقف وراحت لعندهم وقالت: من الصباح وهي تبكي عليك
أخذها فيصل لحضنه وقال: اشتقتي لبابا
هزت راسها نوف وقال: طيب بابا جاب لك هديه
صفقت نوف بفرح والتفت للهنوف يقرب منها يقبل خدها وقال: ازعجتك
الهنوف بخجل: يعني
ضحك ونزلها على الأرض وقال: تعالي شوفي ايش جبت لك
ركضت لعنده تشوفه يفتح الكيس يطلع منه عروسة
نقزت بفرح وطفوليه واخذتها منه تلتفت للهنوف وقالت: ماما شووو في حلو هذا حلو
ضحكت الهنوف تبوس خدها وفالت: انتي الحلوة يا روحي
ضحك فيصل وفال: طيب روحي لغرفتك والعبي بها يلا
ركضت لغرفتها يلتفت للهنوف يقرب منها يقبلها بهدوء وقال: تبين هديتك انتي بعد
ضحكت الهنوف وقالت اممم يعني ما نسيتني
فيصل: وشلون انساك انا شلووون
اخذ الكيس يمده لها واخذته تفتحه ووسعت عيونها وقالت: فيييصل
قرب منها يضمها وقال: تستاهلين أكثر يا روحي
دمعت عيونها واخذت الطقم تتأمل جماله وقالت: الماس ذااا
هز راسه وضمته بقوة وقالت: يااا حظي فيك والله
ابعدت تقبل خده وقال: والله انك تستاهلين وما يليق الا عليك
بيت سطام
سطام: لياااان
سمعت صوته ليان تقول: حنا هنااا عند الورود
خرج لعندهم يشوف دلوعته جالسه في حضن امها يقطفون الازهار
سطام: اممم ما اشتاق لي أحد اليوم
فزت تلتفت وقالت: س سطيم
ضحكت ليان وقالت: يا حبيبتي هذا بابا مو سطيم
ضحك سطام يقرب منهم يضمها لعنده وقالت وسن: الا انتي تقولين سطام وانا اقول سطيم
قبل خدها وقال: يااا حلو سطيم هذي يااا حلوها
ضحكت من دغدغها يلتفت لليان يسكر عيون وسن يقبل ثغر ليان برقه وقال: ما اشتقتي انتي
ضحكت ليان وابعدته وقالت: لا
ابعد اياديه عن عيون وسن وقال: افا يالثقيله
ضحكت ليان وقالت: بنتك هنا لا تجيب العيد
ضحك وقال: ما عليك الغدا جاهز
هزت راسها توقف ونفضت ملابسها وقالت: غسلوا اياديكم و يلا
بيت عقاب
دخل للمطبخ وتوسعت عيونه يقول: يااا ويلي يا ويلك من امك وش سويت
فز ثنيان وقال: مو انا
عقاب: ومين اذا مو انت
لف يوريه لتين وقال: هي مو انا
عقاب: تضحك على من انت كيف بتقدر تسوي شي كذا ساسا انت اللي متعبي كلك
ثنيان: اي اي انا بس لا تقول لماما بتضربني
التفتوا لشهقة نجد تشوف الطحين كلوا على الأرض وثنيان اللي معبي راسه و لتين اللي تاكل في الطحين اللي فالارض وقالت: وشش الحاله هذي من مسوي كذااااا
ثنيان برجاء: بابا تكفى بابا
عقاب:يا ولد بتقتلني انا وياك
قربت منهم وقالت: اعترفوا
ثنيان: مو انا بابا اللي طيحه
وسع عيونه عقاب وقال: وش تقول يا ولد والله مو انا يا نجد هو ولدك
نجد بعصبيه: تضحكون علي انتوا قسم بالله لو رجعت وشفت الحاله لسا كذا ما بيصير خير
اخذت لتين تمسح اياديها وقبل لا تطلع قالت: ابي المطبخ يرجع يشقشق
خرجت تضحك مع لتين وقالت: يستاهلون
التفت لثنيان وقالت: شفت فين وصلتنا وليه تكذب تقول انا
ثنيان: اخاف من ماما حتى انت تخاف
وسع عيونه وقال: ما اخاف انا
ضحك ثنيان وقال: اي واضح
سكت عقاب وقال: صادق
شقة فارس
المطبخ
العنود: كم شهر الحين
ملاذ: ٢
العنود: لسا مطولة
التفتت لروح اللي قالت: ماما حمد يقول انا مزيونة صح
شهقت العنود وقالت: وشش
ضحكت ملاذ وقالت: ما يستحي هالولد عندي
ضحكت العنود وقالت: اي يا حبيبتي هو صادق انتي مزيونة
روح بدلع: اجل لما نكبر بنتزوج انا وهو زيك انتي وبابا
ضحكت العنود تناظر في ملاذ اللي قالت: مستقبلهم باين
العنود: اي والله
بيت حازم
فرح: طيب افتحي فمك
تكتف بزعل وقال: ابي طيري طيري
فرح: يااا ربي لا تجننني كل
دمعت عيونه وقالت: خلاص ماما حبيبي افتح افتح طيري طيري طيري
فتح فمه وادخلت اللقمه وقالت: اوووبااا حبيبي
قبلت خده واكملت تطعمه
عند حازم اللي كان نازل الدرج يسمعهم وقرب منهم وقال: وش تسوون
فز ماجد يركض عند حازم وقال: ابييي اروح العاب
ضحكت فرح وقامت وقالت: تبي شي
نفى براسه والتفت لماجد وقال: تبي تروح العاب
هز راسه ماجد وفال حازم: طيب روح البس
فرح: انت صادق
هز راسه حازم وقال: نغير جو
ضحكت تقرب منهم تاخذ ماجد توديه لغرفته تلبسه
بيت العم عايض
جناح خالد
فتحت عيونها بانزعاج تشوف سلطان اللي يمسح على وجهها وضحكت تقول بخمول: متى قمت
سلطان بصوت طفولي: قبل شوي
ضحكت تعتدل تلتفت لخالد النايم وقالت: طيب روح وخلي بابا ينام انا شوي واجيك تمام
هز راسه وقربت تقبل خده وقالت: مسسسك مسسك
دغدغته يضحك ووقف تشوفه يطلع من الغرفة
تنهدت تبي تنزل من السرير لكنه مسكها بسرعه يعتليها وقال: تبين تجربين المسك الحقيقي
فزت برعب تقول: يممه توّك كنت نايم
ضحك يحشر راسه في نحرها وقال: من قال
ابتسمت بخفه ترفع اياديها لشعره وقالت: يعني ما كنت نايم تمثل علينا انت
ارتجف جسمها من قبل نحرها يطبع علامة ملكيته عليها وقال: ما ودك بأخ لسلطان
وسعت عيونها تدفه تبي تقومه وقالت: خالد كأن احد يناديك برا
ضحك ورفع وجهه ناحيتها وقال بهيام: ما ودك ارجع اسوي اللي سويته البارح
وسعت عيونها بصدمه وجرأة من كلامها تضربه على صدره وقالت: قليل ادب قووم عني
ضحك من ملامحها يقول: هاتي بوسه
نجلاء بعصبيه: خااالد قوم عن..
قطع كلامها من قبلها بقوة يمنعها تكمل كلامها ما يقدر يوصف فرحته وسعادته بأنها الحين له رغم ان مر سنتين على زواجهم لكنه يعتبره كأنه امبارح كيف انها صارت حلاله وجزء منه يلتجأ لها كل ما ضاق صدره وهي اللي ابدا ما كانت اقل منه تحتويه بكل ما فيه توقف معاه تحاول تعوض الايام اللي كانوا بعاد على بعضهم واللي زاد حبهم وقوّاه ولدهم الصغير سلطان ثمرة حبهم يصعب عليهم فكرة انهم يمر يوم بدون لا يشوفون بعض .......
******************************
الحمد لله هذا البارت ختام للرواية اللي بديناها بتاريخ ١٥ شوال ١٤٤٥ وانتهت بتاريخ ١٤ ربيع الأول ١٤٤٦
صراحه شعور غريب اني اختمها لكن الحمد لله. ونلتقي بروايه ثانيه ان شاء الله باحداث مغااايرة تماما فأتمنى منكم تعطوني رأيكم الصريح بالرواية وهل استحق اني ابدا رواية جديده بنتظر ارائكم ولا تنسون تقيمون البارت
استودعتكم الله إلى ذلك الحين [ العبارة هذي قلتها من انسانه اتابعها مدري بتابعونها كذلك ولا لا]

قالو توادع قلت ياصعب الوداع
وشلون أوادع من معه قلبي وديع

قلبي معه والسر من فرقاه ظاع
صحيح من يفقد زمام امره يضيع

الى ذكرت الخد والسود الوساع
تسابقت غارات عبراتي جميع

اصبر على الهجران قدر المستطاع
أحمل همومي للخلا وأشري وأبيع

أبيع شي بالجواهر ما يباع
بعته رخيص وضاق توي كل ريع

بين الرجا والياس يشتد النزاع
بعده دهر ومشاهده لي ربيع

تستدرج الأيام مفتول الذراع
من حيث لا يعلم ويرمي بالسريع